Sri Raghava Stotram – ஶ்ரீ ராக⁴வ ஸ்தோத்ரம்

ஸ்தோத்ரநிதி → ஶ்ரீ ராம ஸ்தோத்திரங்கள் → ஶ்ரீ ராக⁴வ ஸ்தோத்ரம்

இந்த்³ரநீலாசலஶ்யாமமிந்தீ³வரத்³ருகு³ஜ்ஜ்வலம் ।
இந்த்³ராதி³தை³வதை꞉ ஸேவ்யமீடே³ ராக⁴வநந்த³நம் ॥ 1 ॥

பாலிதாகி²லதே³வௌக⁴ம் பத்³மக³ர்ப⁴ம் ஸநாதநம் ।
பீநவக்ஷ꞉ஸ்த²லம் வந்தே³ பூர்ணம் ராக⁴வநந்த³நம் ॥ 2 ॥

த³ஶக்³ரீவரிபும் ப⁴த்³ரம் தா³வதுல்யம் ஸுரத்³விஷாம் ।
த³ண்ட³காமுநிமுக்²யாநாம் த³த்தாப⁴யமுபாஸ்மஹே ॥ 3 ॥

கஸ்தூரீதிலகாபா⁴ஸம் கர்பூரநிகராக்ருதிம் ।
காதரீக்ருததை³த்யௌக⁴ம் கலயே ரகு⁴நந்த³நம் ॥ 4 ॥

க²ரதூ³ஷணஹந்தாரம் க²ரவீர்யபு⁴ஜோஜ்ஜ்வலம் ।
க²ரகோத³ண்ட³ஹஸ்தம் ச க²ஸ்வரூபமுபாஸ்மஹே ॥ 5 ॥

க³ஜவிக்ராந்தக³மநம் க³ஜார்திஹரதேஜஸம் ।
க³ம்பீ⁴ரஸத்த்வமைக்ஷ்வாகம் க³ச்சா²மி ஶரணம் ஸதா³ ॥ 6 ॥

க⁴நராஜிலஸத்³தே³ஹம் க⁴நபீதாம்ப³ரோஜ்ஜ்வலம் ।
கூ⁴த்காரத்³ருதரக்ஷௌக⁴ம் ப்ரபத்³யே ரகு⁴நந்த³நம் ॥ 7 ॥

சலபீதாம்ப³ராபா⁴ஸம் சலத்கிங்கிணிபூ⁴ஷிதம் ।
சந்த்³ரபி³ம்ப³முக²ம் வந்தே³ சதுரம் ரகு⁴நந்த³நம் ॥ 8 ॥

ஸுஸ்மிதாஞ்சிதவக்த்ராப்³ஜம் ஸுநூபுரபத³த்³வயம் ।
ஸுதீ³ர்க⁴பா³ஹுயுக³ளம் ஸுநாபி⁴ம் ராக⁴வம் ப⁴ஜே ॥ 9 ॥

ஹஸிதாஞ்சிதநேத்ராப்³ஜம் ஹதாகி²லஸுரத்³விஷம் ।
ஹரிம் ரவிகுலோத்³பூ⁴தம் ஹாடகாலங்க்ருதம் ப⁴ஜே ॥ 10 ॥

ரவிகோடிநிப⁴ம் ஶாந்தம் ராக⁴வாணாமலங்க்ருதிம் ।
ரக்ஷோக³ணயுகா³ந்தாக்³நிம் ராமசந்த்³ரமுபாஸ்மஹே ॥ 11 ॥

லக்ஷ்மீஸமாஶ்ரிதோரஸ்கம் லாவண்யமது⁴ராக்ருதிம் ।
லஸதி³ந்தீ³வரஶ்யாமம் லக்ஷ்மணாக்³ரஜமாஶ்ரயே ॥ 12 ॥

வாலிப்ரமத²நாகாரம் வாலிஸூநுஸஹாயிநம் ।
வரபீதாம்ப³ராபா⁴ஸம் வந்தே³ ராக⁴வபூ⁴ஷணம் ॥ 13 ॥

ஶமிதாகி²லபாபௌக⁴ம் ஶாந்த்யாதி³கு³ணவாரிதி⁴ம் ।
ஶதபத்ரத்³ருஶம் வந்தே³ ஶுப⁴ம் த³ஶரதா²த்மஜம் ॥ 14 ॥

குந்த³குட்³மலத³ந்தாப⁴ம் குங்குமாங்கிதவக்ஷஸம் ।
குஸும்ப⁴வஸ்த்ரஸம்வீதம் புத்ரம் ராக⁴வமாஶ்ரயே ॥ 15 ॥

மல்லிகாமாலதீஜாதிமாத⁴வீபுஷ்பஶோபி⁴தம் ।
மஹநீயமஹம் வந்தே³ மஹதாம் கீர்திவர்த⁴நம் ॥ 16 ॥

இத³ம் யோ ராக⁴வஸ்தோத்ரம் நர꞉ பட²தி ப⁴க்திமான் ।
முக்த꞉ ஸம்ஸ்ருதிப³ந்தா⁴த்³தி⁴ ஸ யாதி பரமம் பத³ம் ॥ 17 ॥

இதி ஶ்ரீ ராக⁴வ ஸ்தோத்ரம் ।

---

மேலும் ஶ்ரீ ராம ஸ்தோத்ரங்களை படிக்கவும்.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

Share this:

• Tweet
• 

Like this:

Like Loading...

Related