Read in తెలుగు / ಕನ್ನಡ / தமிழ் / देवनागरी / English (IAST)
ஓம் அஸ்ய ஶ்ரீமஹாக³ணபதி மந்த்ரவிக்³ரஹ கவசஸ்ய । ஶ்ரீஶிவ ருஷி꞉ । தே³வீகா³யத்ரீ ச²ந்த³꞉ । ஶ்ரீ மஹாக³ணபதிர்தே³வதா । ஓம் ஶ்ரீம் ஹ்ரீம் க்லீம் க்³ளௌம் க³ம் பீ³ஜாநி । க³ணபதயே வரவரதே³தி ஶக்தி꞉ । ஸர்வஜநம் மே வஶமாநய ஸ்வாஹா கீலகம் । ஶ்ரீ மஹாக³ணபதிப்ரஸாத³ஸித்³த்⁴யர்தே² ஜபே விநியோக³꞉ ।
கரந்யாஸ꞉ ।
ஓம் ஶ்ரீம் ஹ்ரீம் க்லீம் – அங்கு³ஷ்டா²ப்⁴யாம் நம꞉ ।
க்³ளௌம் க³ம் க³ணபதயே – தர்ஜநீப்⁴யாம் நம꞉ ।
வரவரத³ – மத்⁴யமாப்⁴யாம் நம꞉ ।
ஸர்வஜநம் மே – அநாமிகாப்⁴யாம் நம꞉ ।
வஶமாநய – கநிஷ்டி²காப்⁴யாம் நம꞉ ।
ஸ்வாஹா – கரதல கரப்ருஷ்டா²ப்⁴யாம் நம꞉ ।
ந்யாஸ꞉ ।
ஓம் ஶ்ரீம் ஹ்ரீம் க்லீம் – ஹ்ருத³யாய நம꞉ ।
க்³ளௌம் க³ம் க³ணபதயே – ஶிரஸே ஸ்வாஹா ।
வரவரத³ – ஶிகா²யை வஷட் ।
ஸர்வஜநம் மே – கவசாய ஹும் ।
வஶமாநய – நேத்ரத்ரயாய வௌஷட் ।
ஸ்வாஹா – அஸ்த்ராய ப²ட் ।
த்⁴யாநம் –
பீ³ஜாபூரக³தே³க்ஷுகார்முக ருஜா சக்ராப்³ஜபாஶோத்பல
வ்ரீஹ்யக்³ரஸ்வவிஷாணரத்நகலஶப்ரோத்³யத்கராம்போ⁴ருஹ꞉ ।
த்⁴யேயோ வல்லப⁴யா ஸபத்³மகரயா ஶ்லிஷ்டோஜ்வலத்³பூ⁴ஷயா
விஶ்வோத்பத்திவிபத்திஸம்ஸ்தி²திகரோ விக்⁴நேஶ இஷ்டார்த²த³꞉ ।
இதி த்⁴யாத்வா । லம் இத்யாதி³ மாநஸோபசாரை꞉ ஸம்பூஜ்ய கவசம் படே²த் ।
ஓங்காரோ மே ஶிர꞉ பாது ஶ்ரீங்கார꞉ பாது பா²லகம் ।
ஹ்ரீம் பீ³ஜம் மே லலாடே(அ)வ்யாத் க்லீம் பீ³ஜம் ப்⁴ரூயுக³ம் மம ॥ 1 ॥
க்³ளௌம் பீ³ஜம் நேத்ரயோ꞉ பாது க³ம் பீ³ஜம் பாது நாஸிகாம் ।
க³ம் பீ³ஜம் முக²பத்³மே(அ)வ்யாத்³மஹாஸித்³தி⁴ப²லப்ரத³ம் ॥ 2 ॥
ணகாரோ த³ந்தயோ꞉ பாது பகாரோ லம்பி³காம் மம ।
தகார꞉ பாது மே தால்வோர்யேகார ஓஷ்ட²யோர்மம ॥ 3 ॥
வகார꞉ கண்ட²தே³ஶே(அ)வ்யாத்³ரகாரஶ்சோபகண்ட²கே ।
த்³விதீயஸ்து வகாரோ மே ஹ்ருத³யம் பாது ஸர்வதா³ ॥ 4 ॥
ரகாரஸ்து த்³விதீயோ வை உபௌ⁴ பார்ஶ்வௌ ஸதா³ மம ।
த³கார உத³ரே பாது ஸகாரோ நாபி⁴மண்ட³லே ॥ 5 ॥
ர்வகார꞉ பாது மே லிங்க³ம் ஜகார꞉ பாது கு³ஹ்யகே ।
நகார꞉ பாது மே ஜங்கே⁴ மேகாரோ ஜாநுநோர்த்³வயோ꞉ ॥ 6 ॥
வகார꞉ பாது மே கு³ள்பௌ² ஶகார꞉ பாத³யோர்த்³வயோ꞉ ।
மாகாரஸ்து ஸதா³ பாது த³க்ஷபாதா³ங்கு³ளீஷு ச ॥ 7 ॥
நகாரஸ்து ஸதா³ பாது வாமபாதா³ங்கு³ளீஷு ச ।
யகாரோ மே ஸதா³ பாது த³க்ஷபாத³தலே ததா² ॥ 8 ॥
ஸ்வாகாரோ ப்³ரஹ்மரூபாக்²யோ வாமபாத³தலே ததா² ।
ஹாகார꞉ ஸர்வதா³ பாது ஸர்வாங்கே³ க³ணப꞉ ப்ரபு⁴꞉ ॥ 9 ॥
பூர்வே மாம் பாது ஶ்ரீருத்³ர꞉ ஶ்ரீம் ஹ்ரீம் க்லீம் ப²ட் கலாத⁴ர꞉ ।
ஆக்³நேய்யாம் மே ஸதா³ பாது ஹ்ரீம் ஶ்ரீம் க்லீம் லோகமோஹந꞉ ॥ 10 ॥
த³க்ஷிணே ஶ்ரீயம꞉ பாது க்ரீம் ஹ்ரம் ஐம் ஹ்ரீம் ஹ்ஸ்ரௌம் நம꞉ ।
நைர்ருத்யே நிர்ருதி꞉ பாது ஆம் ஹ்ரீம் க்ரோம் க்ரோம் நமோ நம꞉ ॥ 11 ॥
பஶ்சிமே வருண꞉ பாது ஶ்ரீம் ஹ்ரீம் க்லீம் ப²ட் ஹ்ஸ்ரௌம் நம꞉ ।
வாயுர்மே பாது வாயவ்யே ஹ்ரூம் ஹ்ரீம் ஶ்ரீம் ஹ்ஸ்ப்²ரேம் நமோ நம꞉ ॥ 12 ॥
உத்தரே த⁴நத³꞉ பாது ஶ்ரீம் ஹ்ரீம் ஶ்ரீம் ஹ்ரீம் த⁴நேஶ்வர꞉ ।
ஈஶாந்யே பாது மாம் தே³வோ ஹ்ரௌம் ஹ்ரீம் ஜூம் ஸ꞉ ஸதா³ஶிவ꞉ ॥ 13 ॥
ப்ரபந்நபாரிஜாதாய ஸ்வாஹா மாம் பாது ஈஶ்வர꞉ ।
ஊர்த்⁴வம் மே ஸர்வதா³ பாது க³ம் க்³ளௌம் க்லீம் ஹ்ஸ்ரௌம் நமோ நம꞉ ॥ 14 ॥
அநந்தாய நம꞉ ஸ்வாஹா அத⁴ஸ்தாத்³தி³ஶி ரக்ஷது ।
பூர்வே மாம் க³ணப꞉ பாது த³க்ஷிணே க்ஷேத்ரபாலக꞉ ॥ 15 ॥
பஶ்சிமே பாது மாம் து³ர்கா³ ஐம் ஹ்ரீம் க்லீம் சண்டி³கா ஶிவா ।
உத்தரே வடுக꞉ பாது ஹ்ரீம் வம் வம் வடுக꞉ ஶிவ꞉ ॥ 16 ॥
ஸ்வாஹா ஸர்வார்த²ஸித்³தே⁴ஶ்ச தா³யகோ விஶ்வநாயக꞉ ।
புந꞉ பூர்வே ச மாம் பாது ஶ்ரீமாநஸிதபை⁴ரவ꞉ ॥ 17 ॥
ஆக்³நேய்யாம் பாது நோ ஹ்ரீம் ஹ்ரீம் ஹ்ரும் க்ரோம் க்ரோம் ருருபை⁴ரவ꞉ ।
த³க்ஷிணே பாது மாம் க்ரௌம் க்ரோம் ஹ்ரைம் ஹ்ரைம் மே சண்ட³பை⁴ரவ꞉ ॥ 18 ॥
நைர்ருத்யே பாது மாம் ஹ்ரீம் ஹ்ரூம் ஹ்ரௌம் ஹ்ரௌம் ஹ்ரீம் ஹ்ஸ்ரைம் நமோ நம꞉ ।
ஸ்வாஹா மே ஸர்வபூ⁴தாத்மா பாது மாம் க்ரோத⁴பை⁴ரவ꞉ ॥ 19 ॥
பஶ்சிமே ஈஶ்வர꞉ பாது க்ரீம் க்லீம் உந்மத்தபை⁴ரவ꞉ ।
வாயவ்யே பாது மாம் ஹ்ரீம் க்லீம் கபாலீ கமலேக்ஷண꞉ ॥ 20 ॥
உத்தரே பாது மாம் தே³வோ ஹ்ரீம் ஹ்ரீம் பீ⁴ஷணபை⁴ரவ꞉ ।
ஈஶாந்யே பாது மாம் தே³வ꞉ க்லீம் ஹ்ரீம் ஸம்ஹாரபை⁴ரவ꞉ ॥ 21 ॥
ஊர்த்⁴வம் மே பாது தே³வேஶ꞉ ஶ்ரீஸம்மோஹநபை⁴ரவ꞉ ।
அத⁴ஸ்தாத்³வடுக꞉ பாது ஸர்வத꞉ காலபை⁴ரவ꞉ ॥ 22 ॥
இதீத³ம் கவசம் தி³வ்யம் ப்³ரஹ்மவித்³யாகளேவரம் ।
கோ³பநீயம் ப்ரயத்நேந யதீ³ச்சே²தா³த்மந꞉ ஸுக²ம் ॥ 23 ॥
ஜநநீஜாரவத்³கோ³ப்யா வித்³யைஷேத்யாக³மா ஜகு³꞉ ।
அஷ்டம்யாம் ச சதுர்த³ஶ்யாம் ஸங்க்ராந்தௌ க்³ரஹணேஷ்வபி ॥ 24 ॥
பௌ⁴மே(அ)வஶ்யம் படே²த்³தீ⁴ரோ மோஹயத்யகி²லம் ஜக³த் ।
ஏகாவ்ருத்யா ப⁴வேத்³வித்³யா த்³விராவ்ருத்யா த⁴நம் லபே⁴த் ॥ 25 ॥
த்ரிராவ்ருத்யா ராஜவஶ்யம் துர்யாவ்ருத்யா(அ)கி²லா꞉ ப்ரஜா꞉ ।
பஞ்சாவ்ருத்யா க்³ராமவஶ்யம் ஷடா³வ்ருத்யா ச மந்த்ரிண꞉ ॥ 26 ॥
ஸப்தாவ்ருத்யா ஸபா⁴வஶ்யா அஷ்டாவ்ருத்யா பு⁴வ꞉ ஶ்ரியம் ।
நவாவ்ருத்யா ச நாரீணாம் ஸர்வாகர்ஷணகாரகம் ॥ 27 ॥
த³ஶாவ்ருத்தீ꞉ படே²ந்நித்யம் ஷண்மாஸாப்⁴யாஸயோக³த꞉ ।
தே³வதா வஶமாயாதி கிம் புநர்மாநவா பு⁴வி ॥ 28 ॥
கவசஸ்ய ச தி³வ்யஸ்ய ஸஹஸ்ராவர்தநாந்நர꞉ ।
தே³வதாத³ர்ஶநம் ஸத்³யோ நாத்ரகார்யா விசாரணா ॥ 29 ॥
அர்த⁴ராத்ரே ஸமுத்தா²ய சதுர்த்²யாம் ப்⁴ருகு³வாஸரே ।
ரக்தமாலாம்ப³ரத⁴ரோ ரக்தக³ந்தா⁴நுலேபந꞉ ॥ 30 ॥
ஸாவதா⁴நேந மநஸா படே²தே³கோத்தரம் ஶதம் ।
ஸ்வப்நே மூர்திமயம் தே³வம் பஶ்யத்யேவ ந ஸம்ஶய꞉ ॥ 31 ॥
இத³ம் கவசமஜ்ஞாத்வா க³ணேஶம் ப⁴ஜதே நர꞉ ।
கோடிலக்ஷம் ப்ரஜப்த்வாபி ந மந்த்ரம் ஸித்³தி⁴தோ³ ப⁴வேத் ॥ 32 ॥
புஷ்பாஞ்ஜல்யஷ்டகம் த³த்வா மூலேநைவ ஸக்ருத் படே²த் ।
அபிவர்ஷஸஹஸ்ராணாம் பூஜாயா꞉ ப²லமாப்நுயாத் ॥ 33 ॥
பூ⁴ர்ஜே லிகி²த்வா ஸ்வர்ணஸ்தாம் கு³டிகாம் தா⁴ரயேத்³யதி³ ।
கண்டே² வா த³க்ஷிணே பா³ஹௌ ஸகுர்யாத்³தா³ஸவஜ்ஜக³த் ॥ 34 ॥
ந தே³யம் பரஶிஷ்யேப்⁴யோ தே³யம் ஶிஷ்யேப்⁴ய ஏவ ச ।
அப⁴க்தேப்⁴யோபி புத்ரேப்⁴யோ த³த்வா நரகமாப்நுயாத் ॥ 35 ॥
க³ணேஶப⁴க்தியுக்தாய ஸாத⁴வே ச ப்ரயத்நத꞉ ।
தா³தவ்யம் தேந விக்⁴நேஶ꞉ ஸுப்ரஸந்நோ ப⁴விஷ்யதி ॥ 36 ॥
இதி ஶ்ரீதே³வீரஹஸ்யே ஶ்ரீமஹாக³ணபதி மந்த்ரவிக்³ரஹகவசம் ஸம்பூர்ணம் ।
மேலும் ஶ்ரீ கணேஶ ஸ்தோத்திரங்கள் பார்க்க.
గమనిక: రాబోయే ధనుర్మాసం సందర్భంగా "శ్రీ కృష్ణ స్తోత్రనిధి" ముద్రించుటకు ఆలోచన చేయుచున్నాము. ఇటీవల మేము "శ్రీ సాయి స్తోత్రనిధి" పుస్తకము విడుదల చేశాము.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
