Sri Kalki Stotram – ஶ்ரீ கல்கி ஸ்தோத்ரம்

ஸ்தோத்ரநிதி → த³ஶாவதார ஸ்தோத்திரங்கள் → ஶ்ரீ கல்கி ஸ்தோத்ரம்

ஸுஶாந்தோவாச ।
ஜய ஹரே(அ)மராதீ⁴ஶஸேவிதம்
தவ பதா³ம்பு³ஜம் பூ⁴ரிபூ⁴ஷணம் ।
குரு மமாக்³ரத꞉ ஸாது⁴ ஸத்க்ருதம்
த்யஜ மஹாமதே மோஹமாத்மந꞉ ॥ 1 ॥

தவ வபுர்ஜக³த்³ரூபஸம்பதா³
விரசிதம் ஸதாம் மாநஸே ஸ்தி²தம் ।
ரதிபதேர்மநோமோஹதா³யகம்
குரு விசேஷ்டிதம் காமலம்படம் ॥ 2 ॥

தவ யஶோ ஜக³ச்சோ²கநாஶநம்
ம்ருது³கதா²ம்ருதம் ப்ரீதிதா³யகம் ।
ஸ்மிதஸுதோ⁴க்ஷிதம் சந்த்³ரவந்முக²ம்
தவ கரோத்யலம் லோகமங்க³ளம் ॥ 3 ॥

மம பதிஸ்த்வயம் ஸர்வது³ர்ஜயோ
யதி³ தவாப்ரியம் கர்மணா(ஆ)சரேத் ।
ஜஹி ததா³த்மந꞉ ஶத்ருமுத்³யதம்
குரு க்ருபாம் ந சேதீ³த்³ருகீ³ஶ்வர꞉ ॥ 4 ॥

மஹத³ஹம்யுதம் பஞ்சமாத்ரயா
ப்ரக்ருதிஜாயயா நிர்மிதம் வபு꞉ ।
தவ நிரீக்ஷணால்லீலயா ஜக³-
-த்ஸ்தி²திலயோத³யம் ப்³ரஹ்மகல்பிதம் ॥ 5 ॥

பூ⁴வியந்மருத்³வாரிதேஜஸாம்
ராஶிபி⁴꞉ ஶரீரேந்த்³ரியாஶ்ரிதை꞉ ।
த்ரிகு³ணயா ஸ்வயா மாயயா விபோ⁴
குரு க்ருபாம் ப⁴வத்ஸேவநார்தி²நாம் ॥ 6 ॥

தவ கு³ணாலயம் நாம பாவநம்
கலிமலாபஹம் கீர்தயந்தி யே ।
ப⁴வப⁴யக்ஷயம் தாபதாபிதா
முஹுரஹோ ஜநா꞉ ஸம்ஸரந்தி நோ ॥ 7 ॥

தவ ஜநு꞉ ஸதாம் மாநவர்த⁴நம்
ஜிநகுலக்ஷயம் தே³வபாலகம் ।
க்ருதயுகா³ர்பகம் த⁴ர்மபூரகம்
கலிகுலாந்தகம் ஶம் தநோது மே ॥ 8 ॥

மம க்³ருஹம் பதிபுத்ரநப்த்ருகம்
க³ஜரதை²ர்த்⁴வஜைஶ்சாமரைர்த⁴நை꞉ ।
மணிவராஸநம் ஸத்க்ருதிம் விநா
தவ பதா³ப்³ஜயோ꞉ ஶோப⁴யந்தி கிம் ॥ 9 ॥

தவ ஜக³த்³வபு꞉ ஸுந்த³ரஸ்மிதம்
முக²மநிந்தி³தம் ஸுந்த³ராநநம் ।
யதி³ ந மே ப்ரியம் வல்கு³சேஷ்டிதம்
பரிகரோத்யஹோ ம்ருத்யுரஸ்த்விஹ ॥ 10 ॥

ஹயசர ப⁴யஹர கரஹரஶரண
க²ரதரவரஶர த³ஶப³லத³மந ।
ஜய ஹதபரப⁴வ ப⁴வவரநாஶந
ஶஶத⁴ரஶதஸமரஸப⁴ரமத³ந ॥ 11 ॥

இதி ஶ்ரீகல்கிபுராணே ஸுஶாந்தா க்ருத ஶ்ரீ கல்கி ஸ்தோத்ரம் ॥

---

மேலும் ஶ்ரீ விஷ்ணு ஸ்தோத்திரங்கள் பார்க்க.

---