Devi Narayaniyam Dasakam 33 – த்ரயஸ்த்ரிம்ஶ த³ஶகம் (33) – கௌ³தம கதா²

ஸ்தோத்ரநிதி → தே³வீ நாராயணீயம் → த்ரயஸ்த்ரிம்ஶ த³ஶகம் (33) – கௌ³தம கதா²

ஶக்ர꞉ புரா ஜீவக³ணஸ்ய கர்ம-
-தோ³ஷாத்ஸமா꞉ பஞ்சத³ஶ க்ஷமாயாம் ।
வ்ருஷ்டிம் ந சக்ரே த⁴ரணீ ச ஶுஷ்க-
-வாபீதடாகா³தி³ஜலாஶயா(ஆ)ஸீத் ॥ 33-1 ॥

ஸஸ்யாநி ஶுஷ்காணி க²கா³ந் ம்ருகா³ம்ஶ்ச
பு⁴க்த்வா(அ)ப்யத்ருப்தா꞉ க்ஷுத⁴யா த்ருஷா ச ।
நிபீடி³தா மர்த்யஶவாநி சாஹோ
மர்த்யா அநிஷ்டாந்யபி பு⁴ஞ்ஜதே ஸ்ம ॥ 33-2 ॥

க்ஷுதா⁴(அ)ர்தி³தா꞉ ஸர்வஜநா மஹா(ஆ)ப-
-த்³விமுக்திகாமா மிலிதா꞉ கதா³சித் ।
தபோத⁴நம் கௌ³தமமேத்ய ப⁴க்த்யா
ப்ருஷ்டா முநிம் ஸ்வாக³மஹேதுமூசு꞉ ॥ 33-3 ॥

விஜ்ஞாய ஸர்வம் முநிராட் க்ருபாலு꞉
ஸம்பூஜ்ய கா³யத்ர்யபி⁴தா⁴ம் ஶிவே த்வாம் ।
ப்ரஸாத்³ய த்³ருஷ்ட்வா ச தவைவ ஹஸ்தா-
-ல்லேபே⁴ நவம் காமத³பாத்ரமேகம் ॥ 33-4 ॥

து³கூலஸௌவர்ணவிபூ⁴ஷணாந்ந-
-வஸ்த்ராதி³ கா³வோ மஹிஷாத³யஶ்ச ।
யத்³யஜ்ஜநைரீப்ஸிதமாஶு தத்த-
-த்தத்பாத்ரதோ தே³வி ஸமுத்³ப³பூ⁴வ ॥ 33-5 ॥

ரோகோ³ ந தை³ந்யம் ந ப⁴யம் ந சைவ
ஜநா மிதோ² மோத³கரா ப³பூ⁴வு꞉ ।
தே கௌ³தமஸ்யோக்³ரதப꞉ப்ரபா⁴வ-
-முச்சைர்ஜகு³ஸ்தாம் கருணார்த்³ரதாம் ச ॥ 33-6 ॥

ஏவம் ஸமா த்³வாத³ஶ தத்ர ஸர்வே
நிந்யு꞉ கதா³சிந்மிலிதேஷு தேஷு ।
ஶ்ரீநாரதோ³ தே³வி ஶஶீவ கா³ய-
-த்ர்யாஶ்சர்யஶக்திம் ப்ரக்³ருணந்நவாப ॥ 33-7 ॥

ஸ பூஜிதஸ்தத்ர நிஷண்ண உச்சை-
-ர்நிவேத்³ய தாம் கௌ³தமகீர்திலக்ஷ்மீம் ।
ஸபா⁴ஸு ஶக்ராதி³ஸுரை꞉ ப்ரகீ³தாம்
ஜகா³ம ஸந்தோ ஜஹ்ருஷு꞉ க்ருதஜ்ஞா꞉ ॥ 33-8 ॥

காலே த⁴ராம் வ்ருஷ்டிஸம்ருத்³த⁴ஸஸ்யாம்
த்³ருஷ்ட்வா ஜநா கௌ³தமமாநமந்த꞉ ।
ஆப்ருச்ச்²ய தே ஸஜ்ஜநஸங்க³பூதா
முதா³ ஜவாத்ஸ்வஸ்வக்³ருஹாணி ஜக்³மு꞉ ॥ 33-9 ॥

து³꞉கா²நி மே ஸந்து யதோ மநோ மே
ப்ரதப்தஸங்க⁴ட்டிதஹேமஶோபி⁴ ।
விஶுத்³த⁴மஸ்து த்வயீ ப³த்³த⁴ராகோ³
ப⁴வாநி தே தே³வி நமோ(அ)ஸ்து பூ⁴ய꞉ ॥ 33-10 ॥

சதுஸ்த்ரிம்ஶ த³ஶகம் (34) – கௌ³தமஶாபம் >>

---

ஸம்பூர்ண தே³வீ நாராயணீயம் பார்க்க.

Did you see any mistake/variation in the content above? Click here to report mistakes and corrections in Stotranidhi content.