Yuddha Kanda Sarga 113 – யுத்³த⁴காண்ட³ த்ரயோத³ஶோத்தரஶததம꞉ ஸர்க³꞉ (113)

॥ ராவணாந்த꞉புரபரிதே³வநம் ॥

ராவணம் நிஹதம் ஶ்ருத்வா ராக⁴வேண மஹாத்மநா ।
அந்த꞉புராத்³விநிஷ்பேதூ ராக்ஷஸ்ய꞉ ஶோககர்ஶிதா꞉ ॥ 1 ॥

வார்யமாணா꞉ ஸுப³ஹுஶோ வேஷ்டந்த்ய꞉ க்ஷிதிபாம்ஸுஷு ।
விமுக்தகேஶ்யோ து³꞉கா²ர்தா கா³வோ வத்ஸஹதா இவ ॥ 2 ॥

உத்தரேண விநிஷ்க்ரம்ய த்³வாரேண ஸஹ ராக்ஷஸை꞉ ।
ப்ரவிஶ்யாயோத⁴நம் கோ⁴ரம் விசிந்வந்த்யோ ஹதம் பதிம் ॥ 3 ॥

ராஜபுத்ரேதிவாதி³ந்யோ ஹா நாதே²தி ச ஸர்வஶ꞉ ।
பரிபேது꞉ கப³ந்தா⁴ங்காம் மஹீம் ஶோணிதகர்த³மாம் ॥ 4 ॥

தா பா³ஷ்பபரிபூர்ணாக்ஷ்யோ ப⁴ர்த்ருஶோகபராஜிதா꞉ ।
கரேண்வ இவ நர்த³ந்த்யோ விநேது³ர்ஹதயூத²பா꞉ ॥ 5 ॥

த³த்³ருஶுஸ்தம் மஹாவீர்யம் மஹாகாயம் மஹாத்³யுதிம் ।
ராவணம் நிஹதம் பூ⁴மௌ நீலாஞ்ஜநசயோபமம் ॥ 6 ॥

தா꞉ பதிம் ஸஹஸா த்³ருஷ்ட்வா ஶயாநம் ரணபாம்ஸுஷு ।
நிபேதுஸ்தஸ்ய கா³த்ரேஷு ச்சி²ந்நா வநலதா இவ ॥ 7 ॥

ப³ஹுமாநாத்பரிஷ்வஜ்ய காசிதே³நம் ருரோத³ ஹ ।
சரணௌ காசிதா³ளிங்க்³ய காசித்கண்டே²(அ)வலம்ப்³ய ச ॥ 8 ॥

உத்³த்⁴ருத்ய ச பு⁴ஜௌ காசித்³பூ⁴மௌ ஸ்ம பரிவர்ததே ।
ஹதஸ்ய வத³நம் த்³ருஷ்ட்வா காசிந்மோஹமுபாக³மத் ॥ 9 ॥

காசித³ங்கே ஶிர꞉ க்ருத்வா ருரோத³ முக²மீக்ஷதீ ।
ஸ்நாபயந்தீ முக²ம் பா³ஷ்பைஸ்துஷாரைரிவ பங்கஜம் ॥ 10 ॥

ஏவமார்தா꞉ பதிம் த்³ருஷ்ட்வா ராவணம் நிஹதம் பு⁴வி ।
சுக்ருஶுர்ப³ஹுதா⁴ ஶோகாத்³பூ⁴யஸ்தா꞉ பர்யதே³வயந் ॥ 11 ॥

யேந வித்ராஸித꞉ ஶக்ரோ யேந வித்ராஸிதோ யம꞉ ।
யேந வைஶ்ரவணோ ராஜா புஷ்பகேண வியோஜித꞉ ॥ 12 ॥

க³ந்த⁴ர்வாணாம்ருஷீணாம் ச ஸுராணாம் ச மஹாத்மநாம் ।
ப⁴யம் யேந மஹத்³த³த்தம் ஸோ(அ)யம் ஶேதே ரணே ஹத꞉ ॥ 13 ॥

அஸுரேப்⁴ய꞉ ஸுரேப்⁴யோ வா பந்நகே³ப்⁴யோ(அ)பி வா ததா² ।
ந ப⁴யம் யோ விஜாநாதி தஸ்யேத³ம் மாநுஷாத்³ப⁴யம் ॥ 14 ॥

அவத்⁴யோ தே³வதாநாம் யஸ்ததா² தா³நவரக்ஷஸாம் ।
ஹத꞉ ஸோ(அ)யம் ரணே ஶேதே மாநுஷேண பதா³திநா ॥ 15 ॥

யோ ந ஶக்ய꞉ ஸுரைர்ஹந்தும் ந யக்ஷைர்நாஸுரைஸ்ததா² ।
ஸோ(அ)யம் கஶ்சிதி³வாஸத்த்வோ ம்ருத்யும் மர்த்யேந லம்பி⁴த꞉ ॥ 16 ॥

ஏவம் வத³ந்த்யோ ப³ஹுதா⁴ ருருது³ஸ்தஸ்ய தா꞉ ஸ்த்ரிய꞉ ।
பூ⁴ய ஏவ ச து³꞉கா²ர்தா விளேபுஶ்ச புந꞉புந꞉ ॥ 17 ॥

அஶ்ருண்வதா ச ஸுஹ்ருதா³ம் ஸததம் ஹிதவாதி³நாம் ।
மரணாயாஹ்ருதா ஸீதா கா⁴திதாஶ்ச நிஶாசரா꞉ ॥ 18 ॥

ஏதா꞉ ஸமமிதா³நீம் தே வயமாத்மா ச பாதிதா꞉ ।
ப்³ருவாணோ(அ)பி ஹிதம் வாக்யமிஷ்டோ ப்⁴ராதா விபீ⁴ஷண꞉ ॥ 19 ॥

த்⁴ருஷ்டம் பருஷிதோ மோஹாத்த்வயா(ஆ)த்மவத⁴காங்க்ஷிணா ।
யதி³ நிர்யாதிதா தே ஸ்யாத்ஸீதா ராமாய மைதி²லீ ॥ 20 ॥

ந ந꞉ ஸ்யாத்³வ்யஸநம் கோ⁴ரமித³ம் மூலஹரம் மஹத் ।
வ்ருத்தகாமோ ப⁴வேத்³ப்⁴ராதா ராமோ மித்ரகுலம் ப⁴வேத் ॥ 21 ॥

வயம் சாவித⁴வா꞉ ஸர்வா꞉ ஸகாமா ந ச ஶத்ரவ꞉ ।
த்வயா புநர்ந்ருஶம்ஸேந ஸீதாம் ஸம்ருந்த⁴தா ப³லாத் ॥ 22 ॥

ராக்ஷஸா வயமாத்மா ச த்ரயம் துல்யம் நிபாதிதம் ।
ந காமகார꞉ காமம் வா தவ ராக்ஷஸபுங்க³வ ॥ 23 ॥

தை³வம் சேஷ்டயதே ஸர்வம் ஹதம் தை³வேந ஹந்யதே ।
வாநராணாம் விநாஶோ(அ)யம் ரக்ஷஸாம் ச மஹாஹவே ॥ 24 ॥

தவ சைவ மஹாபா³ஹோ தை³வயோகா³து³பாக³த꞉ ।
நைவார்தே²ந ந காமேந விக்ரமேண ந சாஜ்ஞயா ॥ 25 ॥

ஶக்யா தை³வக³திர்லோகே நிவர்தயிதுமுத்³யதா ।
விளேபுரேவம் தீ³நாஸ்தா ராக்ஷஸாதி⁴பயோஷித꞉ ।
குரர்ய இவ து³꞉கா²ர்தா பா³ஷ்பபர்யாகுலேக்ஷணா꞉ ॥ 26 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே யுத்³த⁴காண்டே³ த்ரயோத³ஶோத்தரஶததம꞉ ஸர்க³꞉ ॥ 113 ॥

யுத்³த⁴காண்ட³ சதுர்த³ஶோத்தரஶததம꞉ ஸர்க³꞉ (114) >>

---

ஸம்பூர்ண வால்மீகி ராமாயணே யுத்³த⁴காண்ட³ பார்க்க

Did you see any mistake/variation in the content above? Click here to report mistakes and corrections in Stotranidhi content.