Sri Mahalakshmi Stava – ஶ்ரீ மஹாலக்ஷ்மீ ஸ்தவ꞉

ஸ்தோத்ரநிதி → ஶ்ரீ லக்ஷ்மீ ஸ்தோத்திரங்கள் → ஶ்ரீ மஹாலக்ஷ்மீ ஸ்தவ꞉

நாராயண உவாச ।
தே³வி த்வாம் ஸ்தோதுமிச்சா²மி ந க்ஷமா꞉ ஸ்தோதுமீஶ்வரா꞉ ।
பு³த்³தே⁴ரகோ³சராம் ஸூக்ஷ்மாம் தேஜோரூபாம் ஸநாதநீம் ।
அத்யநிர்வசநீயாம் ச கோ வா நிர்வக்துமீஶ்வர꞉ ॥ 1 ॥

ஸ்வேச்சா²மயீம் நிராகாராம் ப⁴க்தாநுக்³ரஹவிக்³ரஹாம் ।
ஸ்தௌமி வாங்மநஸோ꞉ பாராம் கிம் வா(அ)ஹம் ஜக³த³ம்பி³கே ॥ 2 ॥

பராம் சதுர்ணாம் வேதா³நாம் பாரபீ³ஜம் ப⁴வார்ணவே ।
ஸர்வஸஸ்யா(அ)தி⁴தே³வீம் ச ஸர்வாஸாமபி ஸம்பதா³ம் ॥ 3 ॥

யோகி³நாம் சைவ யோகா³நாம் ஜ்ஞாநாநாம் ஜ்ஞாநிநாம் ததா² ।
வேதா³நாம் வை வேத³விதா³ம் ஜநநீம் வர்ணயாமி கிம் ॥ 4 ॥

யயா விநா ஜக³த்ஸர்வமபீ³ஜம் நிஷ்ப²லம் த்⁴ருவம் ।
யதா² ஸ்தநந்த⁴யாநாம் ச விநா மாத்ரா ஸுக²ம் ப⁴வேத் ॥ 5 ॥

ப்ரஸீத³ ஜக³தாம் மாதா ரக்ஷாஸ்மாநதிகாதரான் ।
வயம் த்வச்சரணாம்போ⁴ஜே ப்ரபந்நா꞉ ஶரணம் க³தா꞉ ॥ 6 ॥

நம꞉ ஶக்திஸ்வரூபாயை ஜக³ந்மாத்ரே நமோ நம꞉ ।
ஜ்ஞாநதா³யை பு³த்³தி⁴தா³யை ஸர்வதா³யை நமோ நம꞉ ॥ 7 ॥

ஹரிப⁴க்திப்ரதா³யிந்யை முக்திதா³யை நமோ நம꞉ ।
ஸர்வஜ்ஞாயை ஸர்வதா³யை மஹாலக்ஷ்ம்யை நமோ நம꞉ ॥ 8 ॥

குபுத்ரா꞉ குத்ரசித்ஸந்தி ந குத்ரா(அ)பி குமாதர꞉ ।
குத்ர மாதா புத்ரதோ³ஷம் தம் விஹாய ச க³ச்ச²தி ॥ 9 ॥

ஸ்தநந்த⁴யேப்⁴ய இவ மே ஹே மாதர்தே³ஹி த³ர்ஶநம் ।
க்ருபாம் குரு க்ருபாஸிந்தோ⁴ த்வமஸ்மாந்ப⁴க்தவத்ஸலே ॥ 10 ॥

இத்யேவம் கதி²தம் வத்ஸ பத்³மாயாஶ்ச ஶுபா⁴வஹம் ।
ஸுக²த³ம் மோக்ஷத³ம் ஸாரம் ஶுப⁴த³ம் ஸம்பத³꞉ ப்ரத³ம் ॥ 11 ॥

இத³ம் ஸ்தோத்ரம் மஹாபுண்யம் பூஜாகாலே ச ய꞉ படே²த் ।
மஹாலக்ஷ்மீர்க்³ருஹம் தஸ்ய ந ஜஹாதி கதா³சந ॥ 12 ॥

இதி ஶ்ரீப்³ரஹ்மவைவர்தமஹாபுராணே க³ணபதிக²ண்டே³ த்³வாவிம்ஶோ(அ)த்⁴யாயே நாரத³நாராயணஸம்வாதே³ ஶ்ரீ லக்ஷ்மீ ஸ்தவ꞉ ॥

---