Balakanda Sarga 76 – பா³லகாண்ட³ ஷட்ஸப்ததிதம꞉ ஸர்க³꞉ (76)

॥ ஜாமத³க்³ந்யப்ரதிஷ்டம்ப⁴꞉ ॥

ஶ்ருத்வா தஜ்ஜாமத³க்³ந்யஸ்ய வாக்யம் தா³ஶரதி²ஸ்ததா³ ।
கௌ³ரவாத்³யந்த்ரிதகத²꞉ பிதூ ராமமதா²ப்³ரவீத் ॥ 1 ॥

ஶ்ருதவாநஸ்மி யத்கர்ம க்ருதவாநஸி பா⁴ர்க³வ ।
அநுருத்⁴யாமஹே ப்³ரஹ்மந்பிதுராந்ருண்யமாஸ்தி²த꞉ ॥ 2 ॥

வீர்யஹீநமிவாஶக்தம் க்ஷத்ரத⁴ர்மேண பா⁴ர்க³வ ।
அவஜாநாஸி மே தேஜ꞉ பஶ்ய மே(அ)த்³ய பராக்ரமம் ॥ 3 ॥

இத்யுக்த்வா ராக⁴வ꞉ க்ருத்³தோ⁴ பா⁴ர்க³வஸ்ய ஶராஸநம் ।
ஶரம் ச ப்ரதிஜக்³ராஹ ஹஸ்தால்லகு⁴பராக்ரம꞉ ॥ 4 ॥

ஆரோப்ய ஸ த⁴நூ ராம꞉ ஶரம் ஸஜ்யம் சகார ஹ ।
ஜாமத³க்³ந்யம் ததோ ராமம் ராம꞉ க்ருத்³தோ⁴(அ)ப்³ரவீத்³வச꞉ ॥ 5 ॥

ப்³ராஹ்மணோ(அ)ஸீதி மே பூஜ்யோ விஶ்வாமித்ரக்ருதேந ச ।
தஸ்மாச்ச²க்தோ ந தே ராம மோக்தும் ப்ராணஹரம் ஶரம் ॥ 6 ॥

இமாம் பாத³க³திம் ராம தபோப³லஸமார்ஜிதாந் । [வா த்வத்³க³திம்]
லோகாநப்ரதிமாந்வா தே ஹநிஷ்யாமி யதி³ச்ச²ஸி ॥ 7 ॥

ந ஹ்யயம் வைஷ்ணவோ தி³வ்ய꞉ ஶர꞉ பரபுரஞ்ஜய꞉ ।
மோக⁴꞉ பததி வீர்யேண ப³லத³ர்பவிநாஶந꞉ ॥ 8 ॥

வராயுத⁴த⁴ரம் ராமம் த்³ரஷ்டும் ஸர்ஷிக³ணா꞉ ஸுரா꞉ ।
பிதாமஹம் புரஸ்க்ருத்ய ஸமேதாஸ்தத்ர ஸர்வஶ꞉ ॥ 9 ॥

க³ந்த⁴ர்வாப்ஸரஸஶ்சைவ ஸித்³த⁴சாரணகிந்நரா꞉ ।
யக்ஷராக்ஷஸநாகா³ஶ்ச தத்³த்³ரஷ்டும் மஹத³த்³பு⁴தம் ॥ 10 ॥

ஜடீ³க்ருதே ததா³ லோகே ராமே வரத⁴நுர்த⁴ரே ।
நிர்வீர்யோ ஜாமத³க்³ந்யோ(அ)த² ராமோ ராமமுதை³க்ஷத ॥ 11 ॥

தேஜோ(அ)பி⁴ஹதவீர்யத்வாஜ்ஜாமத³க்³ந்யோ ஜடீ³க்ருத꞉ ।
ராமம் கமலபத்ராக்ஷம் மந்த³ம் மந்த³முவாச ஹ ॥ 12 ॥

காஶ்யபாய மயா த³த்தா யதா³ பூர்வம் வஸுந்த⁴ரா ।
விஷயே மே ந வஸ்தவ்யமிதி மாம் காஶ்யபோ(அ)ப்³ரவீத் ॥ 13 ॥

ஸோ(அ)ஹம் கு³ருவச꞉ குர்வந்ப்ருதி²வ்யாம் ந வஸே நிஶாம் ।
ததா³ ப்ரதிஜ்ஞா காகுத்ஸ்த² க்ருதா பூ⁴꞉ காஶ்யபஸ்ய ஹி ॥ 14 ॥

ததி³மாம் த்வம் க³திம் வீர ஹந்தும் நார்ஹஸி ராக⁴வ ।
மநோஜவம் க³மிஷ்யாமி மஹேந்த்³ரம் பர்வதோத்தமம் ॥ 15 ॥

லோகாஸ்த்வப்ரதிமா ராம நிர்ஜிதாஸ்தபஸா மயா ।
ஜஹி தாந் ஶரமுக்²யேந மா பூ⁴த்காலஸ்ய பர்யய꞉ ॥ 16 ॥

அக்ஷயம் மது⁴ஹந்தாரம் ஜாநாமி த்வாம் ஸுரோத்தமம் ।
த⁴நுஷோ(அ)ஸ்ய பராமர்ஶாத்ஸ்வஸ்தி தே(அ)ஸ்து பரந்தப ॥ 17 ॥

ஏதே ஸுரக³ணா꞉ ஸர்வே நிரீக்ஷந்தே ஸமாக³தா꞉ ।
த்வாமப்ரதிமகர்மாணமப்ரதித்³வந்த்³வமாஹவே ॥ 18 ॥

ந சேயம் மம காகுத்ஸ்த² வ்ரீடா³ ப⁴விதுமர்ஹதி ।
த்வயா த்ரைலோக்யநாதே²ந யத³ஹம் விமுகீ²க்ருத꞉ ॥ 19 ॥

ஶரமப்ரதிமம் ராம மோக்துமர்ஹஸி ஸுவ்ரத ।
ஶரமோக்ஷே க³மிஷ்யாமி மஹேந்த்³ரம் பர்வதோத்தமம் ॥ 20 ॥

ததா² ப்³ருவதி ராமே து ஜாமத³க்³ந்யே ப்ரதாபவாந் ।
ராமோ தா³ஶரதி²꞉ ஶ்ரீமாம்ஶ்சிக்ஷேப ஶரமுத்தமம் ॥ 21 ॥

ஸ ஹதாந்த்³ருஶ்ய ராமேண ஸ்வாம்ˮல்லோகாம்ஸ்தபஸார்ஜிதாந் ।
ஜாமத³க்³ந்யோ ஜகா³மாஶு மஹேந்த்³ரம் பர்வதோத்தமம் ॥ 22 ॥

ததோ விதிமிரா꞉ ஸர்வா தி³ஶஶ்சோபதி³ஶஸ்ததா² ।
ஸுரா꞉ ஸர்ஷிக³ணா ராமம் ப்ரஶஶம்ஸுருதா³யுத⁴ம் ॥ 23 ॥

ராமம் தா³ஶரதி²ம் ராமோ ஜாமத³க்³ந்ய꞉ ப்ரஶஸ்ய ச ।
தத꞉ ப்ரத³க்ஷிணம் க்ருத்வா ஜகா³மாத்மக³திம் ப்ரபு⁴꞉ ॥ 24 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே பா³லகாண்டே³ ஷட்ஸப்ததிதம꞉ ஸர்க³꞉ ॥ 76 ॥

பா³லகாண்ட³ ஸப்தஸப்ததிதம꞉ ஸர்க³꞉ (77) >>


ஸம்பூர்ண வால்மீகி ராமாயணே பா³லகாண்ட³ பார்க்க.


గమనిక: "శ్రీ శివ స్తోత్రనిధి" పుస్తకము ముద్రణ చేయుటకు ఆలోచన చేయుచున్నాము.

Facebook Comments

You may also like...

error: Not allowed
%d bloggers like this: