Yuddha Kanda Sarga 36 – யுத்³த⁴காண்ட³ ஷட்த்ரிம்ஶ꞉ ஸர்க³꞉ (36)

ஸ்தோத்ரநிதி → வால்மீகி ராமாயணே யுத்³த⁴காண்ட³ → யுத்³த⁴காண்ட³ ஷட்த்ரிம்ஶ꞉ ஸர்க³꞉ (36)

॥ புரத்³வாரரக்ஷா ॥

தத்து மால்யவதோ வாக்யம் ஹிதமுக்தம் த³ஶாநந꞉ ।
ந மர்ஷயதி து³ஷ்டாத்மா காலஸ்ய வஶமாக³த꞉ ॥ 1 ॥

ஸ ப³த்³த்⁴வா ப்⁴ருகுடிம் வக்த்ரே க்ரோத⁴ஸ்ய வஶமாக³த꞉ ।
அமர்ஷாத்பரிவ்ருத்தாக்ஷோ மால்யவந்தமதா²ப்³ரவீத் ॥ 2 ॥

ஹிதபு³த்³த்⁴யா யத³ஹிதம் வச꞉ பருஷமுச்யதே ।
பரபக்ஷம் ப்ரவிஶ்யைவ நைதச்ச்²ரோத்ரம் க³தம் மம ॥ 3 ॥

மாநுஷம் க்ருபணம் ராமமேகம் ஶாகா²ம்ருகா³ஶ்ரயம் ।
ஸமர்த²ம் மந்யஸே கேந த்யக்தம் பித்ரா வநாலயம் ॥ 4 ॥

ரக்ஷஸாமீஶ்வரம் மாம் ச தே³வதாநாம் ப⁴யங்கரம் ।
ஹீநம் மாம் மந்யஸே கேந ஹ்யஹீநம் ஸர்வவிக்ரமை꞉ ॥ 5 ॥

வீரத்³வேஷேண வா ஶங்கே பக்ஷபாதேந வா ரிபோ꞉ ।
த்வயா(அ)ஹம் பருஷாண்யுக்த꞉ பரப்ரோத்ஸாஹநேந வா ॥ 6 ॥

ப்ரப⁴வந்தம் பத³ஸ்த²ம் ஹி பருஷம் கோ(அ)பி⁴தா⁴ஸ்யதி ।
பண்டி³த꞉ ஶாஸ்த்ரதத்த்வஜ்ஞோ விநா ப்ரோத்ஸாஹநாத்³ரிபோ꞉ ॥ 7 ॥

ஆநீய ச வநாத்ஸீதாம் பத்³மஹீநாமிவ ஶ்ரியம் ।
கிமர்த²ம் ப்ரதிதா³ஸ்யாமி ராக⁴வஸ்ய ப⁴யாத³ஹம் ॥ 8 ॥

வ்ருதம் வாநரகோடீபி⁴꞉ ஸஸுக்³ரீவம் ஸலக்ஷ்மணம் ।
பஸ்ய கைஶ்சித³ஹோபி⁴ஸ்த்வம் ராக⁴வம் நிஹதம் மயா ॥ 9 ॥

த்³வந்த்³வே யஸ்ய ந திஷ்ட²ந்தி தை³வதாந்யபி ஸம்யுகே³ ।
ஸ கஸ்மாத்³ராவணோ யுத்³தே⁴ ப⁴யமாஹாரயிஷ்யதி ॥ 10 ॥

த்³விதா⁴ ப⁴ஜ்யேயமப்யேவம் ந நமேயம் து கஸ்யசித் ।
ஏஷ மே ஸஹஜோ தோ³ஷ꞉ ஸ்வபா⁴வோ து³ரதிக்ரம꞉ ॥ 11 ॥

யதி³ தாவத்ஸமுத்³ரே து ஸேதுர்ப³த்³தோ⁴ யத்³ருச்ச²யா ।
ராமேண விஸ்மய꞉ கோ(அ)த்ர யேந தே ப⁴யமாக³தம் ॥ 12 ॥

ஸ து தீர்த்வார்ணவம் ராம꞉ ஸஹ வாநரஸேநயா ।
ப்ரதிஜாநாமி தே ஸத்யம் ந ஜீவந்ப்ரதியாஸ்யதி ॥ 13 ॥

ஏவம் ப்³ருவாணம் ஸம்ரப்³த⁴ம் ருஷ்டம் விஜ்ஞாய ராவணம் ।
வ்ரீடி³தோ மால்யவாந்வாக்யம் நோத்தரம் ப்ரத்யபத்³யத ॥ 14 ॥

[* அதி⁴கஶ்லோகம் –
சிந்தயந்மநஸா தஸ்ய து³ஷ்கர்மபரிபாகஜம் ।
பாபம் நாஶயதி ஹ்யேநம் ஸ்வஸ்ய ராஷ்ட்ரஸ்ய ராக்ஷஸை꞉ ॥ 15 ॥
*]

ஜயாஶிஷா ச ராஜாநம் வர்த⁴யித்வா யதோ²சிதம் ।
மால்யவாநப்⁴யநுஜ்ஞாதோ ஜகா³ம ஸ்வம் நிவேஶநம் ॥ 16 ॥

ராவணஸ்து ஸஹாமாத்யோ மந்த்ரயித்வா விம்ருஶ்ய ச ।
லங்காயாமதுலாம் கு³ப்திம் காரயாமாஸ ராக்ஷஸ꞉ ॥ 17 ॥

ஸ வ்யாதி³தே³ஶ பூர்வஸ்யாம் ப்ரஹஸ்தம் த்³வாரி ராக்ஷஸம் ।
த³க்ஷிணஸ்யாம் மஹாவீர்யௌ மஹாபார்ஶ்வ மஹோத³ரௌ ॥ 18 ॥

வ்யாதி³தே³ஶ மஹாகாயௌ ராக்ஷஸைர்ப³ஹுபி⁴ர்வ்ருதௌ ।
பஶ்சிமாயாமதோ² த்³வாரி புத்ரமிந்த்³ரஜிதம் ததா² ॥ 19 ॥

வ்யாதி³தே³ஶ மஹாமாயம் ப³ஹுபீ⁴ ராக்ஷஸைர்வ்ருதம் ।
உத்தரஸ்யாம் புரத்³வாரி வ்யாதி³ஶ்ய ஶுகஸாரணௌ ॥ 20 ॥

ஸ்வயம் சாத்ர ப⁴விஷ்யாமி மந்த்ரிணஸ்தாநுவாச ஹ ।
ராக்ஷஸம் து விரூபாக்ஷம் மஹாவீர்யபராக்ரமம் ॥ 21 ॥

மத்⁴யமே(அ)ஸ்தா²பயத்³கு³ள்மே ப³ஹுபி⁴꞉ ஸஹ ராக்ஷஸை꞉ ।
ஏவம் விதா⁴நம் லங்காயா꞉ க்ருத்வா ராக்ஷஸபுங்க³வ꞉ ।
க்ருதக்ருத்யமிவாத்மாநம் மந்யதே காலசோதி³த꞉ ॥ 22 ॥

விஸர்ஜயாமாஸ தத꞉ ஸ மந்த்ரிணோ
விதா⁴நமாஜ்ஞாப்ய புரஸ்ய புஷ்களம் ।
ஜயாஶிஷா மந்த்ரிக³ணேந பூஜிதோ
விவேஶ சாந்த꞉புரம்ருத்³தி⁴மந்மஹத் ॥ 23 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே யுத்³த⁴காண்டே³ ஷட்த்ரிம்ஶ꞉ ஸர்க³꞉ ॥ 36 ॥

யுத்³த⁴காண்ட³ ஸப்தத்ரிம்ஶ꞉ ஸர்க³꞉ (37) >>

---

ஸம்பூர்ண வால்மீகி ராமாயணே யுத்³த⁴காண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.