Devi Narayaniyam Dasakam 14 – சதுர்த³ஶ த³ஶகம் (14) – ஸுத³ர்ஶநகதா²-ப⁴ரத்³வாஜாஶ்ரம ப்ரவேஶம்

ஸ்தோத்ரநிதி → தே³வீ நாராயணீயம் → சதுர்த³ஶ த³ஶகம் (14) – ஸுத³ர்ஶநகதா²-ப⁴ரத்³வாஜாஶ்ரம ப்ரவேஶம்

ராஜா புரா(ஆ)ஸீத்கில கோஸலேஷு
த⁴ர்மைகநிஷ்டோ² த்⁴ருவஸந்தி⁴நாமா ।
ஆஸ்தாம் ப்ரியே அஸ்ய மநோரமா ச
லீலாவதீ சேதி த்³ருடா⁴நுரக்தே ॥ 14-1 ॥

மநோரமா(அ)ஸூத ஸுத³ர்ஶநாக்²யம்
குமாரகம் ஶத்ருஜிதம் ச ஸா(அ)ந்யா ।
ஸம்வர்த⁴யம்ஸ்தௌ ம்ருக³யாவிஹாரீ
வநே ந்ருபோ ஹா ஹரிணா ஹதோ(அ)பூ⁴த் ॥ 14-2 ॥

விசிந்தயந் ராஜகுலஸ்ய வ்ருத்தம்
தஜ்ஜ்யேஷ்ட²புத்ரஸ்ய ஸுத³ர்ஶநஸ்ய ।
ராஜ்யாபி⁴ஷேகாய கு³ருர்வஸிஷ்ட²-
-ஶ்சகார மந்த்ரம் ஸசிவை꞉ ஸமேத꞉ ॥ 14-3 ॥

மாதாமஹ꞉ ஶத்ருஜிதோ யுதா⁴ஜி-
-த³ப்⁴யேத்ய ஸத்³யோ(அ)மிதவீர்யஶாலீ ।
ராஜ்யே ஸ்வதௌ³ஹித்ரமிஹாபி⁴ஷிக்தம்
கர்தும் குபு³த்³தி⁴꞉ குருதே ஸ்ம யத்நம் ॥ 14-4 ॥

மநோரமாயா அபி வீரஸேந꞉
பிதா(அ)ப்⁴யுபேத்யாஶு ருரோத⁴ தஸ்ய ।
யத்நம் ப³லீ ஸ்வஸ்வஸுதாஸுதாபி⁴-
-ஷேகைகபு³த்³தீ⁴ க²லு தாவபூ⁴தாம் ॥ 14-5 ॥

க்ருத்வா விவாத³ம் ச ததோ ந்ருபௌ த்³வௌ
கோ⁴ரம் ரணம் சக்ரதுரித்³த⁴ரோஷௌ ।
யுதா⁴ஜிதா தத்ர து வீரஸேநோ
தை³வாத்³த⁴தோ(அ)பூ⁴த்³த⁴ரிணா கரீவ ॥ 14-6 ॥

ராஜ்யே(அ)பி⁴ஷிக்த꞉ க²லு ஶத்ருஜித்ஸ
பா³லஸ்ததோ(அ)யம் ரிபுபி⁴த்³யுதா⁴ஜித் ।
தௌ³ஹித்ரராஜ்யம் ஸுக²மேகநாத²꞉
ஶஶாஸ வஜ்ரீவ தி³வம் மஹேஶி ॥ 14-7 ॥

பத்யு꞉ பிதுஶ்சாபி ம்ருதேரநாதா²
பீ⁴தா வித³ள்லாபி⁴த⁴மந்த்ரியுக்தா ।
மநோரமா பா³லஸுதா த்வரண்யே
யயௌ ப⁴ரத்³வாஜமுநிம் ஶரண்யம் ॥ 14-8 ॥

தபோநிதி⁴ர்தீ³நஜநாநுகம்பீ
ஜ்ஞாத்வா முநிஸ்தாம் த்⁴ருவஸந்தி⁴பத்நீம் ।
உவாச வத்ஸே வஸ நிர்ப⁴யைவ
தபோவநே(அ)த்ராஸ்து ஶுப⁴ம் தவேதி ॥ 14-9 ॥

அல்போ(அ)ப்யுபேக்ஷ்யோ ந ரிபுர்ந ரோகோ³-
-(அ)ப்யேவம் ஸ்மரந்நாஶு ந்ருபோ யுதா⁴ஜித் ।
தாம் ஹர்துகாம꞉ ஸஸுதாம் மஹர்ஷே꞉
ப்ராபாஶ்ரமம் மந்த்ரிவரேண ஸாகம் ॥ 14-10 ॥

ந மாநிதஸ்தேந தபஸ்விநா ஸ
மநோரமாம் நைவ ஸுதம் ச லேபே⁴ ।
ப்ரஹர்துகாமோ(அ)பி முநிம் ஸ மந்த்ரி-
-வாசா நிவ்ருத்த꞉ ஶ்ருதகௌஶிகோ(அ)பூ⁴த் ॥ 14-11 ॥

ஏவம் முநிஸ்தாம் ஸஸுதாம் ரரக்ஷ
பீ⁴தோ(அ)ஸ்மி ஸம்ஸாரயுதா⁴ஜிதோ(அ)ஹம் ।
ந மே ஸஹாயோ(அ)ஸ்தி விநா த்வயைஷ
ஸநூபுரம் தே சரணம் நமாமி ॥ 14-12 ॥

பஞ்சத³ஶ த³ஶகம் (15) – ஸுத³ர்ஶநகதா²-தே³வீத³ர்ஶநம் >>

---

ஸம்பூர்ண தே³வீ நாராயணீயம் பார்க்க.

Did you see any mistake/variation in the content above? Click here to report mistakes and corrections in Stotranidhi content.