Yuddha Kanda Sarga 41 – யுத்³த⁴காண்ட³ ஏகசத்வாரிம்ஶ꞉ ஸர்க³꞉ (41)

ஸ்தோத்ரநிதி → வால்மீகி ராமாயணே யுத்³த⁴காண்ட³ → யுத்³த⁴காண்ட³ ஏகசத்வாரிம்ஶ꞉ ஸர்க³꞉ (41)

॥ அங்க³த³தூ³த்யம் ॥

அத² தஸ்மிந்நிமித்தாநி த்³ருஷ்ட்வா லக்ஷ்மணபூர்வஜ꞉ ।
ஸுக்³ரீவம் ஸம்பரிஷ்வஜ்ய ததா³ வசநமப்³ரவீத் ॥ 1 ॥

அஸம்மந்த்ர்ய மயா ஸார்த⁴ம் ததி³த³ம் ஸாஹஸம் க்ருதம் ।
ஏவம் ஸாஹஸகர்மாணி ந குர்வந்தி ஜநேஶ்வரா꞉ ॥ 2 ॥

ஸம்ஶயே ஸ்தா²ப்ய மாம் சேத³ம் ப³லம் ச ஸவிபீ⁴ஷணம் ।
கஷ்டம் க்ருதமித³ம் வீர ஸாஹஸம் ஸாஹஸப்ரிய ॥ 3 ॥

இதா³நீம் மா க்ருதா² வீர ஏவம்வித⁴மசிந்திதம் ।
த்வயி கிஞ்சித்ஸமாபந்நே கிம் கார்யம் ஸீதயா மம ॥ 4 ॥

ப⁴ரதேந மஹாபா³ஹோ லக்ஷ்மணேந யவீயஸா ।
ஶத்ருக்⁴நேந ச ஶத்ருக்⁴ந ஸ்வஶரீரேண வா புந꞉ ॥ 5 ॥

த்வயி சாநாக³தே பூர்வமிதி மே நிஶ்சிதா மதி꞉ ।
ஜாநதஶ்சாபி தே வீர்யம் மஹேந்த்³ரவருணோபம ॥ 6 ॥

ஹத்வா(அ)ஹம் ராவணம் யுத்³தே⁴ ஸபுத்ரப³லவாஹநம் ।
அபி⁴ஷிச்ய ச லங்காயாம் விபீ⁴ஷணமதா²பி ச ॥ 7 ॥

ப⁴ரதே ராஜ்யமாவேஶ்ய த்யக்ஷ்யே தே³ஹம் மஹாப³ல ।
தமேவம்வாதி³நம் ராமம் ஸுக்³ரீவ꞉ ப்ரத்யபா⁴ஷத ॥ 8 ॥

தவ பா⁴ர்யாபஹர்தாரம் த்³ருஷ்ட்வா ராக⁴வ ராவணம் ।
மர்ஷயாமி கத²ம் வீர ஜாநந்பௌருஷமாத்மந꞉ ॥ 9 ॥

இத்யேவம்வாதி³நம் வீரமபி⁴நந்த்³ய ஸ ராக⁴வ꞉ ।
லக்ஷ்மணம் லக்ஷ்மிஸம்பந்நமித³ம் வசநமப்³ரவீத் ॥ 10 ॥

பரிக்³ருஹ்யோத³கம் ஶீதம் வநாநி ப²லவந்தி ச ।
ப³லௌக⁴ம் ஸம்விப⁴ஜ்யேமம் வ்யூஹ்ய திஷ்டே²ம லக்ஷ்மண ॥ 11 ॥

லோகக்ஷயகரம் பீ⁴மம் ப⁴யம் பஶ்யாம்யுபஸ்தி²தம் ।
நிப³ர்ஹணம் ப்ரவீராணாம்ருக்ஷவாநரரக்ஷஸாம் ॥ 12 ॥

வாதாஶ்ச பருஷா வாந்தி கம்பதே ச வஸுந்த⁴ரா ।
பர்வதாக்³ராணி வேபந்தே பதந்தி த⁴ரணீருஹா꞉ ॥ 13 ॥

மேகா⁴꞉ க்ரவ்யாத³ஸங்காஶா꞉ பருஷா꞉ பருஷஸ்வநா꞉ ।
க்ரூரா꞉ க்ரூரம் ப்ரவர்ஷந்தி மிஶ்ரம் ஶோணிதபி³ந்து³பி⁴꞉ ॥ 14 ॥

ரக்தசந்த³நஸங்காஶா ஸந்த்⁴யா பரமதா³ருணா ।
ஜ்வலச்ச நிபதத்யேததா³தி³த்யாத³க்³நிமண்ட³லம் ॥ 15 ॥

ஆதி³த்யமபி⁴வாஶ்யந்தி ஜநயந்தோ மஹத்³ப⁴யம் ।
தீ³நா தீ³நஸ்வரா கோ⁴ரா அப்ரஶஸ்தா ம்ருக³த்³விஜா꞉ ॥ 16 ॥

ரஜந்யாமப்ரகாஶஶ்ச ஸந்தாபயதி சந்த்³ரமா꞉ ।
க்ருஷ்ணரக்தாம்ஶுபர்யந்தோ யதா² லோகஸ்ய ஸங்க்ஷயே ॥ 17 ॥

ஹ்ரஸ்வோ ரூக்ஷோ(அ)ப்ரஶஸ்தஶ்ச பரிவேஷ꞉ ஸுலோஹித꞉ ।
ஆதி³த்யமண்ட³லே நீலம் லக்ஷ்ம லக்ஷ்மண த்³ருஶ்யதே ॥ 18 ॥

த்³ருஶ்யந்தே ந யதா²வச்ச நக்ஷத்ராண்யபி⁴வர்ததே ।
யுகா³ந்தமிவ லோகஸ்ய பஶ்ய லக்ஷ்மண ஶம்ஸதி ॥ 19 ॥

காகா꞉ ஶ்யேநாஸ்ததா² க்³ருத்⁴ரா நீசை꞉ பரிபதந்தி ச ।
ஶிவாஶ்சாப்யஶிவா வாச꞉ ப்ரவத³ந்தி மஹாஸ்வநா꞉ ॥ 20 ॥

க்ஷிப்ரமத்³ய து³ராத⁴ர்ஷாம் லங்காம் ராவணபாலிதாம் ।
அபி⁴யாம ஜவேநைவ ஸர்வதோ ஹரிபி⁴ர்வ்ருதா꞉ ॥ 21 ॥

இத்யேவம் ஸம்வத³ந்வீரோ லக்ஷ்மணம் லக்ஷ்மணாக்³ரஜ꞉ ।
தஸ்மாத³வாதரச்சீ²க்⁴ரம் பர்வதாக்³ராந்மஹாப³ல꞉ ॥ 22 ॥

அவதீர்ய ச த⁴ர்மாத்மா தஸ்மாச்சை²லாத்ஸ ராக⁴வ꞉ ।
பரை꞉ பரமது³ர்த⁴ர்ஷம் த³த³ர்ஶ ப³லமாத்மந꞉ ॥ 23 ॥

ஸந்நஹ்ய து ஸ ஸுக்³ரீவ꞉ கபிராஜப³லம் மஹத் ।
காலஜ்ஞோ ராக⁴வ꞉ காலே ஸம்யுகா³யாப்⁴யசோத³யத் ॥ 24 ॥

தத꞉ காலே மஹாபா³ஹுர்ப³லேந மஹதா வ்ருத꞉ ।
ப்ரஸ்தி²த꞉ புரதோ த⁴ந்வீ லங்காமபி⁴முக²꞉ புரீம் ॥ 25 ॥

தம் விபீ⁴ஷணஸுக்³ரீவௌ ஹநுமாந் ஜாம்ப³வாந்நல꞉ ।
ருக்ஷராஜஸ்ததா² நீலோ லக்ஷ்மணஶ்சாந்வயுஸ்ததா³ ॥ 26 ॥

தத꞉ பஶ்சாத்ஸுமஹதீ ப்ருதநர்க்ஷவநௌகஸாம் ।
ப்ரச்சா²த்³ய மஹதீம் பூ⁴மிமநுயாதி ஸ்ம ராக⁴வம் ॥ 27 ॥

ஶைலஶ்ருங்கா³ணி ஶதஶ꞉ ப்ரவ்ருத்³தா⁴ம்ஶ்ச மஹீருஹாந் ।
ஜக்³ருஹு꞉ குஞ்ஜரப்ரக்²யா வாநரா꞉ பரவாரணா꞉ ॥ 28 ॥

தௌ து தீ³ர்கே⁴ண காலேந ப்⁴ராதரௌ ராமலக்ஷ்மணௌ ।
ராவணஸ்ய புரீம் லங்காமாஸேத³துரரிந்த³மௌ ॥ 29 ॥

பதாகமாலிநீம் ரம்யாமுத்³யாநவநஶோபி⁴தாம் ।
சித்ரவப்ராம் ஸுது³ஷ்ப்ராபாமுச்சை꞉ ப்ராகாரதோரணாம் ॥ 30 ॥

தாம் ஸுரைரபி து³ர்த⁴ர்ஷாம் ராமவாக்யப்ரசோதி³தா꞉ ।
யதா²நிவேஶம் ஸம்பீட்³ய ந்யவிஶந்த வநௌகஸ꞉ ॥ 31 ॥

லங்காயாஸ்தூத்தரத்³வாரம் ஶைலஶ்ருங்க³மிவோந்நதம் ।
ராம꞉ ஸஹாநுஜோ த⁴ந்வீ ஜுகோ³ப ச ருரோத⁴ ச ॥ 32 ॥

லங்காமுபநிவிஷ்டஶ்ச ராமோ த³ஶரதா²த்மஜ꞉ ।
லக்ஷ்மணாநுசரோ வீர꞉ புரீம் ராவணபாலிதாம் ॥ 33 ॥

உத்தரத்³வாரமாஸாத்³ய யத்ர திஷ்ட²தி ராவண꞉ ।
நாந்யோ ராமாத்³தி⁴ தத்³த்³வாரம் ஸமர்த²꞉ பரிரக்ஷிதும் ॥ 34 ॥

ராவணாதி⁴ஷ்டி²தம் பீ⁴மம் வருணேநேவ ஸாக³ரம் ।
ஸாயுதை⁴ ராக்ஷஸைர்பீ⁴மைரபி⁴கு³ப்தம் ஸமந்தத꞉ ॥ 35 ॥

லகூ⁴நாம் த்ராஸஜநநம் பாதாலமிவ தா³நவை꞉ ।
விந்யஸ்தாநி ச யோதா⁴நாம் ப³ஹூநி விவிதா⁴நி ச ॥ 36 ॥

த³த³ர்ஶாயுத⁴ஜாலாநி தத்ரைவ கவசாநி ச ।
பூர்வம் து த்³வாரமாஸாத்³ய நீலோ ஹரிசமூபதி꞉ ॥ 37 ॥

அதிஷ்ட²த்ஸஹ மைந்தே³ந த்³விவிதே³ந ச வீர்யவாந் ।
அங்க³தோ³ த³க்ஷிணத்³வாரம் ஜக்³ராஹ ஸுமஹாப³ல꞉ ॥ 38 ॥

ருஷபே⁴ண க³வாக்ஷேண க³ஜேந க³வயேந ச ।
ஹநுமாந்பஶ்சிமத்³வாரம் ரரக்ஷ ப³லவாந்கபி꞉ ॥ 39 ॥

ப்ரமாதி²ப்ரக⁴ஸாப்⁴யாம் ச வீரைரந்யைஶ்ச ஸங்க³த꞉ ।
மத்⁴யமே ச ஸ்வயம் கு³ள்மே ஸுக்³ரீவ꞉ ஸமதிஷ்ட²த ॥ 40 ॥

ஸஹ ஸர்வைர்ஹரிஶ்ரேஷ்டை²꞉ ஸுபர்ணஶ்வஸநோபமை꞉ ।
வாநாராணாம் து ஷட்த்ரிம்ஶத்கோட்ய꞉ ப்ரக்²யாதயூத²பா꞉ ॥ 41 ॥

நிபீட்³யோபநிவிஷ்டாஶ்ச ஸுக்³ரீவோ யத்ர வாநர꞉ ।
ஶாஸநேந து ராமஸ்ய லக்ஷ்மண꞉ ஸவிபீ⁴ஷண꞉ ॥ 42 ॥

த்³வாரே த்³வாரே ஹரீணாம் து கோடிம் கோடிம் ந்யவேஶயத் ।
பஶ்சிமேந து ராமஸ்ய ஸுக்³ரீவ꞉ ஸஹஜாம்ப³வாந் ॥ 43 ॥

அதூ³ராந்மத்⁴யமே கு³ள்மே தஸ்தௌ² ப³ஹுப³லாநுக³꞉ ।
தே து வாநரஶார்தூ³ளா꞉ ஶார்தூ³ளா இவ த³ம்ஷ்ட்ரிண꞉ ॥ 44 ॥

க்³ருஹீத்வா த்³ருமஶைலாக்³ராந் ஹ்ருஷ்டா யுத்³தா⁴ய தஸ்தி²ரே ।
ஸர்வே விக்ருதலாங்கூ³ளா꞉ ஸர்வே த³ம்ஷ்ட்ராநகா²யுதா⁴꞉ ॥ 45 ॥

ஸர்வே விக்ருதசித்ராங்கா³꞉ ஸர்வே ச விக்ருதாநநா꞉ ।
த³ஶநாக³ப³லா꞉ கேசித்கேசித்³த³ஶகு³ணோத்தரா꞉ ॥ 46 ॥

கேசிந்நாக³ஸஹஸ்ரஸ்ய ப³பூ⁴வுஸ்துல்யவிக்ரமா꞉ ।
ஸந்தி சௌக⁴ப³லா꞉ கேசித்கேசிச்ச²தகு³ணோத்தரா꞉ ॥ 47 ॥

அப்ரமேயப³லாஶ்சாந்யே தத்ராஸந்ஹரியூத²பா꞉ ।
அத்³பு⁴தஶ்ச விசித்ரஶ்ச தேஷாமாஸீத்ஸமாக³ம꞉ ॥ 48 ॥

தத்ர வாநரஸைந்யாநாம் ஶலபா⁴நாமிவோத்³யம꞉ ।
பரிபூர்ணமிவாகாஶம் ஸஞ்ச²ந்நேவ ச மேதி³நீ ॥ 49 ॥

லங்காமுபநிவிஷ்டைஶ்ச ஸம்பதத்³பி⁴ஶ்ச வாநரை꞉ ।
ஶதம் ஶதஸஹஸ்ராணாம் ப்ருத²க்³ருக்ஷவநௌகஸாம் ॥ 50 ॥

லங்காத்³வாராண்யுபாஜக்³முரந்யே யோத்³து⁴ம் ஸமந்தத꞉ ।
ஆவ்ருத꞉ ஸ கி³ரி꞉ ஸர்வைஸ்தை꞉ ஸமந்தாத் ப்லவங்க³மை꞉ ॥ 51 ॥

அயுதாநாம் ஸஹஸ்ரம் ச புரீம் தாமப்⁴யவர்தத ।
வாநரைர்ப³லவத்³பி⁴ஶ்ச ப³பூ⁴வ த்³ருமபாணிபி⁴꞉ ॥ 52 ॥

ஸம்வ்ருதா ஸர்வதோ லங்கா து³ஷ்ப்ரவேஶாபி வாயுநா ।
ராக்ஷஸா விஸ்மயம் ஜக்³மு꞉ ஸஹஸா(அ)பி⁴நிபீடி³தா꞉ ॥ 53 ॥

வாநரைர்மேக⁴ஸங்காஶை꞉ ஶக்ரதுல்யபராக்ரமை꞉ ।
மஹாந் ஶப்³தோ³(அ)ப⁴வத்தத்ர ப³லௌக⁴ஸ்யாபி⁴வர்தத꞉ ॥ 54 ॥

ஸாக³ரஸ்யேவ பி⁴ந்நஸ்ய யதா² ஸ்யாத்ஸலிலஸ்வந꞉ ।
தேந ஶப்³தே³ந மஹதா ஸப்ராகாரா ஸதோரணா ॥ 55 ॥

லங்கா ப்ரசலிதா ஸர்வா ஸஶைலவநகாநநா ।
ராமலக்ஷ்மணகு³ப்தா ஸா ஸுக்³ரீவேண ச வாஹிநீ ॥ 56 ॥

ப³பூ⁴வ து³ர்த⁴ர்ஷதரா ஸர்வைரபி ஸுராஸுரை꞉ ।
ராக⁴வ꞉ ஸந்நிவேஶ்யைவ ஸைந்யம் ஸ்வம் ரக்ஷஸாம் வதே⁴ ॥ 57 ॥

ஸம்மந்த்ர்ய மந்த்ரிபி⁴꞉ ஸார்த⁴ம் நிஶ்சித்ய ச புந꞉ புந꞉ ।
ஆநந்தர்யமபி⁴ப்ரேப்ஸு꞉ க்ரமயோகா³ர்த²தத்த்வவித் ॥ 58 ॥

விபீ⁴ஷணஸ்யாநுமதே ராஜத⁴ர்மமநுஸ்மரந் ।
அங்க³த³ம் வாலிதநயம் ஸமாஹூயேத³மப்³ரவீத் ॥ 59 ॥

க³த்வா ஸௌம்ய த³ஶக்³ரீவம் ப்³ருஹி மத்³வசநாத்கபே ।
லங்க⁴யித்வா புரீம் லங்காம் ப⁴யம் த்யக்த்வா க³தவ்யத²꞉ ॥ 60 ॥

ப்⁴ரஷ்டஶ்ரீக க³தைஶ்வர்ய முமூர்ஷோ நஷ்டசேதந ।
ருஷீணாம் தே³வதாநாம் ச க³ந்த⁴ர்வாப்ஸரஸாம் ததா² ॥ 61 ॥

நாகா³நாமத² யக்ஷாணாம் ராஜ்ஞாம் ச ரஜநீசர ।
யச்ச பாபம் க்ருதம் மோஹாத³வலிப்தேந ராக்ஷஸ ॥ 62 ॥

நூநமத்³ய க³தோ த³ர்ப꞉ ஸ்வயம்பூ⁴வரதா³நஜ꞉ ।
யஸ்ய த³ண்ட³த⁴ரஸ்தே(அ)ஹம் தா³ராஹரணகர்ஶித꞉ ॥ 63 ॥

த³ண்ட³ம் தா⁴ரயமாணஸ்து லங்காத்³வாரே வ்யவஸ்தி²த꞉ ।
பத³வீம் தே³வதாநாம் ச மஹர்ஷீணாம் ச ராக்ஷஸ ॥ 64 ॥

ராஜர்ஷீணாம் ச ஸர்வேஷாம் க³மிஷ்யஸி மயா ஹத꞉ ।
ப³லேந யேந வை ஸீதாம் மாயயா ராக்ஷஸாத⁴ம ॥ 65 ॥

மாமதிக்ராமயித்வா த்வம் ஹ்ருதவாம்ஸ்தந்நித³ர்ஶய ।
அராக்ஷஸமித³ம் லோகம் கர்தா(அ)ஸ்மி நிஶிதை꞉ ஶரை꞉ ॥ 66 ॥

ந சேச்ச²ரணமப்⁴யேஷி மாமுபாதா³ய மைதி²லீம் ।
த⁴ர்மாத்மா ரக்ஷஸாம் ஶ்ரேஷ்ட²꞉ ஸம்ப்ராப்தோ(அ)யம் விபீ⁴ஷண꞉ ॥ 67 ॥

லங்கைஶ்வர்யம் த்⁴ருவம் ஶ்ரீமாநயம் ப்ராப்நோத்யகண்டகம் ।
ந ஹி ராஜ்யமத⁴ர்மேண போ⁴க்தும் க்ஷணமபி த்வயா ॥ 68 ॥

ஶக்யம் மூர்க²ஸஹாயேந பாபேநாவிதி³தாத்மநா ।
யுத்⁴யஸ்வ வா த்⁴ருதிம் க்ருத்வா ஶௌர்யமாலம்ப்³ய ராக்ஷஸ ॥ 69 ॥

மச்ச²ரைஸ்த்வம் ரணே ஶாந்தஸ்தத꞉ பூதோ ப⁴விஷ்யஸி ।
யத்³வா விஶஸி லோகாம்ஸ்த்ரீந்பக்ஷிபூ⁴தோ மநோஜவ꞉ ॥ 70 ॥

மம சக்ஷுஷ்பத²ம் ப்ராப்ய ந ஜீவந்ப்ரதியாஸ்யஸி ।
ப்³ரவீமி த்வாம் ஹிதம் வாக்யம் க்ரியதாமௌர்த்⁴வதை³ஹிகம் ॥ 71 ॥

ஸுத்³ருஷ்டா க்ரியதாம் லங்கா ஜீவிதம் தே மயி ஸ்தி²தம் ।
இத்யுக்த꞉ ஸ து தாரேயோ ராமேணாக்லிஷ்டகர்மணா ॥ 72 ॥

ஜகா³மாகாஶமாவிஶ்ய மூர்திமாநிவ ஹவ்யவாட் ।
ஸோ(அ)திபத்ய முஹூர்தேந ஶ்ரீமாந்ராவணமந்தி³ரம் ॥ 73 ॥

த³த³ர்ஶாஸீநமவ்யக்³ரம் ராவணம் ஸசிவை꞉ ஸஹ ।
ததஸ்தஸ்யாவிதூ³ரே ஸ நிபத்ய ஹரிபுங்க³வ꞉ ॥ 74 ॥

தீ³ப்தாக்³நிஸத்³ருஶஸ்தஸ்தா²வங்க³த³꞉ கநகாங்க³த³꞉ ।
தத்³ராமவசநம் ஸர்வமந்யூநாதி⁴கமுத்தமம் ॥ 75 ॥

ஸாமாத்யம் ஶ்ராவயாமாஸ நிவேத்³யாத்மாநமாத்மநா ।
தூ³தோ(அ)ஹம் கோஸலேந்த்³ரஸ்ய ராமஸ்யாக்லிஷ்டகர்மண꞉ ॥ 76 ॥

வாலிபுத்ரோ(அ)ங்க³தோ³ நாம யதி³ தே ஶ்ரோத்ரமாக³த꞉ ।
ஆஹ த்வாம் ராக⁴வோ ராம꞉ கௌஸல்யாநந்த³வர்த⁴ந꞉ ॥ 77 ॥

நிஷ்பத்ய ப்ரதியுத்⁴யஸ்வ ந்ருஶம்ஸ புருஷோ ப⁴வ ।
ஹந்தாஸ்மி த்வாம் ஸஹாமாத்யம் ஸபுத்ரஜ்ஞாதிபா³ந்த⁴வம் ॥ 78 ॥

நிருத்³விக்³நாஸ்த்ரயோ லோகா ப⁴விஷ்யந்தி ஹதே த்வயி ।
தே³வதா³நவயக்ஷாணாம் க³ந்த⁴ர்வோரக³ரக்ஷஸாம் ॥ 79 ॥

ஶத்ருமத்³யோத்³த⁴ரிஷ்யாமி த்வாம்ருஷீணாம் ச கண்டகம் ।
விபீ⁴ஷணஸ்ய சைஶ்வர்யம் ப⁴விஷ்யதி ஹதே த்வயி ॥ 80 ॥

ந சேத்ஸத்க்ருத்ய வைதே³ஹீம் ப்ரணிபத்ய ப்ரதா³ஸ்யஸி ।
இத்யேவம் பருஷம் வாக்யம் ப்³ருவாணே ஹரிபுங்க³வே ॥ 81 ॥

அமர்ஷவஶமாபந்நோ நிஶாசரக³ணேஶ்வர꞉ ।
தத꞉ ஸ ரோஷதாம்ராக்ஷ꞉ ஶஶாஸ ஸசிவாம்ஸ்ததா³ ॥ 82 ॥

க்³ருஹ்யதாமேஷ து³ர்மேதா⁴ வத்⁴யதாமிதி சாஸக்ருத் ।
ராவணஸ்ய வச꞉ ஶ்ருத்வா தீ³ப்தாக்³நிஸமதேஜஸ꞉ ॥ 83 ॥

ஜக்³ருஹுஸ்தம் ததோ கோ⁴ராஶ்சத்வாரோ ரஜநீசரா꞉ ।
க்³ராஹயாமாஸ தாரேய꞉ ஸ்வயமாத்மாநமாத்மவாந் ॥ 84 ॥

ப³லம் த³ர்ஶயிதும் வீரோ யாதுதா⁴நக³ணே ததா³ ।
ஸ தாந்பா³ஹுத்³வயே ஸக்தாநாதா³ய பதகா³நிவ ॥ 85 ॥

ப்ராஸாத³ம் ஶைலஸங்காஶமுத்பபாதாங்க³த³ஸ்ததா³ ।
தே(அ)ந்தரிக்ஷாத்³விநிர்தூ⁴தாஸ்தஸ்ய வேகே³ந ராக்ஷஸா꞉ ॥ 86 ॥

பூ⁴மௌ நிபதிதா꞉ ஸர்வே ராக்ஷஸேந்த்³ரஸ்ய பஶ்யத꞉ ।
தத꞉ ப்ராஸாத³ஶிக²ரம் ஶைலஶ்ருங்க³மிவோந்நதம் ॥ 87 ॥

த³த³ர்ஶ ராக்ஷஸேந்த்³ரஸ்ய வாலிபுத்ர꞉ ப்ரதாபவாந் ।
தத்பபா²ல பதா³க்ராந்தம் த³ஶக்³ரீவஸ்ய பஶ்யத꞉ ॥ 88 ॥

புரா ஹிமவத꞉ ஶ்ருங்க³ம் வஜ்ரிணேவ விதா³ரிதம் ।
ப⁴ங்க்த்வா ப்ராஸாத³ஶிக²ரம் நாம விஶ்ராவ்ய சாத்மந꞉ ॥ 89 ॥

விநத்³ய ஸுமஹாநாத³முத்பபாத விஹாயஸம் ।
வ்யத²யந்ராக்ஷஸாந்ஸர்வாந்ஹர்ஷயம்ஶ்சாபி வாநராந் ॥ 90 ॥

ஸ வாநராணாம் மத்⁴யே து ராமபார்ஶ்வமுபாக³த꞉ ।
ராவணஸ்து பரம் சக்ரே க்ரோத⁴ம் ப்ராஸாத³த⁴ர்ஷணாத் ॥ 91 ॥

விநாஶம் சாத்மந꞉ பஶ்யந்நிஶ்வாஸபரமோ(அ)ப⁴வத் ।
ராமஸ்து ப³ஹுபி⁴ர்ஹ்ருஷ்டைர்நிநத³த்³பி⁴꞉ ப்லவங்க³மை꞉ ॥ 92 ॥

வ்ருதோ ரிபுவதா⁴காங்க்ஷீ யுத்³தா⁴யைவாப்⁴யவர்தத ।
ஸுஷேணஸ்து மஹாவீர்யோ கி³ரிகூடோபமோ ஹரி꞉ ॥ 93 ॥

ப³ஹுபி⁴꞉ ஸம்வ்ருதஸ்தத்ர வாநரை꞉ காமரூபிபி⁴꞉ ।
சதுர்த்³வாராணி ஸர்வாணி ஸுக்³ரீவவசநாத்கபி꞉ ॥ 94 ॥

பர்யக்ராமத து³ர்த⁴ர்ஷோ நக்ஷத்ராணீவ சந்த்³ரமா꞉ ।
தேஷாமக்ஷௌஹிணிஶதம் ஸமவேக்ஷ்ய வநௌகஸாம் ॥ 95 ॥

லங்காமுபநிவிஷ்டாநாம் ஸாக³ரம் சாபி⁴வர்ததாம் ।
ராக்ஷஸா விஸ்மயம் ஜக்³முஸ்த்ராஸம் ஜக்³முஸ்ததா²(அ)பரே ॥ 96 ॥

அபரே ஸமரோத்³த⁴ர்ஷாத்³த⁴ர்ஷமேவ ப்ரபேதி³ரே ।
க்ருத்ஸ்நம் ஹி கபிபி⁴ர்வ்யாப்தம் ப்ராகாரபரிகா²ந்தரம் ॥ 97 ॥

த³த்³ருஶூ ராக்ஷஸா தீ³நா꞉ ப்ராகாரம் வாநரீக்ருதம் ।
ஹாஹாகாரம் ப்ரகுர்வந்தி ராக்ஷஸா ப⁴யமோஹிதா꞉ ॥ 98 ॥

தஸ்மிந்மஹாபீ⁴ஷணகே ப்ரவ்ருத்தே
கோலாஹலே ராக்ஷஸராஜ்யதா⁴ந்யாம் ।
ப்ரக்³ருஹ்ய ரக்ஷாம்ஸி மஹாயுதா⁴நி
யுகா³ந்தவாதா இவ ஸம்விசேரு꞉ ॥ 99 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே யுத்³த⁴காண்டே³ ஏகசத்வாரிம்ஶ꞉ ஸர்க³꞉ ॥ 41 ॥

யுத்³த⁴காண்ட³ த்³விசத்வாரிம்ஶ꞉ ஸர்க³꞉ (42) >>

---

ஸம்பூர்ண வால்மீகி ராமாயணே யுத்³த⁴காண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.