Yuddha Kanda Sarga 80 – யுத்³த⁴காண்ட³ அஶீதிதம꞉ ஸர்க³꞉ (80)

ஸ்தோத்ரநிதி → வால்மீகி ராமாயணே யுத்³த⁴காண்ட³ → யுத்³த⁴காண்ட³ அஶீதிதம꞉ ஸர்க³꞉ (80)

॥ திரோஹிதராவணியுத்³த⁴ம் ॥

மகராக்ஷம் ஹதம் ஶ்ருத்வா ராவண꞉ ஸமிதிஞ்ஜய꞉ ।
க்ரோதே⁴ந மஹதா(ஆ)விஷ்டோ த³ந்தாந்கடகடாபயந் ॥ 1 ॥

குபிதஶ்ச ததா³ தத்ர கிம் கார்யமிதி சிந்தயந் ।
ஆதி³தே³ஶாத² ஸங்க்ருத்³தோ⁴ ரணாயேந்த்³ரஜிதம் ஸுதம் ॥ 2 ॥

ஜஹி வீர மஹாவீர்யௌ ப்⁴ராதரௌ ராமலக்ஷ்மணௌ ।
அத்³ருஶ்யோ த்³ருஶ்யமாநோ வா ஸர்வதா² த்வம் ப³லாதி⁴க꞉ ॥ 3 ॥

த்வமப்ரதிமகர்மாணமிந்த்³ரம் ஜயஸி ஸம்யுகே³ ।
கிம் புநர்மாநுஷௌ த்³ருஷ்ட்வா ந வதி⁴ஷ்யஸி ஸம்யுகே³ ॥ 4 ॥

ததோ²க்தோ ராக்ஷஸேந்த்³ரேண ப்ரதிக்³ருஹ்ய பிதுர்வச꞉ ।
யஜ்ஞபூ⁴மௌ ஸ விதி⁴வத்பாவகம் ஜுஹவேந்த்³ரஜித் ॥ 5 ॥

ஜுஹ்வதஶ்சாபி தத்ராக்³நிம் ரக்தோஷ்ணீஷத⁴ரா꞉ ஸ்த்ரிய꞉ ।
ஆஜக்³முஸ்தத்ர ஸம்ப்⁴ராந்தா ராக்ஷஸ்யோ யத்ர ராவணி꞉ ॥ 6 ॥

ஶஸ்த்ராணி ஶரபத்ராணி ஸமிதோ⁴(அ)த² விபீ⁴தகா꞉ ।
லோஹிதாநி ச வாஸாம்ஸி ஸ்ருவம் கார்ஷ்ணாயஸம் ததா² ॥ 7 ॥

ஸர்வதோ(அ)க்³நிம் ஸமாஸ்தீர்ய ஶரபத்ரை꞉ ஸதோமரை꞉ ।
சா²க³ஸ்ய க்ருஷ்ணவர்ணஸ்ய க³ளம் ஜக்³ராஹ ஜீவத꞉ ॥ 8 ॥

ஸக்ருதே³வ ஸமித்³த⁴ஸ்ய விதூ⁴மஸ்ய மஹார்சிஷ꞉ ।
ப³பூ⁴வுஸ்தாநி லிங்கா³நி விஜயம் த³ர்ஶயந்தி ச ॥ 9 ॥

ப்ரத³க்ஷிணாவர்தஶிக²ஸ்தப்தஹாடகஸந்நிப⁴꞉ ।
ஹவிஸ்தத்ப்ரதிஜக்³ராஹ பாவக꞉ ஸ்வயமுத்தி²த꞉ ॥ 10 ॥

ஹுத்வா(அ)க்³நிம் தர்பயித்வா ச தே³வதா³நவராக்ஷஸாந் ।
ஆருரோஹ ரத²ஶ்ரேஷ்ட²மந்தர்தா⁴நக³தம் ஶுப⁴ம் ॥ 11 ॥

ஸ வாஜிபி⁴ஶ்சதுர்பி⁴ஶ்ச பா³ணைஶ்ச நிஶிதைர்யுத꞉ ।
ஆரோபிதமஹாசாப꞉ ஶுஶுபே⁴ ஸ்யந்த³நோத்தம꞉ ॥ 12 ॥

ஜாஜ்வல்யமாநோ வபுஷா தபநீயபரிச்ச²த³꞉ ।
ம்ருகை³ஶ்சந்த்³ரார்த⁴சந்த்³ரைஶ்ச ஸரத²꞉ ஸமலங்க்ருத꞉ ॥ 13 ॥

ஜாம்பூ³நத³மஹாகம்பு³ர்தீ³ப்தபாவகஸந்நிப⁴꞉ ।
ப³பூ⁴வேந்த்³ரஜித꞉ கேதுர்வைடூ³ர்யஸமலங்க்ருத꞉ ॥ 14 ॥

தேந சாதி³த்யகல்பேந ப்³ரஹ்மாஸ்த்ரேண ச பாலித꞉ ।
ஸ ப³பூ⁴வ து³ராத⁴ர்ஷோ ராவணி꞉ ஸுமஹாப³ல꞉ ॥ 15 ॥

ஸோ(அ)பி⁴நிர்யாய நக³ராதி³ந்த்³ரஜித்ஸமிதிஞ்ஜய꞉ ।
ஹுத்வா(அ)க்³நிம் ராக்ஷஸைர்மந்த்ரைரந்தர்தா⁴நக³தோ(அ)ப்³ரவீத் ॥ 16 ॥

அத்³ய ஹத்வா ரணே யௌ தௌ மித்²யா ப்ரவ்ராஜிதௌ வநே ।
ஜயம் பித்ரே ப்ரதா³ஸ்யாமி ராவணாய ரணார்ஜிதம் ॥ 17 ॥

அத்³ய நிர்வாநராமுர்வீம் ஹத்வா ராமம் ஸலக்ஷ்மணம் ।
கரிஷ்யே பரமப்ரீதிமித்யுக்த்வா(அ)ந்தரதீ⁴யத ॥ 18 ॥

ஆபபாதாத² ஸங்க்ருத்³தோ⁴ த³ஶக்³ரீவேண சோதி³த꞉ ।
தீக்ஷ்ணகார்முகநாராசைஸ்தீக்ஷ்ணஸ்த்விந்த்³ரரிபூ ரணே ॥ 19 ॥

ஸ த³த³ர்ஶ மஹாவீர்யௌ நாகௌ³ த்ரிஶிரஸாவிவ ।
ஸ்ருஜந்தாவிஷுஜாலாநி வீரௌ வாநரமத்⁴யகௌ³ ॥ 20 ॥

இமௌ தாவிதி ஸஞ்சிந்த்ய ஸஜ்யம் க்ருத்வா ச கார்முகம் ।
ஸந்ததாநேஷுதா⁴ராபி⁴꞉ பர்ஜந்ய இவ வ்ருஷ்டிமாந் ॥ 21 ॥

ஸ து வைஹாயஸம் ப்ராப்ய ஸரதோ² ராமலக்ஷ்மணௌ ।
அசக்ஷுர்விஷயே திஷ்ட²ந்விவ்யாத⁴ நிஶிதை꞉ ஶரை꞉ ॥ 22 ॥

தௌ தஸ்ய ஶரவேகே³ந பரீதௌ ராமலக்ஷ்மணௌ ।
த⁴நுஷீ ஸஶரே க்ருத்வா தி³வ்யமஸ்த்ரம் ப்ரசக்ரது꞉ ॥ 23 ॥

ப்ரச்சா²த³யந்தௌ க³க³நம் ஶரஜாலைர்மஹாப³லௌ ।
தமஸ்த்ரை꞉ ஸூர்யஸங்காஶைர்நைவ பஸ்ப்ருஶது꞉ ஶரை꞉ ॥ 24 ॥

ஸ ஹி தூ⁴மாந்த⁴காரம் ச சக்ரே ப்ரச்சா²த³யந்நப⁴꞉ ।
தி³ஶஶ்சாந்தர்த³தே⁴ ஶ்ரீமாந்நீஹாரதமஸா வ்ருதா꞉ ॥ 25 ॥

நைவ ஜ்யாதலநிர்கோ⁴ஷோ ந ச நேமிகு²ரஸ்வந꞉ ।
ஶுஶ்ருவே சரதஸ்தஸ்ய ந ச ரூபம் ப்ரகாஶதே ॥ 26 ॥

க⁴நாந்த⁴காரே திமிரே ஶரவர்ஷமிவாத்³பு⁴தம் ।
ஸ வவர்ஷ மஹாபா³ஹுர்நாராசஶரவ்ருஷ்டிபி⁴꞉ ॥ 27 ॥

ஸ ராமம் ஸூர்யஸங்காஶை꞉ ஶரைர்த³த்தவரோ ப்⁴ருஶம் ।
விவ்யாத⁴ ஸமரே க்ருத்³த⁴꞉ ஸர்வகா³த்ரேஷு ராவணி꞉ ॥ 28 ॥

தௌ ஹந்யமாநௌ நாராசைர்தா⁴ராபி⁴ரிவ பர்வதௌ ।
ஹேமபுங்கா²ந்நரவ்யாக்⁴ரௌ திக்³மாந்முமுசது꞉ ஶராந் ॥ 29 ॥

அந்தரிக்ஷே ஸமாஸாத்³ய ராவணிம் கங்கபத்ரிண꞉ ।
நிக்ருத்ய பதகா³ பூ⁴மௌ பேதுஸ்தே ஶோணிதோக்ஷிதா꞉ ॥ 30 ॥

அதிமாத்ரம் ஶரௌகே⁴ண பீட்³யமாநௌ நரோத்தமௌ ।
தாநிஷூந்பததோ ப⁴ல்லேரநேகைர்நிசக்ருந்தது꞉ ॥ 31 ॥

யதோ ஹி த³த்³ருஶாதே தௌ ஶராந்நிபதத꞉ ஶிதாந் ।
ததஸ்து தௌ தா³ஶரதீ² ஸஸ்ருஜாதே(அ)ஸ்த்ரமுத்தமம் ॥ 32 ॥

ராவணிஸ்து தி³ஶ꞉ ஸர்வா ரதே²நாதிரத²꞉ பதந் ।
விவ்யாத⁴ தௌ தா³ஶரதீ² லக்⁴வஸ்த்ரோ நிஶிதை꞉ ஶரை꞉ ॥ 33 ॥

தேநாதிவித்³தௌ⁴ தௌ வீரௌ ருக்மபுங்கை²꞉ ஸுஸம்ஹிதை꞉ ।
ப³பூ⁴வதுர்தா³ஶரதீ² புஷ்பிதாவிவ கிம்ஶுகௌ ॥ 34 ॥

நாஸ்ய வேத³ க³திம் கஶ்சிந்ந ச ரூபம் த⁴நு꞉ ஶராந் ।
ந சாந்யத்³விதி³தம் கிஞ்சித்ஸூர்யஸ்யேவாப்⁴ரஸம்ப்லவே ॥ 35 ॥

தேந வித்³தா⁴ஶ்ச ஹரயோ நிஹதாஶ்ச க³தாஸவ꞉ ।
ப³பூ⁴வு꞉ ஶதஶஸ்தத்ர பதிதா த⁴ரணீதலே ॥ 36 ॥

லக்ஷ்மணஸ்து ஸுஸங்க்ருத்³தோ⁴ ப்⁴ராதரம் வாக்யமப்³ரவீத் ।
ப்³ராஹ்மமஸ்த்ரம் ப்ரயோக்ஷ்யாமி வதா⁴ர்த²ம் ஸர்வரக்ஷஸாம் ॥ 37 ॥

தமுவாச ததோ ராமோ லக்ஷ்மணம் ஶுப⁴லக்ஷணம் ।
நைகஸ்ய ஹேதோ ரக்ஷாம்ஸி ப்ருதி²வ்யாம் ஹந்துமர்ஹஸி ॥ 38 ॥

அயுத்⁴யமாநம் ப்ரச்ச²ந்நம் ப்ராஞ்ஜலிம் ஶரணாக³தம் ।
பலாயந்தம் ப்ரமத்தம் வா ந த்வம் ஹந்துமிஹார்ஹஸி ॥ 39 ॥

அஸ்யைவ து வதே⁴ யத்நம் கரிஷ்யாவோ மஹாப³ல ।
ஆதே³க்ஷ்யாவோ மஹாவேகா³நஸ்த்ராநாஶீவிஷோபமாந் ॥ 40 ॥

தமேநம் மாயிநம் க்ஷுத்³ரமந்தர்ஹிதரத²ம் ப³லாத் ।
ராக்ஷஸம் நிஹநிஷ்யந்தி த்³ருஷ்ட்வா வாநரயூத²பா꞉ ॥ 41 ॥

யத்³யேஷ பூ⁴மிம் விஶதே தி³வம் வா
ரஸாதலம் வா(அ)பி நப⁴꞉ஸ்த²லம் வா ।
ஏவம் நிகூ³டோ⁴(அ)பி மமாஸ்த்ரத³க்³த⁴꞉
பதிஷ்யதே பூ⁴மிதலே க³தாஸு꞉ ॥ 42 ॥

இத்யேவமுக்த்வா வசநம் மஹாத்மா
ரகு⁴ப்ரவீர꞉ ப்லவக³ர்ஷபை⁴ர்வ்ருத꞉ ।
வதா⁴ய ரௌத்³ரஸ்ய ந்ருஶம்ஸகர்மண-
-ஸ்ததா³ மஹாத்மா த்வரிதம் நிரீக்ஷதே ॥ 43 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே யுத்³த⁴காண்டே³ அஶீதிதம꞉ ஸர்க³꞉ ॥ 80 ॥

யுத்³த⁴காண்ட³ ஏகாஶீதிதம꞉ ஸர்க³꞉ (81) >>

---

ஸம்பூர்ண வால்மீகி ராமாயணே யுத்³த⁴காண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.