Sri Ranga Gadyam – ஶ்ரீ ரங்க கத்யம்

ஸ்தோத்ரநிதி → ஶ்ரீ விஷ்ணு ஸ்தோத்திரங்கள் →  ஶ்ரீ ரங்க கத்யம்

சித³சித்பரதத்த்வாநாம் தத்த்வாயாதா²ர்த்²யவேதி³நே ।
ராமாநுஜாய முநயே நமோ மம க³ரீயஸே ॥

ஸ்வாதீ⁴நத்ரிவித⁴சேதநா(அ)சேதந ஸ்வரூபஸ்தி²தி ப்ரவ்ருத்திபே⁴த³ம், க்லேஶகர்மாத்³யஶேஷதோ³ஷாஸம்ஸ்ப்ருஷ்டம், ஸ்வாபா⁴விகாநவதி⁴காதிஶய ஜ்ஞாநப³லைஶ்வர்ய வீர்யஶக்திதேஜஸ்ஸௌஶீல்ய வாத்ஸல்ய மார்த³வார்ஜவ ஸௌஹார்த³ ஸாம்ய காருண்ய மாது⁴ர்ய கா³ம்பீ⁴ர்ய ஔதா³ர்ய சாதுர்ய ஸ்தை²ர்ய தை⁴ர்ய ஶௌர்ய பராக்ரம ஸத்யகாம ஸத்யஸங்கல்ப க்ருதித்வ க்ருதஜ்ஞதாத்³யஸங்க்²யேய கல்யாணகு³ண க³ணௌக⁴ மஹார்ணவம், பரப்³ரஹ்மபூ⁴தம், புருஷோத்தமம், ஶ்ரீரங்க³ஶாயிநம், அஸ்மத்ஸ்வாமிநம், ப்ரபு³த்³த⁴நித்யநியாம்ய நித்யதா³ஸ்யைகரஸாத்மஸ்வபா⁴வோ(அ)ஹம், ததே³காநுப⁴வ꞉ ததே³கப்ரிய꞉, பரிபூர்ணம் ப⁴க³வந்தம் விஶத³தமாநுப⁴வேந நிரந்தரமநுபூ⁴ய, தத³நுப⁴வஜநிதாநவதி⁴காதிஶய ப்ரீதிகாரிதாஶேஷாவஸ்தோ²சித அஶேஷஶேஷதைகரதிரூப நித்யகிங்கரோ ப⁴வாநி ।

ஸ்வாத்மநித்ய நியாம்ய நித்யதா³ஸ்யைகரஸாத்ம ஸ்வபா⁴வாநுஸந்தா⁴நபூர்வக ப⁴க³வத³நவதி⁴காதிஶய ஸ்வாம்யாத்³யகி²ல கு³ணக³ணாநுப⁴வ ஜநிதாநவதி⁴காதிஶய ப்ரீதிகாரிதாஶேஷாவஸ்தோ²சிதாஶேஷ ஶேஷதைகரதிரூப நித்யகைங்கர்ய ப்ராப்த்யுபாயபூ⁴தப⁴க்தி தது³பாய ஸம்யக்³ ஜ்ஞாநதது³பாய ஸமீசீநக்ரியா தத³நுகு³ணஸாத்த்விகதா(ஆ)ஸ்திக்யாதி³ ஸமஸ்தாத்மகு³ணவிஹீந꞉, து³ருத்தராநந்த தத்³விபர்யய ஜ்ஞாநக்ரியாநுகு³ணாநாதி³ பாபவாஸநா மஹார்ணவாந்தர்நிமக்³ந꞉, திலதைலவத்³தா³ருவஹ்நிவத்³து³ர்விவேச த்ரிகு³ண க்ஷணக்ஷரண ஸ்வபா⁴வாசேதந ப்ரக்ருதிவ்யாப்திரூப து³ரத்யய ப⁴க³வந்மாயா திரோஹித ஸ்வப்ரகாஶ꞉, அநாத்³யவித்³யாஸஞ்சிதாநந்தாஶக்ய விஸ்ரம்ஸந கர்மபாஶ ப்ரக்³ரதி²த꞉, அநாக³தாநந்தகால ஸமீக்ஷயா(அ)ப்யத்³ருஷ்டஸந்தாரோபாய꞉, நிகி²லஜந்துஜாதஶரண்ய, ஶ்ரீமந்நாராயண, தவ சரணாரவிந்த³யுக³லம் ஶரணமஹம் ப்ரபத்³யே ॥

ஏவமவஸ்தி²தஸ்யாப்யர்தி²த்வமாத்ரேண, பரமகாருணிகோ ப⁴க³வாந், ஸ்வாநுப⁴வ ப்ரீத்யோபநீதைகாந்திகாத்யந்திக நித்யகைங்கர்யைகரதிரூப நித்யதா³ஸ்யம் தா³ஸ்யதீதி விஶ்வாஸபூர்வகம் ப⁴க³வந்தம் நித்யகிங்கரதாம் ப்ரார்த²யே ॥

தவாநுபூ⁴திஸம்பூ⁴தப்ரீதிகாரித தா³ஸதாம் ।
தே³ஹி மே க்ருபயா நாத² ந ஜாநே க³திமந்யதா² ॥

ஸர்வாவஸ்தோ²சிதாஶேஷ ஶேஷதைகரதிஸ்தவ ।
ப⁴வேயம் புண்ட³ரீகாக்ஷ த்வமேவைவம் குருஷ்வ மாம் ॥

ஏவம்பூ⁴த தத்த்வ யாதா²த்ம்யவபோ³த⁴ ததி³ச்சா²ரஹிதஸ்யாபி, ஏதது³ச்சாரணமாத்ராவலம்ப³நேந, உச்யமாநார்த² பரமார்த²நிஷ்ட²ம் மே மநஸ்த்வமேவாத்³யைவ காரய ॥

அபார கருணாம்பு³தே⁴, அநாலோசித விஶேஷாஶேஷ லோகஶரண்ய, ப்ரணதார்திஹர, ஆஶ்ரிதவாத்ஸல்யைக மஹோத³தே⁴, அநவரதவிதி³த நிகி²லபூ⁴தஜாத யாதா²த்ம்ய, ஸத்யகாம, ஸத்யஸங்கல்ப, ஆபத்ஸக², காகுத்ஸ்த², ஶ்ரீமந், நாராயண, புருஷோத்தம, ஶ்ரீரங்க³நாத², மம நாத², நமோ(அ)ஸ்து தே ॥

இதி ஶ்ரீப⁴க³வத்³ராமாநுஜ விரசிதம் ஶ்ரீ ரங்க³ க³த்³யம் ।

---

மேலும் ஶ்ரீ விஷ்ணு ஸ்தோத்திரங்கள் பார்க்க.

---