Sundarakanda Sarga (Chapter) 43 – ஸுந்த³ரகாண்ட³ த்ரிசத்வாரிம்ஶ꞉ ஸர்க³꞉ (43)


॥ சைத்யப்ராஸாத³தா³ஹ꞉ ॥

தத꞉ ஸ கிங்கராந்ஹத்வா ஹநுமாந் த்⁴யாநமாஸ்தி²த꞉ ।
வநம் ப⁴க்³நம் மயா சைத்யப்ராஸாதோ³ ந விநாஶித꞉ ॥ 1 ॥

தஸ்மாத்ப்ராஸாத³மப்யேவமிமம் வித்⁴வம்ஸயாம்யஹம் ।
இதி ஸஞ்சிந்த்ய மநஸா ஹநுமாந்த³ர்ஶயந்ப³லம் ॥ 2 ॥

சைத்யப்ராஸாத³மாப்லுத்ய மேருஶ்ருங்க³மிவோந்நதம் ।
ஆருரோஹ ஹரிஶ்ரேஷ்டோ² ஹநுமாந்மாருதாத்மஜ꞉ ॥ 3 ॥

ஆருஹ்ய கி³ரிஸங்காஶம் ப்ராஸாத³ம் ஹரியூத²ப꞉ ।
ப³பௌ⁴ ஸ ஸுமஹாதேஜா꞉ ப்ரதிஸூர்ய இவோதி³த꞉ ॥ 4 ॥

ஸம்ப்ரத்⁴ருஷ்ய ச து³ர்த⁴ர்ஷம் சைத்யப்ராஸாத³முத்தமம் ।
ஹநுமாந்ப்ரஜ்வலம்ˮல்லக்ஷ்ம்யா பாரியாத்ரோபமோ(அ)ப⁴வத் ॥ 5 ॥

ஸ பூ⁴த்வா ஸுமஹாகாய꞉ ப்ரபா⁴வாந்மாருதாத்மஜ꞉ ।
த்⁴ருஷ்டமாஸ்போ²டயாமாஸ லங்காம் ஶப்³தே³ந பூரயந் ॥ 6 ॥

தஸ்யாஸ்போ²டிதஶப்³தே³ந மஹதா ஶ்ரோத்ரகா⁴திநா ।
பேதுர்விஹங்க³மாஸ்தத்ர சைத்யபாலாஶ்ச மோஹிதா꞉ ॥ 7 ॥

அஸ்த்ரவிஜ்ஜயதாம் ராமோ லக்ஷ்மணஶ்ச மஹாப³ல꞉ ।
ராஜா ஜயதி ஸுக்³ரீவோ ராக⁴வேணாபி⁴பாலித꞉ ॥ 8 ॥

தா³ஸோ(அ)ஹம் கோஸலேந்த்³ரஸ்ய ராமஸ்யாக்லிஷ்டகர்மண꞉ ।
ஹநுமாந் ஶத்ருஸைந்யாநாம் நிஹந்தா மாருதாத்மஜ꞉ ॥ 9 ॥

ந ராவணஸஹஸ்ரம் மே யுத்³தே⁴ ப்ரதிப³லம் ப⁴வேத் ।
ஶிலாபி⁴ஸ்து ப்ரஹரத꞉ பாத³பைஶ்ச ஸஹஸ்ரஶ꞉ ॥ 10 ॥

அர்த³யித்வா புரீம் லங்காமபி⁴வாத்³ய ச மைதி²லீம் ।
ஸம்ருத்³தா⁴ர்தோ² க³மிஷ்யாமி மிஷதாம் ஸர்வரக்ஷஸாம் ॥ 11 ॥

ஏவமுக்த்வா மஹாபா³ஹுஶ்சைத்யஸ்தோ² ஹரியூத²ப꞉ ।
நநாத³ பீ⁴மநிர்ஹ்ராதோ³ ரக்ஷஸாம் ஜநயந்ப⁴யம் ॥ 12 ॥

தேந ஶப்³தே³ந மஹதா சைத்யபாலா꞉ ஶதம் யயு꞉ ।
க்³ருஹீத்வா விவிதா⁴நஸ்த்ராந்ப்ராஸாந்க²ட்³கா³ந்பரஶ்வதா⁴ந் ॥ 13 ॥

விஸ்ருஜந்தோ மஹாகாயா மாருதிம் பர்யவாரயந் ।
தே க³தா³பி⁴ர்விசித்ராபி⁴꞉ பரிகை⁴꞉ காஞ்சநாங்க³தை³꞉ ॥ 14 ॥

ஆஜக்⁴நுர்வாநரஶ்ரேஷ்ட²ம் பா³ணைஶ்சாதி³த்யஸந்நிபை⁴꞉ ।
ஆவர்த இவ க³ங்கா³யாஸ்தோயஸ்ய விபுலோ மஹாந் ॥ 15 ॥

பரிக்ஷிப்ய ஹரிஶ்ரேஷ்ட²ம் ஸ ப³பௌ⁴ ரக்ஷஸாம் க³ண꞉ ।
ததோ வாதாத்மஜ꞉ க்ருத்³தோ⁴ பீ⁴மரூபம் ஸமாஸ்தி²த꞉ ॥ 16 ॥

ப்ராஸாத³ஸ்ய மஹாந்தஸ்ய ஸ்தம்ப⁴ம் ஹேமபரிஷ்க்ருதம் ।
உத்பாடயித்வா வேகே³ந ஹநுமாந்பவநாத்மஜ꞉ ॥ 17 ॥

ததஸ்தம் ப்⁴ராமயாமாஸ ஶததா⁴ரம் மஹாப³ல꞉ ।
தத்ர சாக்³நி꞉ ஸமப⁴வத்ப்ராஸாத³ஶ்சாப்யத³ஹ்யத ॥ 18 ॥

த³ஹ்யமாநம் ததோ த்³ருஷ்ட்வா ப்ராஸாத³ம் ஹரியூத²ப꞉ ।
ஸ ராக்ஷஸஶதம் ஹத்வா வஜ்ரேணேந்த்³ர இவாஸுராந் ॥ 19 ॥

அந்தரிக்ஷே ஸ்தி²த꞉ ஶ்ரீமாநித³ம் வசநமப்³ரவீத் ।
மாத்³ருஶாநாம் ஸஹஸ்ராணி விஸ்ருஷ்டாநி மஹாத்மநாம் ॥ 20 ॥

ப³லிநாம் வாநரேந்த்³ராணாம் ஸுக்³ரீவவஶவர்திநாம் ।
அடந்தி வஸுதா⁴ம் க்ருத்ஸ்நாம் வயமந்யே ச வாநரா꞉ ॥ 21 ॥

த³ஶநாக³ப³லா꞉ கேசித்கேசித்³த³ஶகு³ணோத்தரா꞉ ।
கேசிந்நாக³ஸஹஸ்ரஸ்ய ப³பூ⁴வுஸ்துல்யவிக்ரமா꞉ ॥ 22 ॥

ஸந்தி சௌக⁴ப³லா꞉ கேசித்கேசித்³வாயுப³லோபமா꞉ ।
அப்ரமேயப³லாஶ்சாந்யே தத்ராஸந்ஹரியூத²பா꞉ ॥ 23 ॥

ஈத்³ருக்³விதை⁴ஸ்து ஹரிபி⁴ர்வ்ருதோ த³ந்தநகா²யுதை⁴꞉ ।
ஶதை꞉ ஶதஸஹஸ்ரைஶ்ச கோடீபி⁴ரயுதைரபி ॥ 24 ॥

ஆக³மிஷ்யதி ஸுக்³ரீவ꞉ ஸர்வேஷாம் வோ நிஷூத³ந꞉ ।
நேயமஸ்தி புரீ லங்கா ந யூயம் ந ச ராவண꞉ ।
யஸ்மாதி³க்ஷ்வாகுநாதே²ந ப³த்³த⁴ம் வைரம் மஹாத்மநா ॥ 25 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே ஸுந்த³ரகாண்டே³ த்ரிசத்வாரிம்ஶ꞉ ஸர்க³꞉ ॥ 43 ॥

ஸுந்த³ரகாண்ட³ சதுஶ்சத்வாரிம்ஶ꞉ ஸர்க³꞉ (44)>>


ஸம்பூர்ண வால்மீகி ஸுந்த³ரகாண்ட³ம் பார்க்க.


గమనిక: "శ్రీ లక్ష్మీ స్తోత్రనిధి" ముద్రణ పూర్తి అయినది. Click here to buy

Report mistakes and corrections in Stotranidhi content.

Facebook Comments

மறுமொழி இடவும்

உங்கள் மின்னஞ்சல் வெளியிடப்பட மாட்டாது

error: Not allowed
%d bloggers like this: