Sri Surya Stotram 2 (Deva Krutham) – ஶ்ரீ ஸூர்ய ஸ்தோத்ரம் – 2 (தே³வ க்ருதம்)

தே³வா ஊசு꞉ ।
நமஸ்தே ருக்ஸ்வரூபாய ஸாமரூபாய தே நம꞉ ।
யஜு꞉ ஸ்வரூபரூபாய ஸாம்நாம் தா⁴மவதே நம꞉ ॥ 1 ॥

ஜ்ஞாநைகதா⁴மபூ⁴தாய நிர்தூ⁴ததமஸே நம꞉ ।
ஶுத்³த⁴ஜ்யோதி꞉ ஸ்வரூபாய விஶுத்³தா⁴யாமளாத்மநே ॥ 2 ॥

சக்ரிணே ஶங்கி²நே தா⁴ம்நே ஶார்ங்கி³ணே பத்³மிநே நம꞉ ।
வரிஷ்டா²ய வரேண்யாய பரஸ்மை பரமாத்மநே ॥ 3 ॥

நமோ(அ)கி²லஜக³த்³வ்யாபிஸ்வரூபாயாத்மமூர்தயே ।
ஸர்வகாரணபூ⁴தாய நிஷ்டா²யை ஜ்ஞாநசேதஸாம் ॥ 4 ॥

நம꞉ ஸூர்யஸ்வரூபாய ப்ரகாஶாத்மஸ்வரூபிணே ।
பா⁴ஸ்கராய நமஸ்துப்⁴யம் ததா² தி³நக்ருதே நம꞉ ॥ 5 ॥

ஶர்வரீஹேதவே சைவ ஸந்த்⁴யாஜ்யோத்ஸ்நாக்ருதே நம꞉ ।
த்வம் ஸர்வமேதத்³ப⁴க³வந் ஜக³து³த்³ப்⁴ரமதா த்வயா ॥ 6 ॥

ப்⁴ரமத்யா வித்³த⁴மகி²லம் ப்³ரஹ்மாண்ட³ம் ஸசராசரம் ।
த்வத³ம்ஶுபி⁴ரித³ம் ஸ்ப்ருஷ்டம் ஸர்வம் ஸஞ்ஜாயதே ஶுசி꞉ ॥ 7 ॥

க்ரியதே த்வத்கரை꞉ ஸ்பர்ஶாஜ்ஜலாதீ³நாம் பவித்ரதா ।
ஹோமதா³நாதி³கோ த⁴ர்மோ நோபகாராய ஜாயதே ॥ 8 ॥

தாவத்³யாவந்ந ஸம்யோகி³ ஜக³தே³தத் த்வத³ம்ஶுபி⁴꞉ ।
ருசஸ்தே ஸகலா ஹ்யேதா யஜூம்ஷ்யேதாநி சாந்யத꞉ ॥ 9 ॥

ஸகலாநி ச ஸாமாநி நிபதந்தி த்வத³ங்க³த꞉ ।
ருங்மயஸ்த்வம் ஜக³ந்நாத² த்வமேவ ச யஜுர்மய꞉ ॥ 10 ॥

யத꞉ ஸாமமயஶ்சைவ ததோ நாத² த்ரயீமய꞉ ।
த்வமேவ ப்³ரஹ்மணோ ரூபம் பரம் சாபரமேவ ச ॥ 11 ॥

மூர்தாமூர்தஸ்ததா² ஸூக்ஷ்ம꞉ ஸ்தூ²லரூபஸ்ததா² ஸ்தி²த꞉ ।
நிமேஷகாஷ்டா²தி³மய꞉ காலரூப꞉ க்ஷயாத்மக꞉ ।
ப்ரஸீத³ ஸ்வேச்ச²யா ரூபம் ஸ்வதேஜ꞉ ஶமநம் குரு ॥ 12 ॥

இத³ம் ஸ்தோத்ரவரம் ரம்யம் ஶ்ரோதவ்யம் ஶ்ரத்³த⁴யா நரை꞉ ।
ஶிஷ்யோ பூ⁴த்வா ஸமாதி⁴ஸ்தோ² த³த்த்வா தே³யம் கு³ரோரபி ॥ 13 ॥

இதி ஶ்ரீமார்கண்டே³யபுராணே பஞ்சஸப்ததிதமோ(அ)த்⁴யாயே தே³வ க்ருத ஶ்ரீ ஸூர்ய ஸ்தோத்ரம் ।

Did you see any mistake/variation in the content above? Click here to report mistakes and corrections in Stotranidhi content.