Devi Narayaniyam Dasakam 27 – ஸப்தவிம்ஶ த³ஶகம் (27) – ஶதாக்ஷ்யவதாரம்

ஸ்தோத்ரநிதி → தே³வீ நாராயணீயம் → ஸப்தவிம்ஶ த³ஶகம் (27) – ஶதாக்ஷ்யவதாரம்

தை³த்ய꞉ புரா கஶ்சந து³ர்க³மாக்²ய꞉
ப்ரஸாதி³தாத்பத்³மப⁴வாத்தபோபி⁴꞉ ।
அவைதி³கம் வைதி³கமப்யக்³ருஹ்ணா-
-ந்மந்த்ரம் ஸமஸ்தம் தி³விஷஜ்ஜயைஷீ ॥ 27-1 ॥

வேதே³ க்³ருஹீதே தி³திஜேந விப்ரா꞉
ஶ்ருதிஸ்தி²ரா விஸ்ம்ருதவேத³மந்த்ரா꞉ ।
ஸாந்த்⁴யாநி கர்மாண்யபி நைவ சக்ரு꞉
க்ஷிதிஸ்த்வவேதா³த்⁴யயநா ப³பூ⁴வ ॥ 27-2 ॥

ஹ்ருதேஷு மந்த்ரேஷ்வகி²லேஷு பூஜா-
-யஜ்ஞாதி³ பூ⁴மௌ ந க்ருதம் மநுஷ்யை꞉ ।
ஸுரா அஶக்தாஸ்தத³ளாப⁴கி²ந்நா
தை³த்யேந யுத்³தே⁴ ப³லிநா ஜிதாஶ்ச ॥ 27-3 ॥

த்யக்த்வா தி³வம் தே கி³ரிக³ஹ்வரேஷு
நிலீய வர்ஷாணி ப³ஹூநி நிந்யு꞉ ।
வ்ருஷ்டேரபா⁴வாத்³த⁴ரணீ ச ஶுஷ்க-
-ஜலாஶயா தர்ஷநிபீடி³தா(அ)பூ⁴த் ॥ 27-4 ॥

ஸர்வே த்ருஷார்தாஶ்ச ஹிமாத்³ரிமேத்ய
த்வாம் த்⁴யாநபூஜாநுதிபி⁴ர்ப⁴ஜந்த꞉ ।
ப்ரஸாத³யாமாஸுரநேககோடி-
-ப்³ரஹ்மாண்ட³கர்த்ரீமகி²லார்திஹந்த்ரீம் ॥ 27-5 ॥

த்³ருஷ்டா த³யார்த்³ராக்ஷிஶதா த்வமேபி⁴꞉
க்ருபாஶ்ருவர்ஷைர்நவராத்ரமுர்வ்யாம் ।
ஜலாஶயாந்பூர்ணஜலாம்ஶ்சகர்த²
ஜநா꞉ ஶதாக்ஷீத்யபி⁴தா⁴ம் த³து³ஸ்தே ॥ 27-6 ॥

க்ஷுத்பீடி³தாநாம் ச சராசராணாம்
ஸர்வத்ர நாநாவித⁴மந்நமிஷ்டம் ।
ஸ்வாதூ³நி மூலாநி ப²லாநி சாதா³꞉
ஶாகம்ப⁴ரீதி ப்ரதி²தா ததோ(அ)பூ⁴꞉ ॥ 27-7 ॥

தை³த்யஸ்து விஜ்ஞாய ஸமஸ்தமஸ்த்ர-
-ஶஸ்த்ரை꞉ ஸஸைந்ய꞉ ப்ரஹரந் வபுஸ்தே ।
ரணாங்க³ணே ஸாயகவித்³த⁴கா³த்ர꞉
ஸஶப்³த³முர்வ்யாம் தருவத்பபாத ॥ 27-8 ॥

ஸ சாஸுராத்மா க²லு வேத³மந்த்ராந்
சிரம் பட²ம்ஸ்த்வாமபி⁴வீக்ஷமாண꞉ ।
க³தாயுராவிஶ்ய பராத்மநி த்வ-
-ய்யவாப முக்திம் மிஷதாம் ஸுராணாம் ॥ 27-9 ॥

வேதா³ந்ஹ்ருதாநப்³ஜப⁴வாநநே த்வம்
புநஶ்ச நிக்ஷிப்ய ஜக³த்ஸுரக்ஷாம் ।
க்ருத்வா நுதா தே³வக³ணைர்நரைஶ்ச
துஷ்டா திரோ(அ)பூ⁴꞉ கருணார்த்³ரநேத்ரா ॥ 27-10 ॥

ப⁴க்தஸ்ய வை து³ர்க³திநாஶிநீ த்வம்
ஸுக²ப்ரதா³ து³ர்க³மஹந்த்ரி மாத꞉ ।
து³ர்கே³தி நாம்நா விதி³தா ச லோகே
விசித்ரரூபாஸ்தவ தே³வி லீலா꞉ ॥ 27-11 ॥

கோ(அ)ப்யஸ்தி சித்தே மம து³ர்க³மோ(அ)யம்
ஜ்ஞாதஸ்த்வயா நைவ மயா து தே³வி ।
ய꞉ ஸந்ததம் த்³ருஹ்யதி மே தமாஶு
ஸம்ஹ்ருத்ய மாம் ரக்ஷ நமோ நமஸ்தே ॥ 27-12 ॥

அஷ்டாவிம்ஶ த³ஶகம் (28) – ஶக்த்யவமாநதோ³ஷம் >>

---

ஸம்பூர்ண தே³வீ நாராயணீயம் பார்க்க.

Did you see any mistake/variation in the content above? Click here to report mistakes and corrections in Stotranidhi content.