Sri Govindaraja Stotram – ஶ்ரீ கோ³விந்த³ராஜ ஸ்தோத்ரம்


ஶ்ரீவேங்கடாசலவிபோ⁴பராவதார
கோ³விந்த³ராஜ கு³ருகோ³பகுலாவதார |
ஶ்ரீபூரதீ⁴ஶ்வர ஜயாதி³ம தே³வதே³வ
நாத² ப்ரஸீத³ நத கல்பதரோ நமஸ்தே || 1 ||

லீலாவிபூ⁴திஜனதாபரிரக்ஷணார்த²ம்
தி³வ்யப்ரபோ³த⁴ஶுகயோகி³ஸமப்ரபா⁴வ |
ஸ்வாமின் ப⁴வத்பத³ஸரோருஹஸாத்க்ருதம் தம்
யோகீ³ஶ்வரம் ஶட²ரிபும் க்ருபயா ப்ரதே³ஹி || 2 ||

ஶ்ரீபூ⁴மிநாயகத³யாகரதி³வ்யமூர்தே
தே³வாதி⁴தே³வஜக³தே³க ஶரண்ய விஷ்ணோ |
கோ³பாங்க³னாகுசஸரோருஹப்⁴ருங்க³ராஜ
கோ³விந்த³ராஜ விஜயீ ப⁴வ கோமலாங்க³ || 3 ||

தே³வாதி⁴தே³வ ப²ணிராஜ விஹங்க³ராஜ
ராஜத்கிரீட மணிராஜிவிராஜிதாங்க்⁴ரே |
ராஜாதி⁴ராஜ யது³ராஜகுலாதி⁴ராஜ
கோ³விந்த³ராஜ விஜயீ ப⁴வ கோ³பசந்த்³ர || 4 ||

காஸாரயோகி³ பரமாத்³பு⁴த ப⁴க்திப³த்³த⁴
வாங்மால்யபூ⁴ஷி தமஹோத்பலரம்யபாத³ |
கோ³பாதி⁴நாத² வஸுதே³வகுமார க்ருஷ்ண
கோ³விந்த³ராஜ விஜயீ ப⁴வ கோ³குலேந்த்³ர || 5 ||

ஶ்ரீபூ⁴தயோகி³ பரிகல்பித தி³வ்யமான
ஜ்ஞானப்ரதீ³பபரித்³ருஷ்ட கு³ணாம்ருதாப்³தே⁴ |
கோ³கோ³பஜாலபரிரக்ஷணப³த்³த⁴தீ³க்ஷ
கோ³விந்த³ராஜ விஜயீ ப⁴வ கோ³பவந்த்³ய || 6 ||

மான்யானுபா⁴வ மஹதா³ஹ்வயயோகி³த்³ருஷ்ட
ஶ்ரீஶங்க²சக்ர கமலாஸஹிதாமலாங்க³ |
கோ³பீஜனப்ரியசரித்ரவிசித்ரவேஷ
கோ³விந்த³ராஜ விஜயீ ப⁴வ கோ³பநாத² || 7 ||

ஶ்ரீமத்வதீ³யபத³பங்கஜ ப⁴க்திநிஷ்ட²
ஶ்ரீப⁴க்திஸார முனிநிஶ்சிதமுக்²யதத்த்வ |
கோ³பீஜனார்திஹர கோ³பஜனாந்தரங்க³
கோ³விந்த³ராஜ விஜயீ ப⁴வ கோ³பரத்ன || 8 ||

ஶ்ரீமத்பராங்குஶமுனீந்த்³ர ஸஹஸ்ரகா³தா²
ஸம்ஸ்தூயமான சரணாம்பு³ஜ ஸர்வஶேஷின் |
கோ³பாலவம்ஶதிலகாச்யுத பத்³மநாப⁴
கோ³விந்த³ராஜ விஜயீ ப⁴வ கோ³பவேஷ || 9 ||

ஶேஷாசலே மஹதி பாத³பபக்ஷிஜன்ம
த்வத்³ப⁴க்தித꞉ ஸ்ப்ருஹயதாகுலஶேக²ரேண |
ராஜ்ஞா புன꞉புனருபாஸித பாத³பத்³ம
கோ³விந்த³ராஜ விஜயீ ப⁴வ கோ³ரஸஜ்ஞ || 10 ||

ஶ்ரீவிஷ்ணுசித்தக்ருதமங்க³ள தி³வ்யஸூக்தே
தன்மானஸாம்பு³ருஹகல்பித நித்யவாஸ |
கோ³பாலபா³லயுவதீவிடஸார்வபௌ⁴ம
கோ³விந்த³ராஜ விஜயீ ப⁴வ கோ³வ்ருஷேந்த்³ர || 11 ||

ஶ்ரீவிஷ்ணுசித்தகுலநந்த³னகல்பவல்லீ
கோ³பாலகாந்த விநிவேஶிதமால்யலோல |
கோ³பாங்க³னாகுசகுலாசலமத்⁴யஸுப்த
கோ³விந்த³ராஜ விஜயீ ப⁴வ கோ³த⁴னாட்⁴ய || 12 ||

ப⁴க்தாங்க்⁴ரிரேணுமுனினா பரமம் ததீ³ய
ஶேஷத்வ மாஶ்ரிதவதா விமலேன நித்யம் |
ப்ராபோ³தி⁴கஸ்துதிக்ருதா ஹ்யவபோ³தி⁴த
ஶ்ரீகோ³விந்த³ராஜ விஜயீ ப⁴வ கோ³பப³ந்தோ⁴ || 13 ||

ஶ்ரீபாணிநாமகமஹாமுனி கீ³யமான
தி³வ்யானுபா⁴வத³யமான த்³ருக³ஞ்சலாட்⁴ய |
ஸர்வாத்மரக்ஷணவிசக்ஷண சக்ரபாணே
கோ³விந்த³ராஜ விஜயீ ப⁴வ கோ³பிகேந்த்³ர || 14 ||

ப⁴க்தோத்தமாய பரகாலமுனீந்த்³ரனாம்னே
விஶ்ராணிதாதுல மஹாத⁴ன மூலமந்த்ர |
பூர்ணானுகம்பபுருஷோத்தம புஷ்கராக்ஷ
கோ³விந்த³ராஜ விஜயீ ப⁴வ கோ³ஸநாத² || 15 ||

ஸத்த்வோத்தரே சரமபர்வணி ஸக்தசித்தே
ஶாந்தே ஸதா³ மது⁴ரபூர்வகவாங்முனீந்த்³ரே |
நாத²ப்ரஸன்னஹ்ருத³யாம்பு³ஜனந்த³ஸூனோ
கோ³விந்த³ராஜ விஜயீ ப⁴வ குந்த³த³ந்த || 16 ||

ப⁴க்தப்ரபந்நகுலநாயகபா⁴ஷ்யகார
ஸங்கல்பகல்பதரு தி³வ்யப²லாமலாத்மன் |
ஶ்ரீஶேஷஶைலகடகாஶ்ரித ஶேஷஶாயின்
கோ³விந்த³ராஜ விஜயீ ப⁴வ விஶ்வமூர்தே || 17 ||

தே³வ ப்ரஸீத³ கருணாகர ப⁴க்தவர்கே³
ஸேனாபதி ப்ரணிஹிதாகி²லலோகபா⁴ர |
ஶ்ரீவாஸதி³வ்யநக³ராதி⁴பராஜராஜ
கோ³விந்த³ராஜ விஜயீ ப⁴வ வேத³வேத்³ய || 18 ||

ஶ்ரீமச்ச²டா²ரி கருணாஶ்ரிததே³வகா³ன
பாரஜ்ஞநாத²முநிஸன்னுத புண்யகீர்தே |
கோ³ப்³ராஹ்மணப்ரியகு³ரோ ஶ்ரிதபாரிஜாத
கோ³விந்த³ராஜ ஜக³தாம் குரு மங்க³ளானி || 19 ||

இதி ஶ்ரீ கோ³விந்த³ராஜ ஸ்தோத்ரம் |


மேலும் ஶ்ரீ வேங்கடேஶ்வர ஸ்தோத்திரங்கள் பார்க்க.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

மறுமொழி இடவும்

error: Not allowed