Devi Narayaniyam Dasakam 31 – ஏகத்ரிம்ஶ த³ஶகம் (31) – ப்⁴ராமர்யவதாரம்

ஸ்தோத்ரநிதி → தே³வீ நாராயணீயம் → ஏகத்ரிம்ஶ த³ஶகம் (31) – ப்⁴ராமர்யவதாரம்

கஶ்சித்புரா மந்த்ரமுதீ³ர்ய கா³ய-
-த்ரீதி ப்ரஸித்³த⁴ம் தி³திஜோ(அ)ருணாக்²ய꞉ ।
சிராய க்ருத்வா தப ஆத்மயோநே꞉
ப்ரஸாதி³தாதா³ப வராநபூர்வாந் ॥ 31-1 ॥

ஸ்த்ரீபும்பி⁴ரஸ்த்ரைஶ்ச ரணே த்³விபாதை³-
-ஶ்சதுஷ்பதை³ஶ்சாப்யுப⁴யாத்மகைஶ்ச ।
அவத்⁴யதாம் தே³வபராஜயம் ச
லப்³த்⁴வா ஸ த்³ருப்தோ தி³வமாஸஸாத³ ॥ 31-2 ॥

ரணே ஜிதா தை³த்யப⁴யேந லோக-
-பாலை꞉ ஸஹ ஸ்வஸ்வபதா³நி ஹித்வா ।
தே³வா த்³ருதா꞉ ப்ராப்ய ஶிவம் ரிபூணாம்
ஸம்யக்³வதோ⁴பாயமசிந்தயம்ஶ்ச ॥ 31-3 ॥

ததா³(அ)ப⁴வத்காப்யஶரீரிணீ வா-
-க்³ப⁴ஜேத தே³வீம் ஶுப⁴மேவ வ꞉ ஸ்யாத் ।
தை³த்யோ(அ)ருணோ வர்த⁴யதீஹ கா³ய-
-த்ர்யுபாஸநேநாத்மப³லம் த்வத்⁴ருஷ்யம் ॥ 31-4 ॥

யத்³யேஷ தம் மந்த்ரஜபம் ஜஹாதி
ஸ து³ர்ப³ல꞉ ஸாத்⁴யவதோ⁴(அ)பி ச ஸ்யாத் ।
ஏவம் நிஶம்ய த்ரித³ஶை꞉ ப்ரஹ்ருஷ்டை-
-ரப்⁴யர்தி²தோ தே³வகு³ரு꞉ ப்ரதஸ்தே² ॥ 31-5 ॥

ஸ ப்ராப தை³த்யம் யதிரூபதா⁴ரீ
ப்ரத்யுத்³க³தோ மந்த்ரஜபாதிஸக்தம் ।
ஸ்மிதார்த்³ரமூசே குஶலீ ஸப³ந்து⁴-
-மித்ரோ ப⁴வாந் கிம் ஜக³தே³கவீர ॥ 31-6 ॥

தை³த்யஸ்ய தே மந்த்ரஜபேந கிம் யோ
நூநம் ப³லிஷ்ட²ம் த்வப³லம் கரோதி ।
யேநைவ தே³வா அப³லா ரணேஷு
த்வயா ஜிதாஸ்த்வம் ஸ்வஹிதம் குருஷ்வ ॥ 31-7 ॥

ஸம்ந்யாஸிநோ மந்த்ரஜபேந ராக³-
-த்³வேஷாதி³ ஜேதும் ஸததம் யதந்தே ।
ந த்வம் யதிர்நாபி முமுக்ஷுரர்த²-
-காமாதிஸக்தஸ்ய ஜபேந கிம் தே ॥ 31-8 ॥

ஏகம் ஹி மந்த்ரம் ஸமுபாஸ்வஹே த்³வௌ
தேநாஸி மித்ரம் மம தத்³வதா³மி ।
மந்த்ரஶ்ச மே முக்தித³ ஏவ துப்⁴யம்
வ்ருத்³தி⁴ம் ந த³த்³யாத³யமித்யவேஹி ॥ 31-9 ॥

ப்³ருஹஸ்பதாவேவமுதீ³ர்ய யாதே
ஸத்யம் தது³க்தம் தி³திஜோ விசிந்த்ய ।
க்ரமாஜ்ஜஹௌ மந்த்ரஜபம் ஸதா³ ஹி
மூட⁴꞉ பரப்ரோக்தவிநேயபு³த்³தி⁴꞉ ॥ 31-10 ॥

ஏவம் கு³ரௌ குர்வதி தை³த்யபீ⁴தை꞉
க்ருத்வா தபோயோக³ஜபாத்⁴வராதி³ ।
ஜாம்பூ³நதே³ஶ்வர்யமரை꞉ ஸ்துதா த்வம்
ப்ரஸாதி³தா ப்ராது³ரபூ⁴꞉ க்ருபார்த்³ரா ॥ 31-11 ॥

த்வத்³தே³ஹஜாதைர்ப்⁴ரமரைரநந்தை-
-ர்தை³த்ய꞉ ஸஸைந்யோ விப²லாஸ்த்ரஶஸ்த்ர꞉ ।
த³ஷ்டோ ஹதஸ்த்வம் ச நுதிப்ரஸந்நா
பஶ்யத்ஸு தே³வேஷு திரோஹிதா(அ)பூ⁴꞉ ॥ 31-12 ॥

ஸ்வதே³ஹதோ வை ப்⁴ரமராந் விதா⁴த்ரீ
த்வம் ப்⁴ராமரீதி ப்ரதி²தா ஜக³த்ஸு ।
அஹோ விசித்ராஸ்தவ தே³வி லீலா꞉
நமோ நமஸ்தே பு⁴வநேஶி மாத꞉ ॥ 31-13 ॥

த்³வாத்ரிம்ஶ த³ஶகம் (32) – யக்ஷ கதா² >>

---

ஸம்பூர்ண தே³வீ நாராயணீயம் பார்க்க.

Did you see any mistake/variation in the content above? Click here to report mistakes and corrections in Stotranidhi content.