Read in తెలుగు / ಕನ್ನಡ / தமிழ் / देवनागरी / English (IAST)
॥ பௌலஸ்த்யவத⁴꞉ ॥
அத² ஸம்ஸ்மாரயாமாஸ ராக⁴வம் மாதலிஸ்ததா³ ।
அஜாநந்நிவ கிம் வீர த்வமேநமநுவர்தஸே ॥ 1 ॥
விஸ்ருஜாஸ்மை வதா⁴ய த்வமஸ்த்ரம் பைதாமஹம் ப்ரபோ⁴ ।
விநாஶகால꞉ கதி²தோ ய꞉ ஸுரை꞉ ஸோ(அ)த்³ய வர்ததே ॥ 2 ॥
தத꞉ ஸம்ஸ்மாரிதோ ராமஸ்தேந வாக்யேந மாதலே꞉ ।
ஜக்³ராஹ ஸஶரம் தீ³ப்தம் நி꞉ஶ்வஸந்தமிவோரக³ம் ॥ 3 ॥
யமஸ்மை ப்ரத²மம் ப்ராதா³த³க³ஸ்த்யோ ப⁴க³வாந்ருஷி꞉ ।
ப்³ரஹ்மத³த்தம் மஹாபா³ணமமோக⁴ம் யுதி⁴ வீர்யவாந் ॥ 4 ॥
ப்³ரஹ்மணா நிர்மிதம் பூர்வமிந்த்³ரார்த²மமிதௌஜஸா ।
த³த்தம் ஸுரபதே꞉ பூர்வம் த்ரிலோகஜயகாங்க்ஷிண꞉ ॥ 5 ॥
யஸ்ய வாஜேஷு பவந꞉ ப²லே பாவகபா⁴ஸ்கரௌ ।
ஶரீரமாகாஶமயம் கௌ³ரவே மேருமந்த³ரௌ ॥ 6 ॥
ஜாஜ்வல்யமாநம் வபுஷா ஸுபுங்க²ம் ஹேமபூ⁴ஷிதம் ।
தேஜஸா ஸர்வபூ⁴தாநாம் க்ருதம் பா⁴ஸ்கரவர்சஸம் ॥ 7 ॥
ஸதூ⁴மமிவ காலாக்³நிம் தீ³ப்தமாஶீவிஷம் யதா² ।
பரநாகா³ஶ்வவ்ருந்தா³நாம் பே⁴த³நம் க்ஷிப்ரகாரிணம் ॥ 8 ॥
த்³வாராணாம் பரிகா⁴ணாம் ச கி³ரீணாமபி பே⁴த³நம் ।
நாநாருதி⁴ரஸிக்தாங்க³ம் மேதோ³தி³க்³த⁴ம் ஸுதா³ருணம் ॥ 9 ॥
வஜ்ரஸாரம் மஹாநாத³ம் நாநாஸமிதிதா³ரணம் ।
ஸர்வவித்ராஸநம் பீ⁴மம் ஶ்வஸந்தமிவ பந்நக³ம் ॥ 10 ॥
கங்கக்³ருத்⁴ரப³லாநாம் ச கோ³மாயுக³ணரக்ஷஸாம் ।
நித்யம் ப⁴க்ஷ்யப்ரத³ம் யுத்³தே⁴ யமரூபம் ப⁴யாவஹம் ॥ 11 ॥
நந்த³நம் வாநரேந்த்³ராணாம் ரக்ஷஸாமவஸாத³நம் ।
வாஜிதம் விவிதை⁴ர்வாஜைஶ்சாருசித்ரைர்க³ருத்மத꞉ ॥ 12 ॥
தமுத்தமேஷும் லோகாநாமிக்ஷ்வாகுப⁴யநாஶநம் ।
த்³விஷதாம் கீர்திஹரணம் ப்ரஹர்ஷகரமாத்மந꞉ ॥ 13 ॥
அபி⁴மந்த்ர்ய ததோ ராமஸ்தம் மஹேஷும் மஹாப³ல꞉ ।
வேத³ப்ரோக்தேந விதி⁴நா ஸந்த³தே⁴ கார்முகே ப³லீ ॥ 14 ॥
தஸ்மிந்ஸந்தீ⁴யமாநே து ராக⁴வேண ஶரோத்தமே ।
ஸர்வபூ⁴தாநி வித்ரேஸுஶ்சசால ச வஸுந்த⁴ரா ॥ 15 ॥
ஸ ராவணாய ஸங்க்ருத்³தோ⁴ ப்⁴ருஶமாயம்ய கார்முகம் ।
சிக்ஷேப பரமாயத்தஸ்தம் ஶரம் மர்மகா⁴திநம் ॥ 16 ॥
ஸ வஜ்ர இவ து³ர்த⁴ர்ஷோ வஜ்ரிபா³ஹுவிஸர்ஜித꞉ ।
க்ருதாந்த இவ சாவார்யோ ந்யபதத்³ராவணோரஸி ॥ 17 ॥
ஸ விஸ்ருஷ்டோ மஹாவேக³꞉ ஶரீராந்தகர꞉ ஶர꞉ ।
பி³பே⁴த³ ஹ்ருத³யம் தஸ்ய ராவணஸ்ய து³ராத்மந꞉ ॥ 18 ॥
ருதி⁴ராக்த꞉ ஸ வேகே³ந ஜீவிதாந்தகர꞉ ஶர꞉ ।
ராவணஸ்ய ஹரந்ப்ராணாந்விவேஶ த⁴ரணீதலம் ॥ 19 ॥
ஸ ஶரோ ராவணம் ஹத்வா ருதி⁴ரார்த்³ரீக்ருதச்ச²வி꞉ ।
க்ருதகர்மா நிப்⁴ருதவத்ஸ்வதூணீம் புநராக³மத் ॥ 20 ॥
தஸ்ய ஹஸ்தாத்³த⁴தஸ்யாஶு கார்முகம் தத்ஸஸாயகம் ।
நிபபாத ஸஹ ப்ராணைர்ப்⁴ரஶ்யமாநஸ்ய ஜீவிதாத் ॥ 21 ॥
க³தாஸுர்பீ⁴மவேக³ஸ்து நைர்ருதேந்த்³ரோ மஹாத்³யுதி꞉ ।
பபாத ஸ்யந்த³நாத்³பூ⁴மௌ வ்ருத்ரோ வஜ்ரஹதோ யதா² ॥ 22 ॥
தம் த்³ருஷ்ட்வா பதிதம் பூ⁴மௌ ஹதஶேஷா நிஶாசரா꞉ ।
ஹதநாதா² ப⁴யத்ரஸ்தா꞉ ஸர்வத꞉ ஸம்ப்ரது³த்³ருவு꞉ ॥ 23 ॥
நர்த³ந்தஶ்சாபி⁴பேதுஸ்தாந்வாநரா த்³ருமயோதி⁴ந꞉ ।
த³ஶக்³ரீவவத⁴ம் த்³ருஷ்ட்வா விஜயம் ராக⁴வஸ்ய ச ॥ 24 ॥
அர்தி³தா வாநரைர்ஹ்ருஷ்டைர்லங்காமப்⁴யபதந்ப⁴யாத் ।
க³தாஶ்ரயத்வாத்கருணைர்பா³ஷ்பப்ரஸ்ரவணைர்முகை²꞉ ॥ 25 ॥
ததோ விநேது³꞉ ஸம்ஹ்ருஷ்டா வாநரா ஜிதகாஶிந꞉ ।
வத³ந்தோ ராக⁴வஜயம் ராவணஸ்ய ச தத்³வத⁴ம் ॥ 26 ॥
அதா²ந்தரிக்ஷே வ்யநத³த்ஸௌம்யஸ்த்ரித³ஶது³ந்து³பி⁴꞉ ।
தி³வ்யக³ந்த⁴வஹஸ்தத்ர மாருத꞉ ஸஸுகோ² வவௌ ॥ 27 ॥
நிபபாதாந்தரிக்ஷாச்ச புஷ்பவ்ருஷ்டிஸ்ததா³ பு⁴வி ।
கிரந்தீ ராக⁴வரத²ம் து³ரவாபா மநோரமா ॥ 28 ॥
ராக⁴வஸ்தவஸம்யுக்தா க³க³நே(அ)பி ச ஶுஶ்ருவே ।
ஸாது⁴ ஸாத்⁴விதி வாக³க்³ர்யா தை³வதாநாம் மஹாத்மநாம் ॥ 29 ॥
ஆவிவேஶ மஹாஹர்ஷோ தே³வாநாம் சாரணை꞉ ஸஹ ।
ராவணே நிஹதே ரௌத்³ரே ஸர்வலோகப⁴யங்கரே ॥ 30 ॥
தத꞉ ஸகாமம் ஸுக்³ரீவமங்க³த³ம் ச மஹாப³லம் ।
சகார ராக⁴வ꞉ ப்ரீதோ ஹத்வா ராக்ஷஸபுங்க³வம் ॥ 31 ॥
தத꞉ ப்ரஜக்³மு꞉ ப்ரஶமம் மருத்³க³ணா
தி³ஶ꞉ ப்ரஸேது³ர்விமலம் நபோ⁴(அ)ப⁴வத் ।
மஹீ சகம்பே ந ஹி மாருதோ வவௌ
ஸ்தி²ரப்ரப⁴ஶ்சாப்யப⁴வத்³தி³வாகர꞉ ॥ 32 ॥
ததஸ்து ஸுக்³ரீவவிபீ⁴ஷணாத³ய꞉
ஸுஹ்ருத்³விஶேஷா꞉ ஸஹலக்ஷ்மணாஸ்ததா³ ।
ஸமேத்ய ஹ்ருஷ்டா விஜயேந ராக⁴வம்
ரணே(அ)பி⁴ராமம் விதி⁴நா ஹ்யபூஜயந் ॥ 33 ॥
ஸ து நிஹதரிபு꞉ ஸ்தி²ரப்ரதிஜ்ஞ꞉
ஸ்வஜநப³லாபி⁴வ்ருதோ ரணே ரராஜ ।
ரகு⁴குலந்ருபநந்த³நோ மஹௌஜா-
-ஸ்த்ரித³ஶக³ணைரபி⁴ஸம்வ்ருதோ யதே²ந்த்³ர꞉ ॥ 34 ॥
இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே யுத்³த⁴காண்டே³ ஏகாத³ஶோத்தரஶததம꞉ ஸர்க³꞉ ॥ 111 ॥
யுத்³த⁴காண்ட³ த்³வாத³ஶோத்தரஶததம꞉ ஸர்க³꞉ (112) >>
ஸம்பூர்ண வால்மீகி ராமாயணே யுத்³த⁴காண்ட³ பார்க்க
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
