Sri Dattatreya Sahasranama Stotram – ஶ்ரீ த³த்தாத்ரேய ஸஹஸ்ரநாம ஸ்தோத்ரம்

ஶ்ரீத³த்தாத்ரேயாய ஸச்சிதா³நந்தா³ய ஸர்வாந்தராத்மநே ஸத்³கு³ரவே பரப்³ரஹ்மணே நம꞉ ।

கதா³சிச்ச²ங்கராசார்யஶ்சிந்தயித்வா தி³வாகரம் ।
கிம் ஸாதி⁴தம் மயா லோகே பூஜயா ஸ்துதிவந்த³நை꞉ ॥ 1 ॥

ப³ஹுகாலே க³தே தஸ்ய த³த்தாத்ரேயாத்மகோ முநி꞉ ।
ஸ்வப்நே ப்ரத³ர்ஶயாமாஸ ஸூர்யரூபமநுத்தமம் ॥ 2 ॥

உவாச ஶங்கரம் தத்ர பதத்³ரூபமதா⁴ரயத் ।
ப்ராப்யஸே த்வம் ஸர்வஸித்³தி⁴காரணம் ஸ்தோத்ரமுத்தமம் ॥ 3 ॥

உபதே³க்ஷ்யே த³த்தநாமஸஹஸ்ரம் தே³வபூஜிதம் ।
தா³தும் வக்துமஶக்யம் ச ரஹஸ்யம் மோக்ஷதா³யகம் ॥ 4 ॥

ஜபேஷு புண்யதீர்தே²ஷு சாந்த்³ராயணஶதேஷு ச ।
யஜ்ஞவ்ரதாதி³தா³நேஷு ஸர்வபுண்யப²லப்ரத³ம் ॥ 5 ॥

ஶதவாரம் ஜபேந்நித்யம் கர்மஸித்³தி⁴ர்ந ஸம்ஶய꞉ ।
ஏகேநோச்சாரமாத்ரேண தத்ஸ்வரூபம் லபே⁴ந்நர꞉ ॥ 6 ॥

யோக³த்ரயம் ச லப⁴தே ஸர்வயோகா³ந்ந ஸம்ஶய꞉ ।
மாத்ருபித்ருகு³ரூணாம் ச ஹத்யாதோ³ஷோ விநஶ்யதி ॥ 7 ॥

அநேந ய꞉ கிமித்யுக்த்வா ரௌரவம் நரகம் வ்ரஜேத் ।
படி²தவ்யம் ஶ்ராவிதவ்யம் ஶ்ரத்³தா⁴ப⁴க்திஸமந்விதை꞉ ॥ 8 ॥

ஸங்கரீக்ருதபாபைஶ்ச மலிநீகரணைரபி ।
பாபகோடிஸஹஸ்ரைஶ்ச முச்யதே நாத்ர ஸம்ஶய꞉ ॥ 9 ॥

யத்³க்³ருஹே ஸம்ஸ்தி²தம் ஸ்தோத்ரம் த³த்தநாமஸஹஸ்ரகம் ।
ஸர்வாவஶ்யாதி³கர்மாணி ஸமுச்சார்ய ஜபேத்³த்⁴ருவம் ॥ 10 ॥

தத்தத்கார்யம் ச லப⁴தே மோக்ஷவாந் யோக³வாந் ப⁴வேத் ॥

ஓம் அஸ்ய ஶ்ரீத³த்தாத்ரேயஸஹஸ்ரநாமஸ்தோத்ரமந்த்ரஸ்ய ப்³ரஹ்மருஷி꞉ । அநுஷ்டுப்ச²ந்த³꞉ । ஶ்ரீத³த்தபுருஷ꞉ பரமாத்மா தே³வதா । ஓம் ஹம்ஸஹம்ஸாய வித்³மஹே இதி பீ³ஜம் । ஸோ(அ)ஹம் ஸோ(அ)ஹம் ச தீ⁴மஹி இதி ஶக்தி꞉ । ஹம்ஸ꞉ ஸோ(அ)ஹம் ச ப்ரசோத³யாத் இதி கீலகம் । ஶ்ரீபரமபுருஷபரமஹம்ஸபரமாத்மப்ரீத்யர்தே² ஜபே விநியோக³꞉ ॥

அத²꞉ ந்யாஸ꞉ ।
ஓம் ஹம்ஸோ க³ணேஶாய அங்கு³ஷ்டா²ப்⁴யாம் நம꞉ ।
ஓம் ஹம்ஸீ ப்ரஜாபதயே தர்ஜநீப்⁴யாம் நம꞉ ।
ஓம் ஹம்ஸூம் மஹாவிஷ்ணவே மத்⁴யமாப்⁴யாம் நம꞉ ।
ஓம் ஹம்ஸை꞉ ஶம்ப⁴வே அநாமிகாப்⁴யாம் நம꞉ ।
ஓம் ஹம்ஸௌ ஜீவாத்மநே கநிஷ்டி²காப்⁴யாம் நக³꞉ ।
ஓம் ஹம்ஸ꞉ பரமாத்மநே கரதலகரப்ருஷ்டா²ப்⁴யாம் நம꞉ ।
ஏவம் ஹ்ருத³யாதி³ஷட³ங்க³ந்யாஸ꞉ ।
ஓம் ஹம்ஸ꞉ ஸோ(அ)ஹம் ஹம்ஸ꞉ இதி தி³க்³ப³ந்த⁴꞉ ॥

த்⁴யாநம் ।
பா³லார்கப்ரப⁴மிந்த்³ரநீலஜடிலம் ப⁴ஸ்மாங்க³ராகோ³ஜ்ஜ்வலம்
ஶாந்தம் நாத³விலீநசித்தபவநம் ஶார்தூ³லசர்மாம்ப³ரம் ।
ப்³ரஹ்மாத்³யை꞉ ஸநகாதி³பி⁴꞉ பரிவ்ருதம் ஸித்³தை⁴ர்மஹாயோகி³பி⁴꞉
த³த்தாத்ரேயமுபாஸ்மஹே ஹ்ருதி³ முதா³ த்⁴யேயம் ஸதா³ யோகி³நாம் ॥ 1 ॥

ஓம் ஶ்ரீமாந்தே³வோ விரூபாக்ஷோ புராணபுருஷோத்தம꞉ ।
ப்³ரஹ்மா பரோ யதீநாதோ² தீ³நப³ந்து⁴꞉ க்ருபாநிதி⁴꞉ ॥ 1 ॥

ஸாரஸ்வதோ முநிர்முக்²யஸ்தேஜஸ்வீ ப⁴க்தவத்ஸல꞉ ।
த⁴ர்மோ த⁴ர்மமயோ த⁴ர்மீ த⁴ர்மதோ³ த⁴ர்மபா⁴வந꞉ ॥ 2 ॥

பா⁴க்³யதோ³ போ⁴க³தோ³ போ⁴கீ³ பா⁴க்³யவாந் பா⁴நுரஞ்ஜந꞉ ।
பா⁴ஸ்கரோ ப⁴யஹா ப⁴ர்தா பா⁴வபூ⁴ர்ப⁴வதாரண꞉ ॥ 3 ॥

க்ருஷ்ணோ லக்ஷ்மீபதிர்தே³வ꞉ பாரிஜாதாபஹாரக꞉ ।
ஸிம்ஹாத்³ரிநிலய꞉ ஶம்பு⁴ர்வ்யகடாசலவாஸக꞉ ॥ 4 ॥

கோல்லாபுர꞉ ஶ்ரீஜபவாந் மாஹுரார்ஜிதபி⁴க்ஷுக꞉ ।
ஸேதுதீர்த²விஶுத்³தா⁴த்மா ராமத்⁴யாநபராயண꞉ ॥ 5 ॥

ராமார்சிதோ ராமகு³ரு꞉ ராமாத்மா ராமதை³வத꞉ ।
ஶ்ரீராமஶிஷ்யோ ராமஜ்ஞோ ராமைகாக்ஷரதத்பர꞉ ॥ 6 ॥

ஶ்ரீராமமந்த்ரவிக்²யாதோ ராமமந்த்ராப்³தி⁴பாரக³꞉ ।
ராமப⁴க்தோ ராமஸகா² ராமவாந் ராமஹர்ஷண꞉ ॥ 7 ॥

அநஸூயாத்மஜோ தே³வத³த்தஶ்சாத்ரேயநாமக꞉ ।
ஸுரூப꞉ ஸுமதி꞉ ப்ராஜ்ஞ꞉ ஶ்ரீதோ³ வைகுண்ட²வல்லப⁴꞉ ॥ 8 ॥

விரஜஸ்தா²நக꞉ ஶ்ரேஷ்ட²꞉ ஸர்வோ நாராயண꞉ ப்ரபு⁴꞉ ।
கர்மஜ்ஞ꞉ கர்மநிரதோ ந்ருஸிம்ஹோ வாமநோ(அ)ச்யுத꞉ ॥ 9 ॥

கவி꞉ காவ்யோ ஜக³ந்நாதோ² ஜக³ந்மூர்திரநாமய꞉ ।
மத்ஸ்ய꞉ கூர்மோ வராஹஶ்ச ஹரி꞉ க்ருஷ்ணோ மஹாஸ்மய꞉ ॥ 10 ॥

ராமோ ராமோ ரகு⁴பதிர்பு³த்³த⁴꞉ கல்கீ ஜநார்த³ந꞉ ।
கோ³விந்தோ³ மாத⁴வோ விஷ்ணு꞉ ஶ்ரீத⁴ரோ தே³வநாயக꞉ ॥ 11 ॥

த்ரிவிக்ரம꞉ கேஶவஶ்ச வாஸுதே³வோ மஹேஶ்வர꞉ ।
ஸங்கர்ஷண꞉ பத்³மநாபோ⁴ தா³மோத³ரபர꞉ ஶுசி꞉ ॥ 12 ॥

ஶ்ரீஶைலவநசாரீ ச பா⁴ர்க³வஸ்தா²நகோவித³꞉ ।
அஹோப³லநிவாஸீ ச ஸ்வாமீ புஷ்கரணீப்ரிய꞉ ॥ 13 ॥

கும்ப⁴கோணநிவாஸீ ச காஞ்சிவாஸீ ரஸேஶ்வர꞉ ।
ரஸாநுபோ⁴க்தா ஸித்³தே⁴ஶ꞉ ஸித்³தி⁴மாந் ஸித்³த⁴வத்ஸல꞉ ॥ 14 ॥

ஸித்³த⁴ரூப꞉ ஸித்³த⁴விதி⁴꞉ ஸித்³தா⁴சாரப்ரவர்தக꞉ ।
ரஸாஹாரோ விஷாஹாரோ க³ந்த⁴காதி³ ப்ரஸேவக꞉ ॥ 15 ॥

யோகீ³ யோக³பரோ ராஜா த்⁴ருதிமாந் மதிமாந்ஸுகீ² ।
பு³த்³தி⁴மாந்நீதிமாந் பா³லோ ஹ்யுந்மத்தோ ஜ்ஞாநஸாக³ர꞉ ॥ 16 ॥

யோகி³ஸ்துதோ யோகி³சந்த்³ரோ யோகி³வந்த்³யோ யதீஶ்வர꞉ ।
யோகா³தி³மாந் யோக³ரூபோ யோகீ³ஶோ யோகி³பூஜித꞉ ॥ 17 ॥

காஷ்ட²யோகீ³ த்³ருட⁴ப்ரஜ்ஞோ லம்பி³காயோக³வாந் த்³ருட⁴꞉ ।
கே²சரஶ்ச க²க³꞉ பூஷா ரஶ்மிவாந்பூ⁴தபா⁴வந꞉ ॥ 18 ॥

ப்³ரஹ்மஜ்ஞ꞉ ஸநகாதி³ப்⁴ய꞉ ஶ்ரீபதி꞉ கார்யஸித்³தி⁴மாந் ।
ஸ்ப்ருஷ்டாஸ்ப்ருஷ்டவிஹீநாத்மா யோக³ஜ்ஞோ யோக³மூர்திமாந் ॥ 19 ॥

மோக்ஷஶ்ரீர்மோக்ஷதோ³ மோக்ஷீ மோக்ஷரூபோ விஶேஷவாந் ।
ஸுக²ப்ரத³꞉ ஸுக²꞉ ஸௌக்²ய꞉ ஸுக²ரூப꞉ ஸுகா²த்மக꞉ ॥ 20 ॥

ராத்ரிரூபோ தி³வாரூப꞉ ஸந்த்⁴யா(ஆ)த்மா காலரூபக꞉ ।
கால꞉ காலவிவர்ணஶ்ச பா³ல꞉ ப்ரபு⁴ரதுல்யக꞉ ॥ 21 ॥

ஸஹஸ்ரஶீர்ஷா புருஷோ வேதா³த்மா வேத³பாரக³꞉ ।
ஸஹஸ்ரசரணோ(அ)நந்த꞉ ஸஹஸ்ராக்ஷோ ஜிதேந்த்³ரிய꞉ ॥ 22 ॥

ஸ்தூ²லஸூக்ஷ்மோ நிராகாரோ நிர்மோஹோ ப⁴க்தமோஹவாந் ।
மஹீயாந்பரமாணுஶ்ச ஜிதக்ரோதோ⁴ ப⁴யாபஹ꞉ ॥ 23 ॥

யோகா³நந்த³ப்ரதா³தா ச யோகோ³ யோக³விஶாரத³꞉ ।
நித்யோ நித்யாத்மவாந் யோகீ³ நித்யபூர்ணோ நிராமய꞉ ॥ 24 ॥

த³த்தாத்ரேயோ தே³வத³த்தோ யோகீ³ பரமபா⁴ஸ்கர꞉ ।
அவதூ⁴த꞉ ஸர்வநாத²꞉ ஸத்கர்தா புருஷோத்தம꞉ ॥ 25 ॥

ஜ்ஞாநீ லோகவிபு⁴꞉ காந்த꞉ ஶீதோஷ்ணஸமபு³த்³த⁴க꞉ ।
வித்³வேஷீ ஜநஸம்ஹர்தா த⁴ர்மபு³த்³தி⁴விசக்ஷண꞉ ॥ 26 ॥

நித்யத்ருப்தோ விஶோகஶ்ச த்³விபு⁴ஜ꞉ காமரூபக꞉ ।
கல்யாணோ(அ)பி⁴ஜநோ தீ⁴ரோ விஶிஷ்ட꞉ ஸுவிசக்ஷண꞉ ॥ 27 ॥

ஶ்ரீமத்³பா⁴க³வதார்த²ஜ்ஞோ ராமாயணவிஶேஷவாந் ।
அஷ்டாத³ஶபுராணஜ்ஞோ ஷட்³த³ர்ஶநவிஜ்ரும்ப⁴க꞉ ॥ 28 ॥

நிர்விகல்ப꞉ ஸுரஶ்ரேஷ்டோ² ஹ்யுத்தமோ லோகபூஜித꞉ ।
கு³ணாதீத꞉ பூர்ணகு³ணீ ப்³ரஹ்மண்யோ த்³விஜஸம்வ்ருத꞉ ॥ 29 ॥

தி³க³ம்ப³ரோ மஹாஜ்ஞேயோ விஶ்வாத்மா(ஆ)த்மபராயண꞉ ।
வேதா³ந்தஶ்ரவணோ வேதீ³ கலாவாந்நிஷ்கலத்ரவாந் ॥ 30 ॥

மிதபா⁴ஷ்ய மிதாபா⁴ஷீ ஸௌம்யோ ராமோ ஜய꞉ ஶிவ꞉ ।
ஸர்வஜித் ஸர்வதோப⁴த்³ரோ ஜயகாங்க்ஷீ ஸுகா²வஹ꞉ ॥ 31 ॥

ப்ரத்யர்தி²கீர்திஸம்ஹர்தா மந்த³ரார்சிதபாது³க꞉ ।
வைகுண்ட²வாஸீ தே³வேஶோ விரஜாஸ்நாநமாநஸ꞉ ॥ 32 ॥

ஶ்ரீமேருநிலயோ யோகீ³ பா³லார்கஸமகாந்திமாந் ।
ரக்தாங்க³꞉ ஶ்யாமலாங்க³ஶ்ச ப³ஹுவேஷோ ப³ஹுப்ரிய꞉ ॥ 33 ॥

மஹாலக்ஷ்ம்யந்நபூர்ணேஶ꞉ ஸ்வதா⁴காரோ யதீஶ்வர꞉ ।
ஸ்வர்ணரூப꞉ ஸ்வர்ணதா³யீ மூலிகாயந்த்ரகோவித³꞉ ॥ 34 ॥

அநீதமூலிகாயந்த்ரோ ப⁴க்தாபீ⁴ஷ்டப்ரதோ³ மஹாந் ।
ஶாந்தாகாரோ மஹாமாயோ மாஹுரஸ்தோ² ஜக³ந்மய꞉ ॥ 35 ॥

ப³த்³தா⁴ஸநஶ்ச ஸூக்ஷ்மாம்ஶீ மிதாஹாரோ நிருத்³யம꞉ ।
த்⁴யாநாத்மா த்⁴யாநயோகா³த்மா த்⁴யாநஸ்தோ² த்⁴யாநஸத்ப்ரிய꞉ ॥ 36 ॥

ஸத்யத்⁴யாந꞉ ஸத்யமய꞉ ஸத்யரூபோ நிஜாக்ருதி꞉ ।
த்ரிலோககு³ருரேகாத்மா ப⁴ஸ்மோத்³தூ⁴லிதவிக்³ரஹ꞉ ॥ 37 ॥

ப்ரியாப்ரியஸம꞉ பூர்ணோ லாபா⁴லாப⁴ஸமப்ரிய꞉ ।
ஸுக²து³꞉க²ஸமோ ஹ்ரீமாந் ஹிதாஹிதஸம꞉ பர꞉ ॥ 38 ॥

கு³ருர்ப்³ரஹ்மா ச விஷ்ணுஶ்ச மஹாவிஷ்ணு꞉ ஸநாதந꞉ ।
ஸதா³ஶிவோ மஹேந்த்³ரஶ்ச கோ³விந்தோ³ மது⁴ஸூத³ந꞉ ॥ 39 ॥

கர்தா காரயிதா ருத்³ர꞉ ஸர்வசாரீ து யாசக꞉ ।
ஸம்பத்ப்ரதோ³ வ்ருஷ்டிரூபோ மேக⁴ரூபஸ்தப꞉ப்ரிய꞉ ॥ 40 ॥

தபோமூர்திஸ்தபோராஶிஸ்தபஸ்வீ ச தபோத⁴ந꞉ ।
தபோமயஸ்தப꞉ஶுத்³தோ⁴ ஜநகோ விஶ்வஸ்ருக்³விதி⁴꞉ ॥ 41 ॥

தப꞉ஸித்³த⁴ஸ்தப꞉ஸாத்⁴யஸ்தப꞉கர்தா தப꞉க்ரது꞉ ।
தப꞉ஶமஸ்தப꞉கீர்திஸ்தபோதா³ரஸ்தபோ(அ)த்யய꞉ ॥ 42 ॥

தபோரேதஸ்தபோஜ்யோதிஸ்தபாத்மா சாத்ரிநந்த³ந꞉ ।
நிஷ்கல்மஷோ நிஷ்கபடோ நிர்விக்⁴நோ த⁴ர்மபீ⁴ருக꞉ ॥ 43 ॥

வைத்³யுதஸ்தாரக꞉ கர்மவைதி³கோ ப்³ராஹ்மணோ யதி꞉ ।
நக்ஷத்ரதேஜோ தீ³ப்தாத்மா பரிஶுத்³தோ⁴ விமத்ஸர꞉ ॥ 44 ॥

ஜடீ க்ருஷ்ணாஜிநபதோ³ வ்யாக்⁴ரசர்மத⁴ரோ வஶீ ।
ஜிதேந்த்³ரியஶ்சீரவாஸீ ஶுக்லவஸ்த்ராம்ப³ரோ ஹரி꞉ ॥ 45 ॥

சந்த்³ராநுஜஶ்சந்த்³ரமுக²꞉ ஶுகயோகீ³ வரப்ரத³꞉ ।
தி³வ்யயோகீ³ பஞ்சதபோ மாஸர்துவத்ஸராநந꞉ ॥ 46 ॥

பூ⁴தஜ்ஞோ வர்தமாநஜ்ஞ ஹ்யேயஜ்ஞோ த⁴ர்மவத்ஸல꞉ ।
ப்ரஜாஹித꞉ ஸர்வஹிதோ ஹ்யநிந்த்³யோ லோகவந்தி³த꞉ ॥ 47 ॥

ஆகுஞ்சயோக³ஸம்ப³த்³த⁴மலமூத்ரரஸாதி³க꞉ ।
கநகீபூ⁴தமலவாந் ராஜயோக³விசக்ஷண꞉ ॥ 48 ॥

ஶகடாதி³விஶேஷஜ்ஞோ லம்பி³காநீதிதத்பர꞉ ।
ப்ரபஞ்சரூபீ ப³லவாந் ஏககௌபீநவஸ்த்ரக꞉ ॥ 49 ॥

தி³க³ம்ப³ர꞉ ஸோத்தரீய꞉ ஸஜட꞉ ஸகமண்ட³லு꞉ ।
நிர்த³ண்ட³ஶ்சாஸித³ண்ட³ஶ்ச ஸ்த்ரீவேஷ꞉ புருஷாக்ருதி꞉ ॥ 50 ॥

துலஸீகாஷ்ட²மாலீ ச ரௌத்³ர꞉ ஸ்ப²டிகமாலிக꞉ ।
நிர்மாலிக꞉ ஶுத்³த⁴தர꞉ ஸ்வேச்சா² அமரவாந் பர꞉ ॥ 51 ॥

உர்த்⁴வபுண்ட்³ரஸ்த்ரிபுண்ட்³ராங்கோ த்³வந்த்³வஹீந꞉ ஸுநிர்மல꞉ ।
நிர்ஜட꞉ ஸஜடோ ஹேயோ ப⁴ஸ்மஶாயீ ஸுபோ⁴க³வாந் ॥ 52 ॥

மூத்ரஸ்பர்ஶோ மலஸ்பர்ஶோஜாதிஹீந꞉ ஸுஜாதிக꞉ ।
அப⁴க்ஷ்யப⁴க்ஷோ நிர்ப⁴க்ஷோ ஜக³த்³வந்தி³ததே³ஹவாந் ॥ 53 ॥

பூ⁴ஷணோ தூ³ஷணஸம꞉ காலாகாலோ த³யாநிதி⁴꞉ ।
பா³லப்ரியோ பா³லருசிர்பா³லவாநதிபா³லக꞉ ॥ 54 ॥

பா³லக்ரீடோ³ பா³லரதோ பா³லஸங்க⁴வ்ருதோ ப³லீ ।
பா³லலீலாவிநோத³ஶ்ச கர்ணாகர்ஷணகாரக꞉ ॥ 55 ॥

க்ரயாநீதவணிக்பண்யோ கு³ட³ஸூபாதி³ப⁴க்ஷக꞉ ।
பா³லவத்³கீ³தஸந்த்³ருஷ்டோ முஷ்டியுத்³த⁴கரஶ்சல꞉ ॥ 56 ॥

அத்³ருஶ்யோ த்³ருஶ்யமாநஶ்ச த்³வந்த்³வயுத்³த⁴ப்ரவர்தக꞉ ।
பலாயமாநோ பா³லாட்⁴யோ பா³லஹாஸ꞉ ஸுஸங்க³த꞉ ॥ 57 ॥

ப்ரத்யாக³த꞉ புநர்க³ச்ச²ச்சக்ரவத்³க³மநாகுல꞉ ।
சோரவத்³த்⁴ருதஸர்வஸ்வோ ஜநதா(ஆ)ர்திகதே³ஹவாந் ॥ 58 ॥

ப்ரஹஸந்ப்ரவத³ந்த³த்தோ தி³வ்யமங்க³லவிக்³ரஹ꞉ ।
மாயாபா³லஶ்ச மாயாவீ பூர்ணலீலோ முநீஶ்வர꞉ ॥ 59 ॥

மாஹுரேஶோ விஶுத்³தா⁴த்மா யஶஸ்வீ கீர்திமாந் யுவா ।
ஸவிகல்ப꞉ ஸச்சிதா³போ⁴ கு³ணவாந் ஸௌம்யபா⁴வந꞉ ॥ 60 ॥

பிநாகீ ஶஶிமௌலீ ச வாஸுதே³வோ தி³வஸ்பதி꞉ ।
ஸுஶிரா꞉ ஸூர்யதேஜஶ்ச ஶ்ரீக³ம்பீ⁴ரோஷ்ட² உந்நதி꞉ ॥ 61 ॥

த³ஶபத்³மா த்ரிஶீர்ஷஶ்ச த்ரிபி⁴ர்வ்யாப்தோ த்³விஶுக்லவாந் ।
த்ரிஸமஶ்ச த்ரிதாத்மஶ்ச த்ரிலோகஶ்ச த்ரயம்ப³க꞉ ॥ 62 ॥

சதுர்த்³வந்த்³வஸ்த்ரியவநஸ்த்ரிகாமோ ஹம்ஸவாஹந꞉ ।
சதுஷ்கலஶ்சதுர்த³ம்ஷ்ட்ரோ க³தி꞉ ஶம்பு⁴꞉ ப்ரியாநந꞉ ॥ 63 ॥

சதுர்மதிர்மஹாத³ம்ஷ்ட்ரோ வேதா³ங்கீ³ சதுராநந꞉ ।
பஞ்சஶுத்³தோ⁴ மஹாயோகீ³ மஹாத்³வாத³ஶவாநக꞉ ॥ 64 ॥

சதுர்முகோ² நரதநுரஜேயஶ்சாஷ்டவம்ஶவாந் ।
சதுர்த³ஶஸமத்³வந்த்³வோ முகுராங்கோ த³ஶாம்ஶவாந் ॥ 65 ॥

வ்ருஷாங்கோ வ்ருஷபா⁴ரூட⁴ஶ்சந்த்³ரதேஜ꞉ ஸுத³ர்ஶந꞉ ।
ஸாமப்ரியோ மஹேஶாநஶ்சிதா³காரோ꞉ நரோத்தம꞉ ॥ 66 ॥

த³யாவாந் கருணாபூர்ணோ மஹேந்த்³ரோ மாஹுரேஶ்வர꞉ ।
வீராஸநஸமாஸீநோ ராமோ ராமபராயண꞉ ॥ 67 ॥

இந்த்³ரோ வஹ்நிர்யம꞉ காலோ நிர்ருதிர்வருணோ யம꞉ ।
வாயுஶ்ச ருத்³ரஶ்சேஶாநோ லோகபாலோ மஹாயஶ꞉ ॥ 68 ॥

யக்ஷக³ந்த⁴ர்வநாகா³ஶ்ச கிந்நர꞉ ஶுத்³த⁴ரூபக꞉ ।
வித்³யாத⁴ரஶ்சாஹிபதிஶ்சாரண꞉ பந்நகே³ஶ்வர꞉ ॥ 69 ॥

சண்டி³கேஶ꞉ ப்ரசண்ட³ஶ்ச க⁴ண்டாநாத³ரத꞉ ப்ரிய꞉ ।
வீணாத்⁴வநிர்வைநதேயோ நாரத³ஸ்தும்ப³ருர்ஹர꞉ ॥ 70 ॥

வீணாப்ரசண்ட³ஸௌந்த³ர்யோ ராஜீவாக்ஷஶ்ச மந்மத²꞉ ।
சந்த்³ரோ தி³வாகரோ கோ³ப꞉ கேஸரீ ஸோமஸோத³ர꞉ ॥ 71 ॥

ஸநக꞉ ஶுகயோகீ³ ச நந்தீ³ ஷண்முக²ராக³க꞉ ।
க³ணேஶோ விக்⁴நராஜஶ்ச சந்த்³ராபோ⁴ விஜயோ ஜய꞉ ॥ 72 ॥

அதீதகாலசக்ரஶ்ச தாமஸ꞉ காலத³ண்ட³வாந் ।
விஷ்ணுசக்ர꞉ த்ரிஶூலேந்த்³ரோ ப்³ரஹ்மத³ண்டோ³ விருத்³த⁴க꞉ ॥ 73 ॥

ப்³ரஹ்மாஸ்த்ரரூபோ ஸத்யேந்த்³ர꞉ கீர்திமாந்கோ³பதிர்ப⁴வ꞉ ।
வஸிஷ்டோ² வாமதே³வஶ்ச ஜாபா³லீ கண்வரூபக꞉ ॥ 74 ॥

ஸம்வர்தரூபோ மௌத்³க³ல்யோ மார்கண்டே³யஶ்ச காஶ்யப꞉ ।
த்ரிஜடோ கா³ர்க்³யரூபீ ச விஷநாதோ² மஹோத³ய꞉ ॥ 75 ॥

த்வஷ்டா நிஶாகர꞉ கர்மகாஶ்யபஶ்ச த்ரிரூபவாந் ।
ஜமத³க்³நி꞉ ஸர்வரூப꞉ ஸர்வநாதோ³ யதீஶ்வர꞉ ॥ 76 ॥

அஶ்வரூபீ வைத்³யபதிர்க³ரகண்டோ²(அ)ம்பி³கார்சித꞉ ।
சிந்தாமணி꞉ கல்பவ்ருக்ஷோ ரத்நாத்³ரிருத³தி⁴ப்ரிய꞉ ॥ 77 ॥

மஹாமண்டூ³கரூபீ ச காலாக்³நிஸமவிக்³ரஹ꞉ ।
ஆதா⁴ரஶக்திரூபீ ச கூர்ம꞉ பஞ்சாக்³நிரூபக꞉ ॥ 78 ॥

க்ஷீரார்ணவோ மஹாரூபோ வராஹஶ்ச த்⁴ருதாவநி꞉ ।
ஐராவதோ ஜந꞉ பத்³மோ வாமந꞉ குமுதா³த்மவாந் ॥ 79 ॥

புண்ட³ரீக꞉ புஷ்பத³ந்தோ மேக⁴ச்ச²ந்நோ(அ)ப்⁴ரசாரக꞉ ।
ஸிதோத்பலாபோ⁴ த்³யுதிமாந் த்³ருடோ⁴ரஸ்க꞉ ஸுரார்சித꞉ ॥ 80 ॥

பத்³மநாப⁴꞉ ஸுநாப⁴ஶ்ச த³ஶஶீர்ஷ꞉ ஶதோத³ர꞉ ।
அவாங்முகோ² பஞ்சவக்த்ரோ ரக்ஷாக்²யாத்மா த்³விரூபக꞉ ॥ 81 ॥

ஸ்வர்ணமண்ட³லஸஞ்சாரீ வேதி³ஸ்த²꞉ ஸர்வபூஜித꞉ ।
ஸ்வப்ரஸந்ந꞉ ப்ரஸந்நாத்மா ஸ்வப⁴க்தாபி⁴முகோ² ம்ருது³꞉ ॥ 82 ॥

ஆவாஹித꞉ ஸந்நிஹிதோ வரதோ³ ஜ்ஞாநவஸ்தி²த꞉ ।
ஶாலிக்³ராமாத்மகோ த்⁴யாதோ ரத்நஸிம்ஹாஸநஸ்தி²த꞉ ॥ 83 ॥

அர்க்⁴யப்ரிய꞉ பாத்³யதுஷ்டஶ்சாசம்யார்சிதபாது³க꞉ ।
பஞ்சாம்ருத꞉ ஸ்நாநவிதி⁴꞉ ஶுத்³தோ⁴த³கஸுஸஞ்சித꞉ ॥ 84 ॥

க³ந்தா⁴க்ஷதஸுஸம்ப்ரீத꞉ புஷ்பாலங்காரபூ⁴ஷண꞉ ।
அங்க³பூஜாப்ரிய꞉ ஸர்வோ மஹாகீர்திர்மஹாபு⁴ஜ꞉ ॥ 85 ॥

நாமபூஜாவிஶேஷஜ்ஞ꞉ ஸர்வநாமஸ்வரூபக꞉ ।
தூ⁴பிதோ தி³வ்யதூ⁴பாத்மா தீ³பிதோ ப³ஹுதீ³பவாந் ॥ 86 ॥

ப³ஹுநைவேத்³யஸம்ஹ்ருஷ்டோ நிராஜநவிராஜித꞉ ।
ஸர்வாதிரஞ்ஜிதாநந்த³꞉ ஸௌக்²யவாந் த⁴வலார்ஜுந꞉ ॥ 87 ॥

விராகோ³ நிர்விராக³ஶ்ச யஜ்ஞார்சாங்கோ³ விபூ⁴திக꞉ ।
உந்மத்தோ ப்⁴ராந்தசித்தஶ்ச ஶுப⁴சித்த꞉ ஶுபா⁴ஹுதி꞉ ॥ 88 ॥

ஸுரைரிஷ்டோ லகி⁴ஷ்டஶ்ச ப³ஹிஷ்டோ² ப³ஹுதா³யக꞉ ।
மஹிஷ்ட²꞉ ஸுமஹௌஜாஶ்ச ப³லிஷ்ட²꞉ ஸுப்ரதிஷ்டி²த꞉ ॥ 89 ॥

காஶீக³ங்கா³ம்பு³மஜ்ஜஶ்ச குலஶ்ரீமந்த்ரஜாபக꞉ ।
சிகுராந்விதபா⁴லஶ்ச ஸர்வாங்க³லிப்தபூ⁴திக꞉ ॥ 90 ॥

அநாதி³நித⁴நோ ஜ்யோதிபா⁴ர்க³வாத்³ய꞉ ஸநாதந꞉ ।
தாபத்ரயோபஶமநோ மாநவாஸோ மஹோத³ய꞉ ॥ 91 ॥

ஜ்யேஷ்ட²꞉ ஶ்ரேஷ்டோ² மஹாரௌத்³ர꞉ காலமூர்தி꞉ ஸுநிஶ்சய꞉ ।
ஊர்த்⁴வ꞉ ஸமூர்த்⁴வலிங்க³ஶ்ச ஹிரண்யோ ஹேமலிங்க³வாந் ॥ 92 ॥

ஸுவர்ண꞉ ஸ்வர்ணலிங்க³ஶ்ச தி³வ்யமூர்திர்தி³வஸ்பதி꞉ ।
தி³வ்யலிங்கோ³ ப⁴வோ ப⁴வ்ய꞉ ஸர்வலிங்க³ஸ்து ஸர்வக꞉ ॥ 93 ॥

ஶிவலிங்க³꞉ ஶிவோ மாயோ ஜ்வலஸ்தூஜ்ஜ்வலலிங்க³வாந் ।
ஆத்மா சைவாத்மலிங்க³ஶ்ச பரமோ லிங்க³பாரக³꞉ ॥ 94 ॥

ஸோம꞉ ஸூர்ய꞉ ஸர்வலிங்க³꞉ பாணியந்த்ரபவித்ரவாந் ।
ஸத்³யோஜாதஸ்தபோரூபோ ப⁴வோத்³ப⁴வ அநீஶ்வர꞉ ॥ 95 ॥

தத்ஸவித்³ரூபஸவிதா வரேண்யஶ்ச ப்ரசோத³யாத் ।
தூ³ரத்³ருஷ்டிர்தூ³ரக³தோ தூ³ரஶ்ரவணதர்பித꞉ ॥ 96 ॥

யோக³பீட²ஸ்தி²தோ வித்³வாந் நமஸ்காரிதராஸப⁴꞉ ।
நமஸ்க்ருதஶுநஶ்சாபி வஜ்ரகஷ்ட்யாதிபீ⁴ஷண꞉ ॥ 97 ॥

ஜ்வலந்முக²꞉ ப்ரதீவாணீ ஸக²ட்³கோ³ த்³ராவிட³ப்ரஜ꞉ ।
பஶுக்⁴நஶ்ச ரஸோந்மத்தோ ரஸோர்த்⁴வமுக²ரஞ்ஜித꞉ ॥ 98 ॥

ரஸப்ரியோ ரஸாத்மா ச ரஸரூபீ ரஸேஶ்வர꞉ ।
ரஸாதி⁴தை³வதோ பௌ⁴மோ ரஸாங்கோ³ ரஸபா⁴வந꞉ ॥ 99 ॥

ரஸோந்மதோ³ ரஸகரோ ரஸேந்த்³ரோ ரஸபூஜக꞉ ।
ரஸஸித்³த⁴꞉ ஸித்³த⁴ரஸோ ரஸத்³ரவ்யோ ரஸோந்முக²꞉ ॥ 100 ॥

ரஸாங்கிதோ ரஸாபூர்ணோ ரஸதோ³ ரஸிகோ ரஸீ ।
க³ந்த⁴காத³ஸ்தாலகாதோ³ கௌ³ர꞉ஸ்ப²டிகஸேவந꞉ ॥ 101 ॥

கார்யஸித்³த⁴꞉ கார்யருசிர்ப³ஹுகார்யோ ந கார்யவாந் ।
அபே⁴தீ³ ஜநகர்தா ச ஶங்க²சக்ரக³தா³த⁴ர꞉ ॥ 102 ॥

க்ருஷ்ணாஜிநகிரீடீ ச ஶ்ரீக்ருஷ்ணாஜிநகஞ்சுக꞉ ।
ம்ருக³யாயீ ம்ருகே³ந்த்³ரஶ்ச க³ஜரூபீ க³ஜேஶ்வர꞉ ॥ 103 ॥

த்³ருட⁴வ்ரத꞉ ஸத்யவாதீ³ க்ருதஜ்ஞோ ப³லவாந்ப³ல꞉ ।
கு³ணவாந் கார்யவாந் தா³ந்த꞉ க்ருதஶோபோ⁴ து³ராஸத³꞉ ॥ 104 ॥

ஸுகாலோ பூ⁴தநிஹித꞉ ஸமர்த²ஶ்சாண்ட³நாயக꞉ ।
ஸம்பூர்ணத்³ருஷ்டிரக்ஷுப்³தோ⁴ ஜநைகப்ரியத³ர்ஶந꞉ ॥ 105 ॥

நியதாத்மா பத்³மத⁴ரோ ப்³ரஹ்மவாம்ஶ்சாநஸூயக꞉ ।
உஞ்ச்ச²வ்ருத்திரநீஶஶ்ச ராஜபோ⁴கீ³ ஸுமாலிக꞉ ॥ 106 ॥

ஸுகுமாரோ ஜராஹீநோ சாரக்⁴நோ மஞ்ஜுலேக்ஷண꞉ ।
ஸுபாத³꞉ ஸ்வங்கு³லீகஶ்ச ஸுஜங்க⁴꞉ ஶுப⁴ஜாநுக꞉ ॥ 107 ॥

ஶுபோ⁴ரு꞉ ஶுப⁴லிங்க³ஶ்ச ஸுநாபோ⁴ ஜக⁴நோத்தம꞉ ।
ஸுபார்ஶ்வ꞉ ஸுஸ்தநோ நீல꞉ ஸுவக்ஷஶ்ச ஸுஜத்ருக꞉ ॥ 108 ॥

நீலக்³ரீவோ மஹாஸ்கந்த⁴꞉ ஸுபு⁴ஜோ தி³வ்யஜங்க⁴க꞉ ।
ஸுஹஸ்தரேகோ² லக்ஷ்மீவாந் தீ³ர்க⁴ப்ருஷ்டோ² யதிஶ்சல꞉ ॥ 109 ॥

உந்மீலிதோந்மீலிதஶ்ச விஶாலாக்ஷஶ்ச ஶுப்⁴ரக꞉ ।
ஶுப⁴மத்⁴ய꞉ ஸுபா⁴லஶ்ச ஸுஶிரா நீலரோமக꞉ ॥ 110 ॥

பி³ம்போ³ஷ்ட²꞉ ஶுப்⁴ரத³ந்தஶ்ச வித்³யுஜ்ஜிஹ்வ꞉ ஸுதாலுக꞉ ।
தீ³ர்க⁴நாஸ꞉ ஸுதாம்ராக்ஷ꞉ ஸுகபோல꞉ ஸுகர்ணக꞉ ॥ 111 ॥

விஶிஷ்டக்³ராமணிஸ்கந்த⁴꞉ ஶிகி²வர்ணோ விபா⁴வஸு꞉ ।
கைலாஸேஶோ விசித்ரஜ்ஞோ வைகுண்டே²ந்த்³ரோ விசித்ரவாந் ॥ 112 ॥

மநஸேந்த்³ரஶ்சக்ரவாலோ மஹேந்த்³ரோ மந்தா³ரதி⁴ப꞉ ।
மலயோ விந்த்⁴யரூபஶ்ச ஹிமவாந் மேருரூபக꞉ ॥ 113 ॥

ஸுவேஷோ நவ்யரூபாத்மா மைநாகோ க³ந்த⁴மாத³ந꞉ ।
ஸிம்ஹாசலஶ்ச வேதா³த்³ரி꞉ ஶ்ரீஶைல꞉ க்ரகசாத்மக꞉ ॥ 114 ॥

நாநாசலஶ்சித்ரகூடோ து³ர்வாஸோ பர்வதாத்மஜ꞉ ।
யமுநாக்ருஷ்ணவேணீஶோ ப⁴த்³ரேஶோ கௌ³தமீபதி꞉ ॥ 115 ॥

கோ³தா³வரீஶோ க³ங்கா³த்மா ஶோணக꞉ கௌஶிகீபதி꞉ ।
நர்மதே³ஶஸ்து காவேரீதாம்ரபர்ணீஶ்வரோ ஜடீ ॥ 116 ॥

ஸரித்³ரூபா நதா³த்மா ச ஸமுத்³ர꞉ ஸரிதீ³ஶ்வர꞉ ।
ஹ்ராதி³நீஶ꞉ பாவநீஶோ நலிநீஶ꞉ ஸுசக்ஷுமாந் ॥ 117 ॥

ஸீதாநதீ³பதி꞉ ஸிந்தூ⁴ரேவேஶீ முரலீபதி꞉ ।
லவணேக்ஷு꞉ க்ஷீரநிதி⁴꞉ ஸுராப்³தி⁴꞉ ஸர்பிரம்பு³தி⁴꞉ ॥ 118 ॥

த³யாப்³தி⁴ஶுத்³த⁴ஜலதி⁴ஸ்தத்வரூபீ த⁴நாதி⁴ப꞉ ।
பூ⁴பாலமது⁴ராக³ஜ்ஞோ மாலநீராக³கோவித³꞉ ॥ 119 ॥

பௌண்ட்³ரக்ரியாஜ்ஞ꞉ ஶ்ரீராகோ³ நாநாராகா³ர்ணவாந்தக꞉ ।
வேதா³தி³ரூபோ ஹ்ரீம்ரூபோ ஹ்ரூம்ரூப꞉ க்லீம்விகாரக꞉ ॥ 120 ॥

க்³லூம்மய꞉ க்லீம்மய꞉ ப்ரக்²யோ ஹூம்மய꞉ க்ரௌம்மயோ ப⁴ட꞉ ।
தீ⁴ம்மயோ லுங்மயோ லாங்கோ³ க⁴ம்மய꞉ க²ம்மய꞉ க²க³꞉ ॥ 121 ॥

க²ம்மயோ ஞம்மயஶ்சாங்கோ³ பீ³ஜாங்கோ³ பீ³ஜஜம்மய꞉ ।
ஜ²ங்கரஷ்டங்கர꞉ஷ்டங்கோ³ ட³ங்கரோ ட⁴ங்கரோ(அ)ணுக꞉ ॥ 122 ॥

தங்கரஸ்த²ங்கரஸ்துங்கோ³ த்³ராம்முத்³ராரூபக꞉ ஸுத³꞉ ।
த³க்ஷோ த³ண்டீ³ தா³நவக்⁴நோ அப்ரதித்³வந்த்³வவாமத³꞉ ॥ 123 ॥

த⁴ம்ரூபோ நம்ஸ்வரூபஶ்ச பங்கஜாக்ஷஶ்ச ப²ம்மய꞉ ।
மஹேந்த்³ரோ மது⁴போ⁴க்தா ச மந்த³ரேதாஸ்து ப⁴ம்மய꞉ ॥ 124 ॥

ரம்மயோ ரிங்கரோ ரங்கோ³ லங்கர꞉ வம்மய꞉ ஶர꞉ ।
ஶங்கர꞉ ஷண்முகோ² ஹம்ஸ꞉ ஶங்கர꞉ ஶங்கரோ(அ)க்ஷய꞉ ॥ 125 ॥

ஓமித்யேகாக்ஷராத்மா ச ஸர்வபீ³ஜஸ்வரூபக꞉ ।
ஶ்ரீகர꞉ ஶ்ரீபத³꞉ ஶ்ரீஶ꞉ ஶ்ரீநிதி⁴꞉ ஶ்ரீநிகேதந꞉ ॥ 126 ॥

புருஷோத்தம꞉ ஸுகீ² யோகீ³ த³த்தாத்ரேயோ ஹ்ருதி³ப்ரிய꞉ ।
தத்ஸம்யுத꞉ ஸதா³யோகீ³ தீ⁴ரதந்த்ர꞉ ஸுஸாத⁴க꞉ ॥ 127 ॥

புருஷோத்தமோ யதிஶ்ரேஷ்டோ² த³த்தாத்ரேய꞉ ஸகீ²த்வவாந் ।
வஸிஷ்ட²வாமதே³வாப்⁴யாம் த³த்த꞉ புருஷ꞉ ஈரித꞉ ॥ 128 ॥

யாவத்திஷ்ட²தே ஹ்யஸ்மிந் தாவத்திஷ்ட²தி தத்ஸுக²꞉ ।
ய இத³ம் ஶ்ருணுயாந்நித்யம் ப்³ரஹ்மஸாயுஜ்யதாம் வ்ரஜேத் ॥ 129 ॥

பு⁴க்திமுக்திகரம் தஸ்ய நாத்ரகார்யா விசாரணா ।
ஆயுஷ்மத்புத்ரபௌத்ராம்ஶ்ச த³த்தாத்ரேய꞉ ப்ரத³ர்ஶயேத் ॥ 130 ॥

த⁴ந்யம் யஶஸ்யமாயுஷ்யம் புத்ரபா⁴க்³யவிவர்த⁴நம் ।
கரோதி லேக²நாதே³வ பரார்த²ம் வா ந ஸம்ஶய꞉ ॥ 131 ॥

ய꞉ கரோத்யுபதே³ஶம் ச நாமத³த்தஸஹஸ்ரகம் ।
ஸ ச யாதி ச ஸாயுஜ்யம் ஶ்ரீமாந் ஶ்ரீமாந் ந ஸம்ஶய꞉ ॥ 132 ॥

பட²நாச்ச்²ரவணாத்³வாபி ஸர்வாந்காமாநவாப்நுயாத் ।
கே²சரத்வம் கார்யஸித்³தி⁴ம் யோக³ஸித்³தி⁴மவாப்நுயாத் ॥ 136 ॥

ப்³ரஹ்மராக்ஷஸவேதாலை꞉ பிஶாசை꞉ காமிநீமுகை²꞉ ।
பீடா³கரை꞉ ஸுக²கரைர்க்³ரஹைர்து³ஷ்டைர்ந பா³த்⁴யதே ॥ 134 ॥

தே³வை꞉ பிஶாசைர்முச்யேத ஸக்ருது³ச்சாரணேந து ।
யஸ்மிந் தே³ஶே ஸ்தி²தம் சைதத்புஸ்தகம் த³த்தநாமகம் ॥ 135 ॥

பஞ்சயோஜநவிஸ்தாரம் ரக்ஷணம் நாத்ர ஸம்ஶய꞉ ।
ஸர்வபீ³ஜஸமாயுக்தம் ஸ்தோத்ரம் நாமஸஹஸ்ரகம் ॥ 136 ॥

ஸர்வமந்த்ரஸ்வரூபம் ச த³த்தாத்ரேயஸ்வரூபகம் ।
ஏகவாரம் படி²த்வா து தாம்ரபாத்ரே ஜலம் ஸ்ப்ருஶேத் ॥ 137 ॥

பீத்வா சேத்ஸர்வரோகை³ஶ்ச முச்யதே நாத்ர ஸம்ஶய꞉ ।
ஸ்த்ரீவஶ்யம் புருஷவஶ்யம் ராஜவஶ்யம் ஜயாவஹம் ॥ 138 ॥

ஸம்பத்ப்ரத³ம் மோக்ஷகரம் படே²ந்நித்யமதந்த்³ரித꞉ ।
லீயந்தே(அ)ஸ்மிந்ப்ரபஞ்சார்தா²ந் வைரிஶோகாதி³காரித꞉ ॥ 139 ॥

பட²நாத்து ப்ரஸந்நோ(அ)ஹம் ஶங்கராசார்ய பு³த்³தி⁴மாந் ।
ப⁴விஷ்யதி ந ஸந்தே³ஹ꞉ படி²த꞉ ப்ராதரேவ மாம் ॥ 140 ॥

உபதே³க்ஷ்யே ஸர்வயோகா³ந் லம்பி³காதி³ப³ஹூந்வராந் ।
த³த்தாத்ரேயஸ்து சேத்யுக்த்வா ஸ்வப்நே சாந்தரதீ⁴யத ॥ 141 ॥

ஸ்வப்நாது³த்தா²ய சாசார்ய꞉ விஸ்மயம் பரமம் க³த꞉ ।
ஸ்வப்நோபதி³ஷ்டம் தம் ஸ்தோத்ரம் த³த்தாத்ரேயேந யோகி³நா ॥ 142 ॥

ஸஹஸ்ரநாமகம் தி³வ்யம் படி²த்வா யோக³வாந்ப⁴வேத் ।
ஜ்ஞாநயோக³யதித்வம் ச பராகாயப்ரவேஶநம் ॥ 143 ॥

ப³ஹுவித்³யாகே²சரத்வம் தீ³ர்கா⁴யுஸ்தத்ப்ரஸாத³த꞉ ।
ததா³ரப்⁴ய பு⁴வி ஶ்ரேஷ்ட²꞉ ப்ரஸித்³த⁴ஶ்சாப⁴வத்³யதீ ॥ 144 ॥

இதி ஶ்ரீஶங்கராசார்யஸ்வப்நாவஸ்தா²யாம் த³த்தாத்ரேயோபதே³ஶிதம் ஸகலபுராணவேதோ³க்த ப்ரபஞ்சார்த²ஸாரவத் ஸ்தோத்ரம் ஸம்பூர்ணம் ।


గమనిక: "శ్రీ శివ స్తోత్రనిధి" పుస్తకము ముద్రణ చేయుటకు ఆలోచన చేయుచున్నాము.

Facebook Comments

You may also like...

மறுமொழி இடவும்

உங்கள் மின்னஞ்சல் வெளியிடப்பட மாட்டாது

error: Not allowed
%d bloggers like this: