Ayodhya Kanda Sarga 84 – அயோத்⁴யாகாண்ட³ சதுரஶீதிதம꞉ ஸர்க³꞉ (84)

ஸ்தோத்ரநிதி → வால்மீகி ராமாயணே அயோத்⁴யகாண்ட³ → அயோத்⁴யாகாண்ட³ சதுரஶீதிதம꞉ ஸர்க³꞉ (84)

॥ கு³ஹாக³மநம் ॥

ததர்நிவிஷ்டாம் த்⁴வஜிநீம் க³ங்கா³மந்வாஶ்ரிதாம் நதீ³ம் ।
நிஷாத³ராஜோ த்³ருஷ்ட்வைவ ஜ்ஞாதீந் ஸந்த்வரிதோ(அ)ப்³ரவீத் ॥ 1 ॥

மஹதீயமித꞉ ஸேநா ஸாக³ராபா⁴ ப்ரத்³ருஶ்யதே ।
நாஸ்யாந்தமதி⁴க³ச்சா²மி மநஸாபி விசிந்தயந் ॥ 2 ॥

யதா² து க²லு து³ர்பு³த்³தி⁴ர்ப⁴ரத꞉ ஸ்வயமாக³த꞉ ।
ஸ ஏஷ ஹி மஹாகாய꞉ கோவிதா³ரத்⁴வஜோ ரதே² ॥ 3 ॥

ப³ந்த⁴யிஷ்யதி வா தா³ஶாந் அத²வா(அ)ஸ்மாந் வதி⁴ஷ்யதி ।
அத² தா³ஶரதி²ம் ராமம் பித்ரா ராஜ்யாத்³விவாஸிதம் ॥ 4 ॥

ஸம்பந்நாம் ஶ்ரியமந்விச்சந் தஸ்ய ராஜ்ஞ꞉ ஸுது³ர்லபா⁴ம் ।
ப⁴ரத꞉ கைகேயீபுத்ர꞉ ஹந்தும் ஸமதி⁴க³ச்ச²தி ॥ 5 ॥

ப⁴ர்தா சைவ ஸகா² சைவ ராமர்தா³ஶரதி²ர்மம ।
தஸ்யார்த²காமா꞉ ஸந்நத்³தா⁴ க³ங்கா³(அ)நூபே ப்ரதிஷ்ட²த ॥ 6 ॥

திஷ்ட²ந்து ஸர்வ தா³ஶாஶ்ச க³ங்கா³மந்வாஶ்ரிதா நதீ³ம் ।
ப³லயுக்தா நதீ³ரக்ஷா மாம்ஸமூலப²லாஶநா꞉ ॥ 7 ॥

நாவாம் ஶதாநாம் பஞ்சாநாம் கைவர்தாநாம் ஶதம் ஶதம் ।
ஸந்நத்³தா⁴நாம் ததா² யூநாம் திஷ்ட²ந்த்வித்யப்⁴யசோத³யத் ॥ 8 ॥

யதா³ துஷ்டஸ்து ப⁴ரத꞉ ராமஸ்யேஹ ப⁴விஷ்யதி ।
ஸேயம் ஸ்வஸ்திமதீ ஸேநா க³ங்கா³மத்³ய தரிஷ்யதி ॥ 9 ॥

இத்யுக்த்வோபாயநம் க்³ருஹ்ய மத்ஸ்யமாம்ஸமதூ⁴நி ச ।
அபி⁴சக்ராம ப⁴ரதம் நிஷாதா³தி⁴பதிர்கு³ஹ꞉ ॥ 10 ॥

தமாயாந்தம் து ஸம்ப்ரேக்ஷ்ய ஸூதபுத்ர꞉ ப்ரதாபவாந் ।
ப⁴ரதாயா(அ)சசக்ஷே(அ)த² விநயஜ்ஞோ விநீதவத் ॥ 11 ॥

ஏஷ ஜ்ஞாதிஸஹஸ்ரேண ஸ்த²பதி꞉ பரிவாரித꞉ ।
குஶலோ த³ண்ட³காரண்யே வ்ருத்³தோ⁴ ப்⁴ராதுஶ்ச தே ஸகா² ॥ 12 ॥

தஸ்மாத்பஶ்யது காகுத்ஸ்த² த்வாம் நிஷாதா³தி⁴போ கு³ஹ꞉ ।
அஸம்ஶயம் விஜாநீதே யத்ர தௌ ராமலக்ஷ்மணௌ ॥ 13 ॥

ஏதத்து வசநம் ஶ்ருத்வா ஸுமந்த்ராத்³ப⁴ரத꞉ ஶுப⁴ம் ।
உவாச வசநம் ஶீக்⁴ரம் கு³ஹ꞉ பஶ்யது மாமிதி ॥ 14 ॥

லப்³த்⁴வா(அ)ப்⁴யநுஜ்ஞாம் ஸம்ஹ்ருஷ்ட꞉ ஜ்ஞாதிபி⁴꞉ பரிவாரித꞉ ।
ஆக³ம்ய ப⁴ரதம் ப்ரஹ்வோ கு³ஹோ வசநமப்³ரவீத் ॥ 15 ॥

நிஷ்குடஶ்சைவ தே³ஶோ(அ)யம் வஞ்சிதாஶ்சாபி தே வயம் ।
நிவேத³யாமஸ்தே ஸர்வே ஸ்வகே தா³ஸகுலே வஸ ॥ 16 ॥

அஸ்தி மூலம் ப²லம் சைவ நிஷாதை³꞉ ஸமுபாஹ்ருதம் ।
ஆர்த்³ரம் ச மாம்ஸம் ஶுஷ்கம் ச வந்யம் சோச்சாவசம் மஹத் ॥ 17 ॥

ஆஶம்ஸே ஸ்வாஶிதா ஸேநா வத்ஸ்யதீமாம் விபா⁴வரீம் ।
அர்சித꞉ விவிதை⁴꞉ காமை꞉ ஶ்வஸ்ஸஸைந்யோ க³மிஷ்யஸி ॥ 18 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அயோத்⁴யாகாண்டே³ சதுரஶீதிதம꞉ ஸர்க³꞉ ॥ 84 ॥

அயோத்⁴யாகாண்ட³ பஞ்சாஶீதிதம꞉ ஸர்க³꞉ (85) >>

---

ஸம்பூர்ண வால்மீகி ராமாயணே அயோத்⁴யகாண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.