Tungabhadra Stuti – துங்க³ப⁴த்³ரா ஸ்துதி꞉

ஸ்தோத்ரநிதி → விவித⁴ ஸ்தோத்திரங்கள் → துங்க³ப⁴த்³ரா ஸ்துதி꞉

ஶ்ரீவிபா⁴ண்ட³க உவாச ।
வராஹதே³ஹஸம்பூ⁴தே கி³ரிஜே பாபப⁴ஞ்ஜிநி ।
த³ர்ஶநாந்முக்திதே³ தே³வி மஹாபாதகிநாமபி ॥ 1 ॥

வாக்³தே³வீ த்வம் மஹாலக்ஷ்மீ꞉ கி³ரிஜாஸி ஶசீ ததா² ।
ப்ரபா⁴ ஸூர்யஸ்ய தே³வேஶி மரீசிஸ்த்வம் கலாநிதே⁴꞉ ॥ 2 ॥

பர்ஜந்யஸ்ய யதா² வித்³யுத்³விஷ்ணோர்மாயா த்வமேவ ஹி ।
த்ருணகு³ள்மலதாவ்ருக்ஷா꞉ ஸித்³தா⁴ தே³வா உதீ³ரிதா꞉ ॥ 3 ॥

த்³ருஷ்டா ஸ்ப்ருஷ்டா ததா² பீதா வந்தி³தா சாவகா³ஹிதா ।
முக்திதே³ பாபிநாம் தே³வி ஶதக்ருத்வோ நமோ நம꞉ ॥ 4 ॥

மாண்ட³வ்ய உவாச ।
நமஸ்தே துங்க³ப⁴த்³ராயை நமஸ்தே ஹரிதே³ஹஜே ।
நமஸ்தே வேத³கி³ரிஜே ஶ்ரீஶைலபத³பா⁴ஜிநி ॥ 1 ॥

விஷ்ணுமாயே விஷ்ணுரூபே விஷ்வக்ஸேநப்ரியே(அ)நகே⁴ ।
விஶ்வம்ப⁴ரே விஶாலாக்ஷி விளஸத்கூலஸம்யுதே ।
விளோகய விநோதே³ந குரு மாம் விக³தைநஸம் ॥ 2 ॥

த்வத்³வாதவீஜிதா பூ⁴தா விமலாகா⁴ ப⁴வந்தி ஹி ।
த³ர்ஶநாத் ஸ்பர்ஶநாத் பாநாத்³வக்தவ்யம் கிம் நு வித்³யதே ॥ 3 ॥

த்³ருஷ்ட்வா ஜந்மஶதம் பாபம் ஸ்ப்ருஷ்ட்வா ஜந்மஶதத்ரயம் ।
பீத்வா ஜந்மஸஹஸ்ராணாம் பாபம் நாஶய மங்க³ளே ॥ 4 ॥

புத்ராந் தா³ராந் த⁴நம் தா⁴ந்யம் பஶுவஸ்த்ராணி யே நரா꞉ ।
காமாந்மஜ்ஜநஶீலாஸ்தே யாந்தி தத்ப²லமஞ்ஜஸா ।
பு⁴க்த்வா யாந்தி ஹரே꞉ ஸ்தா²நம் யாவதா³சந்த்³ரதாரகம் ॥ 5 ॥

இதி ப்³ரஹ்மாண்ட³புராணே துங்க³ப⁴த்³ராமாஹாத்ம்யே ஶ்ரீ துங்க³ப⁴த்³ரா ஸ்துதி꞉ ।

---

மேலும் விவித⁴ ஸ்தோத்திரங்கள் பார்க்க.

Did you see any mistake/variation in the content above? Click here to report mistakes and corrections in Stotranidhi content.