Yuddha Kanda Sarga 106 – யுத்³த⁴காண்ட³ ஷடு³த்தரஶததம꞉ ஸர்க³꞉ (106)


॥ ஸாரதி²விஜ்ஞேயம் ॥

ஸ து மோஹாத்ஸுஸங்க்ருத்³த⁴꞉ க்ருதாந்தப³லசோதி³த꞉ ।
க்ரோத⁴ஸம்ரக்தநயநோ ராவண꞉ ஸூதமப்³ரவீத் ॥ 1 ॥

ஹீநவீர்யமிவாஶக்தம் பௌருஷேண விவர்ஜிதம் ।
பீ⁴ரும் லகு⁴மிவாஸத்த்வம் விஹீநமிவ தேஜஸா ॥ 2 ॥

விமுக்தமிவ மாயாபி⁴ரஸ்த்ரைரிவ ப³ஹிஷ்க்ருதம் ।
மாமவஜ்ஞாய து³ர்பு³த்³தே⁴ ஸ்வயா பு³த்³த்⁴யா விசேஷ்டஸே ॥ 3 ॥

கிமர்த²ம் மாமவஜ்ஞாய மச்ச²ந்த³மநவேக்ஷ்ய ச ।
த்வயா ஶத்ரோ꞉ ஸமக்ஷம் மே ரதோ²(அ)யமபவாஹித꞉ ॥ 4 ॥

த்வயா(அ)த்³ய ஹி மமாநார்ய சிரகாலஸமார்ஜிதம் ।
யஶோ வீர்யம் ச தேஜஶ்ச ப்ரத்யயஶ்ச விநாஶித꞉ ॥ 5 ॥

ஶத்ரோ꞉ ப்ரக்²யாதவீர்யஸ்ய ரஞ்ஜநீயஸ்ய விக்ரமை꞉ ।
பஶ்யதோ யுத்³த⁴ளுப்³தோ⁴(அ)ஹம் க்ருத꞉ காபுருஷஸ்த்வயா ॥ 6 ॥

யஸ்த்வம் ரத²மிமம் மோஹாந்ந சோத்³வஹஸி து³ர்மதே ।
ஸத்யோ(அ)யம் ப்ரதிதர்கோ மே பரேண த்வமுபஸ்க்ருத꞉ ॥ 7 ॥

ந ஹி தத்³வித்³யதே கர்ம ஸுஹ்ருதோ³ ஹிதகாங்க்ஷிண꞉ ।
ரிபூணாம் ஸத்³ருஶம் சைதந்ந த்வயைதத்ஸ்வநுஷ்டி²தம் ॥ 8 ॥

நிவர்தய ரத²ம் ஶீக்⁴ரம் யாவந்நோபைதி மே ரிபு꞉ ।
யதி³ வா(அ)த்⁴யுஷிதோ வா(அ)ஸி ஸ்மர்யந்தே யதி³ வா கு³ணா꞉ ॥ 9 ॥

ஏவம் பருஷமுக்தஸ்து ஹிதபு³த்³தி⁴ரபு³த்³தி⁴நா ।
அப்³ரவீத்³ராவணம் ஸூதோ ஹிதம் ஸாநுநயம் வச꞉ ॥ 10 ॥

ந பீ⁴தோ(அ)ஸ்மி ந மூடோ⁴(அ)ஸ்மி நோபஜப்தோ(அ)ஸ்மி ஶத்ருபி⁴꞉ ।
ந ப்ரமத்தோ ந நி꞉ஸ்நேஹோ விஸ்ம்ருதா ந ச ஸத்க்ரியா ॥ 11 ॥

மயா து ஹிதகாமேந யஶஶ்ச பரிரக்ஷதா ।
ஸ்நேஹப்ரஸ்கந்நமநஸா ப்ரியமித்யப்ரியம் க்ருதம் ॥ 12 ॥

நாஸ்மிந்நர்தே² மஹாராஜ த்வம் மாம் ப்ரியஹிதே ரதம் ।
கஶ்சில்லகு⁴ரிவாநார்யோ தோ³ஷதோ க³ந்துமர்ஹஸி ॥ 13 ॥

ஶ்ரூயதாம் த்வபி⁴தா⁴ஸ்யாமி யந்நிமித்தம் மயா ரத²꞉ ।
நதீ³வேக³ இவாபோ⁴கே³ ஸம்யுகே³ விநிவர்தித꞉ ॥ 14 ॥

ஶ்ரமம் தவாவக³ச்சா²மி மஹதா ரணகர்மணா ।
ந ஹி தே வீர ஸௌமுக்²யம் ப்ரஹர்ஷம் வோபதா⁴ரயே ॥ 15 ॥

ரதோ²த்³வஹநகி²ந்நாஶ்ச த இமே ரத²வாஜிந꞉ ।
தீ³நா க⁴ர்மபரிஶ்ராந்தா கா³வோ வர்ஷஹதா இவ ॥ 16 ॥

நிமித்தாநி ச பூ⁴யிஷ்ட²ம் யாநி ப்ராது³ர்ப⁴வந்தி ந꞉ ।
தேஷு தேஷ்வபி⁴பந்நேஷு லக்ஷயாம்யப்ரத³க்ஷிணம் ॥ 17 ॥

தே³ஶகாலௌ ச விஜ்ஞேயௌ லக்ஷணாநீங்கி³தாநி ச ।
தை³ந்யம் கே²த³ஶ்ச ஹர்ஷஶ்ச ரதி²நஶ்ச ப³லாப³லம் ॥ 18 ॥

ஸ்த²லநிம்நாநி பூ⁴மேஶ்ச ஸமாநி விஷமாணி ச ।
யுத்³த⁴காலஶ்ச விஜ்ஞேய꞉ பரஸ்யாந்தரத³ர்ஶநம் ॥ 19 ॥

உபயாநாபயாநே ச ஸ்தா²நம் ப்ரத்யபஸர்பணம் ।
ஸர்வமேதத்³ரத²ஸ்தே²ந ஜ்ஞேயம் ரத²குடும்பி³நா ॥ 20 ॥

தவ விஶ்ரமஹேதோஶ்ச ததை²ஷாம் ரத²வாஜிநாம் ।
ரௌத்³ரம் வர்ஜயதா கே²த³ம் க்ஷமம் க்ருதமித³ம் மயா ॥ 21 ॥

ந மயா ஸ்வேச்ச²யா வீர ரதோ²(அ)யமபவாஹித꞉ ।
ப⁴ர்த்ருஸ்நேஹபரீதேந மயேத³ம் யத்க்ருதம் விபோ⁴ ॥ 22 ॥

ஆஜ்ஞாபய யதா²தத்த்வம் வக்ஷ்யஸ்யரிநிஷூத³ந ।
தத்கரிஷ்யாம்யஹம் வீர க³தாந்ருண்யேந சேதஸா ॥ 23 ॥

ஸந்துஷ்டஸ்தேந வாக்யேந ராவணஸ்தஸ்ய ஸாரதே²꞉ ।
ப்ரஶஸ்யைநம் ப³ஹுவித⁴ம் யுத்³த⁴ளுப்³தோ⁴(அ)ப்³ரவீதி³த³ம் ॥ 24 ॥

ரத²ம் ஶீக்⁴ரமிமம் ஸூத ராக⁴வாபி⁴முக²ம் குரு ।
நாஹத்வா ஸமரே ஶத்ரூந்நிவர்திஷ்யதி ராவண꞉ ॥ 25 ॥

ஏவமுக்த்வா ததஸ்துஷ்டோ ராவணோ ராக்ஷஸேஶ்வர꞉ ।
த³தௌ³ தஸ்மை ஶுப⁴ம் ஹ்யேகம் ஹஸ்தாப⁴ரணமுத்தமம் ।
ஶ்ருத்வா ராவணவாக்யம் து ஸாரதி²꞉ ஸந்ந்யவர்தத ॥ 26 ॥

ததோ த்³ருதம் ராவணவாக்யசோதி³த꞉
ப்ரசோத³யாமாஸ ஹயாந்ஸ ஸாரதி²꞉ ।
ஸ ராக்ஷஸேந்த்³ரஸ்ய ததோ மஹாரத²꞉
க்ஷணேந ராமஸ்ய ரணாக்³ரதோ(அ)ப⁴வத் ॥ 27 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே யுத்³த⁴காண்டே³ ஷடு³த்தரஶததம꞉ ஸர்க³꞉ ॥ 106 ॥

யுத்³த⁴காண்ட³ ஸப்தோத்தரஶததம꞉ ஸர்க³꞉ (107) >>


ஸம்பூர்ண வால்மீகி ராமாயணே யுத்³த⁴காண்ட³ பார்க்க

Report mistakes and corrections in Stotranidhi content.

Facebook Comments
error: Not allowed
%d bloggers like this: