Sri Stotram (Agni puranam) – ஶ்ரீ ஸ்தோத்ரம் (அக்³னி புராணே)


புஷ்கர உவாச ।
ராஜ்யலக்ஷ்மீஸ்தி²ரத்வாய யதே²ந்த்³ரேண புரா ஶ்ரிய꞉ ।
ஸ்துதி꞉ க்ருதா ததா² ராஜா ஜயார்த²ம் ஸ்துதிமாசரேத் ॥ 1 ॥

இந்த்³ர உவாச ।
நமஸ்யே ஸர்வலோகாநாம் ஜநநீமப்³தி⁴ஸம்ப⁴வாம் ।
ஶ்ரியமுந்நித்³ரபத்³மாக்ஷீம் விஷ்ணுவக்ஷ꞉ஸ்த²லஸ்தி²தாம் ॥ 2 ॥

த்வம் ஸித்³தி⁴ஸ்த்வம் ஸ்வதா⁴ ஸ்வாஹா ஸுதா⁴ த்வம் லோகபாவநி ।
ஸந்த்⁴யா ராத்ரி꞉ ப்ரபா⁴ பூ⁴திர்மேதா⁴ ஶ்ரத்³தா⁴ ஸரஸ்வதீ ॥ 3 ॥

யஜ்ஞவித்³யா மஹாவித்³யா கு³ஹ்யவித்³யா ச ஶோப⁴நே ।
ஆத்மவித்³யா ச தே³வி த்வம் விமுக்திப²லதா³யிநீ ॥ 4 ॥

ஆந்வீக்ஷிகீ த்ரயீ வார்தா த³ண்ட³நீதிஸ்த்வமேவ ச ।
ஸௌம்யா ஸௌம்யைர்ஜக³த்³ரூபைஸ்த்வயைதத்³தே³வி பூரிதம் ॥ 5 ॥

கா த்வந்யா த்வாம்ருதே தே³வி ஸர்வயஜ்ஞமயம் வபு꞉ ।
அத்⁴யாஸ்தே தே³வ தே³வஸ்ய யோகி³சிந்த்யம் க³தா³ப்⁴ருத꞉ ॥ 6 ॥

த்வயா தே³வி பரித்யக்தம் ஸகலம் பு⁴வநத்ரயம் ।
விநஷ்டப்ராயமப⁴வத் த்வயேதா³நீம் ஸமேதி⁴தம் ॥ 7 ॥

தா³ரா꞉ புத்ராஸ்ததா²கா³ரம் ஸுஹ்ருத்³தா⁴ந்யத⁴நாதி³கம் ।
ப⁴வத்யேதந்மஹாபா⁴கே³ நித்யம் த்வத்³வீக்ஷணாந்ந்ருணாம் ॥ 8 ॥

ஶரீராரோக்³யமைஶ்வர்யமரிபக்ஷக்ஷய꞉ ஸுக²ம் ।
தே³வி த்வத்³த்³ருஷ்டித்³ருஷ்டாநாம் புருஷாணாம் ந து³ர்லப⁴ம் ॥ 9 ॥

த்வமம்பா³ ஸர்வபூ⁴தாநாம் தே³வதே³வோ ஹரி꞉ பிதா ।
த்வயைதத்³விஷ்ணுநா சாம்ப³ ஜக³த்³வ்யாப்தம் சராசரம் ॥ 10 ॥

மாநம் கோஶம் ததா² கோ³ஷ்ட²ம் மா க்³ருஹம் மா பரிச்ச²த³ம் ।
மா ஶரீரம் களத்ரம் ச த்யஜேதா²꞉ ஸர்வபாவநி ॥ 11 ॥

மா புத்ரான் மா ஸுஹ்ருத்³வர்கா³ன் மா பஶூன் மா விபூ⁴ஷணம் ।
த்யஜேதா² மம தே³வஸ்ய விஷ்ணோர்வக்ஷ꞉ஸ்த²லாலயே ॥ 12 ॥

ஸத்த்வேந ஸத்யஶௌசாப்⁴யாம் ததா² ஶீலாதி³பி⁴ர்கு³ணை꞉ ।
த்யஜந்தே தே நரா꞉ ஸத்³ய꞉ ஸந்த்யக்தா யே த்வயாமளே ॥ 13 ॥

த்வயாவளோகிதா꞉ ஸத்³ய꞉ ஶீலாத்³யைரகி²லைர்கு³ணை꞉ ।
குலைஶ்வர்யைஶ்ச யுஜ்யந்தே புருஷா நிர்கு³ணா அபி ॥ 14 ॥

ஸ ஶ்லாக்⁴ய꞉ ஸ கு³ணீ த⁴ந்ய꞉ ஸ குலீந꞉ ஸ பு³த்³தி⁴மான் ।
ஸ ஶூர꞉ ஸ ச விக்ராந்தோ யஸ்த்வயா தே³வி வீக்ஷித꞉ ॥ 15 ॥

ஸத்³யோ வைகு³ண்யமாயாந்தி ஶீலாத்³யா꞉ ஸகலா கு³ணா꞉ ।
பராங்முகீ² ஜக³த்³தா⁴த்ரீ யஸ்ய த்வம் விஷ்ணுவல்லபே⁴ ॥ 16 ॥

ந தே வர்ணயிதும் ஶக்தா கு³ணான் ஜிஹ்வாபி வேத⁴ஸ꞉ ।
ப்ரஸீத³ தே³வி பத்³மாக்ஷி மா(அ)ஸ்மாம்ஸ்த்யாக்ஷீ꞉ கதா³சந ॥ 17 ॥

புஷ்கர உவாச ।
ஏவம் ஸ்துதா த³தௌ³ ஶ்ரீஶ்ச வரமிந்த்³ராய சேப்ஸிதம் ।
ஸுஸ்தி²ரத்வம் ச ராஜ்யஸ்ய ஸங்க்³ராமவிஜயாதி³கம் ॥ 18 ॥

ஸ்வஸ்தோத்ரபாட²ஶ்ரவணகர்த்ரூணாம் பு⁴க்திமுக்தித³ம் ।
ஶ்ரீஸ்தோத்ரம் ஸததம் தஸ்மாத்படே²ச்ச ஶ்ருணுயாந்நர꞉ ॥ 19 ॥

இத்யக்³நிபுராணே ஸப்தத்ரிம்ஶத³தி⁴கத்³விஶததமோ(அ)த்⁴யாயே ஶ்ரீஸ்தோத்ரம் ।


மேலும் ஶ்ரீ லக்ஷ்மீ ஸ்தோத்திரங்கள் பார்க்க.


గమనిక: "శ్రీ లక్ష్మీ స్తోత్రనిధి" ముద్రణ పూర్తి అయినది. Click here to buy

Report mistakes and corrections in Stotranidhi content.

Facebook Comments

மறுமொழி இடவும்

உங்கள் மின்னஞ்சல் வெளியிடப்பட மாட்டாது

error: Not allowed
%d bloggers like this: