Sri Bala Vanchadatri Stotram – ஶ்ரீ பா³லா வாஞ்சா²தா³த்ரீ ஸ்தோத்ரம்

வித்³யாக்ஷமாலாஸுகபாலமுத்³ரா-
-ராஜத்கராம் குந்த³ஸமாநகாந்திம் ।
முக்தாப²லாலங்க்ருதஶோப⁴நாங்கீ³ம்
பா³லாம் ப⁴ஜே வாங்மயஸித்³தி⁴ஹேதோ꞉ ॥ 1 ॥

ப⁴ஜே கல்பவ்ருக்ஷாத⁴ உத்³தீ³ப்தரத்நா-
-(ஆ)ஸநே ஸந்நிஷண்ணாம் மதா³கூ⁴ர்ணிதாக்ஷீம் ।
கரைர்பீ³ஜபூரம் கபாலேஷுசாபம்
ஸபாஶாங்குஶாம் ரக்தவர்ணாம் த³தா⁴நாம் ॥ 2 ॥

வ்யாக்²யாநமுத்³ராம்ருதகும்ப⁴வித்³யாம்
அக்ஷஸ்ரஜம் ஸந்த³த⁴தீம் கராப்³ஜை꞉ ।
சித்³ரூபிணீம் ஶாரத³சந்த்³ரகாந்திம்
பா³லாம் ப⁴ஜே மௌக்திகபூ⁴ஷிதாங்கீ³ம் ॥ 3 ॥

பாஶாங்குஶௌ புஸ்தகமக்ஷஸூத்ரம்
கரைர்த³தா⁴நாம் ஸகலாமரார்ச்யாம் ।
ரக்தாம் த்ரிணேத்ராம் ஶஶிஶேக²ராம் தாம்
ப⁴ஜே(அ)கி²லர்க்⁴யை த்ரிபுராம் ச பா³லாம் ॥ 4 ॥

ஆரக்தாம் ஶஶிக²ண்ட³மண்டி³தஜடாஜூடாநுப³த்³த⁴ஸ்ரஜம்
ப³ந்தூ⁴கப்ரஸவாருணாம்ப³ரத⁴ராம் ரக்தாம்பு³ஜாத்⁴யாஸிநீம் ।
த்வாம் த்⁴யாயாமி சதுர்பு⁴ஜாம் த்ரிணயநாமாபீநரம்யஸ்தநீம்
மத்⁴யே நிம்நவலித்ரயாங்கிததநும் த்வத்³ரூபஸம்பத்தயே ॥ 5 ॥

ஆதா⁴ரே தருணார்கபி³ம்ப³ருசிரம் ஸோமப்ரப⁴ம் வாக்³ப⁴வம்
பீ³ஜம் மந்மத²மிந்த்³ரகோ³பகநிப⁴ம் ஹ்ருத்பங்கஜே ஸம்ஸ்தி²தம் ।
ரந்த்⁴ரே ப்³ரஹ்மபதே³ ச ஶாக்தமபரம் சந்த்³ரப்ரபா⁴பா⁴ஸுரம்
யே த்⁴யாயந்தி பத³த்ரயம் தவ ஶிவே தே யாந்தி ஸூக்ஷ்மம் பத³ம் ॥ 6 ॥

ரக்தாம்ப³ராம் சந்த்³ரகலாவதம்ஸாம்
ஸமுத்³யதா³தி³த்யநிபா⁴ம் த்ரிணேத்ராம் ।
வித்³யாக்ஷமாலாப⁴யதா³நஹஸ்தாம்
த்⁴யாயாமி பா³லாமருணாம்பு³ஜஸ்தா²ம் ॥ 7 ॥

அகலங்கஶஶாங்காபா⁴ த்ர்யக்ஷா சந்த்³ரகலாவதீ ।
முத்³ராபுஸ்தலஸத்³பா³ஹா பாது மாம் பரமா கலா ॥ 8 ॥

மாதுலிங்க³பயோஜந்மஹஸ்தாம் கநகஸந்நிபா⁴ம் ।
பத்³மாஸநக³தாம் பா³லாம் த்⁴யாயாமி த⁴நஸித்³த⁴யே ॥ 9 ॥

வரபீயூஷகலஶபுஸ்தகாபீ⁴திதா⁴ரிணீம் ।
ஸுதா⁴ம் ஸ்ரவந்தீம் ஜ்ஞாநாப்த்யை ப்³ரஹ்மரந்த்⁴ரே விசிந்தயே ॥ 10 ॥

ஶுக்லாம்ப³ராம் ஶஶாங்காபா⁴ம் த்⁴யாயாம்யாரோக்³யதா³யிநீம் ।
ஸ்ருணிபாஶத⁴ராம் தே³வீம் ரத்நாலங்காரபூ⁴ஷிதாம் ॥ 11 ॥

அகாராதி³க்ஷகாராந்தவர்ணாவயவஶாலிநீம் ।
ப்ரஸந்நாமருணாமீக்ஷே ஸௌமநஸ்யப்ரதா³ம் ஶிவாம் ॥ 12 ॥

புஸ்தகஜபவடஹஸ்தே வரதா³ப⁴யசிஹ்நபா³ஹுலதே ।
கர்பூராமலதே³ஹே வாகீ³ஶ்வரி சோத³யாஶு மம சேத꞉ ॥ 13 ॥

இதி ஶ்ரீ பா³லா வாஞ்சா²தா³த்ரீ ஸ்தோத்ரம் ।

Did you see any mistake/variation in the content above? Click here to report mistakes and corrections in Stotranidhi content.