Sri Bhadrakali Kavacham 1 – ஶ்ரீ ப⁴த்³ரகாளீ கவசம் – 1

நாரத³ உவாச ।
கவசம் ஶ்ரோதுமிச்சா²மி தாம் ச வித்³யாம் த³ஶாக்ஷரீம் ।
நாத² த்வத்தோ ஹி ஸர்வஜ்ஞ ப⁴த்³ரகால்யாஶ்ச ஸாம்ப்ரதம் ॥ 1 ॥

நாராயண உவாச ।
ஶ்ருணு நாரத³ வக்ஷ்யாமி மஹாவித்³யாம் த³ஶாக்ஷரீம் ।
கோ³பநீயம் ச கவசம் த்ரிஷு லோகேஷு து³ர்லப⁴ம் ॥ 2 ॥

ஓம் ஹ்ரீம் ஶ்ரீம் க்லீம் காளிகாயை ஸ்வாஹேதி ச த³ஶாக்ஷரீம் ।
து³ர்வாஸா ஹி த³தௌ³ ராஜ்ஞே புஷ்கரே ஸூர்யபர்வணி ॥ 3 ॥

த³ஶலக்ஷஜபேநைவ மந்த்ரஸித்³தி⁴꞉ க்ருதா புரா ।
பஞ்சலக்ஷஜபேநைவ பட²ந் கவசமுத்தமம் ॥ 4 ॥

ப³பூ⁴வ ஸித்³த⁴கவசோ(அ)ப்யயோத்⁴யாமாஜகா³ம ஸ꞉ ।
க்ருத்ஸ்நாம் ஹி ப்ருதி²வீம் ஜிக்³யே கவசஸ்ய ப்ரஸாத³த꞉ ॥ 5 ॥

நாரத³ உவாச ।
ஶ்ருதா த³ஶாக்ஷரீ வித்³யா த்ரிஷு லோகேஷு து³ர்லபா⁴ ।
அது⁴நா ஶ்ரோதுமிச்சா²மி கவசம் ப்³ரூஹி மே ப்ரபோ⁴ ॥ 6 ॥

நாராயண உவாச ।
ஶ்ருணு வக்ஷ்யாமி விப்ரேந்த்³ர கவசம் பரமாத்³பு⁴தம் ।
நாராயணேந யத்³த³த்தம் க்ருபயா ஶூலிநே புரா ॥ 7 ॥

த்ரிபுரஸ்ய வதே⁴ கோ⁴ரே ஶிவஸ்ய விஜயாய ச ।
ததே³வ ஶூலிநா த³த்தம் புரா து³ர்வாஸஸே முநே ॥ 8 ॥

து³ர்வாஸஸா ச யத்³த³த்தம் ஸுசந்த்³ராய மஹாத்மநே ।
அதிகு³ஹ்யதரம் தத்த்வம் ஸர்வமந்த்ரௌக⁴விக்³ரஹம் ॥ 9 ॥

அத² கவசம் ।
ஓம் ஹ்ரீம் ஶ்ரீம் க்லீம் காளிகாயை ஸ்வாஹா மே பாது மஸ்தகம் ।
க்லீம் கபாலம் ஸதா³ பாது ஹ்ரீம் ஹ்ரீம் ஹ்ரீமிதி லோசநே ॥ 10 ॥

ஓம் ஹ்ரீம் த்ரிலோசநே ஸ்வாஹா நாஸிகாம் மே ஸதா³வது ।
க்லீம் காளிகே ரக்ஷ ரக்ஷ ஸ்வாஹா த³ந்தம் ஸதா³வது ॥ 11 ॥

ஹ்ரீம் ப⁴த்³ரகாளிகே ஸ்வாஹா பாது மே(அ)த⁴ரயுக்³மகம் ।
ஓம் ஹ்ரீம் ஹ்ரீம் க்லீம் காளிகாயை ஸ்வாஹா கண்ட²ம் ஸதா³வது ॥ 12 ॥

ஓம் ஹ்ரீம் காளிகாயை ஸ்வாஹா கர்ணயுக்³மம் ஸதா³வது ।
ஓம் க்ரீம் க்ரீம் க்லீம் கால்யை ஸ்வாஹா ஸ்கந்த⁴ம் பாது ஸதா³ மம ॥ 13 ॥

ஓம் க்ரீம் ப⁴த்³ரகால்யை ஸ்வாஹா மம வக்ஷ꞉ ஸதா³வது ।
ஓம் க்ரீம் காளிகாயை ஸ்வாஹா மம நாபி⁴ம் ஸதா³வது ॥ 14 ॥

ஓம் ஹ்ரீம் காளிகாயை ஸ்வாஹா மம ப்ருஷ்ட²ம் ஸதா³வது ।
ரக்தபீ³ஜவிநாஶிந்யை ஸ்வாஹா ஹஸ்தௌ ஸதா³வது ॥ 15 ॥

ஓம் ஹ்ரீம் க்லீம் முண்ட³மாலிந்யை ஸ்வாஹா பாதௌ³ ஸதா³வது ।
ஓம் ஹ்ரீம் சாமுண்டா³யை ஸ்வாஹா ஸர்வாங்க³ம் மே ஸதா³வது ॥ 16 ॥

ப்ராச்யாம் பாது மஹாகாளீ ஆக்³நேய்யாம் ரக்தத³ந்திகா ।
த³க்ஷிணே பாது சாமுண்டா³ நைர்ருத்யாம் பாது காளிகா ॥ 17 ॥

ஶ்யாமா ச வாருணே பாது வாயவ்யாம் பாது சண்டி³கா ।
உத்தரே விகடாஸ்யா ச ஐஶாந்யாம் ஸாட்டஹாஸிநீ ॥ 18 ॥

ஊர்த்⁴வம் பாது லோலஜிஹ்வா மாயாத்³யா பாத்வத⁴꞉ ஸதா³ ।
ஜலே ஸ்த²லே சாந்தரிக்ஷே பாது விஶ்வப்ரஸூ꞉ ஸதா³ ॥ 19 ॥

ப²லஶ்ருதி꞉ ।
இதி தே கதி²தம் வத்ஸ ஸர்வமந்த்ரௌக⁴விக்³ரஹம் ।
ஸர்வேஷாம் கவசாநாம் ச ஸாரபூ⁴தம் பராத்பரம் ॥ 20 ॥

ஸப்தத்³வீபேஶ்வரோ ராஜா ஸுசந்த்³ரோ(அ)ஸ்ய ப்ரஸாத³த꞉ ।
கவசஸ்ய ப்ரஸாதே³ந மாந்தா⁴தா ப்ருதி²வீபதி꞉ ॥ 21 ॥

ப்ரசேதா லோமஶஶ்சைவ யத꞉ ஸித்³தோ⁴ ப³பூ⁴வ ஹ ।
யதோ ஹி யோகி³நாம் ஶ்ரேஷ்ட²꞉ ஸௌப⁴ரி꞉ பிப்பலாயந꞉ ॥ 22 ॥

யதி³ ஸ்யாத் ஸித்³த⁴கவச꞉ ஸர்வஸித்³தீ⁴ஶ்வரோ ப⁴வேத் ।
மஹாதா³நாநி ஸர்வாணி தபாம்ஸி ச வ்ரதாநி ச ।
நிஶ்சிதம் கவசஸ்யாஸ்ய கலாம் நார்ஹந்தி ஷோட³ஶீம் ॥ 23 ॥

இத³ம் கவசமஜ்ஞாத்வா ப⁴ஜேத் கலீம் ஜக³த்ப்ரஸூம் ।
ஶதலக்ஷப்ரஜப்தோ(அ)பி ந மந்த்ர꞉ ஸித்³தி⁴தா³யக꞉ ॥ 24 ॥

இதி ஶ்ரீ ப⁴த்³ரகாளீ கவசம் ।

Did you see any mistake/variation in the content above? Click here to report mistakes and corrections in Stotranidhi content.