Yuddha Kanda Sarga 27 – யுத்³த⁴காண்ட³ ஸப்தவிம்ஶ꞉ ஸர்க³꞉ (27)

ஸ்தோத்ரநிதி → வால்மீகி ராமாயணே யுத்³த⁴காண்ட³ → யுத்³த⁴காண்ட³ ஸப்தவிம்ஶ꞉ ஸர்க³꞉ (27)

॥ ஹராதி³வாநரபராக்ரமாக்²யாநம் ॥

தாம்ஸ்து தே(அ)ஹம் ப்ரவக்ஷ்யாமி ப்ரேக்ஷமாணஸ்ய யூத²பாந் ।
ராக⁴வார்தே² பராக்ராந்தா யே ந ரக்ஷந்தி ஜீவிதம் ॥ 1 ॥

ஸ்நிக்³தா⁴ யஸ்ய ப³ஹுவ்யாமா வாலா லாங்கூ³ளமாஶ்ரிதா꞉ ।
தாம்ரா꞉ பீதா꞉ ஸிதா꞉ ஶ்வேதா꞉ ப்ரகீர்ணா கோ⁴ரகர்மண꞉ ॥ 2 ॥

ப்ரக்³ருஹீதா꞉ ப்ரகாஶந்தே ஸூர்யஸ்யேவ மரீசய꞉ ।
ப்ருதி²வ்யாம் சாநுக்ருஷ்யந்தே ஹரோ நாமைஷ யூத²ப꞉ ॥ 3 ॥

யம் ப்ருஷ்ட²தோ(அ)நுக³ச்ச²ந்தி ஶதஶோ(அ)த² ஸஹஸ்ரஶ꞉ ।
த்³ருமாநுத்³யம்ய ஸஹஸா லங்காரோஹணதத்பரா꞉ ॥ 4 ॥

ஏஷ கோடிஸஹஸ்ரேண வாநராணாம் மஹௌஜஸாம் ।
ஆகாங்க்ஷதே த்வாம் ஸங்க்³ராமே ஜேதும் பரபுரஞ்ஜய ॥ 5 ॥

யூத²பா ஹரிராஜஸ்ய கிங்கரா꞉ ஸமுபஸ்தி²தா꞉ ।
நீலாநிவ மஹாமேகா⁴ம்ஸ்திஷ்ட²தோ யாம்ஸ்து பஶ்யஸி ॥ 6 ॥

அஸிதாஞ்ஜநஸங்காஶாந்யுத்³தே⁴ ஸத்யபராக்ரமாந் ।
அஸங்க்²யேயாநநிர்தே³ஶ்யாந்பரம் பாரமிவோத³தே⁴꞉ ॥ 7 ॥

பர்வதேஷு ச யே கேசித்³விஷமேஷு நதீ³ஷு ச ।
ஏதே த்வாமபி⁴வர்தந்தே ராஜந்ந்ருக்ஷா꞉ ஸுதா³ருணா꞉ ॥ 8 ॥

ஏஷாம் மத்⁴யே ஸ்தி²தோ ராஜந்பீ⁴மாக்ஷோ பீ⁴மத³ர்ஶந꞉ ।
பர்ஜந்ய இவ ஜீமூதை꞉ ஸமந்தாத்பரிவாரித꞉ ॥ 9 ॥

ருக்ஷவந்தம் கி³ரிஶ்ரேஷ்ட²மத்⁴யாஸ்தே நர்மதா³ம் பிப³ந் ।
ஸர்வர்க்ஷாணாமதி⁴பதிர்தூ⁴ம்ரோ நாமைஷ யூத²ப꞉ ॥ 10 ॥

யவீயாநஸ்ய து ப்⁴ராதா பஶ்யைநம் பர்வதோபமம் ।
ப்⁴ராத்ரா ஸமாநோ ரூபேண விஶிஷ்டஸ்து பராக்ரமை꞉ ॥ 11 ॥

ஸ ஏஷ ஜாம்ப³வாந்நாம மஹாயூத²பயூத²ப꞉ ।
ப்ரக்ராந்தோ கு³ருவர்தீ ச ஸம்ப்ரஹாரேஷ்வமர்ஷண꞉ ॥ 12 ॥

ஏதேந ஸாஹ்யம் ஸுமஹத்க்ருதம் ஶக்ரஸ்ய தீ⁴மதா ।
தை³வாஸுரே ஜாம்ப³வதா லப்³தா⁴ஶ்ச ப³ஹவோ வரா꞉ ॥ 13 ॥

ஆருஹ்ய பர்வதாக்³ரேப்⁴யோ மஹாப்⁴ரவிபுலா꞉ ஶிலா꞉ ।
முஞ்சந்தி விபுலாகாரா ந ம்ருத்யோருத்³விஜந்தி ச ॥ 14 ॥

ராக்ஷஸாநாம் ச ஸத்³ருஶா꞉ பிஶாசாநாம் ச லோமஶா꞉ ।
ஏதஸ்ய ஸைந்யா ப³ஹவோ விசரந்த்யக்³நிதேஜஸ꞉ ॥ 15 ॥

யம் த்வேநமபி⁴ஸம்ரப்³த⁴ம் ப்லவமாநமிவ ஸ்தி²தம் ।
ப்ரேக்ஷந்தே வாநரா꞉ ஸர்வே ஸ்தி²தா யூத²பயூத²பம் ॥ 16 ॥

ஏஷ ராஜந்ஸஹஸ்ராக்ஷம் பர்யுபாஸ்தே ஹரீஶ்வர꞉ ।
ப³லேந ப³லஸம்பந்நோ த³ம்போ⁴ நாமைஷ யூத²ப꞉ ॥ 17 ॥

ய꞉ ஸ்தி²தம் யோஜநே ஶைலம் க³ச்ச²ந்பார்ஶ்வேந ஸேவதே ।
ஊர்த்⁴வம் ததை²வ காயேந க³த꞉ ப்ராப்நோதி யோஜநம் ॥ 18 ॥

யஸ்மாந்ந பரமம் ரூபம் சதுஷ்பாதே³ஷு வித்³யதே ।
ஶ்ருத꞉ ஸந்நாத³நோ நாம வாநராணாம் பிதாமஹ꞉ ॥ 19 ॥

யேந யுத்³த⁴ம் புரா த³த்தம் ரணே ஶக்ரஸ்ய தீ⁴மதா ।
பராஜயஶ்ச ந ப்ராப்த꞉ ஸோ(அ)யம் யூத²பயூத²ப꞉ ॥ 20 ॥

யஸ்ய விக்ரமமாணஸ்ய ஶக்ரஸ்யேவ பராக்ரம꞉ ।
ஏஷ க³ந்த⁴ர்வகந்யாயாமுத்பந்ந꞉ க்ருஷ்ணவர்த்மந꞉ ॥ 21 ॥

ததா³ தை³வாஸுரே யுத்³தே⁴ ஸாஹ்யார்த²ம் த்ரிதி³வௌகஸாம் ।
யஸ்ய வைஶ்ரவணோ ராஜா ஜம்பூ³முபநிஷேவதே ॥ 22 ॥

யோ ராஜா பர்வதேந்த்³ராணாம் ப³ஹுகிந்நரஸேவிநாம் ।
விஹாரஸுக²தோ³ நித்யம் ப்⁴ராதுஸ்தே ராக்ஷஸாதி⁴ப ॥ 23 ॥

தத்ரைவ வஸதி ஶ்ரீமாந்ப³லவாந்வாநரர்ஷப⁴꞉ ।
யுத்³தே⁴ஷ்வகத்த²நோ நித்யம் க்ரத²நோ நாம யூத²ப꞉ ॥ 24 ॥

வ்ருத꞉ கோடிஸஹஸ்ரேண ஹரீணாம் ஸமுபஸ்தி²த꞉ ।
ஏஷைவாஶம்ஸதே லங்காம் ஸ்வேநாநீகேந மர்தி³தும் ॥ 25 ॥

யோ க³ங்கா³மநுபர்யேதி த்ராஸயந்ஹஸ்தியூத²பாந் ।
ஹஸ்திநாம் வாநராணாம் ச பூர்வவைரமநுஸ்மரந் ॥ 26 ॥

ஏஷ யூத²பதிர்நேதா க³ச்ச²ந்கி³ரிகு³ஹாஶய꞉ ।
க³ஜாந்யோத⁴யதே வந்யாக்³நிரீம்ஶ்சைவ மஹீருஹாந் ॥ 27 ॥

ஹரீணாம் வாஹிநீமுக்²யோ நதீ³ம் ஹைமவதீமநு ।
உஶீரபீ³ஜமாஶ்ரித்ய பர்வதம் மந்த³ரோபமம் ॥ 28 ॥

ரமதே வாநரஶ்ரேஷ்டோ² தி³வி ஶக்ர இவ ஸ்வயம் ।
ஏநம் ஶதஸஹஸ்ராணாம் ஸஹஸ்ரமநுவர்ததே ॥ 29 ॥

வீர்யவிக்ரமத்³ருப்தாநாம் நர்த³தாம் ப³லஶாலிநாம் ।
ஸ ஏஷ நேதா சைதேஷாம் வாநராணாம் மஹாத்மநாம் ॥ 30 ॥

ஸ ஏஷ து³ர்த⁴ரோ ராஜந்ப்ரமாதீ² நாம யூத²ப꞉ ।
வாதேநேவோத்³த⁴தம் மேக⁴ம் யமேநமநுபஶ்யஸி ॥ 31 ॥

அநீகமபி ஸம்ரப்³த⁴ம் வாநராணாம் தரஸ்விநாம் ।
உத்³தூ⁴தமருணாபா⁴ஸம் பவநேந ஸமந்தத꞉ ॥ 32 ॥

விவர்தமாநம் ப³ஹுதா⁴ யத்ரைதத்³ப³ஹுளம் ரஜ꞉ ।
ஏதே(அ)ஸிதமுகா² கோ⁴ரா கோ³ளாங்கூ³ளா மஹாப³லா꞉ ॥ 33 ॥

ஶதம் ஶதஸஹஸ்ராணி த்³ருஷ்ட்வா வை ஸேதுப³ந்த⁴நம் ।
கோ³ளாங்கூ³ளம் மஹாவேக³ம் க³வாக்ஷம் நாம யூத²பம் ॥ 34 ॥

பரிவார்யாபி⁴வர்தந்தே லங்காம் மர்தி³துமோஜஸா ।
ப்⁴ரமராசரிதா யத்ர ஸர்வகாலப²லத்³ருமா꞉ ॥ 35 ॥

யம் ஸூர்யஸ்துல்யவர்ணாப⁴மநுபர்யேதி பர்வதம் ।
யஸ்ய பா⁴ஸா ஸதா³ பா⁴ந்தி தத்³வர்ணா ம்ருக³பக்ஷிண꞉ ॥ 36 ॥

யஸ்ய ப்ரஸ்த²ம் மஹாத்மாநோ ந த்யஜந்தி மஹர்ஷய꞉ ।
ஸர்வகாமப²லா வ்ருக்ஷா꞉ ஸதா³ ப²லஸமந்விதா꞉ ॥ 37 ॥

மதூ⁴நி ச மஹார்ஹாணி யஸ்மிந்பர்வதஸத்தமே ।
தத்ரைஷ ரமதே ராஜந்ரம்யே காஞ்சநபர்வதே ॥ 38 ॥

முக்²யோ வாநரமுக்²யாநாம் கேஸரீ நாம யூத²ப꞉ ।
ஷஷ்டி²ர்கி³ரிஸஹஸ்ராணாம் ரம்யா꞉ காஞ்சநபர்வதா꞉ ॥ 39 ॥

தேஷாம் மத்⁴யே கி³ரிவரஸ்த்வமிவாநக⁴ ரக்ஷஸாம் ।
தத்ரைதே கபிலா꞉ ஶ்வேதாஸ்தாம்ராஸ்யா மது⁴பிங்க³ளா꞉ ॥ 40 ॥

நிவஸந்த்யுத்தமகி³ரௌ தீக்ஷ்ணத³ம்ஷ்ட்ரா நகா²யுதா⁴꞉ ।
ஸிம்ஹா இவ சதுர்த³ம்ஷ்ட்ரா வ்யாக்⁴ரா இவ து³ராஸதா³꞉ ॥ 41 ॥

ஸர்வே வைஶ்வாநரஸமா ஜ்வலிதாஶீவிஷோபமா꞉ ।
ஸுதீ³ர்கா⁴ஞ்சிதலாங்கூ³ளா மத்தமாதங்க³ஸந்நிபா⁴꞉ ॥ 42 ॥

மஹாபர்வதஸங்காஶா மஹாஜீமூதநி꞉ஸ்வநா꞉ ।
வ்ருத்தபிங்க³ளரக்தாக்ஷா பீ⁴மபீ⁴மக³திஸ்வரா꞉ ॥ 43 ॥

மர்த³யந்தீவ தே ஸர்வே தஸ்து²ர்லங்காம் ஸமீக்ஷ்ய தே ।
ஏஷ சைஷாமதி⁴பதிர்மத்⁴யே திஷ்ட²தி வீர்யவாந் ॥ 44 ॥

ஜயார்தீ² நித்யமாதி³த்யமுபதிஷ்ட²தி பு³த்³தி⁴மாந் ।
நாம்நா ப்ருதி²வ்யாம் விக்²யாதோ ராஜந் ஶதவலீதி ய꞉ ॥ 45 ॥

ஏஷைவாஶம்ஸதே லங்காம் ஸ்வேநாநீகேந மர்தி³தும் ।
விக்ராந்தோ ப³லவாந் ஶூர꞉ பௌருஷே ஸ்வே வ்யவஸ்தி²த꞉ ॥ 46 ॥

ராமப்ரியார்த²ம் ப்ராணாநாம் த³யாம் ந குருதே ஹரி꞉ ।
க³ஜோ க³வாக்ஷோ க³வயோ ளோ நீலஶ்ச வாநர꞉ ॥ 47 ॥

ஏகைக ஏவ யூதா²நாம் கோடிபி⁴ர்த³ஶபி⁴ர்வ்ருத꞉ ।
ததா²(அ)ந்யே வாநரஶ்ரேஷ்டா² விந்த்⁴யபர்வதவாஸிந꞉ ।
ந ஶக்யந்தே ப³ஹுத்வாத்து ஸங்க்²யாதும் லகு⁴விக்ரமா꞉ ॥ 48 ॥

ஸர்வே மஹாராஜ மஹாப்ரபா⁴வா꞉
ஸர்வே மஹாஶைலநிகாஶகாயா꞉ ।
ஸர்வே ஸமர்தா²꞉ ப்ருதி²வீம் க்ஷணேந
கர்தும் ப்ரவித்⁴வஸ்தவிகீர்ணஶைலாம் ॥ 49 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே யுத்³த⁴காண்டே³ ஸப்தவிம்ஶ꞉ ஸர்க³꞉ ॥ 27 ॥

யுத்³த⁴காண்ட³ அஷ்டாவிம்ஶ꞉ ஸர்க³꞉ (28) >>

---

ஸம்பூர்ண வால்மீகி ராமாயணே யுத்³த⁴காண்ட³ பார்க்க.

---