Read in తెలుగు / ಕನ್ನಡ / தமிழ் / देवनागरी / English (IAST)
ஶ்ரீ ஶிவ உவாச |
ஶ்ருணு பார்வதி ப⁴த்³ரம் தே லோகானாம் ஹிதகாரகம் |
கத்²யதே ஸர்வதா³ கோ³ப்யம் தாராஹ்ருத³யமுத்தமம் || 1 ||
ஶ்ரீ பார்வத்யுவாச |
ஸ்தோத்ரம் கத²ம் ஸமுத்பன்னம் க்ருதம் கேன புரா ப்ரபோ⁴ |
கத்²யதாம் ஸர்வவ்ருத்தாந்தம் க்ருபாம் க்ருத்வா மமோபரி || 2 ||
ஶ்ரீ ஶிவ உவாச |
ரணேதே³வாஸுரே பூர்வம் க்ருதமிந்த்³ரேண ஸுப்ரியே |
து³ஷ்டஶத்ருவினாஶார்த²ம் ப³ல வ்ருத்³தி⁴ யஶஸ்கரம் || 3 ||
ஓம் அஸ்ய ஶ்ரீமது³க்³ரதாரா ஹ்ருத³ய ஸ்தோத்ர மந்த்ரஸ்ய – ஶ்ரீ பை⁴ரவ ருஷி꞉ – அனுஷ்டுப்ச²ந்த³꞉ – ஶ்ரீமது³க்³ரதாராதே³வதா – ஸ்த்ரீம் பீ³ஜம் – ஹூம்ஶக்தி꞉ – நம꞉ கீலகம் – ஸகலஶத்ருவினாஶார்தே² ஜபே வினியோக³꞉ |
கரன்யாஸ꞉ –
ஓம் ஸ்த்ரீம் அங்கு³ஷ்டா²ப்⁴யாம் நம꞉ |
ஓம் ஹ்ரீம் தர்ஜனீப்⁴யாம் நம꞉ |
ஓம் ஹூம் மத்⁴யமாப்⁴யாம் நம꞉ |
ஓம் த்ரீம் அனாமிகாப்⁴யாம் நம꞉ |
ஓம் ஐம் கனிஷ்ட²காப்⁴யாம் நம꞉ |
ஓம் ஹம்ஸ꞉ கரதலகரப்ருஷ்டா²ப்⁴யாம் நம꞉ |
அங்க³ன்யாஸ꞉ –
ஓம் ஸ்த்ரீம் ஹ்ருத³யாய நம꞉ |
ஓம் ஹ்ரீம் ஶிரஸே ஸ்வாஹா |
ஓம் ஹூம் ஶிகா²யை வஷட் |
ஓம் த்ரீம் கவசாய ஹும் |
ஓம் ஐம் நேத்ரத்ரயாய வௌஷட் |
ஓம் ஹம்ஸ꞉ அஸ்த்ராயப²ட் |
த்⁴யானம் |
த்⁴யாயேத்கோடிதி³வாகரத்³யுதினிபா⁴ம் பா³லேந்து³யுக்சே²க²ராம்
ரக்தாங்கீ³ம் விகடாம் ஸுரக்தவஸனாம் பூர்ணேந்து³பி³ம்பா³னனாம் |
பாஶங்க²ட்³க³மஹாங்குஶாதி³ த³த⁴தீம் தோ³ர்பி⁴ஶ்சதுர்பி⁴ர்யுதாம்
நானாபூ⁴ஷணபூ⁴ஷிதாம் ப⁴க³வதீம் தாராம் ஜக³த்தாரிணீம் || 4 ||
ஏவம் த்⁴யாத்வா ஶுபா⁴ம் தாராம் ததஸ்து ஹ்ருத³யம் படே²த் |
தாரிணீ தத்த்வனிஷ்டா²னாம் ஸர்வதத்த்வப்ரகாஶிகா || 5 ||
ராமாபி⁴ன்னாபதா³ஶக்திஶ்ஶத்ருனாஶம் கரோது மே |
ஸர்வதா³ஶத்ருஸம்ரம்பே⁴ தாரா மே குருதாம் ஜயம் || 6 ||
ஸ்த்ரீம் த்ரீம் ஸ்வரூபிணீ தே³வீ த்ரிஷு லோகேஷு விஶ்ருதா |
தவ ஸ்னேஹான்மயாக்²யாதம் ந பஶூனாம் ப்ரகாஶயேத் || 7 ||
ஶ்ருணு தே³வி தவஸ்னேஹாத்தாரானாமானி தத்வத꞉ |
வர்ணயிஷ்யாமி கு³ப்தானி து³ர்லபா⁴னி ஜக³த்த்ரயே || 8 ||
தாரிணீ தரளா தாரா த்ரிரூபா தரணீப்ரபா⁴ |
தத்த்வரூபா மஹாஸாத்⁴வீ ஸர்வஸஜ்ஜனபாலிகா || 9 ||
ரமணீயா ரஜோரூபா ஜக³த்ஸ்ருஷ்டிகரீ பரா |
தமோரூபா மஹாமாயா கோ⁴ராராவா ப⁴யானகா || 10 ||
காலரூபா காளிகாக்²யா ஜக³த்³வித்⁴வம்ஸகாரிணீ |
தத்த்வஜ்ஞானா பரானந்தா தத்த்வஜ்ஞானப்ரதா³(அ)னகா⁴ || 11 ||
ரக்தாங்கீ³ ரக்தவஸ்த்ரா ச ரக்தமாலாஸுஶோபி⁴தா |
ஸித்³தி⁴லக்ஷ்மீஶ்ச ப்³ரஹ்மாணி மஹாகாளீ மஹாலயா || 12 ||
நாமான்யேதானி யே மர்த்யாஸ்ஸர்வதை³காக்³ரமானஸா꞉ |
ப்ரபட²ந்தி ப்ரியே தேஷாம் கிங்கரத்வம் கரோம்யஹம் || 13 ||
தாராம் தாரபராந்தே³வீம் தாரகேஶ்வரபூஜிதாம் |
தாரிணீம் ப⁴வபாதோ²தே⁴ருக்³ரதாராம் ப⁴ஜாம்யஹம் || 14 ||
ஸ்த்ரீம் ஹ்ரீம் ஹூம் த்ரீம் ப²ண்மந்த்ரேண ஜலம் ஜப்த்வா(அ)பி⁴ஷேசயேத் |
ஸர்வரோகா³꞉ ப்ரணஶ்யந்தி ஸத்யம் ஸத்யம் வதா³ம்யஹம் || 15 ||
த்ரீம் ஸ்வாஹாந்தைர்மஹாமந்த்ரைஶ்சந்த³னம் ஸாத⁴யேத்தத꞉ |
திலகம் குருதே ப்ராஜ்ஞோ லோகோவஶ்யோப⁴வேத்ப்ரியே || 16 ||
ஸ்த்ரீம் ஹ்ரீம் த்ரீம் ஸ்வாஹா மந்த்ரேண ஶ்மஶானம் ப⁴ஸ்ம மந்த்ரயேத் |
ஶத்ரோர்க்³ருஹேப்ரதிக்ஷிப்தே ஶத்ரோர்ம்ருத்யுர்ப⁴விஷ்யதி || 17 ||
ஹ்ரீம் ஹூம் ஸ்த்ரீம் ப²ட³ந்தமந்த்ரை꞉ புஷ்பம் ஸம்ஶோத்⁴யஸப்ததா⁴ |
உச்சாடனம் கரோத்யாஶு ரிபூணாம் நைவ ஸம்ஶய꞉ || 18 ||
ஸ்த்ரீம் த்ரீம் ஹ்ரீம் மந்த்ரவர்யேண அக்ஷதாஶ்சாபி⁴ மந்த்ரிதா꞉ |
தத்ப்ரதிக்ஷேபமாத்ரேண ஶீக்⁴ரமாயாதி மானினீ || 19 ||
ஹம்ஸ꞉ ஓம் ஹ்ரீம் ஸ்த்ரீம் ஹூம் ஹம்ஸ꞉ |
இதி மந்த்ரேண ஜப்தேன ஶோதி⁴தம் கஜ்ஜலம் ப்ரியே |
தஸ்யைவ திலகம் க்ருத்வா ஜக³ன்மோஹம் ஸ வஶம் நயேத் || 20 ||
தாராயா ஹ்ருத³யம் தே³வி ஸர்வபாபப்ரணாஶனம் |
ராஜபேயாதி³ யஜ்ஞானாம் கோடி கோடி கு³ணோத்தரம் || 21 ||
க³ங்கா³தி³ ஸர்வதீர்தா²னாம் ப²லம் கோடிகு³ணம் ஸ்ம்ருதம் |
மஹாது³꞉கே² மஹாரோகே³ ஸங்கடே ப்ராணஸம்ஶயே || 22 ||
மஹாப⁴யே மஹாகோ⁴ரே படே²த் ஸ்தோத்ரம் மஹோத்தமம் |
ஸத்யம் ஸத்யம் மயோக்தந்தே பார்வதி ப்ராணவல்லபே⁴ || 23 ||
கோ³பனீயம் ப்ரயத்னேன ந ப்ரகாஶ்யமித³ம் க்வசித் || 24 ||
இதி ஶ்ரீ பை⁴ரவீதந்த்ரே ஶிவபார்வதீ ஸம்வாதே³ ஶ்ரீமது³க்³ரதாராஹ்ருத³யம் |
மரின்னி த³ஶமஹாவித்³யா ஸ்தோத்ராலு சூட³ண்டி³।
மேலும் த³ஶமஹாவித்³யா ஸ்தோத்திரங்கள் பார்க்கவும்.
గమనిక: రాబోయే ధనుర్మాసం సందర్భంగా "శ్రీ కృష్ణ స్తోత్రనిధి" ముద్రించుటకు ఆలోచన చేయుచున్నాము. ఇటీవల మేము "శ్రీ సాయి స్తోత్రనిధి" పుస్తకము విడుదల చేశాము.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
