Read in తెలుగు / ಕನ್ನಡ / தமிழ் / देवनागरी / English (IAST)
॥ ப்ரஹஸ்தாதி³வசநம் ॥
ததோ நீலாம்பு³த³நிப⁴꞉ ப்ரஹஸ்தோ நாம ராக்ஷஸ꞉ ।
அப்³ரவீத்ப்ராஞ்ஜலிர்வாக்யம் ஶூர꞉ ஸேநாபதிஸ்ததா³ ॥ 1 ॥
தே³வதா³நவக³ந்த⁴ர்வா꞉ பிஶாசபதகோ³ரகா³꞉ ।
ந த்வாம் த⁴ர்ஷயிதும் ஶக்தா꞉ கிம் புநர்வாநரா ரணே ॥ 2 ॥
ஸர்வே ப்ரமத்தா விஶ்வஸ்தா வஞ்சிதா꞉ ஸ்ம ஹநூமதா ।
ந ஹி மே ஜீவதோ க³ச்சே²ஜ்ஜீவந் ஸ வநகோ³சர꞉ ॥ 3 ॥
ஸர்வாம் ஸாக³ரபர்யந்தாம் ஸஶைலவநகாநநாம் ।
கரோம்யவாநராம் பூ⁴மிமாஜ்ஞாபயது மாம் ப⁴வாந் ॥ 4 ॥
ரக்ஷாம் சைவ விதா⁴ஸ்யாமி வாநராத்³ரஜநீசர ।
நாக³மிஷ்யதி தே து³꞉க²ம் கிஞ்சிதா³த்மாபராத⁴ஜம் ॥ 5 ॥
அப்³ரவீத்து ஸுஸங்க்ருத்³தோ⁴ து³ர்முகோ² நாம ராக்ஷஸ꞉ ।
இத³ம் ந க்ஷமணீயம் ஹி ஸர்வேஷாம் ந꞉ ப்ரத⁴ர்ஷணம் ॥ 6 ॥
அயம் பரிப⁴வோ பூ⁴ய꞉ புரஸ்யாந்த꞉புரஸ்ய ச ।
ஶ்ரீமதோ ராக்ஷஸேந்த்³ரஸ்ய வாநரேண ப்ரத⁴ர்ஷணம் ॥ 7 ॥
அஸ்மிந்முஹூர்தே ஹத்வைகோ நிவர்திஷ்யாமி வாநராந் ।
ப்ரவிஷ்டாந் ஸாக³ரம் பீ⁴மமம்ப³ரம் வா ரஸாதலம் ॥ 8 ॥
ததோ(அ)ப்³ரவீத்ஸுஸங்க்ருத்³தோ⁴ வஜ்ரத³ம்ஷ்ட்ரோ மஹாப³ல꞉ ।
ப்ரக்³ருஹ்ய பரிக⁴ம் கோ⁴ரம் மாம்ஸஶோணிதரூஷிதம் ॥ 9 ॥
கிம் வோ ஹநுமதா கார்யம் க்ருபணேந தபஸ்விநா । [து³ராத்மநா]
ராமே திஷ்ட²தி து³ர்த⁴ர்ஷே ஸஸுக்³ரீவே ஸலக்ஷ்மணே ॥ 10 ॥
அத்³ய ராமம் ஸஸுக்³ரீவம் பரிகே⁴ண ஸலக்ஷ்மணம் ।
ஆக³மிஷ்யாமி ஹத்வைகோ விக்ஷோப்⁴ய ஹரிவாஹிநீம் ॥ 11 ॥
இத³ம் மமாபரம் வாக்யம் ஶ்ருணு ராஜந் யதீ³ச்ச²ஸி ।
உபாயகுஶலோ ஹ்யேவம் ஜயேச்ச²த்ரூநதந்த்³ரித꞉ ॥ 12 ॥
காமரூபத⁴ரா꞉ ஶூரா꞉ ஸுபீ⁴மா பீ⁴மத³ர்ஶநா꞉ ।
ராக்ஷஸா வை ஸஹஸ்ராணி ராக்ஷஸாதி⁴ப நிஶ்சிதா꞉ ॥ 13 ॥
காகுத்ஸ்த²முபஸங்க³ம்ய பி³ப்⁴ரதோ மாநுஷம் வபு꞉ ।
ஸர்வே ஹ்யஸம்ப்⁴ரமா பூ⁴த்வா ப்³ருவந்து ரகு⁴ஸத்தமம் ॥ 14 ॥
ப்ரேஷிதா ப⁴ரதேந ஸ்ம ப்⁴ராத்ரா தவ யவீயஸா ।
தவாக³மநமுத்³தி³ஶ்ய க்ருத்யமாத்யயிகம் த்விதி ॥ 15 ॥
ஸ ஹி ஸேநாம் ஸமுத்தா²ப்ய க்ஷிப்ரமேவோபயாஸ்யதி ।
ததோ வயமிதஸ்துர்ணம் ஶூலஶக்திக³தா³த⁴ரா꞉ ॥ 16 ॥
சாபபா³ணாஸிஹஸ்தாஶ்ச த்வரிதாஸ்தத்ர யாம ஹே ।
ஆகாஶே க³ணஶ꞉ ஸ்தி²த்வா ஹத்வா தாம் ஹரிவாஹிநீம் ॥ 17 ॥
அஶ்மஶஸ்த்ரமஹாவ்ருஷ்ட்யா ப்ராபயாம யமக்ஷயம் ।
ஏவம் சேது³பஸர்பேதாமநயம் ராமலக்ஷ்மணௌ ॥ 18 ॥
அவஶ்யமபநீதேந ஜஹதாமேவ ஜீவிதம் ।
கௌம்ப⁴கர்ணிஸ்ததோ வீரோ நிகும்போ⁴ நாம வீர்யவாந் ॥ 19 ॥
அப்³ரவீத்பரமக்ருத்³தோ⁴ ராவணம் லோகராவணம் ।
ஸர்வே ப⁴வந்தஸ்திஷ்ட²ந்து மஹாராஜேந ஸங்க³தா꞉ ॥ 20 ॥
அஹமேகோ ஹநிஷ்யாமி ராக⁴வம் ஸஹலக்ஷ்மணம் ।
ஸுக்³ரீவம் ச ஹநூமந்தம் ஸர்வாநேவ ச வாநராந் ॥ 21 ॥
ததோ வஜ்ரஹநுர்நாம ராக்ஷஸ꞉ பர்வதோபம꞉ ।
க்ருத்³த⁴꞉ பரிலிஹந்வக்த்ரம் ஜிஹ்வயா வாக்யமப்³ரவீத் ॥ 22 ॥
ஸ்வைரம் குர்வந்து கார்யாணி ப⁴வந்தோ விக³தஜ்வரா꞉ ।
ஏகோ(அ)ஹம் ப⁴க்ஷயிஷ்யாமி தாந் ஸர்வாந் ஹரியூத²பாந் ॥ 23 ॥
ஸ்வஸ்தா²꞉ க்ரீட³ந்து நிஶ்சிந்தா꞉ பிப³ந்தோ மது⁴ வாருணீம் ।
அஹமேகோ வதி⁴ஷ்யாமி ஸுக்³ரீவம் ஸஹலக்ஷ்மணம் ।
அங்க³த³ம் ச ஹநூமந்தம் ராமம் ச ரணகுஞ்ஜரம் ॥ 24 ॥
இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே யுத்³த⁴காண்டே³ அஷ்டம꞉ ஸர்க³꞉ ॥ 8 ॥
யுத்³த⁴காண்ட³ நவம꞉ ஸர்க³꞉ (9) >>
ஸம்பூர்ண வால்மீகி ராமாயணே யுத்³த⁴காண்ட³ பார்க்க.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
