Sri Dattatreya Ashtottara Shatanama Stotram 1 – ஶ்ரீ த³த்தாத்ரேயாஷ்டோத்தரஶதநாம ஸ்தோத்ரம் – 1

ஸ்தோத்ரநிதி → ஶ்ரீ த³த்தாத்ரேய ஸ்தோத்திரங்கள் → ஶ்ரீ த³த்தாத்ரேயாஷ்டோத்தரஶதநாம ஸ்தோத்ரம் – 1

அஸ்ய ஶ்ரீத³த்தாத்ரேயாஷ்டோத்தரஶதநாம ஸ்தோத்ரமஹாமந்த்ரஸ்ய ப்³ரஹ்மவிஷ்ணுமஹேஶ்வரா ருஷய꞉, ஶ்ரீத³த்தாத்ரேயோ தே³வதா, அநுஷ்டுப் ச²ந்த³꞉, ஶ்ரீத³த்தாத்ரேய ப்ரீத்யர்தே² நாமபராயணே விநியோக³꞉ ।

கரந்யாஸ꞉ –
ஓம் த்³ராம் அங்கு³ஷ்டா²ப்⁴யாம் நம꞉ ।
ஓம் த்³ரீம் தர்ஜநீப்⁴யாம் நம꞉ ।
ஓம் த்³ரூம் மத்⁴யமாப்⁴யாம் நம꞉ ।
ஓம் த்³ரைம் அநாமிகாப்⁴யாம் நம꞉ ।
ஓம் த்³ரௌம் கநிஷ்டி²காப்⁴யாம் நம꞉ ।
ஓம் த்³ர꞉ கரதலகரப்ருஷ்டா²ப்⁴யாம் நம꞉ ।

ஹ்ருத³யாதி³ந்யாஸ꞉ –
ஓம் த்³ராம் ஹ்ருத³யாய நம꞉ ।
ஓம் த்³ரீம் ஶிரஸே ஸ்வாஹா ।
ஓம் த்³ரூம் ஶிகா²யை வஷட் ।
ஓம் த்³ரைம் கவசாய ஹும் ।
ஓம் த்³ரௌம் நேத்ரத்ரயாய வௌஷட் ।
ஓம் த்³ர꞉ அஸ்த்ராய ப²ட் ।
ஓம் பூ⁴ர்பு⁴வ꞉ ஸுவரோமிதி தி³க்³ப³ந்த⁴꞉ ।

த்⁴யாநம் ।
தி³க³ம்ப³ரம் ப⁴ஸ்மவிளேபிதாங்க³ம்
சக்ரம் த்ரிஶூலம் ட³மரும் க³தா³ம் ச ।
பத்³மாநநம் யோகி³முநீந்த்³ர வந்த்³யம்
த்⁴யாயாமி தம் த³த்தமபீ⁴ஷ்டஸித்³த்⁴யை ॥

லமித்யாதி³ பஞ்சபூஜா꞉ ।
ஓம் லம் ப்ருதி²வீதத்த்வாத்மநே ஶ்ரீத³த்தாத்ரேயாய நம꞉ க³ந்த⁴ம் பரிகல்பயாமி ।
ஓம் ஹம் ஆகாஶதத்த்வாத்மநே ஶ்ரீத³த்தாத்ரேயாய நம꞉ புஷ்பம் பரிகல்பயாமி ।
ஓம் யம் வாயுதத்த்வாத்மநே ஶ்ரீத³த்தாத்ரேயாய நம꞉ தூ⁴பம் பரிகல்பயாமி ।
ஓம் ரம் வஹ்நிதத்த்வாத்மநே ஶ்ரீத³த்தாத்ரேயாய நம꞉ தீ³பம் பரிகல்பயாமி ।
ஓம் வம் அம்ருததத்த்வாத்மநே ஶ்ரீத³த்தாத்ரேயாய நம꞉ அம்ருதநைவேத்³யம் பரிகல்பயாமி ।
ஓம் ஸம் ஸர்வதத்த்வாத்மநே ஶ்ரீத³த்தாத்ரேயாய நம꞉ ஸர்வோபசாரான் பரிகல்பயாமி ।

அத² ஸ்தோத்ரம் ।
அநஸூயாஸுதோ த³த்தோ ஹ்யத்ரிபுத்ரோ மஹாமுநி꞉ ।
யோகீ³ந்த்³ர꞉ புண்யபுருஷோ தே³வேஶோ ஜக³தீ³ஶ்வர꞉ ॥ 1 ॥

பரமாத்மா பரம் ப்³ரஹ்ம ஸதா³நந்தோ³ ஜக³த்³கு³ரு꞉ ।
நித்யத்ருப்தோ நிர்விகாரோ நிர்விகல்போ நிரஞ்ஜந꞉ ॥ 2 ॥

கு³ணாத்மகோ கு³ணாதீதோ ப்³ரஹ்மவிஷ்ணுஶிவாத்மக꞉ ।
நாநாரூபத⁴ரோ நித்ய꞉ ஶாந்தோ தா³ந்த꞉ க்ருபாநிதி⁴꞉ ॥ 3 ॥

ப⁴க்திப்ரியோ ப⁴வஹரோ ப⁴க³வாந்ப⁴வநாஶந꞉ ।
ஆதி³தே³வோ மஹாதே³வ꞉ ஸர்வேஶோ பு⁴வநேஶ்வர꞉ ॥ 4 ॥

வேதா³ந்தவேத்³யோ வரதோ³ விஶ்வரூபோ(அ)வ்யயோ ஹரி꞉ ।
ஸச்சிதா³நந்த³꞉ ஸர்வேஶோ யோகீ³ஶோ ப⁴க்தவத்ஸல꞉ ॥ 5 ॥

தி³க³ம்ப³ரோ தி³வ்யமூர்திர்தி³வ்யபூ⁴திவிபூ⁴ஷண꞉ ।
அநாதி³ஸித்³த⁴꞉ ஸுலபோ⁴ ப⁴க்தவாஞ்சி²ததா³யக꞉ ॥ 6 ॥

ஏகோ(அ)நேகோ ஹ்யத்³விதீயோ நிக³மாக³மபண்டி³த꞉ ।
பு⁴க்திமுக்திப்ரதா³தா ச கார்தவீர்யவரப்ரத³꞉ ॥ 7 ॥

ஶாஶ்வதாங்கோ³ விஶுத்³தா⁴த்மா விஶ்வாத்மா விஶ்வதோமுக²꞉ ।
ஸர்வேஶ்வர꞉ ஸதா³துஷ்ட꞉ ஸர்வமங்க³ளதா³யக꞉ ॥ 8 ॥

நிஷ்களங்கோ நிராபா⁴ஸோ நிர்விகல்போ நிராஶ்ரய꞉ ।
புருஷோத்தமோ லோகநாத²꞉ புராணபுருஷோ(அ)நக⁴꞉ ॥ 9 ॥

அபாரமஹிமா(அ)நந்தோ ஹ்யாத்³யந்தரஹிதாக்ருதி꞉ ।
ஸம்ஸாரவநதா³வாக்³நிர்ப⁴வஸாக³ரதாரக꞉ ॥ 10 ॥

ஶ்ரீநிவாஸோ விஶாலாக்ஷ꞉ க்ஷீராப்³தி⁴ஶயநோ(அ)ச்யுத꞉ ।
ஸர்வபாபக்ஷயகரஸ்தாபத்ரயநிவாரண꞉ ॥ 11 ॥

லோகேஶ꞉ ஸர்வபூ⁴தேஶோ வ்யாபக꞉ கருணாமய꞉ ।
ப்³ரஹ்மாதி³வந்தி³தபதோ³ முநிவந்த்³ய꞉ ஸ்துதிப்ரிய꞉ ॥ 12 ॥

நாமரூபக்ரியாதீதோ நி꞉ஸ்ப்ருஹோ நிர்மலாத்மக꞉ ।
மாயாதீ⁴ஶோ மஹாத்மா ச மஹாதே³வோ மஹேஶ்வர꞉ ॥ 13 ॥

வ்யாக்⁴ரசர்மாம்ப³ரத⁴ரோ நாக³குண்ட³லபூ⁴ஷண꞉ ।
ஸர்வலக்ஷணஸம்பூர்ண꞉ ஸர்வஸித்³தி⁴ப்ரதா³யக꞉ ॥ 14 ॥

ஸர்வஜ்ஞ꞉ கருணாஸிந்து⁴꞉ ஸர்பஹார꞉ ஸதா³ஶிவ꞉ ।
ஸஹ்யாத்³ரிவாஸ꞉ ஸர்வாத்மா ப⁴வப³ந்த⁴விமோசந꞉ ।
விஶ்வம்ப⁴ரோ விஶ்வநாதோ² ஜக³ந்நாதோ² ஜக³த்ப்ரபு⁴꞉ ॥ 15 ॥

ஓம் பூ⁴ர்பு⁴வ꞉ ஸுவரோமிதி தி³க்³விமோக꞉ ॥

நித்யம் பட²தி யோ ப⁴க்த்யா ஸர்வபாபை꞉ ப்ரமுச்யதே ।
ஸர்வது³꞉க²ப்ரஶமநம் ஸர்வாரிஷ்டநிவாரணம் ॥ 16 ॥

போ⁴க³மோக்ஷப்ரத³ம் ந்ருணாம் த³த்தஸாயுஜ்யதா³யகம் ।
பட²ந்தி யே ப்ரயத்நேந ஸத்யம் ஸத்யம் வதா³ம்யஹம் ॥ 17 ॥

இதி ப்³ரஹ்மாண்ட³புராணே ப்³ரஹ்மநாரத³ஸம்வாதே³ ஶ்ரீ த³த்தாத்ரேயாஷ்டோத்தரஶதநாம ஸ்தோத்ரம் ।

---

மேலும் ஶ்ரீ த³த்தாத்ரேய ஸ்தோத்திரங்கள் பார்க்க.

Did you see any mistake/variation in the content above? Click here to report mistakes and corrections in Stotranidhi content.