Sundarakanda Sarga (Chapter) 23 – ஸுந்த³ரகாண்ட³ த்ரயோவிம்ஶ꞉ ஸர்க³꞉ (23)

॥ ரக்ஷஸீப்ரரோசநம் ॥

இத்யுக்த்வா மைதி²லீம் ராஜா ராவண꞉ ஶத்ருராவண꞉ ।
ஸந்தி³ஶ்ய ச தத꞉ ஸர்வா ராக்ஷஸீர்நிர்ஜகா³ம ஹ ॥ 1 ॥

நிஷ்க்ராந்தே ராக்ஷஸேந்த்³ரே து புநரந்த꞉புரம் க³தே ।
ராக்ஷஸ்யோ பீ⁴மரூபாஸ்தா꞉ ஸீதாம் ஸமபி⁴து³த்³ருவு꞉ ॥ 2 ॥

தத꞉ ஸீதாமுபாக³ம்ய ராக்ஷஸ்ய꞉ க்ரோத⁴மூர்சி²தா꞉ ।
பரம் பருஷயா வாசா வைதே³ஹீமித³மப்³ருவந் ॥ 3 ॥

பௌலஸ்த்யஸ்ய வரிஷ்ட²ஸ்ய ராவணஸ்ய மஹாத்மந꞉ ।
த³ஶக்³ரீவஸ்ய பா⁴ர்யாத்வம் ஸீதே ந ப³ஹு மந்யஸே ॥ 4 ॥

ததஸ்த்வேகஜடா நாம ராக்ஷஸீ வாக்யமப்³ரவீத் ।
ஆமந்த்ர்ய க்ரோத⁴தாம்ராக்ஷீ ஸீதாம் கரதலோத³ரீம் ॥ 5 ॥

ப்ரஜாபதீநாம் ஷண்ணாம் து சதுர்தோ² ய꞉ ப்ரஜாபதி꞉ ।
மாநஸோ ப்³ரஹ்மண꞉ புத்ர꞉ புலஸ்த்ய இதி விஶ்ருத꞉ ॥ 6 ॥

புலஸ்த்யஸ்ய து தேஜஸ்வீ மஹர்ஷிர்மாநஸ꞉ ஸுத꞉ ।
நாம்நா ஸ விஶ்ரவா நாம ப்ரஜாபதிஸமப்ரப⁴꞉ ॥ 7 ॥

தஸ்ய புத்ரோ விஶாலாக்ஷி ராவண꞉ ஶத்ருராவண꞉ ।
தஸ்ய த்வம் ராக்ஷஸேந்த்³ரஸ்ய பா⁴ர்யா ப⁴விதுமர்ஹஸி ॥ 8 ॥

மயோக்தம் சாருஸர்வாங்கி³ வாக்யம் கிம் நாநுமந்யஸே ।
ததோ ஹரிஜடா நாம ராக்ஷஸீ வாக்யமப்³ரவீத் ॥ 9 ॥

விவர்த்ய நயநே கோபாந்மார்ஜாரஸத்³ருஶேக்ஷணா ।
யேந தே³வாஸ்த்ரயஸ்த்ரிம்ஶத்³தே³வராஜஶ்ச நிர்ஜிதா꞉ ॥ 10 ॥

தஸ்ய த்வம் ராக்ஷஸேந்த்³ரஸ்ய பா⁴ர்யா ப⁴விதுமர்ஹஸி ।
ததஸ்து ப்ரக⁴ஸா நாம ராக்ஷஸீ க்ரோத⁴மூர்சி²தா ॥ 11 ॥

ப⁴ர்த்ஸயந்தீ ததா³ கோ⁴ரமித³ம் வசநமப்³ரவீத் ।
வீர்யோத்ஸிக்தஸ்ய ஶூரஸ்ய ஸங்க்³ராமேஷ்வநிவர்திந꞉ ॥ 12 ॥

ப³லிநோ வீர்யயுக்தஸ்ய பா⁴ர்யாத்வம் கிம் ந லப்ஸ்யஸே ।
ப்ரியாம் ப³ஹுமதாம் பா⁴ர்யாம் த்யக்த்வா ராஜா மஹாப³ல꞉ ॥ 13 ॥

ஸர்வாஸாம் ச மஹாபா⁴கா³ம் த்வாமுபைஷ்யதி ராவண꞉ ।
ஸம்ருத்³த⁴ம் ஸ்த்ரீஸஹஸ்ரேண நாநாரத்நோபஶோபி⁴தம் ॥ 14 ॥

அந்த꞉புரம் ஸமுத்ஸ்ருஜ்ய த்வாமுபைஷ்யதி ராவண꞉ ।
அந்யா து விகடா நாம ராக்ஷஸீ வாக்யமப்³ரவீத் ॥ 15 ॥

அஸக்ருத்³தே³வதா யுத்³தே⁴ நாக³க³ந்த⁴ர்வதா³நவா꞉ ।
நிர்ஜிதா꞉ ஸமரே யேந ஸ தே பார்ஶ்வமுபாக³த꞉ ॥ 16 ॥

தஸ்ய ஸர்வஸம்ருத்³த⁴ஸ்ய ராவணஸ்ய மஹாத்மந꞉ ।
கிமத்³ய ராக்ஷஸேந்த்³ரஸ்ய பா⁴ர்யாத்வம் நேச்ச²ஸே(அ)த⁴மே ॥ 17 ॥

ததஸ்து து³ர்முகீ² நாம ராக்ஷஸீ வாக்யமப்³ரவீத் ।
யஸ்ய ஸூர்யோ ந தபதி பீ⁴தோ யஸ்ய ச மாருத꞉ ॥ 18 ॥

ந வாதி சாஸிதாபாங்கே³ கிம் த்வம் தஸ்ய ந திஷ்ட²ஸி । [ஸ்மாயதாபாங்கே³]
புஷ்பவ்ருஷ்டிம் ச தரவோ முமுசுர்யஸ்ய வை ப⁴யாத் ॥ 19 ॥

ஶைலாஶ்ச ஸுப்⁴ரூ꞉ பாநீயம் ஜலதா³ஶ்ச யதே³ச்ச²தி ।
தஸ்ய நைர்ருதராஜஸ்ய ராஜராஜஸ்ய பா⁴மிநி ॥ 20 ॥

கிம் த்வம் ந குருஷே பு³த்³தி⁴ம் பா⁴ர்யார்தே² ராவணஸ்ய ஹி ।
ஸாது⁴ தே தத்த்வதோ தே³வி கதி²தம் ஸாது⁴ பா⁴மிநி ।
க்³ருஹாண ஸுஸ்மிதே வாக்யமந்யதா² ந ப⁴விஷ்யஸி ॥ 21 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே ஸுந்த³ரகாண்டே³ த்ரயோவிம்ஶ꞉ ஸர்க³꞉ ॥ 23 ॥

ஸுந்த³ரகாண்ட³ சதுர்விம்ஶ꞉ ஸர்க³꞉ (24)>>


ஸம்பூர்ண வால்மீகி ஸுந்த³ரகாண்ட³ம் பார்க்க.


గమనిక: "శ్రీ శివ స్తోత్రనిధి" పుస్తకము ముద్రణ చేయుటకు ఆలోచన చేయుచున్నాము.

Facebook Comments

You may also like...

மறுமொழி இடவும்

உங்கள் மின்னஞ்சல் வெளியிடப்பட மாட்டாது

error: Not allowed
%d bloggers like this: