Read in తెలుగు / ಕನ್ನಡ / தமிழ் / देवनागरी / English (IAST)
மாணிக்யாஞ்சிதபூ⁴ஷணாம் மணிரவாம் மாஹேந்த்³ரநீலோஜ்ஜ்வலாம்
மந்தா³ரத்³ருமமால்யபூ⁴ஷிதகுசாம் மத்தேப⁴கும்ப⁴ஸ்தநீம் ।
மௌநிஸ்தோமநுதாம் மராளக³மநாம் மாத்⁴வீரஸாநந்தி³நீம்
த்⁴யாயே சேதஸி காலஹஸ்திநிலயாம் ஜ்ஞாநப்ரஸூநாம்பி³காம் ॥ 1 ॥
ஶ்யாமாம் ராஜநிபா⁴நநாம் ரதிஹிதாம் ராஜீவபத்ரேக்ஷணாம்
ராஜத்காஞ்சநரத்நபூ⁴ஷணயுதாம் ராஜ்யப்ரதா³நேஶ்வரீம் ।
ரக்ஷோக³ர்வநிவாரணாம் த்ரிஜக³தாம் ரக்ஷைகசிந்தாமணிம்
த்⁴யாயே சேதஸி காலஹஸ்திநிலயாம் ஜ்ஞாநப்ரஸூநாம்பி³காம் ॥ 2 ॥
கல்யாணீம் கரிகும்ப⁴பா⁴ஸுரகுசாம் காமேஶ்வரீம் காமிநீம்
கல்யாணாசலவாஸிநீம் கலரவாம் கந்த³ர்பவித்³யாகலாம் ।
கஞ்ஜாக்ஷீம் கலபி³ந்து³கல்பலதிகாம் காமாரிசித்தப்ரியாம்
த்⁴யாயே சேதஸி காலஹஸ்திநிலயாம் ஜ்ஞாநப்ரஸூநாம்பி³காம் ॥ 3 ॥
பா⁴வாதீதமந꞉ப்ரபா⁴வப⁴ரிதாம் ப்³ரஹ்மாண்ட³பா⁴ண்டோ³த³ரீம்
பா³லாம் பா³லகுரங்க³நேத்ரயுக³ளாம் பா⁴நுப்ரபா⁴பா⁴ஸிதாம் ।
பா⁴ஸ்வத்க்ஷேத்ரருசாபி⁴ராமநிலயாம் ப⁴வ்யாம் ப⁴வாநீம் ஶிவாம்
த்⁴யாயே சேதஸி காலஹஸ்திநிலயாம் ஜ்ஞாநப்ரஸூநாம்பி³காம் ॥ 4 ॥
வீணாகா³நவிநோதி³நீம் விஜயிநீம் வேதண்ட³கும்ப⁴ஸ்தநீம்
வித்³வத்³வந்தி³தபாத³பத்³மயுக³ளாம் வித்³யாப்ரதா³ம் ஶாங்கரீம் ।
வித்³வேஷிண்யபி⁴ரஞ்ஜிநீம் ஸ்துதிவிபா⁴ம் வேதா³ந்தவேத்³யாம் ஶிவாம்
த்⁴யாயே சேதஸி காலஹஸ்திநிலயாம் ஜ்ஞாநப்ரஸூநாம்பி³காம் ॥ 5 ॥
நாநாபூ⁴ஷிதபூ⁴ஷணாதி³விமலாம் லாவண்யபாதோ²நிதி⁴ம்
காஞ்சீசஞ்சலக⁴ண்டிகாகலரவாம் கஞ்ஜாதபத்ரேக்ஷணாம் ।
கர்பூராக³ருகுங்குமாங்கிதகுசாம் கைலாஸநாத²ப்ரியாம்
த்⁴யாயே சேதஸி காலஹஸ்திநிலயாம் ஜ்ஞாநப்ரஸூநாம்பி³காம் ॥ 6 ॥
மஞ்ஜீராஞ்சிதபாத³பத்³மயுக³ளாம் மாணிக்யபூ⁴ஷாந்விதாம்
மந்தா³ரத்³ருமமஞ்ஜரீமது⁴ஜ²ரீமாது⁴ர்யகே²லத்³கி³ராம் ।
மாதங்கீ³ம் மது⁴ராளஸாம் கரஶுகாம் நீலாலகாலங்க்ருதாம்
த்⁴யாயே சேதஸி காலஹஸ்திநிலயாம் ஜ்ஞாநப்ரஸூநாம்பி³காம் ॥ 7 ॥
கர்ணாலம்பி³தஹேமகுண்ட³லயுகா³ம் காத³ம்ப³வேணீமுமாம்
அம்போ⁴ஜாஸநவாஸவாதி³விநுதாமர்தே⁴ந்து³பூ⁴ஷோஜ்ஜ்வலாம் ।
கஸ்தூரீதிலகாபி⁴ராமநிடிலாம் கா³நப்ரியாம் ஶ்யாமளாம்
த்⁴யாயே சேதஸி காலஹஸ்திநிலயாம் ஜ்ஞாநப்ரஸூநாம்பி³காம் ॥ 8 ॥
கௌமாரீம் நவபல்லவாங்க்⁴ரியுக³ளாம் கர்பூரபா⁴ஸோஜ்ஜ்வலாம்
க³ங்கா³வர்தஸமாநநாபி⁴குஹராம் கா³ங்கே³யபூ⁴ஷாந்விதாம் ।
சந்த்³ரார்காநலகோடிகோடிஸத்³ருஶாம் சந்த்³ரார்கபி³ம்பா³நநாம்
த்⁴யாயே சேதஸி காலஹஸ்திநிலயாம் ஜ்ஞாநப்ரஸூநாம்பி³காம் ॥ 9 ॥
பா³லாதி³த்யநிபா⁴நநாம் த்ரிநயநாம் பா³லேந்து³நா பூ⁴ஷிதாம்
நீலாகாரஸுகேஶிநீ விளஸிதாம் நித்யாந்நதா³நப்ரதா³ம் ।
ஶங்க²ம் சக்ரவராப⁴யம் ச த³த⁴தீம் ஸாரஸ்வதார்த²ப்ரதா³ம்
த்⁴யாயே சேதஸி காலஹஸ்திநிலயாம் ஜ்ஞாநப்ரஸூநாம்பி³காம் ॥ 10 ॥
இதி ஶ்ரீ ஜ்ஞாநப்ரஸூநாம்பி³கா ஸ்தோத்ரம் ।
மேலும் தேவீ ஸ்தோத்திரங்கள் பார்க்க.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
