Sri Aditya Stavam – ஶ்ரீ ஆதி³த்ய ஸ்தவம்

ப்³ரஹ்மோவாச ।
நமஸ்யே யந்மயம் ஸர்வமேதத்ஸர்வமயஶ்ச ய꞉ ।
விஶ்வமூர்தி꞉ பரம்ஜ்யோதிர்யத்தத்³த்⁴யாயந்தி யோகி³ந꞉ ॥ 1 ॥

ய ருங்மயோ யோ யஜுஷாம் நிதா⁴நம்
ஸாம்நாம் ச யோ யோநிரசிந்த்யஶக்தி꞉ ।
த்ரயீமய꞉ ஸ்தூ²லதயார்த⁴மாத்ரா
பரஸ்வரூபோ கு³ணபாரயோக்³ய꞉ ॥ 2 ॥

த்வாம் ஸர்வஹேதும் பரமம் ச வேத்³ய-
-மாத்³யம் பரம் ஜ்யோதிரவேத்³யரூபம் ।
ஸ்தூ²லம் ச தே³வாத்மதயா நமஸ்தே
பா⁴ஸ்வந்தமாத்³யம் பரமம் பரேப்⁴ய꞉ ॥ 3 ॥

ஸ்ருஷ்டிம் கரோமி யத³ஹம் தவஶக்திராத்³யா
தத்ப்ரேரிதோ ஜலமஹீபவநாக்³நிரூபாம் ।
தத்³தே³வதாதி³விஷயாம் ப்ரணவாத்³யஶேஷாம்
நா(அ)த்மேச்ச²யா ஸ்தி²திலயாவபி தத்³வதே³வ ॥ 4 ॥

வஹ்நிஸ்த்வமேவ ஜலஶோஷணத꞉ ப்ருதி²வ்யா꞉
ஸ்ருஷ்டிம் கரோஷி ஜக³தாம் ச ததா²த்³ய பாகம் ।
வ்யாபீ த்வமேவ ப⁴க³வந் க³க³நஸ்வரூபம்
த்வம் பஞ்சதா⁴ ஜக³தி³த³ம் பரிபாஸி விஶ்வம் ॥ 5 ॥

யஜ்ஞைர்யஜந்தி பரமாத்மவிதோ³ ப⁴வந்தம்
விஷ்ணுஸ்வரூபமகி²லேஷ்டிமயம் விவஸ்வந் ।
த்⁴யாயந்தி சாபி யதயோ நியதாத்மசித்தா꞉
ஸர்வேஶ்வரம் பரமமாத்மவிமுக்திகாமா ॥ 6 ॥

நமஸ்தே தே³வரூபாய யஜ்ஞரூபாய தே நம꞉ ।
பரப்³ரஹ்மஸ்வரூபாய சிந்த்யமாநாய யோகி³பி⁴꞉ ॥ 7 ॥

உபஸம்ஹர தேஜோ யத்தேஜஸ꞉ ஸம்ஹதிஸ்தவ ।
ஸ்ருஷ்டேர்விதா⁴தாய விபோ⁴ ஸ்ருஷ்டௌ சா(அ)ஹம் ஸமுத்³யத꞉ ॥ 8 ॥

மார்கண்டே³ய உவாச ।
இத்யேவம் ஸம்ஸ்துதோ பா⁴ஸ்வாந்ப்³ரஹ்மணா ஸர்க³கர்த்ருணா ।
உபஸம்ஹ்ருதவாம்ஸ்தேஜ꞉ பரம் ஸ்வல்பமதா⁴ரயத் ॥ 9 ॥

சகார ச தத꞉ ஸ்ருஷ்டிம் ஜக³த꞉ பத்³மஸம்ப⁴வ꞉ ।
ததா² தேஷு மஹாபா⁴க³꞉ பூர்வகல்பாந்தரேஷு வை ॥ 10 ॥

தே³வாஸுராதீ³ந்மர்த்யாம்ஶ்ச பஶ்வாதீ³ந்வ்ருக்ஷவீருத⁴꞉ ।
ஸஸர்ஜ பூர்வவத்³ப்³ரஹ்மா நரகாம்ஶ்ச மஹாமுநே ॥ 11 ॥

இதி ஶ்ரீமார்கண்டே³யபுராணே ஷண்ணவதிதமோ(அ)த்⁴யாயே ஆதி³த்யஸ்தவம் ।

Facebook Comments

You may also like...

error: Not allowed
%d bloggers like this: