Read in తెలుగు / ಕನ್ನಡ / தமிழ் / देवनागरी / English (IAST)
அஸ்ய ஶ்ரீகா³யத்ரீதத்த்வமாலாமந்த்ரஸ்ய விஶ்வாமித்ர ருஷி꞉ அநுஷ்டுப் ச²ந்த³꞉ பரமாத்மா தே³வதா ஹலோ பீ³ஜாநி ஸ்வரா꞉ ஶக்தய꞉ அவ்யக்தம் கீலகம் மம ஸமஸ்தபாபக்ஷயார்தே² ஶ்ரீகா³யத்ரீ மாலாமந்த்ர ஜபே விநியோக³꞉ ।
சதுர்விம்ஶதி தத்த்வாநாம் யதே³கம் தத்த்வமுத்தமம் ।
அநுபாதி⁴ பரம் ப்³ரஹ்ம தத்பரம் ஜ்யோதிரோமிதி ॥ 1 ॥
யோ வேதா³தௌ³ ஸ்வர꞉ ப்ரோக்தோ வேதா³ந்தே ச ப்ரதிஷ்டி²த꞉ ।
தஸ்ய ப்ரக்ருதிலீநஸ்ய தத்பரம் ஜ்யோதிரோமிதி ॥ 2 ॥
ததி³த்யாதி³பதை³ர்வாச்யம் பரமம் பத³மவ்யயம் ।
அபே⁴த³த்வம் பதா³ர்த²ஸ்ய தத்பரம் ஜ்யோதிரோமிதி ॥ 3 ॥
யஸ்ய மாயாம்ஶபா⁴கே³ந ஜக³து³த்பத்³யதே(அ)கி²லம் ।
தஸ்ய ஸர்வோத்தமம் ரூபமரூபஸ்யாபி⁴தீ⁴மஹி ॥ 4 ॥
யம் ந பஶ்யந்தி பரமம் பஶ்யந்தோ(அ)பி தி³வௌகஸ꞉ ।
தம் பூ⁴தாகி²லதே³வம் து ஸுபர்ணமுபதா⁴வதாம் ॥ 5 ॥
யத³ம்ஶ꞉ ப்ரேரிதோ ஜந்து꞉ கர்மபாஶநியந்த்ரித꞉ ।
ஆஜந்மக்ருதபாபாநாமபஹந்தா த்³விஜந்மநாம் ॥ 6 ॥
இத³ம் மஹாமுநிப்ரோக்தம் கா³யத்ரீதத்த்வமுத்தமம் ।
ய꞉ படே²த்பரயா ப⁴க்த்யா ஸ யாதி பரமாம் க³திம் ॥ 7 ॥
ஸர்வவேத³புராணேஷு ஸாங்கோ³பாங்கே³ஷு யத்ப²லம் ।
ஸக்ருத³ஸ்ய ஜபாதே³வ தத்ப²லம் ப்ராப்நுயாந்நர꞉ ॥ 8 ॥
அப⁴க்ஷ்யப⁴க்ஷணாத்பூதோ ப⁴வதி । அக³ம்யாக³மநாத்பூதோ ப⁴வதி । ஸர்வபாபேப்⁴ய꞉ பூதோ ப⁴வதி । ப்ராதரதீ⁴யாநோ ராத்ரிக்ருதம் பாபம் நாஶயதி । ஸாயமதீ⁴யாநோ தி³வஸக்ருதம் பாபம் நாஶயதி । மத்⁴யம் தி³நமுபயுஞ்ஜாநோ(அ)ஸத் ப்ரதிக்³ரஹாதி³ப்⁴யோ முக்தோ ப⁴வதி । அநுபப்லவம் புருஷார்த²மபி⁴வத³ந்தி । யம் யம் காமமபி⁴த்⁴யாயதி தத்ததே³வாப்நோதி புத்ரபௌத்ராந் கீர்திஸௌபா⁴க்³யாம்ஶ்சோபலப⁴தே । ஸர்வபூ⁴தாத்மமித்ரோ தே³ஹாந்தே தத்³விஶிஷ்டோ கா³யத்ர்யா பரமம் பத³மவாப்நோதி ॥
இதி ஶ்ரீவேத³ஸாரே ஶ்ரீ கா³யத்ரீ தத்த்வமாலாமந்த்ரம் ॥
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
