Yuddha Kanda Sarga 112 – யுத்³த⁴காண்ட³ த்³வாத³ஶோத்தரஶததம꞉ ஸர்க³꞉ (112)

॥ விபீ⁴ஷணவிளாப꞉ ॥

ப்⁴ராதரம் நிஹதம் த்³ருஷ்ட்வா ஶயாநம் ராமநிர்ஜிதம் ।
ஶோகவேக³பரீதாத்மா விளலாப விபீ⁴ஷண꞉ ॥ 1 ॥

வீர விக்ராந்தவிக்²யாத விநீத நயகோவித³ ।
மஹார்ஹஶயநோபேத கிம் ஶேஷே(அ)த்³ய ஹதோ பு⁴வி ॥ 2 ॥

விக்ஷிப்ய தீ³ர்கௌ⁴ நிஶ்சேஷ்டௌ பு⁴ஜாவங்க³த³பூ⁴ஷிதௌ ।
முகுடேநாபவ்ருத்தேந பா⁴ஸ்கராகாரவர்சஸா ॥ 3 ॥

ததி³த³ம் வீர ஸம்ப்ராப்தம் மயா பூர்வம் ஸமீரிதம் ।
காமமோஹபரீதஸ்ய யத்தே ந ருசிதம் வச꞉ ॥ 4 ॥

யந்ந த³ர்பாத்ப்ரஹஸ்தோ வா நேந்த்³ரஜிந்நாபரே ஜநா꞉ ।
ந கும்ப⁴கர்ணோ(அ)திரதோ² நாதிகாயோ நராந்தக꞉ ॥ 5 ॥

ந ஸ்வயம் த்வமமந்யேதா²ஸ்தஸ்யோத³ர்கோ(அ)யமாக³த꞉ ।
க³த꞉ ஸேது꞉ ஸுநீதாநாம் க³தோ த⁴ர்மஸ்ய விக்³ரஹ꞉ ॥ 6 ॥

க³த꞉ ஸத்த்வஸ்ய ஸங்க்ஷேப꞉ ப்ரஸ்தாவாநாம் க³திர்க³தா ।
ஆதி³த்ய꞉ பதிதோ பூ⁴மௌ மக்³நஸ்தமஸி சந்த்³ரமா꞉ ॥ 7 ॥

சித்ரபா⁴நு꞉ ப்ரஶாந்தார்சிர்வ்யவஸாயோ நிருத்³யம꞉ ।
அஸ்மிந்நிபதிதே பூ⁴மௌ வீரே ஶஸ்த்ரப்⁴ருதாம் வரே ॥ 8 ॥

கிம் ஶேஷமிவ லோகஸ்ய ஹதவீரஸ்ய ஸாம்ப்ரதம் ।
ரணே ராக்ஷஸஶார்தூ³ளே ப்ரஸுப்த இவ பாம்ஸுஷு ॥ 9 ॥

த்⁴ருதிப்ரவாள꞉ ப்ரஸஹாக்³ர்யபுஷ்ப꞉
தபோப³ல꞉ ஶௌர்யநிப³த்³த⁴மூல꞉ ।
ரணே மஹாந்ராக்ஷஸராஜவ்ருக்ஷ꞉
ஸம்மர்தி³தோ ராக⁴வமாருதேந ॥ 10 ॥

தேஜோவிஷாண꞉ குலவம்ஶவம்ஶ꞉
கோபப்ரஸாதா³பரகா³த்ரஹஸ்த꞉ ।
இக்ஷ்வாகுஸிம்ஹாவக்³ருஹீததே³ஹ꞉
ஸுப்த꞉ க்ஷிதௌ ராவணக³ந்த⁴ஹஸ்தீ ॥ 11 ॥

பராக்ரமோத்ஸாஹவிஜ்ரும்பி⁴தார்சி꞉
நிஶ்வாஸதூ⁴ம꞉ ஸ்வப³லப்ரதாப꞉ ।
ப்ரதாபவாந்ஸம்யதி ராக்ஷஸாக்³நி꞉
நிர்வாபிதோ ராமபயோத⁴ரேண ॥ 12 ॥

ஸிம்ஹர்க்ஷலாங்கூ³ளககுத்³விஷாண꞉
பராபி⁴ஜித்³க³ந்த⁴நக³ந்த⁴ஹஸ்தீ ।
ரக்ஷோவ்ருஷஶ்சாபலகர்ணசக்ஷு꞉
க்ஷிதீஶ்வரவ்யாக்⁴ரஹதோ(அ)வஸந்ந꞉ ॥ 13 ॥

வத³ந்தம் ஹேதுமத்³வாக்யம் பரிம்ருஷ்டார்த²நிஶ்சயம் ।
ராம꞉ ஶோகஸமாவிஷ்டமித்யுவாச விபீ⁴ஷணம் ॥ 14 ॥

நாயம் விநஷ்டோ நிஶ்சேஷ்ட꞉ ஸமரே சண்ட³விக்ரம꞉ ।
அத்யுந்நதமஹோத்ஸாஹ꞉ பதிதோ(அ)யமஶங்கித꞉ ॥ 15 ॥

நைவம் விநஷ்டா꞉ ஶோச்யந்தே க்ஷத்ரத⁴ர்மமவஸ்தி²தா꞉ ।
வ்ருத்³தி⁴மாஶம்ஸமாநா யே நிபதந்தி ரணாஜிரே ॥ 16 ॥

யேந ஸேந்த்³ராஸ்த்ரயோ லோகாஸ்த்ராஸிதா யுதி⁴ தீ⁴மதா ।
தஸ்மிந்காலஸமாயுக்தே ந கால꞉ பரிஶோசிதும் ॥ 17 ॥

நைகாந்தவிஜயோ யுத்³தே⁴ பூ⁴தபூர்வ꞉ கதா³சந ।
பரைர்வா ஹந்யதே வீர꞉ பராந்வா ஹந்தி ஸம்யுகே³ ॥ 18 ॥

இயம் ஹி பூர்வை꞉ ஸந்தி³ஷ்டா க³தி꞉ க்ஷத்ரியஸம்மதா ।
க்ஷத்ரியோ நிஹத꞉ ஸங்க்²யே ந ஶோச்ய இதி நிஶ்சய꞉ ॥ 19 ॥

ததே³வம் நிஶ்சயம் த்³ருஷ்ட்வா தத்த்வமாஸ்தா²ய விஜ்வர꞉ ।
யதி³ஹாநந்தரம் கார்யம் கல்ப்யம் தத³நுசிந்தய ॥ 20 ॥

தமுக்தவாக்யம் விக்ராந்தம் ராஜபுத்ரம் விபீ⁴ஷண꞉ ।
உவாச ஶோகஸந்தப்தோ ப்⁴ராதுர்ஹிதமநந்தரம் ॥ 21 ॥

யோ(அ)யம் விமர்தே³ஷு ந ப⁴க்³நபூர்வ꞉
ஸுரை꞉ ஸமேதை꞉ ஸஹ வாஸவேந ।
ப⁴வந்தமாஸாத்³ய ரணே விப⁴க்³நோ
வேலாமிவாஸாத்³ய யதா² ஸமுத்³ர꞉ ॥ 22 ॥

அநேந த³த்தாநி ஸுபூஜிதாநி
பு⁴க்தாஶ்ச போ⁴கா³ நிப்⁴ருதாஶ்ச ப்⁴ருத்யா꞉ ।
த⁴நாநி மித்ரேஷு ஸமர்பிதாநி
வைராண்யமித்ரேஷு ச யாபிதாநி ॥ 23 ॥

ஏஷோ ஹிதாக்³நஶ்ச மஹாதபாஶ்ச
வேதா³ந்தக³꞉ கர்மஸு சாக்³ர்யவீர்ய꞉ ।
ஏதஸ்ய யத்ப்ரேதக³தஸ்ய க்ருத்யம்
தத்கர்துமிச்சா²மி தவ ப்ரஸாதா³த் ॥ 24 ॥

ஸ தஸ்ய வாக்யை꞉ கருணைர்மஹாத்மா
ஸம்போ³தி⁴த꞉ ஸாது⁴ விபீ⁴ஷணேந ।
ஆஜ்ஞாபயாமாஸ நரேந்த்³ரஸூநு꞉
ஸ்வர்கீ³யமாதா⁴நமதீ³நஸத்த்வ꞉ ॥ 25 ॥

மரணாந்தாநி வைராணி நிர்வ்ருத்தம் ந꞉ ப்ரயோஜநம் ।
க்ரியதாமஸ்ய ஸம்ஸ்காரோ மமாப்யேஷ யதா² தவ ॥ 26 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே யுத்³த⁴காண்டே³ த்³வாத³ஶோத்தரஶததம꞉ ஸர்க³꞉ ॥ 112 ॥

யுத்³த⁴காண்ட³ த்ரயோத³ஶோத்தரஶததம꞉ ஸர்க³꞉ (113) >>

---

ஸம்பூர்ண வால்மீகி ராமாயணே யுத்³த⁴காண்ட³ பார்க்க

Did you see any mistake/variation in the content above? Click here to report mistakes and corrections in Stotranidhi content.