Sri Datta Prarthana Taravali – ஶ்ரீ த³த்த ப்ரார்த²நா தாராவளீ

ஸ்தோத்ரநிதி → ஶ்ரீ த³த்தாத்ரேய ஸ்தோத்திரங்கள் → ஶ்ரீ த³த்த ப்ரார்த²நா தாராவளீ

த³த்தாத்ரேய மஹாமாய வேத³கே³ய ஹதாமய ।
அநஸூயாத்ரிதநய மமாபாயம் நிவாரய ॥ 1 ॥

நமோ நமஸ்தே ஜக³தே³கநாத²
நமோ நமஸ்தே ஸுபவித்ரகா³த² ।
நமோ நமஸ்தே ஜக³தாமதீ⁴ஶ
நமோ நமஸ்தே(அ)ஸ்து பராவரேஶ ॥ 2 ॥

த்வத்தோ(அ)கி²லம் ஜாதமித³ம் ஹி விஶ்வம்
த்வமேவ ஸர்வம் பரிபாஸி விஶ்வம் ।
த்வம் ஶக்திதோ தா⁴ரயஸீஹ விஶ்வம்
த்வமேவ போ⁴ ஸம்ஹரஸீஶ விஶ்வம் ॥ 3 ॥

த்வம் ஜீவரூபேண ஹி ஸர்வ விஶ்வம்
ப்ரவிஶ்ய ஸஞ்சேஷ்டயஸே ந விஶ்வம் ।
ஸ்வதந்த்ரமத்ராகி²லலோகப³ந்தோ⁴
காருண்யஸிந்தோ⁴ பரபோ³த⁴ஸிந்தோ⁴ ॥ 4 ॥

யோ ப்³ரஹ்மரூபேண ஸ்ருஜத்யஶேஷம்
யோ விஷ்ணுரூபேண ச பாத்யஶேஷம் ।
யோ ருத்³ரரூபேண ச ஹந்த்யஶேஷம்
து³ர்கா³தி³ரூபை꞉ ஶமயத்யஶேஷம் ॥ 5 ॥

யோ தே³வதாரூபத⁴ரோ(அ)த்தி பா⁴க³ம்
யோ வேத³ரூபோ(அ)பி பி³ப⁴ர்தி யாக³ம் ।
யோ(அ)தீ⁴ஶரூபேண த³தா³தி போ⁴க³ம்
யோ மௌநிரூபேண தநோதி யோக³ம் ॥ 6 ॥

கா³யந்தி யம் நித்யமஶேஷவேதா³꞉
யஜந்தி நித்யம் முநயோ(அ)ஸ்தபே⁴தா³꞉ ।
ப்³ரஹ்மாதி³தே³வா அபி யம் நமந்தி
ஸர்வே(அ)பி தே லப்³த⁴ஹிதா ப⁴வந்தி ॥ 7 ॥

யோ த⁴ர்மஸேதூன் ஸுத்³ருடா⁴ன் பி³ப⁴ர்தி
நைகாவதாரான் ஸமயே பி³ப⁴ர்தி ।
ஹத்வா க²லான் யோ(அ)பி ஸதோ பி³ப⁴ர்தி
யோ ப⁴க்தகார்யம் ஸ்வயமாதநோதி ॥ 8 ॥

ஸ த்வம் நூநம் தே³வதே³வர்ஷிகே³யோ
த³த்தாத்ரேயோ பா⁴வக³ம்யோ(அ)ஸ்யமேய꞉ ।
த்⁴யேய꞉ ஸர்வைர்யோகி³பி⁴꞉ ஸர்வமாந்ய꞉
கோ(அ)ந்யஸ்த்ராதா தாரகோ(அ)தீ⁴ஶ த⁴ந்ய꞉ ॥ 9 ॥

ஸஜலஜலத³நீலோ யோ(அ)நஸூயாத்ரிபா³லோ
விநிஹதநிஜகாலோ யோ(அ)மலோ தி³வ்யலீல꞉ ।
அமலவிபுலகீர்தி꞉ ஸச்சிதா³நந்த³மூர்தி-
-ர்ஹ்ருதநிஜப⁴ஜகார்தி꞉ பாத்வஸௌ தி³வ்யமூர்தி꞉ ॥ 10 ॥

ப⁴க்தாநாம் வரத³꞉ ஸதாம் ச பரத³꞉ பாபாத்மநாம் த³ண்ட³த³-
-ஸ்த்ரஸ்தாநாமப⁴யப்ரத³꞉ க்ருததி⁴யாம் ஸந்ந்யாஸிநாம் மோக்ஷத³꞉ ।
ருக்³ணாநாமக³த³꞉ பராக்ருதமத³꞉ ஸ்வர்கா³ர்தி²நாம் ஸ்வர்க³த³꞉
ஸ்வச்ச²ந்த³ஶ்ச வதோ³வத³꞉ பரமுதோ³ த³த்³யாத் ஸ நோ ப³ந்த⁴த³꞉ ॥ 11 ॥

நிஜக்ருபார்த்³ரகடாக்ஷநிரீக்ஷணா-
-த்³த⁴ரதி யோ நிஜது³꞉க²மபி க்ஷணாத் ।
ஸ வரதோ³ வரதோ³ஷஹரோ ஹரோ
ஜயதி யோ யதியோகி³க³தி꞉ பரா ॥ 12 ॥

அஜ்ஞ꞉ ப்ராஜ்ஞோ ப⁴வதி ப⁴வதி ந்யஸ்ததீ⁴ஶ்சேத் க்ஷணேந
ப்ராஜ்ஞோ(அ)ப்யஜ்ஞோ ப⁴வதி ப⁴வதி வ்யஸ்ததீ⁴ஶ்சேத் க்ஷணேந ।
மர்த்யோ(அ)மர்த்யோ ப⁴வதி ப⁴வத꞉ ஸத்க்ருபாவீக்ஷணேந
த⁴ந்யோ மாந்யஸ்த்ரிஜக³தி ஸம꞉ ஶம்பு⁴நா த்ரீக்ஷணேந ॥ 13 ॥

த்வத்தோ பீ⁴தோ தே³வ வாதோ(அ)த்ர வாதி
த்வத்தோ பீ⁴தோ பா⁴ஸ்கரோ(அ)த்ராப்யுதே³தி ।
த்வத்தோ பீ⁴தோ வர்ஷதீந்த்³ரோத³வாஹ-
-ஸ்த்வத்தோ பீ⁴தோ(அ)க்³நிஸ்ததா² ஹவ்யவாஹ꞉ ॥ 14 ॥

பீ⁴தஸ்த்வத்தோ தா⁴வதீஶாந்தகோ(அ)த்ர
பீ⁴தஸ்த்வத்தோ(அ)ந்யே(அ)பி திஷ்ட²ந்தி கோ(அ)த்ர ।
மர்த்யோ(அ)மர்த்யோ(அ)ந்யே(அ)பி வா ஶாஸநம் தே
பாதாலே வா(அ)ந்யத்ர வா(அ)திக்ரமந்தே ॥ 15 ॥

அக்³நிரேகம் த்ருணம் த³க்³து⁴ம் ந ஶஶாக த்வயார்பிதம் ।
வாதோ(அ)பி த்ருணமாதா³தும் ந ஶஶாக த்வயார்பிதம் ॥ 16 ॥

விநா தவாஜ்ஞாம் ந ச வ்ருக்ஷபர்ணம்
சலத்யஹோ கோ(அ)பி நிமேஷமேகம் ।
கர்தும் ஸமர்தோ² பு⁴வநே கிமர்த²ம்
கரோத்யஹந்தாம் மநுஜோ(அ)வஶஸ்தாம் ॥ 17 ॥

பாஷாணே க்ருஷ்ணவர்ணே கத²மபி பரிதஶ்சி²த்³ரஹீநே ந ஜாநே
மண்டூ³கம் ஜீவயஸ்யப்ரதிஹதமஹிமாசிந்த்யஸச்ச²க்திஜாநே ।
காஷ்டா²ஶ்மாத்³யுத்த²வ்ருக்ஷாம்ஸ்த்ர்யுத³ரகுஹரகா³ன் ஜாரவீதாம்ஶ்ச க³ர்பா⁴-
-ந்நூநம் விஶ்வம்ப⁴ரேஶாவஸி க்ருதபயஸா த³ந்தஹீநாம்ஸ்ததா²(அ)ர்பா⁴ன் ॥ 18 ॥

கரோதி ஸர்வஸ்ய ப⁴வாநபேக்ஷா
கத²ம் ப⁴வத்தோ(அ)ஸ்ய ப⁴வேது³பேக்ஷா ।
அதா²பி மூட⁴꞉ ப்ரகரோதி துச்சா²ம்
ஸேவாம் தவோஜ்ஜி²த்ய ச ஜீவிதேச்சா²ம் ॥ 19 ॥

த்³வேஷ்ய꞉ ப்ரியோ வா ந ச தே(அ)ஸ்தி கஶ்சித்
த்வம் வர்தஸே ஸர்வஸமோ(அ)த² து³ஶ்சித் ।
த்வாமந்யதா² பா⁴வயதி ஸ்வதோ³ஷா-
-ந்நிர்தோ³ஷதாயாம் தவ வேத³கோ⁴ஷ꞉ ॥ 20 ॥

க்³ருஹ்ணாஸி நோ கஸ்யசிதீ³ஶ புண்யம்
க்³ருஹ்ணாஸி நோ கஸ்யசித³ப்யபுண்யம் ।
க்ரியாப²லம் மா(அ)ஸ்ய ச கர்த்ருபா⁴வம்
ஸ்ருஜஸ்யவித்³வேத்தி ந ச ஸ்வபா⁴வம் ॥ 21 ॥

மாது꞉ ஶிஶோர்து³ர்கு³ணநாஶநாய
ந தாட³நே நிர்த³யதா ந தோ³ஷ꞉ ।
ததா² நியந்துர்கு³ணதோ³ஷயோஸ்தே
ந து³ஷ்டஹத்யா(அ)த³யதா ந தோ³ஷ꞉ ॥ 22 ॥

து³ர்கா³தி³ரூபைர்மஹிஷாஸுராத்³யான்
ராமாதி³ரூபைரபி ராவணாத்³யான் ।
அநேகஹிம்ஸாதி³கபாபயுக்தான்
க்ரூரான் ஸதா³சாரகதா²வியுக்தான் ॥ 23 ॥

ஸ்வபாபநாஶார்த²மநேககல்பா-
-ந்யாஸ்யந்த ஏதாந்நிரயாநகல்பான் ।
ஸ்வகீயமுக்தௌ நிஜஶஸ்த்ரக்ருத்தான்
க்ருத்வா ப⁴வான் த்³யாமநயத் ஸுபூதான் ॥ 24 ॥

யா(அ)பாயயத் ஸ்தந்யமிஷாத்³விஷம் ஸா
லேபே⁴ க³திம் மாத்ருசிதாம் த³யாளு꞉ ।
த்வத்தோபர꞉ கோ நிஜகார்யஸக்த-
-ஸ்த்வமேவ நித்யம் ஹ்யபி⁴மாநமுக்த꞉ ॥ 25 ॥

நோ கார்யம் கரணம் ச தே பரக³தே லிங்க³ம் கலா நாபி தே
விஜ்ஞாதா த்வத³மேய நாந்ய இதி தே தத்த்வம் ப்ரஸித்³த⁴ம் ஶ்ருதே꞉ ।
நேஶஸ்தே ஜநிதாதி⁴க꞉ ஸம உதாந்ய꞉ கஶ்சநாஸ்தி ப்ரபு⁴-
-ர்த³த்தாத்ரேய கு³ரோ நிஜாமரதரோ த்வம் ஸத்யமேகோ விபு⁴꞉ ॥ 26 ॥

போ⁴கா³ர்த²ம் ஸ்ருஜஸீதி கோ(அ)பி வத³தி க்ரீடா³ர்த²மித்த²ம் பரே
தே கேச்சா²ஸ்தி ஸமாப்தகாம மஹிமாநம் நோ விது³ர்ஹீதரே ।
கே(அ)பீத³ம் ஸத³ஸத்³வத³ந்த்விதரதா² வாமாஸ்து மேதத்கதா²-
-பந்தா² மே ஶ்ருதித³ர்ஶிதஸ்தவ பத³ப்ராப்த்யை ஸுகோ²(அ)ந்யே வ்ருதா² ॥ 27 ॥

ஸோ(அ)நந்யப⁴க்தோ(அ)ஸ்ய து பர்யுபாஸகோ
நித்யாபி⁴யுக்தோ யமுபைத்யபே⁴த³த꞉ ।
தத்ப்ரீதயே(அ)ஸௌ ப⁴வதாத்ஸமர்த²நா
தாராவளீ தத்பத³ப⁴க்திபா⁴வநா ॥ 28 ॥

இதி ஶ்ரீமத்பரமஹம்ஸ பரிவ்ராஜகாசார்ய ஶ்ரீவாஸுதே³வாநந்த³ஸரஸ்வதீ விரசிதம் ஶ்ரீ த³த்த ப்ரார்த²நா தாராவளீ ।

---

மேலும் ஶ்ரீ த³த்தாத்ரேய ஸ்தோத்திரங்கள் பார்க்க.

Did you see any mistake/variation in the content above? Click here to report mistakes and corrections in Stotranidhi content.