Sri Ganesha Mahimna Stotram – ஶ்ரீ கணேஶ மஹிம்ன꞉ ஸ்தோத்ரம்


அநிர்வாச்யம் ரூபம் ஸ்தவநநிகரோ யத்ர க³ளித-
-ஸ்ததா² வக்ஷ்யே ஸ்தோத்ரம் ப்ரத²மபுருஷஸ்யாத்ர மஹத꞉ ।
யதோ ஜாதம் விஶ்வம் ஸ்தி²தமபி ஸதா³ யத்ர விளய꞉
ஸ கீத்³ருக்³கீ³ர்வாண꞉ ஸுநிக³மநுத꞉ ஶ்ரீக³ணபதி꞉ ॥ 1 ॥

க³ணேஶம் கா³ணேஶா꞉ ஶிவமிதி ச ஶைவாஶ்ச விபு³தா⁴꞉
ரவிம் ஸௌரா விஷ்ணும் ப்ரத²மபுருஷம் விஷ்ணுப⁴ஜகா꞉ ।
வத³ந்த்யேகம் ஶாக்தா꞉ ஜக³து³த³யமூலாம் பரிஶிவாம்
ந ஜாநே கிம் தஸ்மை நம இதி பரம் ப்³ரஹ்ம ஸகலம் ॥ 2 ॥

ததே²ஶம் யோக³ஜ்ஞா க³ணபதிமிமம் கர்ம நிகி²லம்
ஸமீமாம்ஸா வேதா³ந்திந இதி பரம் ப்³ரஹ்ம ஸகலம் ।
அஜாம் ஸாங்க்²யோ ப்³ரூதே ஸகலகு³ணரூபாம் ச ஸததம்
ப்ரகர்தாரம் ந்யாயஸ்த்வத² ஜக³தி பௌ³த்³தா⁴ தி⁴யமிதி ॥ 3 ॥

கத²ம் ஜ்ஞேயோ பு³த்³தே⁴꞉ பரதர இயம் பா³ஹ்யஸரணி-
-ர்யதா² தீ⁴ர்யஸ்ய ஸ்யாத்ஸ ச தத³நுரூபோ க³ணபதி꞉ ।
மஹத்க்ருத்யம் தஸ்ய ஸ்வயமபி மஹாந்ஸூக்ஷ்மமணுவ-
-த்³த்⁴வநிர்ஜ்யோதிர்பி³ந்து³ர்க³க³நஸத்³ருஶ꞉ கிம் ச ஸத³ஸத் ॥ 4 ॥

அநேகாஸ்யோ(அ)பாராக்ஷிகரசரணோ(அ)நந்தஹ்ருத³ய-
-ஸ்ததா² நாநாரூபோ விவித⁴வத³ந꞉ ஶ்ரீக³ணபதி꞉ ।
அநந்தாஹ்வ꞉ ஶக்த்யா விவித⁴கு³ணகர்மைகஸமயே
த்வஸங்க்²யாதாநந்தாபி⁴மதப²லதோ³(அ)நேகவிஷயே ॥ 5 ॥

ந யஸ்யாந்தோ மத்⁴யோ ந ச ப⁴வதி சாதி³꞉ ஸுமஹதா-
-மலிப்த꞉ க்ருத்வேத்த²ம் ஸகலமபி க²ம்வத்ஸ ச ப்ருத²க் ।
ஸ்ம்ருத꞉ ஸம்ஸ்மர்த்ரூணாம் ஸகலஹ்ருத³யஸ்த²꞉ ப்ரியகரோ
நமஸ்தஸ்மை தே³வாய ஸகலஸுவந்த்³யாய மஹதே ॥ 6 ॥

க³ணேஶாத்³யம் பீ³ஜம் த³ஹநவநிதாபல்லவயுதம்
மநுஶ்சைகார்ணோ(அ)யம் ப்ரணவஸஹிதோ(அ)பீ⁴ஷ்டப²லத³꞉ ।
ஸபி³ந்து³ஶ்சாங்கா³த்³யாம் க³ணகருஷிச²ந்தோ³(அ)ஸ்ய ச நிச்ரு-
-த்ஸ தே³வ꞉ ப்ராக்³பீ³ஜம் விபத³பி ச ஶக்திர்ஜபக்ருதாம் ॥ 7 ॥

க³காரோ ஹேரம்ப³꞉ ஸகு³ண இதி பும்நிர்கு³ணமயோ
த்³விதா⁴ப்யேகோ ஜாத꞉ ப்ரக்ருதிபுருஷோ ப்³ரஹ்ம ஹி க³ண꞉ ।
ஸ சேஶஶ்சோத்பத்திஸ்தி²திலயகரோ(அ)யம் ப்ரத²மகோ
யதோ பூ⁴தம் ப⁴வ்யம் ப⁴வதி பதிரீஶோ க³ணபதி꞉ ॥ 8 ॥

க³கார꞉ கண்டோ²ர்த்⁴வம் க³ஜமுக²ஸமோ மர்த்யஸத்³ருஶோ
ணகார꞉ கண்டா²தோ⁴ ஜட²ரஸத்³ருஶாகார இதி ச ।
அதோ⁴பா⁴வ꞉ கட்யாம் சரண இதி ஹீஶோ(அ)ஸ்ய ச தநு-
-ர்விபா⁴தீத்த²ம் நாம த்ரிபு⁴வநஸமம் பூ⁴ர்பு⁴வ꞉ ஸுவ꞉ ॥ 9 ॥

க³ணேஶேதி த்ர்யர்ணாத்மகமபி வரம் நாம ஸுக²த³ம்
ஸக்ருத்ப்ரோச்சைருச்சாரிதமிதி ந்ருபி⁴꞉ பாவநகரம் ।
க³ணேஶஸ்யைகஸ்ய ப்ரதிஜபகரஸ்யாஸ்ய ஸுக்ருதம்
ந விஜ்ஞாதோ நாம்ந꞉ ஸகலமஹிமா கீத்³ருஶவித⁴꞉ ॥ 10 ॥

க³ணேஶேத்யாஹ்வாம் ய꞉ ப்ரவத³தி முஹுஸ்தஸ்ய புரத꞉
ப்ரபஶ்யம்ஸ்தத்³வக்த்ரம் ஸ்வயமபி க³ணஸ்திஷ்ட²தி ததா³ ।
ஸ்வரூபஸ்ய ஜ்ஞாநம் த்வமுக இதி நாம்நாஸ்ய ப⁴வதி
ப்ரபோ³த⁴꞉ ஸுப்தஸ்ய த்வகி²லமிஹ ஸாமர்த்²யமமுநா ॥ 11 ॥

க³ணேஶோ விஶ்வே(அ)ஸ்மிந் ஸ்தி²த இஹ ச விஶ்வம் க³ணபதௌ
க³ணேஶோ யத்ராஸ்தே த்⁴ருதிமதிரமைஶ்வர்யமகி²லம் ।
ஸமுக்தம் நாமைகம் க³ணபதிபத³ம் மங்க³ளமயம்
ததே³காஸ்யே த்³ருஷ்டே ஸகலவிபு³தா⁴ஸ்யேக்ஷணஸமம் ॥ 12 ॥

ப³ஹுக்லேஶைர்வ்யாப்த꞉ ஸ்ம்ருத உத க³ணேஶே ச ஹ்ருத³யே
க்ஷணாத் க்லேஶாந்முக்தோப⁴வதி ஸஹஸா த்வப்⁴ரசயவத் ।
வநே வித்³யாரம்பே⁴ யுதி⁴ ரிபுப⁴யே குத்ர க³மநே
ப்ரவேஶே ப்ராணாந்தே க³ணபதிபத³ம் சாஶு விஶதி ॥ 13 ॥

க³ணாத்⁴யக்ஷோ ஜ்யேஷ்ட²꞉ கபில அபரோ மங்க³ளநிதி⁴-
-ர்த³யாளுர்ஹேரம்போ³ வரத³ இதி சிந்தாமணிரஜ꞉ ।
வராநீஶோ டு⁴ண்டி⁴ர்க³ஜவத³நநாமா ஶிவஸுதோ
மயூரேஶோ கௌ³ரீதநய இதி நாமாநி பட²தி ॥ 14 ॥

மஹேஶோ(அ)யம் விஷ்ணு꞉ ஸகவிரவிரிந்து³꞉ கமலஜ꞉
க்ஷிதிஸ்தோயம் வஹ்நி꞉ ஶ்வஸந இதி க²ம் த்வத்³ரிருத³தி⁴꞉ ।
குஜஸ்தார꞉ ஶுக்ரோ புருருடு³பு³தோ⁴(அ)கு³ஶ்ச த⁴நதோ³
யம꞉ பாஶீ காவ்ய꞉ ஶநிரகி²லரூபோ க³ணபதி꞉ ॥ 15 ॥

முக²ம் வஹ்நி꞉ பாதௌ³ ஹரிரபி விதா⁴தா ப்ரஜநநம்
ரவிர்நேத்ரே சந்த்³ரோ ஹ்ருத³யமபி காமோ(அ)ஸ்ய மத³ந꞉ ।
கரௌ ஶக்ர꞉ கட்யாமவநிருத³ரம் பா⁴தி த³ஶநம்
க³ணேஶஸ்யாஸந்வை க்ரதுமயவபுஶ்சைவ ஸகலம் ॥ 16 ॥

அநர்க்⁴யாளங்காரைரருணவஸநைர்பூ⁴ஷிததநு꞉
கரீந்த்³ராஸ்ய꞉ ஸிம்ஹாஸநமுபக³தோ பா⁴தி பு³த⁴ராட் ।
ஸ்மிதாஸ்யாத்தந்மத்⁴யே(அ)ப்யுதி³தரவிபி³ம்போ³பமருசி꞉
ஸ்தி²தா ஸித்³தி⁴ர்வாமே மதிரிதரகா³ சாமரகரா ॥ 17 ॥

ஸமந்தாத்தஸ்யாஸந் ப்ரவரமுநிஸித்³தா⁴꞉ ஸுரக³ணா꞉
ப்ரஶம்ஸந்தீத்யக்³ரே விவித⁴நுதிபி⁴꞉ ஸாஞ்ஜலிபுடா꞉ ।
பி³டௌ³ஜாத்³யைர்ப்³ரஹ்மாதி³பி⁴ரநுவ்ருதோ ப⁴க்தநிகரை-
-ர்க³ணக்ரீடா³மோத³ப்ரமுத³விகடாத்³யை꞉ ஸஹசரை꞉ ॥ 18 ॥

வஶித்வாத்³யஷ்டாஷ்டாத³ஶதி³க³கி²லால்லோலமநுவா-
-க்³த்⁴ருதி꞉ பாதூ³꞉ க²ட்³கோ³ஞ்ஜநரஸப³லா꞉ ஸித்³த⁴ய இமா꞉ ।
ஸதா³ ப்ருஷ்டே² திஷ்ட²ந்த்யநிமிஷத்³ருஶஸ்தந்முக²லயா꞉
க³ணேஶம் ஸேவந்தே(அ)ப்யதிநிகடஸூபாயநகரா꞉ ॥ 19 ॥

ம்ருகா³ங்காஸ்யா ரம்பா⁴ப்ரப்⁴ருதிக³ணிகா யஸ்ய புரத꞉
ஸுஸங்கீ³தம் குர்வந்த்யபி குதுகக³ந்த⁴ர்வஸஹிதா꞉ ।
முத³꞉ பாரோ நாத்ரேத்யநுபமபதே³ தௌ³ர்விக³ளிதா
ஸ்தி²ரம் ஜாதம் சித்தம் சரணமவலோக்யாஸ்ய விமலம் ॥ 20 ॥

ஹரேணாயம் த்⁴யாதஸ்த்ரிபுரமத²நே சாஸுரவதே⁴
க³ணேஶ꞉ பார்வத்யா ப³லிவிஜயகாலே(அ)பி ஹரிணா ।
விதா⁴த்ரா ஸம்ஸ்ருஷ்டாவுரக³பதிநா க்ஷோணித⁴ரணே
நரை꞉ ஸித்³தௌ⁴ முக்தௌ த்ரிபு⁴வநஜயே புஷ்பத⁴நுஷா ॥ 21 ॥

அயம் ஸுப்ராஸாதே³ ஸுர இவ நிஜாநந்த³பு⁴வநே
மஹாந் ஶ்ரீமாநாத்³யோ லகு⁴தரக்³ருஹே ரங்கஸத்³ருஶ꞉ ।
ஶிவத்³வாரே த்³வா꞉ஸ்தோ² ந்ருப இவ ஸதா³ பூ⁴பதிக்³ருஹே
ஸ்தி²தோ பூ⁴த்வோமாங்கே ஶிஶுக³ணபதிர்லாலநபர꞉ ॥ 22 ॥

அமுஷ்மிந் ஸந்துஷ்டே க³ஜவத³ந ஏவாபி விபு³தே⁴
ததஸ்தே ஸந்துஷ்டாஸ்த்ரிபு⁴வநக³தா꞉ ஸ்யுர்பு³த⁴க³ணா꞉ ।
த³யாளுர்ஹேரம்போ³ ந ச ப⁴வதி யஸ்மிம்ஶ்ச புருஷே
வ்ருதா² ஸர்வம் தஸ்ய ப்ரஜநநமத꞉ ஸாந்த்³ரதமஸி ॥ 23 ॥

வரேண்யோ பூ⁴ஶுண்டி³ர்ப்⁴ருகு³கு³ருகுஜா முத்³க³ளமுகா²
ஹ்யபாராஸ்தத்³ப⁴க்தா ஜபஹவநபூஜாஸ்துதிபரா꞉ ।
க³ணேஶோ(அ)யம் ப⁴க்தப்ரிய இதி ச ஸர்வத்ர க³தி³தம்
விப⁴க்திர்யத்ராஸ்தே ஸ்வயமபி ஸதா³ திஷ்ட²தி க³ண꞉ ॥ 24 ॥

ம்ருத³꞉ காஶ்சித்³தா⁴தோஶ்ச²த³விளிகி²தா வாபி த்³ருஷத³꞉
ஸ்ம்ருதா வ்யாஜாந்மூர்தி꞉ பதி² யதி³ ப³ஹிர்யேந ஸஹஸா ।
அஶுத்³தோ⁴(அ)த்³தா⁴ த்³ரஷ்டா ப்ரவத³தி ததா³ஹ்வாம் க³ணபதே꞉
ஶ்ருதா ஶுத்³தோ⁴ மர்த்யோ ப⁴வதி து³ரிதாத்³விஸ்மய இதி ॥ 25 ॥

ப³ஹிர்த்³வாரஸ்யோர்த்⁴வம் க³ஜவத³நவர்ஷ்மேந்த⁴நமயம்
ப்ரஶஸ்தம் வா க்ருத்வா விவித⁴குஶலைஸ்தத்ர நிஹதம் ।
ப்ரபா⁴வாத்தந்மூர்த்யா ப⁴வதி ஸத³நம் மங்க³ளமயம்
விளோக்யாநந்த³ஸ்தாம் ப⁴வதி ஜக³தோ விஸ்மய இதி ॥ 26 ॥

ஸிதே பா⁴த்³ரே மாஸே ப்ரதிஶரதி³ மத்⁴யாஹ்நஸமயே
ம்ருதோ³ மூர்திம் க்ருத்வா க³ணபதிதிதௌ² டு⁴ண்டி⁴ஸத்³ருஶீம் ।
ஸமர்சத்யுத்ஸாஹ꞉ ப்ரப⁴வதி மஹாந் ஸர்வஸத³நே
விளோக்யாநந்த³ஸ்தாம் ப்ரப⁴வதி ந்ருணாம் விஸ்மய இதி ॥ 27 ॥

ததா² ஹ்யேக꞉ ஶ்லோகோ வரயதி மஹிம்நோ க³ணபதே꞉
கத²ம் ஸ ஶ்லோகே(அ)ஸ்மிந் ஸ்துத இதி ப⁴வேத்ஸம்ப்ரபதிதே ।
ஸ்ம்ருதம் நாமாஸ்யைகம் ஸக்ருதி³த³மநந்தாஹ்வயஸமம்
யதோ யஸ்யைகஸ்ய ஸ்தவநஸத்³ருஶம் நாந்யத³பரம் ॥ 28 ॥

க³ஜவத³ந விபோ⁴ யத்³வர்ணிதம் வைப⁴வம் தே
த்விஹ ஜநுஷி மமேத்த²ம் சாரு தத்³த³ர்ஶயாஶு ।
த்வமஸி ச கருணாயா꞉ ஸாக³ர꞉ க்ருத்ஸ்நதா³தா-
-ப்யதி தவ ப்⁴ருதகோ(அ)ஹம் ஸர்வதா³ சிந்தகோ(அ)ஸ்மி ॥ 29 ॥

ஸுஸ்தோத்ரம் ப்ரபட²து நித்யமேததே³வ
ஸ்வாநந்த³ம் ப்ரதி க³மநே(அ)ப்யயம் ஸுமார்க³꞉ ।
ஸஞ்சிந்த்யம் ஸ்வமநஸி தத்பதா³ரவிந்த³ம்
ஸ்தா²ப்யாக்³ரே ஸ்தவநப²லம் நதீ꞉ கரிஷ்யே ॥ 30 ॥

க³ணேஶதே³வஸ்ய மாஹாத்ம்யமேத-
-த்³ய꞉ ஶ்ராவயேத்³வாபி படே²ச்ச தஸ்ய ।
க்லேஶா லயம் யாந்தி லபே⁴ச்ச ஶீக்⁴ரம்
ஸ்த்ரீபுத்ரவித்³யார்த²க்³ருஹம் ச முக்திம் ॥ 31 ॥

இதி ஶ்ரீபுஷ்பத³ந்தவிரசிதம் ஶ்ரீக³ணேஶமஹிம்ந꞉ ஸ்தோத்ரம் ।


மேலும் ஶ்ரீ கணேஶ ஸ்தோத்திரங்கள் பார்க்க.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

மறுமொழி இடவும்

error: Not allowed