Sri Lakshmi Nrusimha Karavalamba Stotram (13 Shlokas) – ஶ்ரீ லக்ஷ்மீன்ருஸிம்ஹ கராவலம்ப³ ஸ்தோத்ரம் (13 ஶ்லோ।)

ஶ்ரீமத்பயோனிதி⁴னிகேதன சக்ரபாணே
போ⁴கீ³ந்த்³ரபோ⁴க³மணிரஞ்ஜித புண்யமூர்தே |
யோகீ³ஶ ஶாஶ்வத ஶரண்ய ப⁴வாப்³தி⁴போத
லக்ஷ்மீன்ருஸிம்ஹ மம தே³ஹி கராவலம்ப³ம் || 1 ||

ப்³ரஹ்மேந்த்³ரருத்³ரமருத³ர்ககிரீடகோடி-
ஸங்க⁴ட்டிதாங்க்⁴ரிகமலாமலகாந்திகாந்த |
லக்ஷ்மீலஸத்குசஸரோருஹராஜஹம்ஸ
லக்ஷ்மீன்ருஸிம்ஹ மம தே³ஹி கராவலம்ப³ம் || 2 ||

ஸம்ஸாரகோ⁴ரக³ஹனே சரதோ முராரே
மாரோக்³ரபீ⁴கரம்ருக³ப்ரவரார்தி³தஸ்ய |
ஆர்தஸ்ய மத்ஸரனிதா³க⁴னிபீடி³தஸ்ய
லக்ஷ்மீன்ருஸிம்ஹ மம தே³ஹி கராவலம்ப³ம் || 3 ||

ஸம்ஸாரகூபமதிகோ⁴ரமகா³த⁴மூலம்
ஸம்ப்ராப்ய து³꞉க²ஶதஸர்பஸமாகுலஸ்ய |
தீ³னஸ்ய தே³வ க்ருபயா பத³மாக³தஸ்ய
லக்ஷ்மீன்ருஸிம்ஹ மம தே³ஹி கராவலம்ப³ம் || 4 ||

ஸம்ஸாரஸாக³ரவிஶாலகராளகால-
நக்ரக்³ரஹக்³ரஸனநிக்³ரஹவிக்³ரஹஸ்ய |
வ்யக்³ரஸ்ய ராக³ரஸனோர்மினிபீடி³தஸ்ய
லக்ஷ்மீன்ருஸிம்ஹ மம தே³ஹி கராவலம்ப³ம் || 5 ||

ஸம்ஸாரவ்ருக்ஷமக⁴பீ³ஜமனந்தகர்ம-
ஶாகா²ஶதம் கரணபத்ரமனங்க³புஷ்பம் |
ஆருஹ்ய து³꞉க²ப²லிதம் பததோ த³யாளோ
லக்ஷ்மீன்ருஸிம்ஹ மம தே³ஹி கராவலம்ப³ம் || 6 ||

ஸம்ஸாரஸர்பக⁴னவக்த்ரப⁴யோக்³ரதீவ்ர-
த³ம்ஷ்ட்ராகராளவிஷத³க்³த⁴வினஷ்டமூர்தே꞉ |
நாகா³ரிவாஹன ஸுதா⁴ப்³தி⁴னிவாஸ ஶௌரே
லக்ஷ்மீன்ருஸிம்ஹ மம தே³ஹி கராவலம்ப³ம் || 7 ||

ஸம்ஸாரதா³வத³ஹனாதுரபீ⁴கரோரு-
ஜ்வாலாவளீபி⁴ரதித³க்³த⁴தனூருஹஸ்ய |
த்வத்பாத³பத்³மஸரஸீம் ஶரணாக³தஸ்ய
லக்ஷ்மீன்ருஸிம்ஹ மம தே³ஹி கராவலம்ப³ம் || 8 ||

ஸம்ஸாரஜாலபதிதஸ்ய ஜக³ன்னிவாஸ
ஸர்வேந்த்³ரியார்த²ப³டி³ஶார்த²ஜ²ஷோபமஸ்ய |
ப்ரோத்க²ண்டி³தப்ரசுரதாலுகமஸ்தகஸ்ய
லக்ஷ்மீன்ருஸிம்ஹ மம தே³ஹி கராவலம்ப³ம் || 9 ||

ஸம்ஸாரபீ⁴கரகரீந்த்³ரகராபி⁴கா⁴த-
நிஷ்பிஷ்டமர்மவபுஷ꞉ ஸகலார்தினாஶ |
ப்ராணப்ரயாணப⁴வபீ⁴திஸமாகுலஸ்ய
லக்ஷ்மீன்ருஸிம்ஹ மம தே³ஹி கராவலம்ப³ம் || 10 ||

அந்த⁴ஸ்ய மே ஹ்ருதவிவேகமஹாத⁴னஸ்ய
சோரை꞉ ப்ரபோ⁴ ப³லிபி⁴ரிந்த்³ரியனாமதே⁴யை꞉ |
மோஹாந்த⁴கூபகுஹரே வினிபாதிதஸ்ய
லக்ஷ்மீன்ருஸிம்ஹ மம தே³ஹி கராவலம்ப³ம் || 11 ||

லக்ஷ்மீபதே கமலனாப⁴ ஸுரேஶ விஷ்ணோ
வைகுண்ட² க்ருஷ்ண மது⁴ஸூத³ன புஷ்கராக்ஷ |
ப்³ரஹ்மண்ய கேஶவ ஜனார்த³ன வாஸுதே³வ
தே³வேஶ தே³ஹி க்ருபணஸ்ய கராவலம்ப³ம் || 12 ||

யன்மாயயோர்ஜிதவபு꞉ ப்ரசுரப்ரவாஹ-
மக்³னார்த²மத்ர நிவஹோருகராவலம்ப³ம் |
லக்ஷ்மீன்ருஸிம்ஹசரணாப்³ஜமது⁴வ்ரதேன
ஸ்தோத்ரம் க்ருதம் ஸுக²கரம் பு⁴வி ஶங்கரேண || 13 ||

இதி ஶ்ரீமத்பரமஹம்ஸபரிவ்ராஜகாசார்ய ஶ்ரீமச்ச²ங்கராசார்ய விரசிதம் ஶ்ரீலக்ஷ்மீன்ருஸிம்ஹ கராவலம்ப³ ஸ்தோத்ரம் |


గమనిక: "శ్రీ శివ స్తోత్రనిధి" పుస్తకము ముద్రణ చేయుటకు ఆలోచన చేయుచున్నాము.

Facebook Comments

You may also like...

மறுமொழி இடவும்

உங்கள் மின்னஞ்சல் வெளியிடப்பட மாட்டாது

error: Not allowed
%d bloggers like this: