Read in తెలుగు / ಕನ್ನಡ / தமிழ் / देवनागरी / English (IAST)
॥ வைஷ்ணவத⁴நு꞉ப்ரஶம்ஸா ॥
ராம தா³ஶரதே² ராம வீர்யம் தே ஶ்ரூயதே(அ)த்³பு⁴தம் । [வீர]
த⁴நுஷோ பே⁴த³நம் சைவ நிகி²லேந மயா ஶ்ருதம் ॥ 1 ॥
தத³த்³பு⁴தமசிந்த்யம் ச பே⁴த³நம் த⁴நுஷஸ்த்வயா ।
தச்ச்²ருத்வாஹமநுப்ராப்தோ த⁴நுர்க்³ருஹ்யாபரம் ஶுப⁴ம் ॥ 2 ॥
ததி³த³ம் கோ⁴ரஸங்காஶம் ஜாமத³க்³ந்யம் மஹத்³த⁴நு꞉ ।
பூரயஸ்வ ஶரேணைவ ஸ்வப³லம் த³ர்ஶயஸ்வ ச ॥ 3 ॥
தத³ஹம் தே ப³லம் த்³ருஷ்ட்வா த⁴நுஷோ(அ)ஸ்ய ப்ரபூரணே ।
த்³வந்த்³வயுத்³த⁴ம் ப்ரதா³ஸ்யாமி வீர்யஶ்லாக்⁴யமஹம் தவ ॥ 4 ॥
தஸ்ய தத்³வசநம் ஶ்ருத்வா ராஜா த³ஶரத²ஸ்ததா³ ।
விஷண்ணவத³நோ தீ³ந꞉ ப்ராஞ்ஜலிர்வாக்யமப்³ரவீத் ॥ 5 ॥
க்ஷத்ரரோஷாத்ப்ரஶாந்தஸ்த்வம் ப்³ராஹ்மணஶ்ச மஹாயஶா꞉ ।
பா³லாநாம் மம புத்ராணாமப⁴யம் தா³துமர்ஹஸி ॥ 6 ॥
பா⁴ர்க³வாணாம் குலே ஜாத꞉ ஸ்வாத்⁴யாயவ்ரதஶாலிநாம் ।
ஸஹஸ்ராக்ஷே ப்ரதிஜ்ஞாய ஶஸ்த்ரம் நிக்ஷிப்தவாநஸி ॥ 7 ॥
ஸ த்வம் த⁴ர்மபரோ பூ⁴த்வா காஶ்யபாய வஸுந்த⁴ராம் ।
த³த்த்வா வநமுபாக³ம்ய மஹேந்த்³ரக்ருதகேதந꞉ ॥ 8 ॥
மம ஸர்வவிநாஶாய ஸம்ப்ராப்தஸ்த்வம் மஹாமுநே ।
ந சைகஸ்மிந்ஹதே ராமே ஸர்வே ஜீவாமஹே வயம் ॥ 9 ॥
ப்³ருவத்யேவம் த³ஶரதே² ஜாமத³க்³ந்ய꞉ ப்ரதாபவாந் ।
அநாத்³ருத்யைவ தத்³வாக்யம் ராமமேவாப்⁴யபா⁴ஷத ॥ 10 ॥
இமே த்³வே த⁴நுஷீ ஶ்ரேஷ்டே² தி³வ்யே லோகாபி⁴விஶ்ருதே ।
த்³ருடே⁴ ப³லவதீ முக்²யே ஸுக்ருதே விஶ்வகர்மணா ॥ 11 ॥
அதிஸ்ருஷ்டம் ஸுரைரேகம் த்ர்யம்ப³காய யுயுத்ஸவே ।
த்ரிபுரக்⁴நம் நரஶ்ரேஷ்ட² ப⁴க்³நம் காகுத்ஸ்த² யத்த்வயா ॥ 12 ॥
இத³ம் த்³விதீயம் து³ர்த⁴ர்ஷம் விஷ்ணோர்த³த்தம் ஸுரோத்தமை꞉ ।
ததி³த³ம் வைஷ்ணவம் ராம த⁴நு꞉ பரபுரஞ்ஜயம் ॥ 13 ॥
ஸமாநஸாரம் காகுத்ஸ்த² ரௌத்³ரேண த⁴நுஷா த்வித³ம் ।
ததா³ து தே³வதா꞉ ஸர்வா꞉ ப்ருச்ச²ந்தி ஸ்ம பிதாமஹம் ॥ 14 ॥
ஶிதிகண்ட²ஸ்ய விஷ்ணோஶ்ச ப³லாப³லநிரீக்ஷயா ।
அபி⁴ப்ராயம் து விஜ்ஞாய தே³வதாநாம் பிதாமஹ꞉ ॥ 15 ॥
விரோத⁴ம் ஜநயாமாஸ தயோ꞉ ஸத்யவதாம் வர꞉ ।
விரோதே⁴ ச மஹத்³யுத்³த⁴மப⁴வத்³ரோமஹர்ஷணம் ॥ 16 ॥
ஶிதிகண்ட²ஸ்ய விஷ்ணோஶ்ச பரஸ்பரஜயைஷிணோ꞉ ।
ததா³ து ஜ்ரும்பி⁴தம் ஶைவம் த⁴நுர்பீ⁴மபராக்ரமம் ॥ 17 ॥
ஹுங்காரேண மஹாதே³வ꞉ ஸ்தம்பி⁴தோ(அ)த² த்ரிலோசந꞉ ।
தே³வைஸ்ததா³ ஸமாக³ம்ய ஸர்ஷிஸங்கை⁴꞉ ஸசாரணை꞉ ॥ 18 ॥
யாசிதௌ ப்ரஶமம் தத்ர ஜக்³மதுஸ்தௌ ஸுரோத்தமௌ ।
ஜ்ரும்பி⁴தம் தத்³த⁴நுர்த்³ருஷ்ட்வா ஶைவம் விஷ்ணுபராக்ரமை꞉ ॥ 19 ॥
அதி⁴கம் மேநிரே விஷ்ணும் தே³வா꞉ ஸர்ஷிக³ணாஸ்ததா³ ।
த⁴நூ ருத்³ரஸ்து ஸங்க்ருத்³தோ⁴ விதே³ஹேஷு மஹாயஶா꞉ ॥ 20 ॥
தே³வராதஸ்ய ராஜர்ஷேர்த³தௌ³ ஹஸ்தே ஸஸாயகம் ।
இத³ம் ச வைஷ்ணவம் ராம த⁴நு꞉ பரபுரஞ்ஜயம் ॥ 21 ॥
ருசீகே பா⁴ர்க³வே ப்ராதா³த்³விஷ்ணு꞉ ஸந்ந்யாஸமுத்தமம் ।
ருசீகஸ்து மஹாதேஜா꞉ புத்ரஸ்யாப்ரதிகர்மண꞉ ॥ 22 ॥
பிதுர்மம த³தௌ³ தி³வ்யம் ஜமத³க்³நேர்மஹாத்மந꞉ ।
ந்யஸ்தஶஸ்த்ரே பிதரி மே தபோப³ல ஸமந்விதே ॥ 23 ॥
அர்ஜுநோ வித³தே⁴ ம்ருத்யும் ப்ராக்ருதாம் பு³த்³தி⁴மாஸ்தி²த꞉ ।
வத⁴மப்ரதிரூபம் து பிது꞉ ஶ்ருத்வா ஸுதா³ருணம் ॥ 24 ॥
க்ஷத்ரமுத்ஸாத³யந்ரோஷாஜ்ஜாதம் ஜாதமநேகஶ꞉ ।
ப்ருதி²வீம் சாகி²லாம் ப்ராப்ய காஶ்யபாய மஹாத்மநே ॥ 25 ॥
யஜ்ஞஸ்யாந்தே ததா³ ராம த³க்ஷிணாம் புண்யகர்மணே ।
த³த்த்வா மஹேந்த்³ரநிலயஸ்தபோப³லஸமந்வித꞉ ॥ 26 ॥
ஸ்தி²தோ(அ)ஸ்மி தஸ்மிம்ஸ்தப்யந்வை ஸுஸுக²ம் ஸுரஸேவிதே ।
அத்³ய தூத்தமவீர்யேண த்வயா ராம மஹாப³ல ॥ 27 ॥
ஶ்ருத்வாது த⁴நுஷோ பே⁴த³ம் ததோ(அ)ஹம் த்³ருதமாக³த꞉ ।
ததி³த³ம் வைஷ்ணவம் ராம பித்ருபைதாமஹம் மஹத் ॥ 28 ॥
க்ஷத்ரத⁴ர்மம் புரஸ்க்ருத்ய க்³ருஹ்ணீஷ்வ த⁴நுருத்தமம் ।
யோஜயஸ்வ த⁴நு꞉ஶ்ரேஷ்டே² ஶரம் பரபுரஞ்ஜயம் ।
யதி³ ஶக்நோஸி காகுத்ஸ்த² த்³வந்த்³வம் தா³ஸ்யாமி தே தத꞉ ॥ 29 ॥
இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே பா³லகாண்டே³ பஞ்சஸப்ததிதம꞉ ஸர்க³꞉ ॥ 75 ॥
பா³லகாண்ட³ ஷட்ஸப்ததிதம꞉ ஸர்க³꞉ (76) >>
ஸம்பூர்ண வால்மீகி ராமாயணே பா³லகாண்ட³ பார்க்க.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
