Sri Ayyappa Ashtottara Shatanama Stotram – ஶ்ரீ அய்யப்பாஷ்டோத்தரஶதநாம ஸ்தோத்ரம்

ஸ்தோத்ரநிதி → ஶ்ரீ அய்யப்ப ஸ்தோத்திரங்கள் → ஶ்ரீ அய்யப்பாஷ்டோத்தரஶதநாம ஸ்தோத்ரம்

மஹாஶாஸ்தா மஹாதே³வோ மஹாதே³வஸுதோ(அ)வ்யய꞉ ।
லோககர்தா லோகப⁴ர்தா லோகஹர்தா பராத்பர꞉ ॥ 1 ॥

த்ரிலோகரக்ஷகோ த⁴ந்வீ தபஸ்வீ பூ⁴தஸைநிக꞉ ।
மந்த்ரவேதீ³ மஹாவேதீ³ மாருதோ ஜக³தீ³ஶ்வர꞉ ॥ 2 ॥

லோகாத்⁴யக்ஷோ(அ)க்³ரணீ꞉ ஶ்ரீமாநப்ரமேயபராக்ரம꞉ ।
ஸிம்ஹாரூடோ⁴ க³ஜாரூடோ⁴ ஹயாரூடோ⁴ மஹேஶ்வர꞉ ॥ 3 ॥

நாநாஶஸ்த்ரத⁴ரோ(அ)நர்கோ⁴ நாநாவித்³யாவிஶாரத³꞉ ।
நாநாரூபத⁴ரோ வீரோ நாநாப்ராணிநிஷேவித꞉ ॥ 4 ॥

பூ⁴தேஶோ பூ⁴திதோ³ ப்⁴ருத்யோ பு⁴ஜங்கா³ப⁴ரணோத்தம꞉ ।
இக்ஷுத⁴ந்வீ புஷ்பபா³ணோ மஹாரூபோ மஹாப்ரபு⁴꞉ ॥ 5 ॥

மாயாதே³வீஸுதோ மாந்யோ மஹாநீதோ மஹாகு³ண꞉ ।
மஹாஶைவோ மஹாருத்³ரோ வைஷ்ணவோ விஷ்ணுபூஜக꞉ ॥ 6 ॥

விக்⁴நேஶோ வீரப⁴த்³ரேஶோ பை⁴ரவோ ஷண்முக²த்⁴ருவ꞉ । [ப்ரிய꞉]
மேருஶ்ருங்க³ஸமாஸீநோ முநிஸங்க⁴நிஷேவித꞉ ॥ 7 ॥

தே³வோ ப⁴த்³ரோ ஜக³ந்நாதோ² க³ணநாதோ² க³ணேஶ்வர꞉ ।
மஹாயோகீ³ மஹாமாயீ மஹாஜ்ஞாநீ மஹாஸ்தி²ர꞉ ॥ 8 ॥

தே³வஶாஸ்தா பூ⁴தஶாஸ்தா பீ⁴மஹாஸபராக்ரம꞉ ।
நாக³ஹாரோ நாக³கேஶோ வ்யோமகேஶ꞉ ஸநாதந꞉ ॥ 9 ॥

ஸகு³ணோ நிர்கு³ணோ நித்யோ நித்யத்ருப்தோ நிராஶ்ரய꞉ ।
லோகாஶ்ரயோ க³ணாதீ⁴ஶஶ்சதுஷ்ஷஷ்டிகலாமய꞉ ॥ 10 ॥

ருக்³யஜு꞉ஸாமரூபீ ச மல்லகாஸுரப⁴ஞ்ஜந꞉ ।
த்ரிமூர்திர்தை³த்யமத²நோ ப்ரக்ருதி꞉ புருஷோத்தம꞉ ॥ 11 ॥

காலஜ்ஞாநீ மஹாஜ்ஞாநீ காமத³꞉ கமலேக்ஷண꞉ ।
கல்பவ்ருக்ஷோ மஹாவ்ருக்ஷோ வித்³யாவ்ருக்ஷோ விபூ⁴தித³꞉ ॥ 12 ॥

ஸம்ஸாரதாபவிச்சே²த்தா பஶுலோகப⁴யங்கர꞉ ।
ரோக³ஹந்தா ப்ராணதா³தா பரக³ர்வவிப⁴ஞ்ஜந꞉ ॥ 13 ॥

ஸர்வஶாஸ்த்ரார்த²தத்வஜ்ஞோ நீதிமாந் பாபப⁴ஞ்ஜந꞉ ।
புஷ்களாபூர்ணஸம்யுக்தோ பரமாத்மா ஸதாங்க³தி꞉ ॥ 14 ॥

அநந்தாதி³த்யஸங்காஶ꞉ ஸுப்³ரஹ்மண்யாநுஜோ ப³லீ ।
ப⁴க்தாநுகம்பீ தே³வேஶோ ப⁴க³வாந் ப⁴க்தவத்ஸல꞉ ॥ 15 ॥

இதி ஶ்ரீ அய்யப்ப அஷ்டோத்தரஶதநாம ஸ்தோத்ரம் ।

---

மேலும் ஶ்ரீ அய்யப்ப ஸ்தோத்திரங்கள் பார்க்க.

---