Sundarakanda Sarga (Chapter) 44 – ஸுந்த³ரகாண்ட³ சதுஶ்சத்வாரிம்ஶ꞉ ஸர்க³꞉ (44)


॥ ஜம்பு³மாலிவத⁴꞉ ॥

ஸந்தி³ஷ்டோ ராக்ஷஸேந்த்³ரேண ப்ரஹஸ்தஸ்ய ஸுதோ ப³லீ ।
ஜம்பு³மாலீ மஹாத³ம்ஷ்ட்ரோ நிர்ஜகா³ம த⁴நுர்த⁴ர꞉ ॥ 1 ॥

ரக்தமால்யாம்ப³ரத⁴ர꞉ ஸ்ரக்³வீ ருசிரகுண்ட³ல꞉ ।
மஹாந்விவ்ருத்தநயநஶ்சண்ட³꞉ ஸமரது³ர்ஜய꞉ ॥ 2 ॥

[* அதி⁴கபாட²꞉ –
த³க்³த⁴த்ரிகூடப்ரதிமோ மஹாஜலத³ஸந்நிப⁴꞉ ।
மஹாபு⁴ஜஶிர꞉ஸ்கந்தோ⁴ மஹாத³ம்ஷ்ட்ரோ மஹாநந꞉ ।
மஹாஜவோ மஹோத்ஸாஹோ மஹாஸத்த்வோருவிக்ரம꞉ ।
ஆஜகா³மாதிவேகே³ந ஸாயுத⁴꞉ ஸ மஹாரத²꞉ ।
*]

த⁴நு꞉ ஶக்ரத⁴நு꞉ப்ரக்²யம் மஹத்³ருசிரஸாயகம் ।
விஸ்பா²ரயாநோ வேகே³ந வஜ்ராஶநிஸமஸ்வநம் ॥ 3 ॥

தஸ்ய விஸ்பா²ரகோ⁴ஷேண த⁴நுஷோ மஹதா தி³ஶ꞉ ।
ப்ரதி³ஶஶ்ச நப⁴ஶ்சைவ ஸஹஸா ஸமபூர்யத ॥ 4 ॥

ரதே²ந க²ரயுக்தேந தமாக³தமுதீ³க்ஷ்ய ஸ꞉ ।
ஹநுமாந்வேக³ஸம்பந்நோ ஜஹர்ஷ ச நநாத³ ச ॥ 5 ॥

தம் தோரணவிடங்கஸ்த²ம் ஹநுமந்தம் மஹாகபிம் ।
ஜம்பு³மாலீ மஹாபா³ஹுர்விவ்யாத⁴ நிஶிதை꞉ ஶரை꞉ ॥ 6 ॥

அர்த⁴சந்த்³ரேண வத³நே ஶிரஸ்யேகேந கர்ணிநா ।
பா³ஹ்வோர்விவ்யாத⁴ நாராசைர்த³ஶபி⁴ஸ்தம் கபீஶ்வரம் ॥ 7 ॥

தஸ்ய தச்சு²ஶுபே⁴ தாம்ரம் ஶரேணாபி⁴ஹதம் முக²ம் ।
ஶரதீ³வாம்பு³ஜம் பு²ல்லம் வித்³த⁴ம் பா⁴ஸ்கரரஶ்மிநா ॥ 8 ॥

தத்தஸ்ய ரக்தம் ரக்தேந ரஞ்ஜிதம் ஶுஶுபே⁴ முக²ம் ।
யதா²காஶே மஹாபத்³மம் ஸிக்தம் சந்த³நபி³ந்து³பி⁴꞉ ॥ 9 ॥

சுகோப பா³ணாபி⁴ஹதோ ராக்ஷஸஸ்ய மஹாகபி꞉ ।
தத꞉ பார்ஶ்வே(அ)திவிபுலாம் த³த³ர்ஶ மஹதீம் ஶிலாம் ॥ 10 ॥

தரஸா தாம் ஸமுத்பாட்ய சிக்ஷேப ப³லவத்³ப³லீ ।
தாம் ஶரைர்த³ஶபி⁴꞉ க்ருத்³த⁴ஸ்தாட³யாமாஸ ராக்ஷஸ꞉ ॥ 11 ॥

விபந்நம் கர்ம தத்³த்³ருஷ்ட்வா ஹநுமாம்ஶ்சண்ட³விக்ரம꞉ ।
ஸாலம் விபுலமுத்பாட்ய ப்⁴ராமயாமாஸ வீர்யவாந் ॥ 12 ॥

ப்⁴ராமயந்தம் கபிம் த்³ருஷ்ட்வா ஸாலவ்ருக்ஷம் மஹாப³லம் ।
சிக்ஷேப ஸுப³ஹூந்பா³ணாந் ஜம்பு³மாலீ மஹாப³ல꞉ ॥ 13 ॥

ஸாலம் சதுர்பி⁴ஶ்சிச்சே²த³ வாநரம் பஞ்சபி⁴ர்பு⁴ஜே ।
ஶிரஸ்யேகேந பா³ணேந த³ஶபி⁴ஸ்து ஸ்தநாந்தரே ॥ 14 ॥ [உரஸ]

ஸ ஶரை꞉ பூரிததநு꞉ க்ரோதே⁴ந மஹதா வ்ருத꞉ ।
தமேவ பரிக⁴ம் க்³ருஹ்ய ப்⁴ராமயாமாஸ வேக³த꞉ ॥ 15 ॥

அதிவேகோ³(அ)திவேகே³ந ப்⁴ராமயித்வா ப³லோத்கட꞉ ।
பரிக⁴ம் பாதயாமாஸ ஜம்பு³மாலேர்மஹோரஸி ॥ 16 ॥

தஸ்ய சைவ ஶிரோ நாஸ்தி ந பா³ஹூ ந ச ஜாநுநீ ।
ந த⁴நுர்ந ரதோ² நாஶ்வாஸ்தத்ராத்³ருஶ்யந்த நேஷவ꞉ ॥ 17 ॥

ஸ ஹதஸ்தரஸா தேந ஜம்பு³மாலீ மஹாப³ல꞉ ।
பபாத நிஹதோ பூ⁴மௌ சூர்ணிதாங்க³விபூ⁴ஷண꞉ ॥ 18 ॥

ஜம்பு³மாலிம் ச நிஹதம் கிம்கராம்ஶ்ச மஹாப³லாந் ।
சுக்ரோத⁴ ராவண꞉ ஶ்ருத்வா கோபஸம்ரக்தலோசந꞉ ॥ 19 ॥

ஸ ரோஷஸம்வர்திததாம்ரளோசந꞉
ப்ரஹஸ்தபுத்ரே நிஹதே மஹாப³லே ।
அமாத்யபுத்ராநதிவீர்யவிக்ரமா-
-ந்ஸமாதி³தே³ஶாஶு நிஶாசரேஶ்வர꞉ ॥ 20 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே ஸுந்த³ரகாண்டே³ சதுஶ்சத்வாரிம்ஶ꞉ ஸர்க³꞉ ॥ 44 ॥

ஸுந்த³ரகாண்ட³ பஞ்சசத்வாரிம்ஶ꞉ ஸர்க³꞉ (45)>>


ஸம்பூர்ண வால்மீகி ஸுந்த³ரகாண்ட³ம் பார்க்க.


గమనిక: "శ్రీ లక్ష్మీ స్తోత్రనిధి" ముద్రణ పూర్తి అయినది. Click here to buy

Report mistakes and corrections in Stotranidhi content.

Facebook Comments

மறுமொழி இடவும்

உங்கள் மின்னஞ்சல் வெளியிடப்பட மாட்டாது

error: Not allowed
%d bloggers like this: