Sri Ganesha Bhujangam – ஶ்ரீ கணேஶ புஜங்கம்

ஸ்தோத்ரநிதி → ஶ்ரீ க³ணேஶ ஸ்தோத்திரங்கள் → ஶ்ரீ கணேஶ புஜங்கம்

ரணத்க்ஷுத்³ரக⁴ண்டாநிநாதா³பி⁴ராமம்
சலத்தாண்ட³வோத்³த³ண்ட³வத்பத்³மதாலம் ।
லஸத்துந்தி³ளாங்கோ³பரிவ்யாளஹாரம்
க³ணாதீ⁴ஶமீஶாநஸூநும் தமீடே³ ॥ 1 ॥

த்⁴வநித்⁴வம்ஸவீணாலயோல்லாஸிவக்த்ரம்
ஸ்பு²ரச்சு²ண்ட³த³ண்டோ³ல்லஸத்³பீ³ஜபூரம் ।
க³ளத்³த³ர்பஸௌக³ந்த்⁴யலோலாலிமாலம்
க³ணாதீ⁴ஶமீஶாநஸூநும் தமீடே³ ॥ 2 ॥

ப்ரகாஶஜ்ஜபாரக்தரத்நப்ரஸூந-
-ப்ரவாளப்ரபா⁴தாருணஜ்யோதிரேகம் ।
ப்ரளம்போ³த³ரம் வக்ரதுண்டை³கத³ந்தம்
க³ணாதீ⁴ஶமீஶாநஸூநும் தமீடே³ ॥ 3 ॥

விசித்ரஸ்பு²ரத்³ரத்நமாலாகிரீடம்
கிரீடோல்லஸச்சந்த்³ரரேகா²விபூ⁴ஷம் ।
விபூ⁴ஷைகபூ⁴ஷம் ப⁴வத்⁴வம்ஸஹேதும்
க³ணாதீ⁴ஶமீஶாநஸூநும் தமீடே³ ॥ 4 ॥

உத³ஞ்சத்³பு⁴ஜாவள்லரீத்³ருஶ்யமூலோ-
-ச்சலத்³ப்⁴ரூலதாவிப்⁴ரமப்⁴ராஜத³க்ஷம் ।
மருத்ஸுந்த³ரீசாமரை꞉ ஸேவ்யமாநம்
க³ணாதீ⁴ஶமீஶாநஸூநும் தமீடே³ ॥ 5 ॥

ஸ்பு²ரந்நிஷ்டு²ராளோலபிங்கா³க்ஷிதாரம்
க்ருபாகோமளோதா³ரளீலாவதாரம் ।
கலாபி³ந்து³க³ம் கீ³யதே யோகி³வர்யை-
-ர்க³ணாதீ⁴ஶமீஶாநஸூநும் தமீடே³ ॥ 6 ॥

யமேகாக்ஷரம் நிர்மலம் நிர்விகல்பம்
கு³ணாதீதமாநந்த³மாகாரஶூந்யம் ।
பரம் பாரமோங்காரமாம்நாயக³ர்ப⁴ம்
வத³ந்தி ப்ரக³ள்ப⁴ம் புராணம் தமீடே³ ॥ 7 ॥

சிதா³நந்த³ஸாந்த்³ராய ஶாந்தாய துப்⁴யம்
நமோ விஶ்வகர்த்ரே ச ஹர்த்ரே ச துப்⁴யம் ।
நமோ(அ)நந்தலீலாய கைவல்யபா⁴ஸே
நமோ விஶ்வபீ³ஜ ப்ரஸீதே³ஶஸூநோ ॥ 8 ॥

இமம் ஸுஸ்தவம் ப்ராதருத்தா²ய ப⁴க்த்யா
படே²த்³யஸ்து மர்த்யோ லபே⁴த்ஸர்வகாமாந் ।
க³ணேஶப்ரஸாதே³ந ஸித்⁴யந்தி வாசோ
க³ணேஶே விபௌ⁴ து³ர்லப⁴ம் கிம் ப்ரஸந்நே ॥ 9 ॥

இதி ஶ்ரீமச்ச²ங்கராசார்ய க்ருத ஶ்ரீக³ணேஶ பு⁴ஜங்க³ம் ।

---

மேலும் ஶ்ரீ கணேஶ ஸ்தோத்திரங்கள் பார்க்க.

---