Yuddha Kanda Sarga 127 – யுத்³த⁴காண்ட³ ஸப்தவிம்ஶத்யுத்தரஶததம꞉ ஸர்க³꞉ (127)


॥ ப⁴ரத்³வாஜாமந்த்ரணம் ॥

பூர்ணே சதுர்த³ஶே வர்ஷே பஞ்சம்யாம் லக்ஷ்மணாக்³ரஜ꞉ ।
ப⁴ரத்³வாஜாஶ்ரமம் ப்ராப்ய வவந்தே³ நியதோ முநிம் ॥ 1 ॥

ஸோ(அ)ப்ருச்ச²த³பி⁴வாத்³யைநம் ப⁴ரத்³வாஜம் தபோத⁴நம் ।
ஶ்ருணோஷி கச்சித்³ப⁴க³வந்ஸுபி⁴க்ஷாநாமயம் புரே ॥ 2 ॥

கச்சிச்ச யுக்தோ ப⁴ரதோ ஜீவந்த்யபி ச மாதர꞉ ।
ஏவமுக்தஸ்து ராமேண ப⁴ரத்³வாஜோ மஹாமுநி꞉ ॥ 3 ॥

ப்ரத்யுவாச ரகு⁴ஶ்ரேஷ்ட²ம் ஸ்மிதபூர்வம் ப்ரஹ்ருஷ்டவத் ।
பங்கதி³க்³த⁴ஸ்து ப⁴ரதோ ஜடிலஸ்த்வாம் ப்ரதீக்ஷதே ॥ 4 ॥

பாது³கே தே புரஸ்க்ருத்ய ஸர்வம் ச குஶலம் க்³ருஹே ।
த்வாம் புரா சீரவஸநம் ப்ரவிஶந்தம் மஹாவநம் ॥ 5 ॥

ஸ்த்ரீத்ருதீயம் ச்யுதம் ராஜ்யாத்³த⁴ர்மகாமம் ச கேவலம் ।
பதா³திம் த்யக்தஸர்வஸ்வம் பிதுர்வசநகாரிணம் ॥ 6 ॥

ஸர்வபோ⁴கை³꞉ பரித்யக்தம் ஸ்வர்க³ச்யுதமிவாமரம் ।
த்³ருஷ்ட்வா து கருணா பூர்வம் மமாஸீத்ஸமிதிஞ்ஜய ॥ 7 ॥

கைகேயீவசநே யுக்தம் வந்யமூலப²லாஶிநம் ।
ஸாம்ப்ரதம் ஸுஸம்ருத்³தா⁴ர்த²ம் ஸமித்ரக³ணபா³ந்த⁴வம் ॥ 8 ॥

ஸமீக்ஷ்ய விஜிதாரிம் த்வாம் மம ப்ரீதிரநுத்தமா ।
ஸர்வம் ச ஸுக²து³꞉க²ம் தே விதி³தம் மம ராக⁴வ ॥ 9 ॥

யத்த்வயா விபுலம் ப்ராப்தம் ஜநஸ்தா²நவதா⁴தி³கம் ।
ப்³ராஹ்மணார்தே² நியுக்தஸ்ய ரக்ஷிது꞉ ஸர்வதாபஸாந் ॥ 10 ॥

ராவணேந ஹ்ருதா பா⁴ர்யா ப³பூ⁴வேயமநிந்தி³தா ।
மாரீசத³ர்ஶநம் சைவ ஸீதோந்மத²நமேவ ச ॥ 11 ॥

கப³ந்த⁴த³ர்ஶநம் சைவ பம்பாபி⁴க³மநம் ததா² ।
ஸுக்³ரீவேண ச தே ஸக்²யம் யச்ச வாலீ ஹதஸ்த்வயா ॥ 12 ॥

மார்க³ணம் சைவ வைதே³ஹ்யா꞉ கர்ம வாதாத்மஜஸ்ய ச ।
விதி³தாயாம் ச வைதே³ஹ்யாம் ளஸேதுர்யதா² க்ருத꞉ ॥ 13 ॥

யதா² வா தீ³பிதா லங்கா ப்ரஹ்ருஷ்டைர்ஹரியூத²பை꞉ ।
ஸபுத்ரபா³ந்த⁴வாமாத்ய꞉ ஸப³ல꞉ ஸஹவாஹந꞉ ॥ 14 ॥

யதா² விநிஹத꞉ ஸங்க்²யே ராவணோ தே³வகண்டக꞉ ।
ஸமாக³மஶ்ச த்ரித³ஶைர்யதா² த³த்தஶ்ச தே வர꞉ ॥ 15 ॥

ஸர்வம் மமைதத்³விதி³தம் தபஸா த⁴ர்மவத்ஸல ।
அஹமப்யத்ர தே த³த்³மி வரம் ஶஸ்த்ரப்⁴ருதாம் வர ॥ 16 ॥

அர்க்⁴யமத்³ய க்³ருஹாணேத³மயோத்⁴யாம் ஶ்வோ க³மிஷ்யஸி ।
தஸ்ய தச்சி²ரஸா வாக்யம் ப்ரதிக்³ருஹ்ய ந்ருபாத்மஜ꞉ ॥ 17 ॥

பா³ட⁴மித்யேவ ஸம்ஹ்ருஷ்டோ தீ⁴மாந்வரமயாசத ।
அகாலே ப²லிநோ வ்ருக்ஷா꞉ ஸர்வே சாபி மது⁴ஸ்ரவா꞉ ॥ 18 ॥ [வ்ரதா꞉]

ப²லாந்யம்ருதகல்பாநி ப³ஹூநி விவிதா⁴நி ச ।
ப⁴வந்து மார்கே³ ப⁴க³வந்நயோத்⁴யாம் ப்ரதி க³ச்ச²த꞉ ॥ 19 ॥

ததே²தி ச ப்ரதிஜ்ஞாதே வசநாத்ஸமநந்தரம் ।
அப⁴வந்பாத³பாஸ்தத்ர ஸ்வர்க³பாத³பஸந்நிபா⁴꞉ ॥ 20 ॥

நிஷ்ப²லா꞉ ப²லிநஶ்சாஸந்விபுஷ்பா꞉ புஷ்பஶாலிந꞉ ।
ஶுஷ்கா꞉ ஸமக்³ரபத்ராஸ்தே நகா³ஶ்சைவ மது⁴ஸ்ரவா꞉ ।
ஸர்வதோ யோஜநா த்ரீணி க³ச்ச²தாமப⁴வம்ஸ்ததா³ ॥ 21 ॥

தத꞉ ப்ரஹ்ருஷ்டா꞉ ப்லவக³ர்ஷபா⁴ஸ்தே
ப³ஹூநி தி³வ்யாநி ப²லாநி சைவ ।
காமாது³பாஶ்நந்தி ஸஹஸ்ரஶஸ்தே
முதா³ந்விதா꞉ ஸ்வர்க³ஜிதோ யதை²வ ॥ 22 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே யுத்³த⁴காண்டே³ ஸப்தவிம்ஶத்யுத்தரஶததம꞉ ஸர்க³꞉ ॥ 127 ॥

யுத்³த⁴காண்ட³ அஷ்டாவிம்ஶத்யுத்தரஶததம꞉ ஸர்க³꞉ (128) >>


ஸம்பூர்ண வால்மீகி ராமாயணே யுத்³த⁴காண்ட³ பார்க்க.


గమనిక: "శ్రీ లక్ష్మీ స్తోత్రనిధి" ముద్రణ పూర్తి అయినది. Click here to buy

Report mistakes and corrections in Stotranidhi content.

Facebook Comments
error: Not allowed
%d bloggers like this: