Sri Datta Prabodha – ஶ்ரீ த³த்த ப்ரபோ³த⁴꞉

ஸ்தோத்ரநிதி → ஶ்ரீ த³த்தாத்ரேய ஸ்தோத்திரங்கள் →  ஶ்ரீ த³த்த ப்ரபோ³த⁴꞉

நித்யோ ஹி யஸ்ய மஹிமா ந ஹி மாநமேதி
ஸ த்வம் மஹேஶ ப⁴க³வந்மக⁴வந்முகே²ட்³ய ।
உத்திஷ்ட² திஷ்ட²த³ம்ருதைரம்ருதைரிவோக்தை-
-ர்கீ³தாக³மைஶ்ச புருதா⁴ புருதா⁴மஶாலின் ॥ 1 ॥

ப⁴க்தேஷு ஜாக்³ருஹி முதா³(அ)ஹிமுதா³ரபா⁴வம்
தல்பம் விதா⁴ய ஸவிஶேஷவிஶேஷஹேதோ ।
ய꞉ ஶேஷ ஏஷ ஸகல꞉ ஸகல꞉ ஸ்வகீ³தை-
-ஸ்த்வம் ஜாக்³ருஹி ஶ்ரிதபதே தபதே நமஸ்தே ॥ 2 ॥

த்³ருஷ்ட்வா ஜநான் விவித⁴கஷ்டவஶான் த³யாளு-
-ஸ்த்ர்யாத்மா ப³பூ⁴வ ஸகலார்திஹரோ(அ)த்ர த³த்த꞉ ।
அத்ரேர்முநே꞉ ஸுதபஸோ(அ)பி ப²லம் ச தா³தும்
பு³த்³த்⁴யஸ்வ ஸ த்வமிஹ யந்மஹிமாநியத்த꞉ ॥ 3 ॥

ஆயாத்யஶேஷவிநுதோ(அ)ப்யவகா³ஹநாய
த³த்தோ(அ)து⁴நேதி ஸுரஸிந்து⁴ரபேக்ஷதே த்வாம் ।
க்ஷேத்ரே ததை²வ குருஸஞ்ஜ்ஞக ஏத்ய ஸித்³தா⁴-
-ஸ்தஸ்து²ஸ்தவாசமநதே³ஶ இநோத³யாத்ப்ராக் ॥ 4 ॥

ஸந்த்⁴யாமுபாஸிதமஜோ(அ)ப்யது⁴நா(ஆ)க³மிஷ்ய-
-த்யாகாங்க்ஷதே க்ருதிஜந꞉ ப்ரதிவீக்ஷதே த்வாம் ।
க்ருஷ்ணாதடே(அ)பி நரஸிம்ஹஸுவாடிகாயாம்
ஸாரார்திக꞉ க்ருதிஜந꞉ ப்ரதிவீக்ஷதே த்வாம் ॥ 5 ॥

கா³ந்த⁴ர்வஸஞ்ஜ்ஞகபுரே(அ)பி ஸுபா⁴விகாஸ்தே
த்⁴யாநார்த²மத்ர ப⁴க³வான் ஸமுபைஷ்யதீதி ।
மத்வாஸ்து²ராசரிதஸந்நியதாப்லவாத்³யா
உத்திஷ்ட² தே³வ ப⁴க³வந்நத ஏவ ஶீக்⁴ரம் ॥ 6 ॥

புத்ரீ தி³வ꞉ க²க³க³ணான் ஸுசிரம் ப்ரஸுப்தான்
உத்பாதயத்யருணகா³ அதி⁴ருஹ்ய தூஷா꞉ ।
காஷாயவஸ்த்ரமபிதா⁴நமபாவ்ருணூத்³யன்
தார்க்ஷ்யாக்³ரஜோ(அ)யமவலோகய தம் புரஸ்தாத் ॥ 7 ॥

ஶாடீநிபா⁴ப்⁴ரபடலாநி தவேந்த்³ரகாஷ்டா²-
-பா⁴க³ம் யதீந்த்³ர ருருது⁴ர்க³ருடா³க்³ரஜோ(அ)த꞉ ।
அஸ்மாபி⁴ரீஶ விதி³தோ ஹ்யுதி³தோ(அ)யமேவம்
சந்த்³ரோ(அ)பி தே முக²ருசிம் சிரகா³ம் ஜஹாதி ॥ 8 ॥

த்³வாரே(அ)ர்ஜுநஸ்தவ ச திஷ்ட²தி கார்தவீர்ய꞉
ப்ரஹ்லாத³ ஏஷ யது³ரேஷ மதா³ளஸாஜ꞉ ।
த்வாம் த்³ரஷ்டுகாம இதரே முநயோ(அ)பி சாஹம்
உத்திஷ்ட² த³ர்ஶய நிஜம் ஸுமுக²ம் ப்ரஸீத³ ॥ 9 ॥

ஏவம் ப்ரபு³த்³த⁴ இவ ஸம்ஸ்தவநாத³பூ⁴த்ஸ
மாலாம் கமண்ட³லுமதோ⁴ ட³மரும் த்ரிஶூலம் ।
சக்ரம் ச ஶங்க²முபரி ஸ்வகரைர்த³தா⁴நோ
நித்யம் ஸ மாமவது பா⁴விதவாஸுதே³வ꞉ ॥ 10 ॥

இதி ஶ்ரீவாஸுதே³வாநந்த³ஸரஸ்வதீ விரசிதம் ஶ்ரீ த³த்த ப்ரபோ³த⁴꞉ ।

---

மேலும் ஶ்ரீ த³த்தாத்ரேய ஸ்தோத்திரங்கள் பார்க்க.

Did you see any mistake/variation in the content above? Click here to report mistakes and corrections in Stotranidhi content.