Sri Venkatesha Karavalamba Stotram – ஶ்ரீ வேங்கடேஶ கராவலம்ப³ ஸ்தோத்ரம்


ஶ்ரீஶேஷஶைல ஸுநிகேதந தி³வ்யமூர்தே
நாராயணாச்யுத ஹரே ளிநாயதாக்ஷ ।
லீலாகடாக்ஷபரிரக்ஷிதஸர்வலோக
ஶ்ரீவேங்கடேஶ மம தே³ஹி கராவளம்ப³ம் ॥ 1 ॥

ப்³ரஹ்மாதி³வந்தி³தபதா³ம்பு³ஜ ஶங்க²பாணே
ஶ்ரீமத்ஸுத³ர்ஶநஸுஶோபி⁴ததி³வ்யஹஸ்த ।
காருண்யஸாக³ர ஶரண்ய ஸுபுண்யமூர்தே
ஶ்ரீவேங்கடேஶ மம தே³ஹி கராவளம்ப³ம் ॥ 2 ॥

வேதா³ந்தவேத்³ய ப⁴வஸாக³ர கர்ணதா⁴ர
ஶ்ரீபத்³மநாப⁴ கமலார்சிதபாத³பத்³ம ।
லோகைகபாவந பராத்பர பாபஹாரிந்
ஶ்ரீவேங்கடேஶ மம தே³ஹி கராவளம்ப³ம் ॥ 3 ॥

லக்ஷ்மீபதே நிக³மலக்ஷ்ய நிஜஸ்வரூப
காமாதி³தோ³ஷபரிஹாரித போ³த⁴தா³யிந் ।
தை³த்யாதி³மர்த³ந ஜநார்த³ந வாஸுதே³வ
ஶ்ரீவேங்கடேஶ மம தே³ஹி கராவளம்ப³ம் ॥ 4 ॥

தாபத்ரயம் ஹர விபோ⁴ ரப⁴ஸாந்முராரே
ஸம்ரக்ஷ மாம் கருணயா ஸரஸீருஹாக்ஷ ।
மச்சி²ஷ்யமப்யநுதி³நம் பரிரக்ஷ விஷ்ணோ
ஶ்ரீவேங்கடேஶ மம தே³ஹி கராவளம்ப³ம் ॥ 5 ॥

ஶ்ரீஜாதரூப நவரத்ந லஸத்கிரீட
கஸ்தூரிகாதிலகஶோபி⁴லலாடதே³ஶ ।
ராகேந்து³பி³ம்ப³வத³நாம்பு³ஜ வாரிஜாக்ஷ
ஶ்ரீவேங்கடேஶ மம தே³ஹி கராவளம்ப³ம் ॥ 6 ॥

வந்தா³ருலோக வரதா³ந வசோவிளாஸ
ரத்நாட்⁴யஹாரபரிஶோபி⁴தகம்பு³கண்ட² ।
கேயூரரத்ந ஸுவிபா⁴ஸி தி³க³ந்தராள
ஶ்ரீவேங்கடேஶ மம தே³ஹி கராவளம்ப³ம் ॥ 7 ॥

தி³வ்யாங்க³தா³ஞ்சித பு⁴ஜத்³வய மங்க³ளாத்மந்
கேயூரபூ⁴ஷணஸுஶோபி⁴ததீ³ர்க⁴பா³ஹோ ।
நாகே³ந்த்³ரகங்கணகரத்³வய காமதா³யிந்
ஶ்ரீவேங்கடேஶ மம தே³ஹி கராவளம்ப³ம் ॥ 8 ॥

ஸ்வாமிந் ஜக³த்³த⁴ரண வாரிதி⁴ மத்⁴யமக்³நம்
மாமுத்³த⁴ராத்³ய க்ருபயா கருணாபயோதே⁴ ।
லக்ஷ்மீம் ச தே³ஹி மம த⁴ர்மஸம்ருத்³தி⁴ஹேதும்
ஶ்ரீவேங்கடேஶ மம தே³ஹி கராவளம்ப³ம் ॥ 9 ॥

தி³வ்யாங்க³ராக³ பரிசர்சித கோமளாங்க³
பீதாம்ப³ராவ்ருததநோ தருணார்கதீ³ப்தே ।
ஸத்காஞ்சநாப⁴ பரிதா⁴ந ஸுபட்டப³ந்த⁴
ஶ்ரீவேங்கடேஶ மம தே³ஹி கராவளம்ப³ம் ॥ 10 ॥

ரத்நாட்⁴யதா³மஸுநிப³த்³த⁴ கடிப்ரதே³ஶ
மாணிக்யத³ர்பண ஸுஸந்நிப⁴ ஜாநுதே³ஶ ।
ஜங்கா⁴த்³வயேந பரிமோஹித ஸர்வலோக
ஶ்ரீவேங்கடேஶ மம தே³ஹி கராவளம்ப³ம் ॥ 11 ॥

லோகைகபாவநஸரித்பரிஶோபி⁴தாங்க்⁴ரே
த்வத்பாத³த³ர்ஶந தி³நேஶ மஹாப்ரஸாதா³த் ।
ஹார்த³ம் தமஶ்ச ஸகலம் லயமாப பூ⁴மந்
ஶ்ரீவேங்கடேஶ மம தே³ஹி கராவளம்ப³ம் ॥ 12 ॥

காமாதி³வைரி நிவஹோ(அ)ச்யுத மே ப்ரயாத꞉
தா³ரித்³ர்யமப்யபக³தம் ஸகலம் த³யாளோ ।
தீ³நம் ச மாம் ஸமவலோக்ய த³யார்த்³ரத்³ருஷ்ட்யா
ஶ்ரீவேங்கடேஶ மம தே³ஹி கராவளம்ப³ம் ॥ 13 ॥

ஶ்ரீவேங்கடேஶ பத³பங்கஜஷட்பதே³ந
ஶ்ரீமந்ந்ருஸிம்ஹயதிநா ரசிதம் ஜக³த்யாம் ।
ஏதத்பட²ந்தி மநுஜா꞉ புருஷோத்தமஸ்ய
தே ப்ராப்நுவந்தி பரமாம் பத³வீம் முராரே꞉ ॥ 14 ॥

இதி ஶ்ரீ ஶ்ருங்கே³ரி ஜக³த்³கு³ருணா ஶ்ரீ ந்ருஸிம்ஹ பா⁴ரதி ஸ்வாமிநா ரசிதம் ஶ்ரீ வேங்கடேஶ கராவளம்ப³ ஸ்தோத்ரம் ।


மேலும் ஶ்ரீ வேங்கடேஶ்வர ஸ்தோத்திரங்கள் பார்க்க.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

மறுமொழி இடவும்

error: Not allowed