Sri Lakshmi Narasimha Darshana Stotram – ஶ்ரீ லக்ஷ்மீந்ருஸிம்ஹ த³ர்ஶந ஸ்தோத்ரம்


ருத்³ர உவாச ।
அத² தே³வக³ணா꞉ ஸர்வே ருஷயஶ்ச தபோத⁴நா꞉ ।
ப்³ரஹ்மருத்³ரௌ புரஸ்க்ருத்ய ஶநை꞉ ஸ்தோதும் ஸமாயயு꞉ ॥ 1 ॥

தே ப்ரஸாத³யிதும் பீ⁴தா ஜ்வலந்தம் ஸர்வதோமுக²ம் ।
மாதரம் ஜக³தாம் தா⁴த்ரீம் சிந்தயாமாஸுரீஶ்வரீம் ॥ 2 ॥

ஹிரண்யவர்ணாம் ஹரிணீம் ஸர்வோபத்³ரவநாஶிநீம் ।
விஷ்ணோர்நித்யாநவத்³யாங்கீ³ம் த்⁴யாத்வா நாராயணப்ரியாம் ॥ 3 ॥

தே³வீஸூக்தம் ஜபைர்ப⁴க்த்யா நமஶ்சக்ரு꞉ ஸநாதநீம் ।
தைஶ்சிந்த்யமாநா ஸா தே³வீ தத்ரைவாவிரபூ⁴த்ததா³ ॥ 4 ॥

சதுர்பு⁴ஜா விஶாலாக்ஷீ ஸர்வாப⁴ரணபூ⁴ஷிதா ।
து³கூலவஸ்த்ரஸம்வீதா தி³வ்யமால்யாநுலேபநா ॥ 5 ॥

தாம் த்³ருஷ்ட்வா தே³வதே³வஸ்ய ப்ரியாம் ஸர்வே தி³வௌகஸ꞉ ।
ஊசு꞉ ப்ராஞ்ஜலயோ தே³வி ப்ரஸந்நம் குரு தே ப்ரியம் ॥ 6 ॥

த்ரைலோக்யஸ்யாப⁴யம் ஸ்வாமீ யதா² த³த்³யாத்ததா² குரு ।
இத்யுக்தா ஸஹஸாதே³வீ தம் ப்ரபத்³ய ஜநார்த³நம் ॥ 7 ॥

ப்ரணிபத்ய நமஸ்க்ருத்ய ஸா ப்ரஸீதே³த்யுவாச தம் ।
தாம் த்³ருஷ்ட்வா மஹிஷீம் ஸ்வஸ்யப்ரியாம் ஸர்வேஶ்வரோ ஹரி꞉ ॥ 8 ॥

ரக்ஷ꞉ ஶரீரஜம் க்ரோத⁴ம் ஸர்வம் தத்யாஜ வத்ஸல꞉ ।
அங்கேநாதா³ய தாம் தே³வீம் ஸமாஶ்லிஷ்ய த³யாநிதி⁴꞉ ॥ 9 ॥

க்ருபாஸுதா⁴ர்த்³ரத்³ருஷ்ட்யா வை நிரைக்ஷத ஸுரான் ஹரி꞉ ।
ததோ ஜய ஜயேத்யுச்சை꞉ ஸ்துவதாம் நமதாம் ததா² ॥ 10 ॥

தத்³த³யாத்³ருஷ்டித்³ருஷ்டாநாம் ஸாநந்த³꞉ ஸம்ப்⁴ரமோ(அ)ப⁴வத் ।
ததோ தே³வக³ணா꞉ ஸர்வே ஹர்ஷநிர்ப⁴ரமாநஸா꞉ ॥ 11 ॥

ஊசு꞉ ப்ராஞ்ஜலயோ தே³வம் நமஸ்க்ருத்வா ந்ருகேஸரிம் ।
த்³ரஷ்டுமத்யத்³பு⁴தம் தேஜோ ந ஶக்தா꞉ ஸ்ம ஜக³த்பதே ॥ 12 ॥

அத்யத்³பு⁴தமித³ம் ரூபம் ப³ஹு பா³ஹுபதா³ந்விதம் ।
ஜக³த்த்ரயஸமாக்ராந்தம் தேஜஸ்தீக்ஷ்ணதரம் தவ ॥ 13 ॥

த்³ரஷ்டும் ஸ்தா²தும் ந ஶக்தா꞉ ஸ்ம ஸர்வ ஏவ தி³வௌகஸ꞉ ।
இத்யர்தி²தஸ்தைர்விபு³தை⁴ஸ்தேஜஸ்தத³திபீ⁴ஷணம் ॥ 14 ॥

உபஸம்ஹ்ருத்ய தே³வேஶோ ப³பூ⁴வ ஸுக²த³ர்ஶந꞉ ।
ஶரத்காலேந்து³ஸங்காஶ꞉ புண்ட³ரீக நிபே⁴க்ஷண꞉ ॥ 15 ॥

ஸுதா⁴மய ஸடாபுஞ்ஜ வித்³யுத்கோடிநிப⁴꞉ ஶுப⁴꞉ ।
நாநாரத்நமயைர்தி³வ்யை꞉ கேயூரை꞉ கடகாந்விதை꞉ ॥ 16 ॥

பா³ஹுபி⁴꞉ கல்பவ்ருக்ஷஸ்ய ப²லயுக்³விடபைரிவ ।
சதுர்பி⁴꞉ கோமளைர்தி³வ்யைரந்வித꞉ பரமேஶ்வர꞉ ॥ 17 ॥

ஜபாகுஸுமஸங்காஶை꞉ ஶோபி⁴த꞉ கரபல்லவை꞉ ।
க்³ருஹீத ஶங்க²சக்ராப்⁴யாம் உத்³பா³ஹுப்⁴யாம் விராஜித꞉ ॥ 18 ॥

வரதா³(அ)ப⁴யஹஸ்தாப்⁴யாம் இதராப்⁴யாம் ந்ருகேஸரீ ।
ஶ்ரீவத்ஸகௌஸ்துபோ⁴ரஸ்கோ வநமாலா விபூ⁴ஷித꞉ ॥ 19 ॥

உத்³யத்³தி³நகராபா⁴ப்⁴யாம் குண்ட³லாப்⁴யாம் விராஜித꞉ ।
ஹாரநூபுரகேயூர பூ⁴ஷணாத்³யைரளங்க்ருத꞉ ॥ 20 ॥

ஸவ்யாங்கஸ்த²ஶ்ரியா யுக்தோ ராஜதே நரகேஸரீ ।
லக்ஷ்மீந்ருஸிம்ஹம் தம் த்³ருஷ்ட்வா தே³வதாஶ்ச மஹர்ஷய꞉ ॥ 21 ॥

ஆநந்தா³ஶ்ருஜலை꞉ ஸிக்தா꞉ ஹர்ஷநிர்ப⁴ரசேதஸ꞉ ।
ஆநந்த³ஸிந்து⁴மக்³நாஸ்தே நமஶ்சக்ருர்நிரந்தரம் ॥ 22 ॥

அர்சயாமாஸுராத்மேஶம் தி³வ்யபுஷ்பாநுலேபநை꞉ ।
ரத்நகும்பை⁴꞉ ஸுதா⁴பூர்ணைரபி⁴ஷிச்ய ஸநாதநம் ॥ 23 ॥

வஸ்த்ரைராப⁴ரணைர்க³ந்தை⁴꞉ புஷ்பைர்தூ⁴பைர்மநோரமை꞉ ।
தீ³பைர்நிவேத³நைர்தி³வ்யைரர்சயித்வா ந்ருகேஸரிம் ॥ 24 ॥

துஷ்டுவு꞉ ஸ்துதிபி⁴ர்தி³வ்யைர்நமஶ்சக்ருர்முஹுர்மஹு꞉ ।
தத꞉ ப்ரஸந்நோ லக்ஷ்மீஶஸ்தேஷாமிஷ்டாந்வரான் த³தௌ³ ॥ 25 ॥

இதி ஶ்ரீபத்³மபுராணே உத்தரக²ண்டே³ அஷ்டத்ரிம்ஶத³தி⁴கஶததமோ(அ)த்⁴யாயே ஶ்ரீ லக்ஷ்மீநரஸிம்ஹ த³ர்ஶந ஸ்தோத்ரம் ।


மேலும் ஶ்ரீ ந்ருஸிம்ஹ ஸ்தோத்திரங்கள் பார்க்க.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed