Yuddha Kanda Sarga 34 – யுத்³த⁴காண்ட³ சதுஸ்த்ரிம்ஶ꞉ ஸர்க³꞉ (34)


॥ ராவணநிஶ்சயகத²நம் ॥

அத² தாம் ஜாதஸந்தாபாம் தேந வாக்யேந மோஹிதாம் ।
ஸரமா ஹ்லாத³யாமாஸ ப்ருதி²வீம் த்³யௌரிவாம்ப⁴ஸா ॥ 1 ॥

ததஸ்தஸ்யா ஹிதம் ஸக்²யாஶ்சிகீர்ஷந்தீ ஸகீ²வச꞉ ।
உவாச காலே காலஜ்ஞா ஸ்மிதபூர்வாபி⁴பா⁴ஷிணீ ॥ 2 ॥

உத்ஸஹேயமஹம் க³த்வா த்வத்³வாக்யமஸிதேக்ஷணே ।
நிவேத்³ய குஶலம் ராமே ப்ரதிச்ச²ந்நா நிவர்திதும் ॥ 3 ॥

ந ஹி மே க்ரமமாணாயா நிராளம்பே³ விஹாயஸி ।
ஸமர்தோ² க³திமந்வேதும் பவநோ க³ருடோ³(அ)பி வா ॥ 4 ॥

ஏவம் ப்³ருவாணாம் தாம் ஸீதா ஸரமாம் புநரப்³ரவீத் ।
மது⁴ரம் ஶ்லக்ஷ்ணயா வாசா பூர்வம் ஶோகாபி⁴பந்நயா ॥ 5 ॥

ஸமர்தா² க³க³நம் க³ந்துமபி வா த்வம் ரஸாதலம் ।
அவக³ச்சா²ம்யகர்தவ்யம் கர்தவ்யம் தே மத³ந்தரே ॥ 6 ॥

மத்ப்ரியம் யதி³ கர்தவ்யம் யதி³ பு³த்³தி⁴꞉ ஸ்தி²ரா தவ ।
ஜ்ஞாதுமிச்சா²மி தம் க³த்வா கிம் கரோதீதி ராவண꞉ ॥ 7 ॥

ஸ ஹி மாயாப³ல꞉ க்ரூரோ ராவண꞉ ஶத்ருராவண꞉ ।
மாம் மோஹயதி து³ஷ்டாத்மா பீதமாத்ரேவ வாருணீ ॥ 8 ॥

தர்ஜாபயதி மாம் நித்யம் ப⁴ர்த்ஸாபயதி சாஸக்ருத் ।
ராக்ஷஸீபி⁴꞉ ஸுகோ⁴ராபி⁴ர்யா மாம் ரக்ஷந்தி நித்யஶ꞉ ॥ 9 ॥

உத்³விக்³நா ஶங்கிதா சாஸ்மி ந ஸ்வஸ்த²ம் ச மநோ மம ।
தத்³ப⁴யாச்சாஹமுத்³விக்³நா அஶோகவநிகாம் க³தா ॥ 10 ॥

யதி³ நாம கதா² தஸ்ய நிஶ்சிதம் வா(அ)பி யத்³ப⁴வேத் ।
நிவேத³யேதா²꞉ ஸர்வம் தத்பரோ மே ஸ்யாத³நுக்³ரஹ꞉ ॥ 11 ॥

ஸா த்வேவம் ப்³ருவதீம் ஸீதாம் ஸரமா வல்கு³பா⁴ஷிணீ ।
உவாச வத³நம் தஸ்யா꞉ ஸ்ப்ருஶந்தீ பா³ஷ்பவிக்லவம் ॥ 12 ॥

ஏஷ தே யத்³யபி⁴ப்ராயஸ்ததா³ க³ச்சா²மி ஜாநகி ।
க்³ருஹ்ய ஶத்ரோரபி⁴ப்ராயமுபாவ்ருத்தாம் ச பஶ்ய மாம் ॥ 13 ॥

ஏவமுக்த்வா ததோ க³த்வா ஸமீபம் தஸ்ய ரக்ஷஸ꞉ ।
ஶுஶ்ராவ கதி²தம் தஸ்ய ராவணஸ்ய ஸமந்த்ரிண꞉ ॥ 14 ॥

ஸா ஶ்ருத்வா நிஶ்சயம் தஸ்ய நிஶ்சயஜ்ஞா து³ராத்மந꞉ ।
புநரேவாக³மத் க்ஷிப்ரமஶோகவநிகாம் ததா³ ॥ 15 ॥

ஸா ப்ரவிஷ்டா புநஸ்தத்ர த³த³ர்ஶ ஜநகாத்மஜாம் ।
ப்ரதீக்ஷமாணாம் ஸ்வாமேவ ப்⁴ரஷ்டபத்³மாமிவ ஶ்ரியம் ॥ 16 ॥

தாம் து ஸீதா புந꞉ ப்ராப்தாம் ஸரமாம் வல்கு³பா⁴ஷிணீம் ।
பரிஷ்வஜ்ய ச ஸுஸ்நிக்³த⁴ம் த³தௌ³ ச ஸ்வயமாஸநம் ॥ 17 ॥

இஹாஸீநா ஸுக²ம் ஸர்வமாக்²யாஹி மம தத்த்வத꞉ ।
க்ரூரஸ்ய நிஶ்சயம் தஸ்ய ராவணஸ்ய து³ராத்மந꞉ ॥ 18 ॥

ஏவமுக்தா து ஸரமா ஸீதயா வேபமாநயா ।
கதி²தம் ஸர்வமாசஷ்ட ராவணஸ்ய ஸமந்த்ரிண꞉ ॥ 19 ॥

ஜநந்யா ராக்ஷஸேந்த்³ரோ வை த்வந்மோக்ஷார்த²ம் ப்³ருஹத்³வச꞉ ।
அவித்³தே⁴ந ச வைதே³ஹி மந்த்ரிவ்ருத்³தே⁴ந போ³தி⁴த꞉ ॥ 20 ॥

தீ³யதாமபி⁴ஸத்க்ருத்ய மநுஜேந்த்³ராய மைதி²லீ ।
நித³ர்ஶநம் தே பர்யாப்தம் ஜநஸ்தா²நே யத³த்³பு⁴தம் ॥ 21 ॥

லங்க⁴நம் ச ஸமுத்³ரஸ்ய த³ர்ஶநம் ச ஹநூமத꞉ ।
வத⁴ம் ச ரக்ஷஸாம் யுத்³தே⁴ க꞉ குர்யாந்மாநுஷோ பு⁴வி ॥ 22 ॥

ஏவம் ஸ மந்த்ரிவ்ருத்³தை⁴ஶ்சாவித்³தே⁴ந ப³ஹு பா⁴ஷித꞉ ।
ந த்வாமுத்ஸஹதே மோக்துமர்த²மர்த²பரோ யதா² ॥ 23 ॥

நோத்ஸஹத்யம்ருதோ மோக்தும் யுத்³தே⁴ த்வாமிதி மைதி²லி ।
ஸாமாத்யஸ்ய ந்ருஶம்ஸஸ்ய நிஶ்சயோ ஹ்யேஷ வர்ததே ॥ 24 ॥

ததே³ஷா நிஶ்சிதா பு³த்³தி⁴ர்ம்ருத்யுலோபா⁴து³பஸ்தி²தா ।
ப⁴யாந்ந ஶக்தஸ்த்வாம் மோக்துமநிரஸ்தஸ்து ஸம்யுகே³ ॥ 25 ॥

ராக்ஷஸாநாம் ச ஸர்வேஷாமாத்மநஶ்ச வதே⁴ந ஹி ।
நிஹத்ய ராவணம் ஸங்க்²யே ஸர்வதா² நிஶிதை꞉ ஶரை꞉ ॥ 26 ॥

ப்ரதிநேஷ்யதி ராமஸ்த்வாமயோத்⁴யாமஸிதேக்ஷணே ।
ஏதஸ்மிந்நந்தரே ஶப்³தோ³ பே⁴ரீஶங்க²ஸமாகுல꞉ ।
ஶ்ருதோ வாநரஸைந்யாநாம் கம்பயந்த⁴ரணீதலம் ॥ 27 ॥

ஶ்ருத்வா து தத்³வாநரஸைந்யஶப்³த³ம்
லங்காக³தா ராக்ஷஸராஜப்⁴ருத்யா꞉ ।
நஷ்டௌஜஸோ தை³ந்யபரீதசேஷ்டா꞉
ஶ்ரேயோ ந பஶ்யந்தி ந்ருபஸ்ய தோ³ஷை꞉ ॥ 28 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே யுத்³த⁴காண்டே³ சதுஸ்த்ரிம்ஶ꞉ ஸர்க³꞉ ॥ 34 ॥

யுத்³த⁴காண்ட³ பஞ்சத்ரிம்ஶ꞉ ஸர்க³꞉ (35) >>


ஸம்பூர்ண வால்மீகி ராமாயணே யுத்³த⁴காண்ட³ பார்க்க.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed