Sundarakanda Sarga (Chapter) 66 – ஸுந்த³ரகாண்ட³ ஷட்ஷஷ்டிதம꞉ ஸர்க³꞉ (66)


॥ ஸீதாபா⁴ஷிதப்ரஶ்ந꞉ ॥

ஏவமுக்தோ ஹநுமதா ராமோ த³ஶரதா²த்மஜ꞉ ।
தம் மணிம் ஹ்ருத³யே க்ருத்வா ப்ரருரோத³ ஸலக்ஷ்மண꞉ ॥ 1 ॥

தம் து த்³ருஷ்ட்வா மணிஶ்ரேஷ்ட²ம் ராக⁴வ꞉ ஶோககர்ஶித꞉ ।
நேத்ராப்⁴யாமஶ்ருபூர்ணாப்⁴யாம் ஸுக்³ரீவமித³மப்³ரவீத் ॥ 2 ॥

யதை²வ தே⁴நு꞉ ஸ்ரவதி ஸ்நேஹாத்³வத்ஸஸ்ய வத்ஸலா ।
ததா² மமாபி ஹ்ருத³யம் மணிரத்நஸ்ய த³ர்ஶநாத் ॥ 3 ॥

மணிரத்நமித³ம் த³த்தம் வைதே³ஹ்யா꞉ ஶ்வஶுரேண மே ।
வதூ⁴காலே யதா²ப³த்³த⁴மதி⁴கம் மூர்த்⁴நி ஶோப⁴தே ॥ 4 ॥

அயம் ஹி ஜலஸம்பூ⁴தோ மணி꞉ ஸஜ்ஜநபூஜித꞉ ।
யஜ்ஞே பரமதுஷ்டேந த³த்த꞉ ஶக்ரேண தீ⁴மதா ॥ 5 ॥

இமம் த்³ருஷ்ட்வா மணிஶ்ரேஷ்ட²ம் யதா² தாதஸ்ய த³ர்ஶநம் ।
அத்³யாஸ்ம்யவக³த꞉ ஸௌம்ய வைதே³ஹஸ்ய ததா² விபோ⁴꞉ ॥ 6 ॥

அயம் ஹி ஶோப⁴தே தஸ்யா꞉ ப்ரியாயா மூர்த்⁴நி மே மணி꞉ ।
அஸ்யாத்³ய த³ர்ஶநேநாஹம் ப்ராப்தாம் தாமிவ சிந்தயே ॥ 7 ॥

கிமாஹ ஸீதா வைதே³ஹீ ப்³ரூஹி ஸௌம்ய புந꞉ புந꞉ ।
பிபாஸுமிவ தோயேந ஸிஞ்சந்தீ வாக்யவாரிணா ॥ 8 ॥

இதஸ்து கிம் து³꞉க²தரம் யதி³மம் வாரிஸம்ப⁴வம் ।
மணிம் பஶ்யாமி ஸௌமித்ரே வைதே³ஹீமாக³தம் விநா ॥ 9 ॥

சிரம் ஜீவதி வைதே³ஹீ யதி³ மாஸம் த⁴ரிஷ்யதி ।
ந ஜீவேயம் க்ஷணமபி விநா தாமஸிதேக்ஷணாம் ॥ 10 ॥

நய மாமபி தம் தே³ஶம் யத்ர த்³ருஷ்டா மம ப்ரியா ।
ந திஷ்டே²யம் க்ஷணமபி ப்ரவ்ருத்திமுபலப்⁴ய ச ॥ 11 ॥

கத²ம் ஸா மம ஸுஶ்ரோணி பீ⁴ருபீ⁴ரு꞉ ஸதீ ஸதா³ ।
ப⁴யாவஹாநாம் கோ⁴ராணாம் மத்⁴யே திஷ்ட²தி ரக்ஷஸாம் ॥ 12 ॥

ஶாரத³ஸ்திமிரோந்முக்தோ நூநம் சந்த்³ர இவாம்பு³தை³꞉ ।
ஆவ்ருதம் வத³நம் தஸ்யா ந விராஜதி ராக்ஷஸை꞉ ॥ 13 ॥

கிமாஹ ஸீதா ஹநுமம்ஸ்தத்த்வத꞉ கத²யாத்³ய மே ।
ஏதேந க²லு ஜீவிஷ்யே பே⁴ஷஜேநாதுரோ யதா² ॥ 14 ॥

மது⁴ரா மது⁴ராளாபா கிமாஹ மம பா⁴மிநீ ।
மத்³விஹீநா வராரோஹா ஹநுமந்கத²யஸ்வ மே ॥ 15 ॥

[* அதி⁴கபாட²꞉ –
து³꞉கா²த்³து³꞉க²தரம் ப்ராப்ய கத²ம் ஜீவதி ஜாநகீ ॥
*]

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே ஸுந்த³ரகாண்டே³ ஷட்ஷஷ்டிதம꞉ ஸர்க³꞉ ॥ 66 ॥

ஸுந்த³ரகாண்ட³ ஸப்தஷஷ்டிதம꞉ ஸர்க³꞉ (67)>>


ஸம்பூர்ண வால்மீகி ஸுந்த³ரகாண்ட³ம் பார்க்க.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

மறுமொழி இடவும்

error: Not allowed