Sri Ganesha Hrudaya Kavacham – ஶ்ரீ க³ணேஶ ஹ்ருத³ய கவசம்


நமஸ்தஸ்மை க³ணேஶாய ஸர்வவிக்⁴நவிநாஶிநே ।
கார்யாரம்பே⁴ஷு ஸர்வேஷு பூஜிதோ ய꞉ ஸுரைரபி ॥ 1 ॥

பார்வத்யுவாச ।
ப⁴க³வந் தே³வதே³வேஶ லோகாநுக்³ரஹகாரக꞉ ।
இதா³நீம் ஶ்ரோத்ருமிச்சா²மி கவசம் யத்ப்ரகாஶிதம் ॥ 2 ॥

ஏகாக்ஷரஸ்ய மந்த்ரஸ்ய த்வயா ப்ரீதேந சேதஸா ।
வதை³தத்³விதி⁴வத்³தே³வ யதி³ தே வல்லபா⁴ஸ்ம்யஹம் ॥ 3 ॥

ஈஶ்வர உவாச ।
ஶ்ருணு தே³வி ப்ரவக்ஷ்யாமி நாக்²யேயமபி தே த்⁴ருவம் ।
ஏகாக்ஷரஸ்ய மந்த்ரஸ்ய கவசம் ஸர்வகாமத³ம் ॥ 4 ॥

யஸ்ய ஸ்மரணமாத்ரேண ந விக்⁴நா꞉ ப்ரப⁴வந்தி ஹி ।
த்ரிகாலமேககாலம் வா யே பட²ந்தி ஸதா³ நரா꞉ ॥ 5 ॥

தேஷாம் க்வாபி ப⁴யம் நாஸ்தி ஸங்க்³ராமே ஸங்கடே கி³ரௌ ।
பூ⁴தவேதாலரக்ஷோபி⁴ர்க்³ரஹைஶ்சாபி ந பா³த்⁴யதே ॥ 6 ॥

இத³ம் கவசமஜ்ஞாத்வா யோ ஜபேத்³க³ணநாயகம் ।
ந ச ஸித்³தி⁴மவாப்நோதி மூடோ⁴ வர்ஷஶதைரபி ॥ 7 ॥

அகோ⁴ரோ மே யதா² மந்த்ரோ மந்த்ராணாமுத்தமோத்தம꞉ ।
ததே²த³ம் கவசம் தே³வி து³ர்லப⁴ம் பு⁴வி மாநவை꞉ ॥ 8 ॥

கோ³பநீயம் ப்ரயத்நேந நாஜ்யேயம் யஸ்ய கஸ்யசித் ।
தவ ப்ரீத்யா மஹேஶாநி கவசம் கத்²யதே(அ)த்³பு⁴தம் ॥ 9 ॥

ஏகாக்ஷரஸ்ய மந்த்ரஸ்ய க³ணகஶ்சர்ஷிரீரித꞉ ।
த்ரிஷ்டுப் ச²ந்த³ஸ்து விக்⁴நேஶோ தே³வதா பரிகீர்திதா ॥ 10 ॥

க³ம் பீ³ஜம் ஶக்திரோங்கார꞉ ஸர்வகாமார்த²ஸித்³த⁴யே ।
ஸர்வவிக்⁴நவிநாஶாய விநியோக³ஸ்து கீர்தித꞉ ॥ 11 ॥

த்⁴யாநம் ।
ரக்தாம்போ⁴ஜஸ்வரூபம் லஸத³ருணஸரோஜாதி⁴ரூட⁴ம் த்ரிநேத்ரம்
பாஶம் சைவாங்குஶம் வா வரத³மப⁴யத³ம் பா³ஹுபி⁴ர்தா⁴ரயந்தம் ।
ஶக்த்யா யுக்தம் க³ஜாஸ்யம் ப்ருது²தரஜட²ரம் நாக³யஜ்ஞோபவீதம்
தே³வம் சந்த்³ரார்த⁴சூட³ம் ஸகலப⁴யஹரம் விக்⁴நராஜம் நமாமி ॥ 12 ॥

கவசம் ।
க³ணேஶோ மே ஶிர꞉ பாது பா²லம் பாது க³ஜாநந꞉ ।
நேத்ரே க³ணபதி꞉ பாது க³ஜகர்ண꞉ ஶ்ருதீ மம ॥ 13 ॥

கபோலௌ க³ணநாத²ஸ்து க்⁴ராணம் க³ந்த⁴ர்வபூஜித꞉ ।
முக²ம் மே ஸுமுக²꞉ பாது சிபு³கம் கி³ரிஜாஸுத꞉ ॥ 14 ॥

ஜிஹ்வாம் பாது க³ணக்ரீடோ³ த³ந்தாந் ரக்ஷது து³ர்முக²꞉ ।
வாசம் விநாயக꞉ பாது கண்ட²ம் பாது மதோ³த்கட꞉ ॥ 15 ॥

ஸ்கந்தௌ⁴ பாது க³ஜஸ்கந்தோ⁴ பா³ஹூ மே விக்⁴நநாஶந꞉ ।
ஹஸ்தௌ ரக்ஷது ஹேரம்போ³ வக்ஷ꞉ பாது மஹாப³ல꞉ ॥ 16 ॥

ஹ்ருத³யம் மே க³ணபதிருத³ரம் மே மஹோத³ர꞉ ।
நாபி⁴ம் க³ம்பீ⁴ரஹ்ருத³யோ ப்ருஷ்ட²ம் பாது ஸுரப்ரிய꞉ ॥ 17 ॥

கடிம் மே விகட꞉ பாது கு³ஹ்யம் மே கு³ஹபூஜித꞉ ।
ஊரூ மே பாது கௌமாரம் ஜாநுநீ ச க³ணாதி⁴ப꞉ ॥ 18 ॥

ஜங்கே⁴ ஜயப்ரத³꞉ பாது கு³ள்பௌ² மே தூ⁴ர்ஜடிப்ரிய꞉ ।
சரணௌ து³ர்ஜய꞉ பாது ஸாங்க³ம் மே க³ணநாயக꞉ ॥ 19 ॥

ஆமோதோ³ மே(அ)க்³ரத꞉ பாது ப்ரமோத³꞉ பாது ப்ருஷ்ட²த꞉ ।
த³க்ஷிணே பாது ஸித்³தீ⁴ஶோ வாமே வித்³யாத⁴ரார்சித꞉ ॥ 20 ॥

ப்ராச்யாம் ரக்ஷது மாம் நித்யம் சிந்தாமணிவிநாயக꞉ ।
ஆக்³நேய்யாம் வக்ரதுண்டோ³ மே த³க்ஷிணஸ்யாமுமாஸுத꞉ ॥ 21 ॥

நைர்ருத்யாம் ஸர்வவிக்⁴நேஶோ பாது நித்யம் க³ணேஶ்வர꞉ ।
ப்ரதீச்யாம் ஸித்³தி⁴த³꞉ பாது வாயவ்யாம் க³ஜகர்ணக꞉ ॥ 22 ॥

கௌபே³ர்யாம் ஸர்வஸித்³தீ⁴ஶோ ஈஶாந்யாமீஶநந்த³ந꞉ ।
ஊர்த்⁴வம் விநாயக꞉ பாது அதோ⁴ மூஷகவாஹந꞉ ॥ 23 ॥

தி³வா கோ³க்ஷீரத⁴வள꞉ பாது நித்யம் க³ஜாநந꞉ ।
ராத்ரௌ பாது க³ணக்ரீடோ³ ஸந்த்⁴யயோ ஸுரவந்தி³த꞉ ॥ 24 ॥

பாஶாங்குஶாப⁴யகர꞉ ஸர்வத꞉ பாது மாம் ஸதா³ ।
க்³ரஹபூ⁴தபிஶாசேப்⁴யோ பாது நித்யம் க³ணேஶ்வர꞉ ॥ 25 ॥

ஸத்த்வம் ரஜஸ்தமோ வாசம் பு³த்³தி⁴ம் ஜ்ஞாநம் ஸ்ம்ருதிம் த³யாம் ।
த⁴ர்மம் சதுர்வித⁴ம் லக்ஷ்மீம் லஜ்ஜாம் கீர்திம் குலம் வபு꞉ ॥ 26 ॥

த⁴நதா⁴ந்யக்³ருஹாந்தா³ராந் புத்ராந்பௌத்ராந் ஸகீ²ம்ஸ்ததா² ।
ஏகத³ந்தோ(அ)வது ஶ்ரீமாந் ஸர்வத꞉ ஶங்கராத்மஜ꞉ ॥ 27 ॥

ஸித்³தி⁴த³ம் கீர்தித³ம் தே³வி ப்ரபடே²ந்நியத꞉ ஶுசி꞉ ।
ஏககாலம் த்³விகாலம் வா த்ரிகாலம் வாபி ப⁴க்தித꞉ ॥ 28 ॥

ந தஸ்ய து³ர்லப⁴ம் கிஞ்சித் த்ரிஷு லோகேஷு வித்³யதே ।
ஸர்வபாபவிநிர்முக்தோ ஜாயதே பு⁴வி மாநவ꞉ ॥ 29 ॥

யம் யம் காமயதே மர்த்ய꞉ ஸுது³ர்லப⁴மநோரத²ம் ।
தம் தம் ப்ராப்நோதி ஸகலம் ஷண்மாஸாந்நாத்ர ஸம்ஶய꞉ ॥ 30 ॥

மோஹநஸ்தம்ப⁴நாகர்ஷமாரணோச்சாடநம் வஶம் ।
ஸ்மரணாதே³வ ஜாயந்தே நாத்ர கார்யா விசாரணா ॥ 31 ॥

ஸர்வவிக்⁴நஹரேத்³தே³வீம் க்³ரஹபீடா³நிவாரணம் ।
ஸர்வஶத்ருக்ஷயகரம் ஸர்வாபத்திநிவாரணம் ॥ 32 ॥

த்⁴ருத்வேத³ம் கவசம் தே³வி யோ ஜபேந்மந்த்ரமுத்தமம் ।
ந வாச்யதே ஸ விக்⁴நௌகை⁴꞉ கதா³சித³பி குத்ரசித் ॥ 33 ॥

பூ⁴ர்ஜே லிகி²த்வா விதி⁴வத்³தா⁴ரயேத்³யோ நர꞉ ஶுசி꞉ ।
ஏகபா³ஹோ ஶிர꞉ கண்டே² பூஜயித்வா க³ணாதி⁴பம் ॥ 34 ॥

ஏகாக்ஷரஸ்ய மந்த்ரஸ்ய கவசம் தே³வி து³ர்லப⁴ம் ।
யோ தா⁴ரயேந்மஹேஶாநி ந விக்⁴நைரபி⁴பூ⁴யதே ॥ 35 ॥

க³ணேஶஹ்ருத³யம் நாம கவசம் ஸர்வஸித்³தி⁴த³ம் ।
படே²த்³வா பாட²யேத்³வாபி தஸ்ய ஸித்³தி⁴꞉ கரே ஸ்தி²தா ॥ 36 ॥

ந ப்ரகாஶ்யம் மஹேஶாநி கவசம் யத்ர குத்ரசித் ।
தா³தவ்யம் ப⁴க்தியுக்தாய கு³ருதே³வபராய ச ॥ 37 ॥

இதி ஶ்ரீருத்³ரயாமளே பார்வதீபரமேஶ்வர ஸம்வாதே³ ஶ்ரீ க³ணேஶ ஹ்ருத³ய கவசம் ஸம்பூர்ணம் ।


గమనిక: "శ్రీ లక్ష్మీ స్తోత్రనిధి" ముద్రణ పూర్తి అయినది. Click here to buy

Report mistakes and corrections in Stotranidhi content.

Facebook Comments
error: Not allowed
%d bloggers like this: