Ayodhya Kanda Sarga 83 – அயோத்⁴யாகாண்ட³ த்ர்யஶீதிதம꞉ ஸர்க³꞉ (83)


॥ ப⁴ரதவநப்ரஸ்தா²நம் ॥

தத꞉ ஸமுத்தி²த꞉ கால்யமாஸ்தா²ய ஸ்யந்த³நோத்தமம் ।
ப்ரயயௌ ப⁴ரத꞉ ஶீக்⁴ரம் ராமத³ர்ஶநகாங்க்ஷயா ॥ 1 ॥

அக்³ரத꞉ ப்ரயயுஸ்தஸ்ய ஸர்வே மந்த்ரிபுரோத⁴ஸ꞉ ।
அதி⁴ருஹ்ய ஹயை꞉ யுக்தாந் ரதா²ந்ஸூர்யரதோ²பமாந் ॥ 2 ॥

நவநாக³ஸஹஸ்ராணி கல்பிதாநி யதா²விதி⁴ ।
அந்வயுர்ப⁴ரதம் யாந்தமிக்ஷ்வாகு குலநந்த³நம் ॥ 3 ॥

ஷஷ்டீ² ரத²ஸஹஸ்ராணி த⁴ந்விநோ விவிதா⁴யுதா⁴꞉ ।
அந்வயுர்ப⁴ரதம் யாந்தம் ராஜபுத்ரம் யஶஸ்விநம் ॥ 4 ॥

ஶதம் ஸஹஸ்ராண்யஶ்வாநாம் ஸமாரூடா⁴நி ராக⁴வம் ।
அந்வயுர்ப⁴ரதம் யாந்தம் ஸத்யஸந்த⁴ம் ஜிதேந்த்³ரியம் ॥ 5 ॥

கைகேயீ ச ஸுமித்ரா ச கௌஸல்யா ச யஶஸ்விநீ ।
ராமாநயந ஸம்ஹ்ருஷ்டா யயுர்யாநேந பா⁴ஸ்வதா ॥ 6 ॥

ப்ரயாதாஶ்சார்யஸங்கா⁴தா꞉ ராமம் த்³ரஷ்டும் ஸலக்ஷ்மணம் ।
தஸ்யைவ ச கதா²ஶ்சித்ரா꞉ குர்வாணா ஹ்ருஷ்டமாநஸா꞉ ॥ 7 ॥

மேக⁴ஶ்யாமம் மஹாபா³ஹும் ஸ்தி²ரஸத்த்வம் த்³ருட⁴வ்ரதம் ।
கதா³ த்³ரக்ஷ்யாமஹே ராமம் ஜக³த꞉ ஶோகநாஶநம் ॥ 8 ॥

த்³ருஷ்ட ஏவ ஹி ந꞉ ஶோகமபநேஷ்யதி ராக⁴வ꞉ ।
தம꞉ ஸர்வஸ்ய லோகஸ்ய ஸமுத்³யந்நிவ பா⁴ஸ்கர꞉ ॥ 9 ॥

இத்யேவம் கத²யந்தஸ்தே ஸம்ப்ரஹ்ருஷ்டா꞉ கதா²ஶ்ஶுபா⁴꞉ ।
பரிஷ்வஜாநாஶ்சாந்யோந்யம் யயுர்நாக³ரிகா ஜநா꞉ ॥ 10 ॥

யே ச தத்ராபரே ஸர்வே ஸம்மதா யே ச நைக³மா꞉ ।
ராமம் ப்ரதி யயுர்ஹ்ருஷ்டா꞉ ஸர்வா꞉ ப்ரக்ருதயஸ்ததா³ ॥ 11 ॥

மணிகாராஶ்ச யே கேசித் கும்ப⁴காராஶ்ச ஶோப⁴நா꞉ ।
ஸூத்ரகர்மக்ருதஶ்சைவ யே ச ஶஸ்த்ரோபஜீவிந꞉ ॥ 12 ॥

மாயூரகா꞉ க்ராகசிகா ரோசகா꞉ வேத⁴காஸ்ததா² ।
த³ந்தகாரா꞉ ஸுதா⁴காராஸ்ததா² க³ந்தோ⁴பஜீவிந꞉ ॥ 13 ॥

ஸுவர்ணகாரா꞉ ப்ரக்²யாதாஸ்ததா² கம்ப³லதா⁴வகா꞉ ।
ஸ்நாபகோச்சா²த³கா வைத்³யா தூ⁴பகா꞉ ஶௌண்டி³காஸ்ததா² ॥ 14 ॥

ரஜகாஸ்துந்நவாயாஶ்ச க்³ராமகோ⁴ஷமஹத்தரா꞉ ।
ஶைலூஷாஶ்ச ஸஹ ஸ்த்ரீபி⁴ர்யயு꞉ கைவர்தகாஸ்ததா² ॥ 15 ॥

ஸமாஹிதா வேத³விதோ³ ப்³ராஹ்மணா வ்ருத்தஸம்மதா꞉ ।
கோ³ரதை²꞉ ப⁴ரதம் யாந்தமநுஜக்³மு꞉ ஸஹஸ்ரஶ꞉ ॥ 16 ॥

ஸுவேஷா꞉ ஶுத்³த⁴ வஸநாஸ்தாம்ர ம்ருஷ்டாநுலேபநா꞉ ।
ஸர்வே தே விவிதை⁴꞉ யாநை꞉ ஶநைர்ப⁴ரதமந்வயு꞉ ॥ 17 ॥

ப்ரஹ்ருஷ்டமுதி³தா ஸேநா ஸா(அ)ந்வயாத்கைகயீ ஸுதம் ।
ப்⁴ராதுராநயநே யாந்தம் ப⁴ரதம் ப்⁴ராத்ருவத்ஸலம் ॥ 18 ॥

தே க³த்வா தூ³ரமத்⁴வாநம் ரத²யாநாஶ்வகுஞ்ஜரை꞉ ।
ஸமாஸேது³ஸ்ததோ க³ங்கா³ம் ஶ்ருங்கி³பே³ரபுரம் ப்ரதி ॥ 19 ॥

யத்ர ராமஸகோ² வீரோ கு³ஹோ ஜ்ஞாதிக³ணைர்வ்ருத꞉ ।
நிவஸத்யப்ரமாதே³ந தே³ஶம் தம் பரிபாலயந் ॥ 20 ॥

உபேத்ய தீரம் க³ங்கா³யாஶ்சக்ரவாகைரளங்கதம் ।
வ்யவதிஷ்ட²த ஸா ஸேநா ப⁴ரதஸ்யாநுயாயிநீ ॥ 21 ॥

நிரீக்ஷ்யாநுக³தாம் ஸேநாம் தாம் ச க³ங்கா³ம் ஶிவோத³காம் ।
ப⁴ரத꞉ ஸசிவாந் ஸர்வாந் அப்³ரவீத்³வாக்யகோவித³꞉ ॥ 22 ॥

நிவேஶயத மே ஸைந்யமபி⁴ப்ராயேண ஸர்வத꞉ ।
விஶ்ராந்த꞉ ப்ரதரிஷ்யாம꞉ ஶ்வைதா³நீமிமாம் நதீ³ம் ॥ 23 ॥

தா³தும் ச தாவதி³ச்சா²மி ஸ்வர்க³தஸ்ய மஹீபதே꞉ ।
ஔர்த்⁴வதே³ஹநிமித்தார்த²ம் அவதீர்யோத³கம் நதீ³ம் ॥ 24 ॥

தஸ்யைவம் ப்³ருவதோ(அ)மாத்யாஸ்ததா² இத்யுக்த்வா ஸமாஹிதா꞉ ।
ந்யவேஶயம்ஸ்தாம் ச²ந்தே³ந ஸ்வேந ஸ்வேந ப்ருத²க் ப்ருத²க் ॥ 25 ॥

நிவேஶ்ய க³ங்கா³மநு தாம் மஹாநதீ³ம்
சமூம் விதா⁴நை꞉ பரிப³ர்ஹஶோபி⁴நீம் ।
உவாஸ ராமஸ்ய ததா³ மஹாத்மநோ
விசிந்தயாநோ ப⁴ரதர்நிவர்தநம் ॥ 26 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அயோத்⁴யாகாண்டே³ த்ர்யஶீதிதம꞉ ஸர்க³꞉ ॥ 83 ॥

அயோத்⁴யாகாண்ட³ சதுரஶீதிதம꞉ ஸர்க³꞉ (84) >>


ஸம்பூர்ண வால்மீகி ராமாயணே அயோத்⁴யகாண்ட³ பார்க்க.


గమనిక : "శ్రీ గాయత్రీ స్తోత్రనిధి" పారాయణ గ్రంథము ముద్రణ చేయుటకు ఆలోచన చేయుచున్నాము.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed