Read in తెలుగు / ಕನ್ನಡ / தமிழ் / देवनागरी / English (IAST)
அஜாநந்தோ யாந்தி க்ஷயமவஶமந்யோந்யகலஹை-
-ரமீ மாயாக்³ரந்தௌ² தவ பரிலுட²ந்த꞉ ஸமயிந꞉ ।
ஜக³ந்மாதர்ஜந்மஜ்வரப⁴யதம꞉ கௌமுதி³ வயம்
நமஸ்தே குர்வாணா꞉ ஶரணமுபயாமோ ப⁴க³வதீம் ॥ 1 ॥
வசஸ்தர்காக³ம்யஸ்வரஸபரமாநந்த³விப⁴வ-
-ப்ரபோ³தா⁴காராய த்³யுதிதுலிதநீலோத்பலருசே ।
ஶிவாத்³யாராத்⁴யாய ஸ்தநப⁴ரவிநம்ராய ஸததம்
நமஸ்தஸ்மை கஸ்மைசந ப⁴வது முக்³தா⁴ய மஹஸே ॥ 2 ॥
அநாத்³யந்தாபே⁴த³ப்ரணயரஸிகாபி ப்ரணயிநீ
ஶிவஸ்யாஸீர்யத்த்வம் பரிணயவிதௌ⁴ தே³வி க்³ருஹிணீ ।
ஸவித்ரீ பூ⁴தாநாமபி யது³த³பூ⁴꞉ ஶைலதநயா
ததே³தத்ஸம்ஸாரப்ரணயநமஹாநாடகமுக²ம் ॥ 3 ॥
ப்³ருவந்த்யேகே தத்த்வம் ப⁴க³வதி ஸத³ந்யே விது³ரஸ-
-த்பரே மாத꞉ ப்ராஹுஸ்தவ ஸத³ஸத³ந்யே ஸுகவய꞉ ।
பரே நைதத்ஸர்வம் ஸமபி⁴த³த⁴தே தே³வி ஸுதி⁴ய-
-ஸ்ததே³தத்த்வந்மாயாவிளஸிதமஶேஷம் நநு ஶிவே ॥ 4 ॥
லுட²த்³கு³ஞ்ஜாஹாரஸ்தநப⁴ரநமந்மத்⁴யலதிகா-
-முத³ஞ்சத்³த⁴ர்மாம்ப⁴꞉ கணகு³ணிதவக்த்ராம்பு³ஜருசம் ।
ஶிவம் பார்த²த்ராணப்ரவணம்ருக³யாகாரகு³ணிதம்
ஶிவாமந்வக்³யாந்தீம் ஶரணமஹமந்வேமி ஶப³ரீம் ॥ 5 ॥
மித²꞉ கேஶாகேஶிப்ரத²நநித⁴நாஸ்தர்கக⁴டநா꞉
ப³ஹுஶ்ரத்³தா⁴ப⁴க்திப்ரணதிவிஷயா꞉ ஶாஸ்த்ரவித⁴ய꞉ ।
ப்ரஸீத³ ப்ரத்யக்ஷீப⁴வ கி³ரிஸுதே தே³ஹி ஶரணம்
நிராளம்ப³ம் சேத꞉ பரிலுட²தி பாரிப்லவமித³ம் ॥ 6 ॥
ஶுநாம் வா வஹ்நேர்வா க²க³பரிஷதோ³ வா யத³ஶநம்
கதா³ கேந க்வேதி க்வசித³பி ந கஶ்சித்கலயதி ।
அமுஷ்மிந்விஶ்வாஸம் விஜஹிஹி மமாஹ்நாய வபுஷி
ப்ரபத்³யேதா²ஶ்சேத꞉ ஸகலஜநநீமேவ ஶரணம் ॥ 7 ॥
தடித்கோடிஜ்யோதிர்த்³யுதித³ளிதஷட்³க்³ரந்தி²க³ஹநம்
ப்ரவிஷ்டம் ஸ்வாதா⁴ரம் புநரபி ஸுதா⁴வ்ருஷ்டிவபுஷா ।
கிமப்யஷ்டாவிம்ஶத்கிரணஸகலீபூ⁴தமநிஶம்
ப⁴ஜே தா⁴ம ஶ்யாமம் குசப⁴ரநதம் ப³ர்ப³ரகசம் ॥ 8 ॥
சதுஷ்பத்ராந்த꞉ ஷட்³த³ளபுடப⁴கா³ந்தஸ்த்ரிவலய-
-ஸ்பு²ரத்³வித்³யுத்³வஹ்நித்³யுமணிநியுதாப⁴த்³யுதிலதே ।
ஷட³ஶ்ரம் பி⁴த்த்வாதௌ³ த³ஶத³ளமத² த்³வாத³ஶத³ளம்
கலாஶ்ரம் ச த்³வ்யஶ்ரம் க³தவதி நமஸ்தே கி³ரிஸுதே ॥ 9 ॥
குலம் கேசித்ப்ராஹுர்வபுரகுலமந்யே தவ பு³தா⁴꞉
பரே தத்ஸம்பே⁴த³ம் ஸமபி⁴த³த⁴தே கௌலமபரே ।
சதுர்ணாமப்யேஷாமுபரி கிமபி ப்ராஹுரபரே
மஹாமாயே தத்த்வம் தவ கத²மமீ நிஶ்சிநுமஹே ॥ 10 ॥
ஷட³த்⁴வாரண்யாநீம் ப்ரளயரவிகோடிப்ரதிருசா
ருசா ப⁴ஸ்மீக்ருத்ய ஸ்வபத³கமலப்ரஹ்வஶிரஸாம் ।
விதந்வாந꞉ ஶைவம் கிமபி வபுரிந்தீ³வரருசி꞉
குசாப்⁴யாமாநம்ரஸ்தவ புருஷகாரோ விஜயதே ॥ 11 ॥
ப்ரகாஶாநந்தா³ப்⁴யாமவிதி³தசரீம் மத்⁴யபத³வீம்
ப்ரவிஶ்யைதத்³த்³வந்த்³வம் ரவிஶஶிஸமாக்²யம் கப³லயன் ।
ப்ரபத்³யோர்த்⁴வம் நாத³ம் லயத³ஹநப⁴ஸ்மீக்ருதகுல꞉
ப்ரஸாதா³த்தே ஜந்து꞉ ஶிவமகுலமம்ப³ ப்ரவிஶதி ॥ 12 ॥
மநுஷ்யாஸ்திர்யஞ்சோ மருத இதி லோகத்ரயமித³ம்
ப⁴வாம்போ⁴தௌ⁴ மக்³நம் த்ரிகு³ணலஹரீகோடிலுடி²தம் ।
கடாக்ஷஶ்சேத்³யத்ர க்வசந தவ மாத꞉ கருணயா
ஶரீரீ ஸத்³யோ(அ)யம் வ்ரஜதி பரமாநந்த³தநுதாம் ॥ 13 ॥
ப்ரியங்கு³ஶ்யாமாங்கீ³மருணதரவாஸம் கிஸலயாம்
ஸமுந்மீலந்முக்தாப²லவஹலநேபத்²யஸுப⁴கா³ம் ।
ஸ்தநத்³வந்த்³வஸ்பா²ரஸ்தப³கநமிதாம் கல்பலதிகாம்
ஸக்ருத்³த்⁴யாயந்தஸ்த்வாம் த³த⁴தி ஶிவசிந்தாமணிபத³ம் ॥ 14 ॥
ஷடா³தா⁴ராவர்தைரபரிமிதமந்த்ரோர்மிபடலை꞉
லஸந்முத்³ராபே²நைர்ப³ஹுவித⁴ளஸத்³தை³வதஜ²ஷை꞉ ।
க்ரமஸ்ரோதோபி⁴ஸ்த்வம் வஹஸி பரநாதா³ம்ருதநதீ³
ப⁴வாநி ப்ரத்யக்³ரா ஶிவசித³ம்ருதாப்³தி⁴ப்ரணயிநீ ॥ 15 ॥
மஹீபாதோ²வஹ்நிஶ்வஸநவியதா³த்மேந்து³ரவிபி⁴-
-ர்வபுர்பி⁴க்³ரஸ்தாஶைரபி தவ கியாநம்ப³ மஹிமா ।
அமூந்யாளோக்யந்தே ப⁴க³வதி ந குத்ராப்யணுதமா-
-மவஸ்தா²ம் ப்ராப்தாநி த்வயி து பரமவ்யோமவபுஷி ॥ 16 ॥
கலாமாஜ்ஞாம் ப்ரஜ்ஞாம் ஸமயமநுபூ⁴திம் ஸமரஸம்
கு³ரும் பாரம்பர்யம் விநயமுபதே³ஶம் ஶிவபத³ம் ।
ப்ரமாணம் நிர்வாணம் ப்ரக்ருதிமபி⁴பூ⁴திம் பரகு³ஹாம்
விதி⁴ம் வித்³யாமாஹு꞉ ஸகலஜநநீமேவ முநய꞉ ॥ 17 ॥
ப்ரளீநே ஶப்³தௌ³கே⁴ தத³நு விரதே பி³ந்து³விப⁴வே
ததஸ்தத்த்வே சாஷ்டத்⁴வநிபி⁴ரநபாயிந்யதி⁴க³தே ।
ஶ்ரிதே ஶாக்தே பர்வண்யநுகலிதசிந்மாத்ர க³ஹநாம்
ஸ்வஸம்வித்திம் யோகீ³ ரஸயதி ஶிவாக்²யாம் ப⁴க³வதீம் ॥ 18 ॥
பராநந்தா³காராம் நிரவதி⁴ஶிவைஶ்வர்யவபுஷம்
நிராகாராம் ஜ்ஞாநப்ரக்ருதிமபரிச்சி²ந்நகருணாம் ।
ஸவித்ரீம் லோகாநாம் நிரதிஶயதா⁴மாஸ்பத³பதா³ம்
ப⁴வோ வா மோக்ஷோ வா ப⁴வது ப⁴வதீமேவ ப⁴ஜதாம் ॥ 19 ॥
ஜக³த்காயே க்ருத்வா தத³பி ஹ்ருத³யே தச்ச புருஷே
புமாம்ஸம் பி³ந்து³ஸ்த²ம் தத³பி வியதா³க்²யே ச க³ஹநே ।
ததே³தத்³ஜ்ஞாநாக்²யே தத³பி பரமாநந்த³க³ஹநே
மஹாவ்யோமாகாரே த்வத³நுப⁴வஶீலோ விஜயதே ॥ 20 ॥
விதே⁴ வேத்³யே வித்³யே விவித⁴ஸமயே வேத³கு³ளிகே
விசித்ரே விஶ்வாத்³யே விநயஸுலபே⁴ வேத³ஜநநி ।
ஶிவஜ்ஞே ஶூலஸ்தே² ஶிவபத³வதா³ந்யே ஶிவநிதே⁴
ஶிவே மாதர்மஹ்யம் த்வயி விதர ப⁴க்திம் நிருபமாம் ॥ 21 ॥
விதே⁴ர்முண்ட³ம் ஹ்ருத்வா யத³குருத பாத்ரம் கரதலே
ஹரிம் ஶூலப்ரோதம் யத³க³மயத³ம்ஸாப⁴ரணதாம் ।
அலஞ்சக்ரே கண்ட²ம் யத³பி க³ரளேநாம்ப³ கி³ரிஶ꞉
ஶிவஸ்தா²யா꞉ ஶக்தேஸ்ததி³த³மகி²லம் தே விளஸிதம் ॥ 22 ॥
விரிஞ்ச்யாக்²யா மாத꞉ ஸ்ருஜஸி ஹரிஸஞ்ஜ்ஞா த்வமவஸி
த்ரிலோகீம் ருத்³ராக்²யா ஹரஸி வித³தா⁴ஸீஶ்வரத³ஶாம் ।
ப⁴வந்தீ நாதா³க்²யா விஹரஸி ச பாஶௌக⁴த³ளநீ
த்வமேவைகா(அ)நேகா ப⁴வஸி க்ருதிபே⁴தை³ர்கி³ரிஸுதே ॥ 23 ॥
முநீநாம் சேதோபி⁴꞉ ப்ரம்ருதி³தகஷாயைரபி மநா-
-க³ஶக்யம் ஸம்ஸ்ப்ரஷ்டும் சகிதசகிதைரம்ப³ ஸததம் ।
ஶ்ருதீநாம் மூர்தா⁴ந꞉ ப்ரக்ருதிகடி²நா꞉ கோமளதரே
கத²ம் தே விந்த³ந்தே பத³கிஸலயே பார்வதி பத³ம் ॥ 24 ॥
தடித்³வல்லீம் நித்யாமம்ருதஸரிதம் பாரரஹிதாம்
மலோத்தீர்ணாம் ஜ்யோத்ஸ்நாம் ப்ரக்ருதிமகு³ணக்³ரந்தி²க³ஹநாம் ।
கி³ராம் தூ³ராம் வித்³யாமவிநதகுசாம் விஶ்வஜநநீ-
-மபர்யந்தாம் லக்ஷ்மீமபி⁴த³த⁴தி ஸந்தோ ப⁴க³வதீம் ॥ 25 ॥
ஶரீரம் க்ஷித்யம்ப⁴꞉ ப்ரப்⁴ருதிரசிதம் கேவலமசித்
ஸுக²ம் து³꞉க²ம் சாயம் கலயதி புமாம்ஶ்சேதந இதி ।
ஸ்பு²டம் ஜாநாநோ(அ)பி ப்ரப⁴வதி ந தே³ஹீ ரஹயிதும்
ஶரீராஹங்காரம் தவ ஸமயபா³ஹ்யோ கி³ரிஸுதே ॥ 26 ॥
பிதா மாதா ப்⁴ராதா ஸுஹ்ருத³நுசர꞉ ஸத்³ம க்³ருஹிணீ
வபு꞉ க்ஷேத்ரம் மித்ரம் த⁴நமபி யதா³ மாம் விஜஹதி ।
ததா³ மே பி⁴ந்தா³நா ஸபதி³ ப⁴யமோஹாந்த⁴தமஸம்
மஹாஜ்யோத்ஸ்நே மாதர்ப⁴வ கருணயா ஸந்நிதி⁴கரீ ॥ 27 ॥
ஸுதா த³க்ஷஸ்யாதௌ³ கில ஸகலமாதஸ்த்வமுத³பூ⁴꞉
ஸதோ³ஷம் தம் ஹித்வா தத³நு கி³ரிராஜஸ்ய து³ஹிதா ।
அநாத்³யந்தா ஶம்போ⁴ரப்ருத²க³பி ஶக்திர்ப⁴க³வதீ
விவாஹாஜ்ஜாயாஸீத்யஹஹ சரிதம் வேத்தி தவ க꞉ ॥ 28 ॥
கணாஸ்த்வத்³தீ³ப்தீநாம் ரவிஶஶிக்ருஶாநுப்ரப்⁴ருதய꞉
பரம் ப்³ரஹ்ம க்ஷுத்³ரம் தவ நியதமாநந்த³கணிகா ।
ஶிவாதி³ க்ஷித்யந்தம் த்ரிவலயதநோ꞉ ஸர்வமுத³ரே
தவாஸ்தே ப⁴க்தஸ்ய ஸ்பு²ரஸி ஹ்ருதி³ சித்ரம் ப⁴க³வதி ॥ 29 ॥
புர꞉ பஶ்சாத³ந்தர்ப³ஹிரபரிமேயம் பரிமிதம்
பரம் ஸ்தூ²லம் ஸூக்ஷ்மம் ஸகலமகுலம் கு³ஹ்யமகு³ஹம் ।
த³வீயோ நேதீ³ய꞉ ஸத³ஸதி³தி விஶ்வம் ப⁴க³வதீ
ஸதா³ பஶ்யந்த்யாக்²யாம் வஹஸி பு⁴வநக்ஷோப⁴ஜநநீம் ॥ 30 ॥
ப்ரவிஶ்ய த்வந்மார்க³ம் ஸஹஜத³யயா தே³ஶிகத்³ருஶா
ஷட³த்⁴வத்⁴வாந்தௌக⁴ச்சி²து³ரக³ணநாதீதகருணாம் ।
பராமாஜ்ஞாகாராம் ஸபதி³ ஶிவயந்தீம் ஶிவதநும்
ஸ்வமாத்மாநம் த⁴ந்யாஶ்சிரமுபலப⁴ந்தே ப⁴க³வதீம் ॥ 31 ॥
மயூகா²꞉ பூஷ்ணீவ ஜ்வலந இவ தத்³தீ³ப்திகணிகா꞉
பயோதௌ⁴ கல்லோலா꞉ ப்ரதிஹதமஹிம்நீவ ப்ருஷத꞉ ।
உதே³த்யோதே³த்யாம்ப³ த்வயி ஸஹ நிஜை꞉ ஸாத்த்விககு³ணை-
-ர்ப⁴ஜந்தே தத்த்வௌகா⁴꞉ ப்ரஶமமநுகல்பம் பரவஶா꞉ ॥ 32 ॥
விது⁴ர்விஷ்ணுர்ப்³ரஹ்மா ப்ரக்ருதிரணுராத்மா தி³நகர꞉
ஸ்வபா⁴வோ ஜைநேந்த்³ர꞉ ஸுக³தமுநிராகாஶமலிந꞉ ।
ஶிவ꞉ ஶக்திஶ்சேதி ஶ்ருதிவிஷயதாம் தாமுபக³தாம்
விகல்பைரேபி⁴ஸ்த்வாமபி⁴த³த⁴தி ஸந்தோ ப⁴க³வதீம் ॥ 33 ॥
ஶிவஸ்த்வம் ஶக்திஸ்த்வம் த்வமஸி ஸமயா த்வம் ஸமயிநீ
த்வமாத்மா த்வம் தீ³க்ஷா த்வமயமணிமாதி³ர்கு³ணக³ண꞉ ।
அவித்³யா த்வம் வித்³யா த்வமஸி நிகி²லம் த்வம் கிமபரம்
ப்ருத²க்தத்த்வம் த்வத்தோ ப⁴க³வதி ந வீக்ஷாமஹ இமே ॥ 34 ॥
த்வயாஸௌ ஜாநீதே ரசயதி ப⁴வத்யைவ ஸததம்
த்வயைவேச்ச²த்யம்ப³ த்வமஸி நிகி²லா யஸ்ய தநவ꞉ ।
ஜக³த்ஸாம்யம் ஶம்போ⁴ர்வஹஸி பரமவ்யோமவபுஷ꞉
ததா²ப்யர்த⁴ம் பூ⁴த்வா விஹரஸி ஶிவஸ்யேதி கிமித³ம் ॥ 35 ॥
அஸங்க்²யை꞉ ப்ராசீநைர்ஜநநி ஜநநை꞉ கர்மவிளயா-
-த்ஸக்ருஜ்ஜந்மந்யந்தே கு³ருவபுஷமாஸாத்³ய கி³ரிஶம் ।
அவாப்யாஜ்ஞாம் ஶைவீம் ஶிவதநுமபி த்வாம் விதி³தவா-
-ந்நயேயம் த்வத்பூஜாஸ்துதிவிரசநேநைவ தி³வஸான் ॥ 36 ॥
யத்ஷட்பத்ரம் கமலமுதி³தம் தஸ்ய யா கர்ணிகாக்²யா
யோநிஸ்தஸ்யா꞉ ப்ரதி²தமுத³ரே யத்ததோ³ங்காரபீட²ம் ।
தஸ்யாப்யந்த꞉ குசப⁴ரநதாம் குண்ட³லீதி ப்ரஸித்³தா⁴ம்
ஶ்யாமாகாராம் ஸகலஜநநீம் ஸந்ததம் பா⁴வயாமி ॥ 37 ॥
பு⁴வி பயஸி க்ருஶாநௌ மாருதே கே² ஶஶாங்கே
ஸவிதரி யஜமாநே(அ)ப்யஷ்டதா⁴ ஶக்திரேகா ।
வஹஸி குசப⁴ராப்⁴யாம் யாவநம்ராபி விஶ்வம்
ஸகலஜநநி ஸா த்வம் பாஹி மாமித்யவாச்யம் ॥ 38 ॥
இதி ஶ்ரீகாளிதா³ஸ விரசித பஞ்சஸ்தவ்யாம் பஞ்சம꞉ ஸகலஜநநீஸ்தவ꞉ ।
గమనిక: రాబోయే ధనుర్మాసం సందర్భంగా "శ్రీ కృష్ణ స్తోత్రనిధి" ముద్రించుటకు ఆలోచన చేయుచున్నాము. ఇటీవల మేము "శ్రీ సాయి స్తోత్రనిధి" పుస్తకము విడుదల చేశాము.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
